جۇڭگو ايەلدەرىنىڭ مەملەكەتتىك 13 - قۇرىلتايى بەيجيڭدە اشىلدى
شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، لي شي قۇرىلتايعا بارىپ قۇتتىقتادى، ديڭ شۋەشياڭ پارتيا ورتالىق كوميتەتى اتىنان ارناۋ ءسوز سويلەدى
2023.10.24 16:31 كەلۋ قاينارى : حالىق تورابى
 |
جۇڭگو ايەلدەرىنىڭ مەملەكەتتىك 13 - قۇرىلتايى 10 - ايدىڭ 23 - كۇنى بەيجيڭدەگى حالىق سارايىندا اشىلدى. سۋرەتتە: ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءتوراعالار مىنبەسىندە قۇرىلتايعا قاتىناسقان ۋاكىلدەرگە قۇرمەت بىلدىرۋدە.سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
|
«حالىق گازەتى»، 10 - ايدىڭ 23 - كۇنى، بەيجيڭ (ءتىلشى لي چاڭيۇي). جۇڭگو ايەلدەرىنىڭ مەملەكەتتىك 13 - قۇرىلتايى 10 - ايدىڭ 23 - كۇنى تۇستەن بۇرىن حالىق سارايىندا اشىلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، لي شي قاتارلى پارتيا مەن مەملەكەت باسشىلارى قۇرىلتايعا بارىپ قۇتتىقتادى، ديڭ شۋەشياڭ پارتيا ورتالىق كوميتەتى اتىنان ارناۋ ءسوز سويلەدى.
حالىق سارايىنىڭ ۇلكەن زالى سالتاناتتى دا دۋماندى بەينەگە شومدى. ءتوراعالار مىنبەسىنىڭ جوعارعى جاعىنا ”جۇڭگو ايەلدەرىنىڭ مەملەكەتتىك 13 - قۇرىلتايى“ دەگەن قۇرىلتاي بەلگىسى ىلىنگەن، ارتقى پەردەنىڭ ءدال ورتاسىنا جۇڭحۋا مەملەكەتتىك ايەلدەر بىرلەستىگىنىڭ گەربى ءىلىنىپ، ەكى جاعىنا بەستەن نارت قىزىل تۋ قويىلعان. 2 - قاباتتاعى تەكشەگە ”شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، ءار ۇلت، ءار سالا ايەلدەرىن جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە جۇمىلدىرايىق، جەتەكتەيىك!“ دەگەن ۇلكەن كەرمە تۋ ىلىنگەن.
بۇكىل ەلدەگى ءار سالا، ءار كاسىپتەن كەلگەن جۇڭگو ايەلدەرى 13 - قۇرىلتايىنىڭ ءبىر مىڭ 800 گە جۋىق ۋاكىلى مەن شياڭگاڭ ەرەكشە اكىمشىلىك رايونىنان، اۋمىن ەرەكشە اكىمشىلىك رايونىنان ۇسىنىس ەتىلگەن 90 ۋاكىل ءجۇز ميلليونداعان ايەلدىڭ ماڭىزدى تاپسىرماسىن ارقالاپ قۇرىلتايعا قاتىناستى.
تۇستەن بۇرىن ساعات 10 دا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلىلار ءماجىلىس زالىنا كىردى، بۇكىل زالدان دۋ قول شاپالاق ءۇنى كوتەرىلدى.
مەملەكەتتىك ساياسي كەڭەس ءتوراعاسىنىڭ ورىنباسارى، ءماجىلىس ءتوراعالار القاسىنىڭ تۇراقتى ءتوراعاسى شىن يۋەيۋە ءماجىلىستىڭ اشىلعانىن جاريالادى. بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.
ديڭ شۋەشياڭ پارتيا ورتالىق كوميتەتى اتىنان «مەملەكەتتى قۇدىرەتتەندىرۋ، ۇلتتى گۇلدەندىرۋ ۇلى ءىسى ءۇشىن جاڭا داۋىردەگى ”جارتى الەمنىڭ“ شۇعىلالى داستانىن جازايىق» دەگەن تاقىرىپتا ارناۋ ءسوز سويلەپ (ارناۋ ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار)، قۇرىلتايدىڭ اشىلعانىن قىزۋ قۇتتىقتادى، بۇكىل ەلدەگى قالىڭ ايەلدەر مەن ايەلدەر قىزمەتكەرلەرىنە شىنايى سالەم جولدادى، شياڭگاڭ ەرەكشە اكىمشىلىك رايونىنداعى، اۋمىن ەرەكشە اكىمشىلىك رايونىنداعى جانە تايۋان رايونىنداعى ايەل باۋىرلاستارعا، شەتەلدەگى ايەل مۇھاجىر باۋىرلاستارعا ىزگى تىلەك ءبىلدىردى.
