شي جينپيڭ سان – فرانسيسكوعا باردى، الدا جۇڭگو - امەريكا باسشىلارىنىڭ ديدارلاسۋىن وتكىزەدى، سونىمەن بىرگە، ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 30 - رەتكى بەيرەسمي ماجىلىسىنە قاتىناسادى
2023.11.16 16:22 كەلۋ قاينارى : حالىق تورابى
«حالىق گازەتى»، 11 - ايدىڭ 14 - كۇنى، سان - فرانسيسكو (تىلشىلەر چىن شاڭۋىن، لي بوۋىن). سول جەر ۋاقىتى 11 - ايدىڭ 14 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن امەريكانىڭ سان - فرانسيسكوسىنا باردى، الدا ۇسىنىس بويىنشا امەريكانىڭ پرەزيدەنتى بايدەنمەن جۇڭگو - امەريكا باسشىلارىنىڭ ديدارلاسۋىن وتكىزەدى، سونىمەن بىرگە، ۇسىنىس بويىنشا ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 30 - رەتكى بەيرەسمي ماجىلىسىنە قاتىناسادى.
شي جينپيڭ وتىرعان ارناۋلى ۇشاق سان - فرانسيسكو حالىقارالىق اۋەجايىنا جەتكەندە، امەريكا كاليفورنيا شتاتىنىڭ باستىعى نيۋسون، قازىنا مينيسترى يەللەن قاتارلى امەريكا جاقتىڭ ۋاكىلدەرىنىڭ قىزۋ قارسى الۋىنا بولەندى.
شي جينپيڭ وتىرعان اۆتوكولىك اترەتى اۋەجايدان قونالقى قوناقجايعا بارا جاتقان جولدا جۇڭگولىق مۇھاجىرلاردىڭ، جۇڭگولىقتاردىڭ جانە جۇڭگولىق وقۋشىلاردىڭ ۋاكىلدەرى جول بويىندا كۇتىپ تۇرىپ، جۇڭگو مەن امەريكانىڭ مەملەكەت تۋىن بۇلعاپ، ءتوراعا شي جينپيڭنىڭ ساپارلاي كەلگەنىن قىزۋ قارسى الدى.
ساي چي، ۋاڭ ي قاتارلى ساپارلاستارى سول ۇشاقپەن بىرگە باردى.
جۇڭگونىڭ امەريكادا تۇراتىن باس ەلشىسى شيە فىڭ دا اۋەجايعا بارىپ قارسى الدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
