بىرلەسكەن مەملەكەتتەر ۇيىمىنىڭ قانتتى نەسەپ اۋرۋىنان ساقتانۋ كۇنى
ەلىمىز قانتتى نەسەپ اۋرۋىنان ساقتانۋ - ەمدەۋدى سالاماتتى جۇڭگو ارەكەتىنىڭ 15 ءتۇرلى ارناۋلى ارەكەتى كولەمىنە ەنگىزدى
2023.11.14 14:21 كەلۋ قاينارى : حالىق تورابى
11 - ايدىڭ 14 - كۇنى بىرلەسكەن مەملەكەتتەر ۇيىمىنىڭ قانتتى نەسەپ اۋرۋىنان ساقتانۋ كۇنى. ەڭ جاڭا ساندى مالىمەتكە قاراعاندا، ەلىمىزدە قانتتى نەسەپ اۋرۋىنا شالدىعۋ مولشەرى شامامەن %12.8 كە جەتكەن، قانتتى نەسەپ اۋرۋىنا شالدىققانداردىڭ سانى 140 ميلليون ادامنان اسقان. ەلىمىز قانتتى نەسەپ اۋرۋىنان ساقتانۋدى سالاماتتى جۇڭگو ارەكەتىندەگى 15 ءتۇرلى رناۋلى ارەكەت كولەمىنە ەنگىزگەن. جوسپارعا ساي، 2030 - جىلعا بارعاندا 18 جاستاعى جانە ودان جوعارى جاستاعى تۇرعىنداردىڭ قانتتى نەسەپ اۋرۋى جايلى ءبىلۋ مولشەرى %60 تەن اسادى؛ قانتتى نەسەپ اۋرۋىنا شالدىققانداردى جۇيەلى باسقارۋ مولشەرى %70 تەن اسادى. جۋىرداعى جىلداردان بەرى، جەر - جەر ءتۇرلى شارالاردى قولدانىپ، قانتتى نەسەپ اۋرۋىنا شالدىققانداردىڭ سالاماتتىعىن جالپى پەريودتى تۇردە باسقارۋ جاعىندا قىزمەت وتەي باستادى.
باتىس وڭتۇستىك مەديتسينا داشۋەسىنىڭ قاراماعىنداعى جۇڭگوشا شيپاگەرلىك ەمحاناسى سىچۋان ولكەسى لۋجوۋ قالاسىنداعى ءمالى باسقارمالارىمەن، الەۋمەتتىك اۋماقتارمەن بىرگە جۇڭگوشا شيپاگەرلىك بويىنشا سالاماتتىق جاعىندا قىزمەت وتەيتىن پۋنكتتتەردەن 76 پۋنكتتى سالعان، جوعارى قان قىسىمى، قانتتى نەسەپ اۋرۋى قاتارلى سوزىلمالى اۋرۋعا شالدىققان ناۋقاستارعا جالپى پەريود بويىنشا سالاماتتىقتى باسقارۋ جاعىندا قىزمەت وتەيدى. جياڭياڭ رايونى لۇڭچى الەۋمەتتىك اۋماعىنداعى ىشكى سەكرەتسيا ءبولىمىنىڭ شيپاگەرلەرى قازىر تۇرعىندارعا قانتتى نەسەپ اۋرۋىنان ساقتانۋ جاعىنداعى بىلىمدەردى ۇگىتتەۋدە.
شيپاگەرلەر تۇرعىندارعا قان قىسىمىن ولشەۋ، قانداعى قانت قۇرامىن ولشەۋ، ۇياشىقتاردى ۋقالاۋ قاتارلى جاقتاردا تەگىن قىزمەت وتەدى. قارتتار قاتارلى ءتۇيىندى توپتارداعىلارعا ”امبۋلاتوريالىق جاسىل ءدالىز بويىنشا ەمدەلۋ كارتۋچكاسىن“ تاراتىپ، ولاردىڭ ءدارىسىن ۇيگە كەلىپ الماستىرىپ بەرۋ، باستىرىلۋدان بولعان جاراقاتتاردى ءبىر جاقتى ەتۋ قاتارلى جاقتاردا جەلىلەس قىزمەت وتەيدى.
باتىس وڭتۇستىك مەديتسينا داشۋەسىنىڭ قاراماعىنداعى جۇڭگوشا شيپاگەرلىك ەمحاناسىنىڭ پارتكوم شۋجيى، پروفەسسور لي جى بىلاي دەدى: قانتتى نەسەپ اۋرۋىنا شالدىققانداردىڭ %95 تەن استامىن نەگىزگى ساتىداعى ەمدەۋ ورىندارى ۇزاق ۋاقىت بويى باسقارادى، سوندىقتان، نەگىزگى ساتىداعى شيپاگەرلەردى جۇيەلى كۋرسقا قاتىناستىرىپ، ولاردىڭ قانتتى نەسەپ اۋرۋىن ەمدەۋ جاعىنداعى ءتۇيىندى بىلىمدەردى مەڭگەرۋىنە كومەكتەسەمىز.
حۋنان ولكەسى يياڭ قالالىق ەمدەۋدى قامتاماسىزداندىرۋ مەكەمەسىنىڭ ورىنباسار باستىعى فىڭ لەي بىلاي دەدى: كەيبىر قارتتاردىڭ ءجۇرىپ - تۇرۋى قولايسىز بولعاندىقتان، ءبىز اۋىل - قىستاقتاعى دەنساۋلىق ساقتاۋ ۇيلەرىن ەمدەۋدى قامسىزداندىرۋداعى بەلگىلەنگەن ەمحانالار كولەمىنە تۇگەل ەنگىزۋ سىندى حالىققا ءتيىمدى ينجەنەريانى اتقارىپ، قامسىزداندىرۋعا قاتىناسقان بۇقارانىڭ قىستاقتان شىقپاي - اق ەمدەلۋ قاراجاتىن ەسەپتەن كوتەرتۋىنە شارت - جاعداي ازىرلەدىك.
جىجياڭ ولكەسى حاڭجوۋ قالاسى لين - ان رايونى رايون دارەجەلى ەمحاناداعى ارناۋلى بولىمدەردىڭ شيپاگەرلەرىنەن، دەنساۋلىق ساقتاۋ ۇيلەرىندەگى بەساسپاپ شيپاگەرلەردەن، اۋىل - قىستاق شيپاگەرلەرىنەن 151 قىزمەت وتەۋ توبىن قۇرىپ، اۋرۋلاردىڭ جاعدايىن ۇعىسۋعا پايدالاناتىن 20 اۆتوموبيلدى ورنالاستىرىپ، 165 قىستاقتا شارلاپ ەمدەۋ قىزمەتىن ورىستەتكەن، قازىرگە دەيىن، قىزمەت وتەگەن بۇقارا سانى 200 مىڭ ادامنان (رەت) اسقان. حۋجوۋ قالاسى چاڭشيڭ اۋدانى وتباسىلىق شيپاگەرمەن توقتام جاساسۋ قىزمەتىن ىشكەرىلەي ىلگەرىلەتىپ، جوعارى قان قىسىمى، قانتتى نەسەپ اۋرۋى قاتارلى اۋرۋى بار ءتۇيىندى ناۋقاستارمەن توقتامداسۋ مولشەرى %96 كە جەتكەن، الەۋمەتتىك اۋماقتاعى شيپاگەرلەر قانتتى نەسەپ اۋرۋىنا شالدىققانداردى ەرتە باستان ەمدەپ، مەرزىم سايىن ولاردىڭ جاعدايىن ءبىلىپ وتىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
