مەملەكەتتىك دەنساۋلىق ساقتاۋ جانە سالاماتتىق كوميتەتى: تىنىس جول اۋرۋلارى كوپ تارالاتىن ماۋسىم كەلدى
كوپ ءتۇرلى اۋرۋلار قاباتتاسا قوسانجارلايتىن جاعدايلار بولادى
2023.11.14 14:48 كەلۋ قاينارى : حالىق تورابى
جۇڭگو اقپارات تورابىنىڭ 11 – ايدىڭ 13 – كۇنى بەرگەن حابارى. مەملەكەتتىك دەنساۋلىق ساقتاۋ جانە سالاماتتىق كوميتەتى قىس ماۋسىمىنداعى تىنىس جول اۋرۋلارىنان ساقتانۋ جانە ەمدەۋ جونىندەگى اقپار جاريالاۋ ءماجىلىسىن اشتى، مەملەكەتتىك دەنساۋلىق ساقتاۋ جانە سالاماتتىق كوميتەتىنىڭ اقپار جاريالاۋشىسى، ۇگىت ءبولىمىنىڭ ورىنباسار ءبولىم باستىعى مي فىڭ اقپار جاريالاۋ ماجىلىسىندە جەر – جەردە قىس ماۋسىمىنىڭ كەلىسىمەن تىنىس جول اۋرۋلارى كوپ تارالاتىن ماۋسىمنىڭ باستالعاندىعىن، كوپ ءتۇرلى اۋرۋلار قاباتتاسا قوسانجارلايتىن جاعدايدىڭ بولاتىندىعىن تانىستىردى.
مي فىڭ مىنانى ءبىلدىردى: كوپ ءتۇرلى اۋرۋدان بىرگە ساقتانىپ، بىرگە ەمدەپ، وكپە قابىنۋ ميكوپلازماسىمەن، جاڭا تيپتى ايدارشا ۆيرۋسىمەن، جۇقپالى تۇماۋمەن، دەنگە قىزباسىمەن، نورو ۆيرۋسىمەن جۇعىمدالۋ قاتارلى جۇعىمدالۋ جاعدايىنا ەرەكشە كوڭىل ءبولىپ، ساقتىق باقىلاۋىن كۇشەيتىپ، ۆيرۋستىڭ قيمىل كۇشەمەلىلىگىن، ۆيرۋستىڭ وزگەرۋى سياقتى وزگەرىستەردى يگەرۋ كەرەك.
اۋىل – قىستاق رايوندارى، مەكتەپ، قارتتار ءۇيى، بالالار باقشاسى سياقتى ءتۇيىندى وڭىرلەردىڭ، ءتۇيىندى ورىنداردىڭ جۇقپالى اۋرۋدى باقىلاۋ - تەكسەرۋىن جانە اقاۋسىزدىق باسقارۋىن كۇشەيتىپ، قارتتار، نەگىزدىك اۋرۋى بارلار، بالالار سياقتى ءتۇيىندى ادامداردىڭ جاعدايىن ۇعىسۋدى جاقسى ىستەپ، ۆاكسينا ەگۋ قىزمەت وتەۋىن ساپالاندىرۋ كەرەك.
ەمدەۋ بايلىعىن ءبىرتۇتاس جوسپارلاپ، ەمدەۋ باسقىشىن ساپالاندىرىپ، امبۋلاتوريالىق شۇعىل ەمدەۋ، بالالار ءبولىمى، تىنىس ءبولىمى قاتارلى كۇشتەردى كۇشەيتىپ، ءارقايسى ەمدەۋ – قۇتقارۋ قىزمەتىن جاقسى ىستەۋ كەرەك.
وركەنيەتتى، اقاۋسىز، جاسىل، ورتانى قورعايتىن تۇرمىس ءتاسىلىن جالعاستى دارىپتەپ، تاماشا جەكە تازالىق ادەتىن ساقتاۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