ديڭ شۋەشياڭ ارناۋ سوزىندە بىلاي دەدى: جۇڭگو ايەلدەرىنىڭ 12 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، سان ميلليونداعان ايەلدەر كەدەيلىكتەن ارىلتۋدان قامال الۋدىڭ نەگىزگى شايقاس مايدانىندا قاجىرلىلىقپەن ناقتى ىستەپ، عىلىم - تەحنيكادا جاڭالىق اشۋدىڭ الدىڭعى لەگىندە ەرلىكپەن شىڭعا شىعىپ، ىندەتكە قارسى اتتانۋدىڭ شەشۋشى ساتىندە قاسقايا قارسى اتتانىپ، وتباسى مەن الەۋمەتتىك اۋماقتا ىرىقتىلىقپەن جاۋاپكەرلىك ارقالاپ، تىنىشتىق قۇرىلىسىنىڭ ءبىرىنشى شەبىن ءۇن - ءتۇنسىز قورعاپ، جارىس الاڭىندا باتىلدىقپەن شايقاسىپ، ”جارتى الەمدىك“ رولدارىن جان - جاقتى ايگىلەپ، ايەلدەردىڭ دامۋىن جان - جاقتى ىلگەرىلەتتى. ءار دارەجەلى ايەلدەر بىرلەستىگى ۇيىمدارى ايەلدەردىڭ يدەيالىق - ساياسي جەتەكشىلىگىن كۇش سالا كۇشەيتىپ، قالىڭ ايەلدەردى جاڭا داۋىرگە ۇلەس قوسۋعا ىنتىماقتاستىرىپ جانە جۇمىلدىرىپ، وتباسى تاربيەسى، وتباسى ستيلى قۇرىلىسىن جاسامپازدىقپەن ىلگەرىلەتىپ، ۇقىقتى قورعاۋ، قامقورلىق جاساۋ قىزمەت وتەۋىن دەن قويا، سۇيىسپەنشىلىكپەن ويداعىداي ىستەپ، حالىقارالىق اۋىس - كۇيىستى، سەلبەستىكتى بەلسەنە ورىستەتىپ، ايەلدەر بىرلەستىگى رەفورماسىن ۇزدىكسىز تەرەڭدەتىپ، ساياسي سيپاتىن، العاباسارلىق سيپاتىن، بۇقارالىق سيپاتىن ۇزدىكسىز كۇشەيتىپ، پارتيانىڭ بيلىك جۇرگىزۋدەگى بۇقارالىق نەگىزىن بەكەمدەۋدە ماڭىزدى رول اتقاردى.
ديڭ شۋەشياڭ مىنالاردى ءبىلدىردى: پارتيانىڭ 20 - قۇرىلتايى جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ ۇلى جوباسىن جاساپ، جاڭا ءداۋىردىڭ جاڭا جورىعىنداعى پارتيانىڭ وزەكتى مىندەتىن ايقىندادى. قالىڭ ايەلدەر قاۋىمى پارتيامەن تىلەكتەس بولىپ، پارتياعا ىلەسىپ ەكپىندەي ىلگەرىلەپ، جاڭا يدەيانى امالياتتا ايگىلەۋ بارىسىندا جەلەكتىلەردىڭ سەنىم نەگىزىن بەكەمدەپ، ەكپىندەي ىلگەرىلەۋدىڭ جاڭا جورىعىندا جەلەكتىلەردىڭ جاۋاپكەرلىك ارقالاۋىن، ىسكەرلىك كورسەتۋىن ايگىلەپ، جاڭا سالتقا جەتەكشىلىك ەتۋ بارىسىندا جەلەكتىلەردىڭ وزگەشە رولىن ايگىلەپ، جاڭا دەڭگەيدى جوعارىلاتۋ بارىسىندا جەلەكتىلەردىڭ تاماشا ءومىر جاراتۋىنا مۇمكىندىك جاساپ، اناعۇرلىم كۇشتى تاريحي سانالىلىقپەن، اناعۇرلىم اسقاق رۋحاني بەينەمەن جاڭا جورىقتا ”جارتى الەمنىڭ“ اناعۇرلىم شۇعىلالى داستانىن جازۋى كەرەك. ءار دارەجەلى ايەلدەر بىرلەستىگى ۇيىمدارى جۇڭگوشا سوتسياليستىك بۇقارالىق ۇيىمداردى دامىتۋ جولىمەن بۇلجىماي ءجۇرىپ، جەتەكتەۋ، قىزمەت وتەۋ، بايلانىس جاساۋ فۋنكتسياسىن مۇقيات اتقارىپ، پارتيا ىستەرى ءۇشىن جەلەكتىلەردىڭ كۇشىن ۇيىستىرىپ، جەلەكتىلەردىڭ اقىل - پاراساتىن شوعىرلاندىرۋى كەرەك.
