مەملەكەتتىك دەنساۋلىق ساقتاۋ جانە سالاماتتىق كوميتەتى قىس ماۋسىمىنداعى تىنىس جولى اۋرۋلارىنان ساقتانۋ جانە ونى ەمدەۋ قىزمەتىن تانىستىردى
بيىل وكپە قابىندىراتىن ميكوپلازمامەن جۇعىمدالۋ تومەن جاستاعىلارعا قاراي بەت الدى
2023.11.14 14:39 كەلۋ قاينارى : حالىق تورابى
11 – ايدىڭ 13 – كۇنى، مەملەكەتتىك دەنساۋلىق ساقتاۋ جانە سالاماتتىق كوميتەتى قىس ماۋسىمىنداعى اۋرۋدان ساقتانۋ جانە ونى ەمدەۋ جونىندە اقپار جاريالاۋ ءماجىلىسىن اشتى. جۇڭگو اۋرۋدى تىزگىندەۋ ورتالىعى ۆيرۋس زەرتتەۋ ورنى مەملەكەتتىك جۇقپالى تۇماۋ ورتالىعىنىڭ مەڭگەرۋشىسى ۋاڭ دايان بىلاي دەپ اتاپ كورسەتتى: قىس، كوكتەم ماۋسىمدارى — جۇقپالى اۋرۋلار كوپ تۋىلاتىن ماۋسىم. جۇقپالى اۋرۋدان ساقتانۋدىڭ ەڭ ءونىمدى، ەڭ ۇتىمدى ءتاسىلى ۆاكسينا ەگۋ، جۇقپالى تۇماۋ ۆاكسيناسىن ەگۋ ارقىلى ينفەكسيالانۋ، اۋرۋ جانە سالماقتى اۋرۋلاردىڭ تۋىلۋ قاتەرىن ءونىمدى ازايتۋعا بولادى. مۇنان سىرت، بۇقارا تاماشا جەكە تازالىق ادەتىن قالىپتاستىرىپ، وتباسى مەن قىزمەت ورتاسىنىڭ تازالىعىن ساقتاپ، جۇعىمدالۋ جانە تارالۋ قاتەرىن تومەندەتۋى كەرەك.
وكپە قابىنۋ ميكوپلازماسىمەن جۇعىمدالۋ ماسەلەسىنە باعىتتاي وتىرىپ، بەيجيڭ قالالىق تىنىس الۋ اۋرۋلارىن زەرتتەۋ ورنىنىڭ باستىعى تۇڭ چاۋحۇي بىلاي دەپ تانىستىردى: وكپە قابىنۋ ميكوپلازماسى ‐ ۇنەمى كەزدەسەتىن اۋرۋ قوزدىرعىشتاردىڭ ءبىرى، ءار جىلى كۇزدە، قىستا كوپ پايدا بولادى، بالالار مەن جاستار جانە ورەندەر وڭاي جۇعىمدالادى، كلينيكالىق بەينەسى قىزۋ، جوتەلۋدى نەگىز ەتەدى. بيىلعى تارالۋ بارىسىندا 3 جاستان تومەنگى بالالاردا جۇعىمدالۋ جاعدايى جارىققا شىقتى.
تاياۋدا ءبىر ءبولىم اتا – انالار توراپتا ايتىلعان ۇسىنىستارعا ساي بالالارعا اچيميتسين قاتارلى دارىلەردى وزدەرى الىپ ىشكىزگەن. تۇڭ چاۋحۇي بىلاي دەپ اتاپ كورسەتتى: وكپە قابىنۋ ميكوپلازماسى، جاڭا تيپتى ايدارشا ۆيرۋس، جۇقپالى تۇماۋ ۆيرۋسى قاتارلىلاردىڭ قوزدىراتىن اۋرۋ بەلگىلەرى ۇقساس، انتيگەن جانە نۋكلەين قىشقىلىن تەكسەرۋ ءتاسىلى ارقىلى اۋرۋ سەبەبىنە دياگنوز قويۋعا بولادى. سوندىقتان ناۋقاستارعا اۋرۋ سەبەبى تۇراقتانعاننان كەيىن ءدارى ىستەتۋدى، الباتى جورمالداپ ءدارى ىشپەۋدى ۇسىنىس ەتەمىز.
بەيجيڭ بالالار شيپاحاناسىنىڭ اعا شيپاگەرى ۋاڭ چۋان دا بىلاي دەدى: اچيميتسين ۆيرۋسپەن جۇعىمدالۋعا ەشقانداي رولى جوق. ونىڭ ۇستىنە ءدارى - دارمەكتى بەتالدى پايدالانۋ بالالاردىڭ ىشكى مۇشەلەرىن زاقىمدايدى، اتا - انالاردىڭ بالالارعا بەتالدى اچيميتسين بەرمەۋىن ۇسىنىس ەتەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
