وقۋ – اعارتۋ مينيسترلىگى مەملەكەتتىك وقۋشىلاردىڭ پسيحولوگيالىق اقاۋسىزدىق قىزمەتى جونىندە كەڭەس سۇراۋ كوميتەتىن قۇردى
2023.11.16 14:18 كەلۋ قاينارى : حالىق تورابى
ءتىلشىنىڭ 11 – ايدىڭ 15 – كۇنى وقۋ – اعارتۋ مينيسترلىگىنەن ۇعىسۋىنشا، وقۋ – اعارتۋ مينسترلىگىنىڭ كەڭسە مەڭگەرمەسى جۋىردا ۇقتىرۋ جاريالاپ، وقۋ – اعارتۋ مينيسترلىگى مەملەكەتتىك وقۋشىلاردىڭ پسيحولوگيالىق اقاۋسىزدىق قىزمەتى جونىندە كەڭەس سۇراۋ كوميتەتىن قۇرۋدى بەكىتكەندىگىن ۇقتىردى.
تانىستىرۋعا قاراعاندا، كەڭەس سۇراۋ كوميتەتى وقۋ – اعارتۋ مينيسترلىگىنىڭ باسشىلىعىندا بۇكىل ەلدەگى داشۋە، ورتا مەكتەپ، باستاۋىش مەكتەپ وقۋشىلارىنىڭ پسيحولوگيالىق اقاۋسىزدىق قىزمەتى جونىندە زەرتتەۋ، كەڭەس بەرۋ، باقىلاۋ – ولشەۋ، باعالاۋ، عىلىم جالپىلاستىرۋ، سونداي – اق جەتەكشىلىك ەتۋ قاتارلى قىزمەت جاۋاپكەرشىلىگىن ۇستىنە الادى.
كەڭەس سۇراۋ كوميتەتى ”ءبىر تۇلعالانۋ + رايونعا ءبولۋ“ ۇيىمدىق ءتۇزىمىن اتقارادى، جاعىراپيالىق ءوڭىر بولىسىنە نەگىزدەلە وتىرىپ سولتۇستىك جۇڭگو جانە شىعىس سولتۇستىك جۇڭگو رايونى، شىعىس جۇڭگو رايونى، ورتا جۇڭگو جانە وڭتۇستىك جۇڭگو رايونى، شىعىس وڭتۇستىك رايونى، باتىس سولتۇستىك رايونى دەپ بولىنەدى. ءارقايسى قىزمەت رايونى گرۋپپا باستىعىنىڭ ۇيىمداستىرىپ جەتەكشىلىك ەتۋىندە تەكسەرۋ، عىلىم جالپىلاستىرىپ ۇگىتتەۋ، بوداۋسىز دياگنوز قويۋ سياقتى ءتۇرلى لايىقتى تاسىلدەرمەن ءار وقۋ جىلىندا از دەگەندە ءبىر رەت سول وڭىردەگى ولكەنى قامتيتىن ۇلكەن قيمىل وتكىزەدى، سول وڭىردەگى داشۋە، ورتا مەكتەپ، باستاۋىش مەكتەپ وقۋشىلارىنىڭ پسيحولوگيالىق اقاۋسىزدىعىنا ءبىر رەت باعالاۋ جۇرگىزىپ، وقۋشىلاردىڭ پسيحولوگيالىق اقاۋسىزدىق قىزمەتىنىڭ قازىرگى جاعدايى، دامۋ وزگەرىسى، ساقتالىپ وتىرعان ماسەلەلەر، سونداي – اق قىزمەت ۇسىنىسىن دۇرىس، ءدال يگەرىپ، سول وڭىردەگى ولكە دارەجەلى وقۋ – اعارتۋ اكىمشىلىك تاراۋلارىنا جانە كەڭەس سۇراۋ كوميتەتىنىڭ حاتشىلار باسقارماسىنا مالىمەت بەرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