جۇڭحۋا مەملەكەتتىك باس جۇمىسشى ۇيىمى پارتيا باسشىلىق گرۋپپاسىنىڭ شۋجيى، شۋجيچۋىنىڭ ءبىرىنشى شۋجيى شۇي ليۋپيڭ جۇڭحۋا مەملەكەتتىك باس جۇمىسشى ۇيىمى، جۇڭگو كوممۋنيستىك جاستار وداعى ورتالىق كوميتەتى، جۇڭگو ادەبيەت - كوركەمونەرشىلەر بىرلەستىگى، جۇڭگو جازۋشىلار قوعامى، جۇڭگو عىلىم - تەحنيكا قوعامى، جۇڭحۋا مەملەكەتتىك وتانعا ورالعان مۇھاجىرلار بىرلەستىگى، جۇڭحۋا مەملەكەتتىك تايۋاندىق باۋىرلاستار دوستىق بىرلەستىگى، جۇڭگو مۇگەدەكتەر بىرلەستىگى اتىنان قۇرىلتايدا قۇتتىقتاۋ ءسوزىن سويلەدى. قۇتتىقتاۋ سوزىندە مىنالار اتاپ كورسەتىلدى: جاڭا جورىقتا بۇقارالىق ۇيىمدار پارتيانىڭ جاپپاي باسشىلىعىندا تاباندى بولىپ جانە ونى كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى، رۋحتى سومداۋدا تاباندى بولىپ، جۇڭگوشا سوتسياليستىك بۇقارالىق ۇيىمداردى دامىتۋ جولىمەن بۇلجىماي ءجۇرىپ، جاڭا ۇلى كۇرەس ارقىلى بۇقارالىق ۇيىمدار ىستەرى دامۋىنىڭ جاڭا ءورىسىن اشۋى كەرەك.
ءماجىلىس ءتوراعالار القاسىنىڭ تۇراقتى ءتوراعاسى حۋاڭ شياۋۋەي جۇڭحۋا مەملەكەتتىك ايەلدەر بىرلەستىگىنىڭ 12 - كەزەكتى اتقارۋ كوميتەتى اتىنان «شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، قالىڭ ايەلدەردى مەملەكەتتى قۇدىرەتتەندىرۋ، ۇلتتى گۇلدەندىرۋ جولىندا ىنتىماقتاسا كۇرەس جۇرگىزۋگە جۇمىلدىرايىق جانە جەتەكتەيىك» دەگەن تاقىرىپتا بايانداما جاسادى. بايانداما 5 بولىمگە بولىنگەن: العان بەتىنەن قايتپاي پارتياعا ىلەسىپ كۇرەس جۇرگىزگەن جۇڭگو ايەلدەرى جانە ايەلدەر بىرلەستىگى ۇيىمى؛ شي جينپيڭ جاڭا ءداۋىر جۇڭگوشا سوتسياليزم يدەياسىمەن جۇڭگو ايەلدەر ىستەرىنىڭ جاڭا ساپارىنا جەتەكشىلىك ەتۋ؛ مەملەكەتتى قۇدىرەتتەندىرۋ قۇرىلىسى، ۇلتتىڭ گۇلدەنۋى ءۇشىن جەلەكتىلەردىڭ بورىشىن باتىلدىقپەن ارقالاۋ؛ جاڭا ەمتيحان جولىندا ايەلدەر بىرلەستىگى قىزمەتىنىڭ ساپالى دامۋىن ىلگەرىلەتۋ؛ جۇڭگو ۇلگىسىندەگى وسىزامانداندىرۋدىڭ تالابىنا ۇيلەسەتىن ايەلدەر بىرلەستىگى ۇيىمىن سومداۋ.
ءماجىلىس جازباشا بايانداما تۇرىندە «جۇڭحۋا مەملەكەتتىك ايەلدەر ۇيىمى ەرەجەسىنىڭ (تۇزەتۋ ەنگىزىلگەن جوبا)» جوباسىن ۋاكىلدەردىڭ قاراپ شىعۋىنا تاپسىردى.
ج ك پ ورتالىق كوميتەتى شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى قاتىستى باسشى جولداستار ماجىلىسكە قاتىناستى.
ورتالىق پەن مەملەكەت ورگاندارىنىڭ قاتىستى تاراۋلارىنداعى، حالىقتىق ۇيىمدارداعى، ارميانىڭ قاتىستى ورىندارىنداعى جانە بەيجيڭ قالاسىنداعى جاۋاپتى جولداستار، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭدەگى مينيستر دارەجەلى ءبىر ءبولىم ايەل باسشى كادرلار جانە مەملەكەتتىك ايەلدەر بىرلەستىگىنىڭ ساقا باسشىلارى، استاناداعى ءار سالا ايەلدەرىنىڭ ۋاكىلدەرى قاتارلىلار قۇرىلتايدىڭ اشىلۋ سالتىنا قاتىناستى.
كەلۋ قاينارى: حالىق تورابى
 |
جۇڭگو ايەلدەرىنىڭ مەملەكەتتىك 13 - قۇرىلتايى 10 - ايدىڭ 23 - كۇنى بەيجيڭدەگى حالىق سارايىندا اشىلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلىلار ءتوراعالار مىنبەسىنەن ورىن الىپ، قۇرىلتايدىڭ اشىلعانىن قۇتتىقتادى. سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
