«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
ەكولوگيالىق وركەنيەت قۇرىلىسىن ىلگەرىلەتۋ بىرنەشە كەلەلى قاتىناستى ءبىر جاقتى ەتۋدى قاجەت ەتەدى
2023.11.16 16:34 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 15 - كۇنى، بەيجيڭ. 11 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 22 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ەكولوگيالىق وركەنيەت قۇرىلىسىن ىلگەرىلەتۋ بىرنەشە كەلەلى قاتىناستى ءبىر جاقتى ەتۋدى قاجەت ەتەدى» دەگەن ماڭىزدى ماقالاسى جاريالانادى.
ماقالادا مىنالار دارىپتەلدى: جاڭا داۋىردەگى ەكولوگيالىق وركەنيەت قۇرىلىسى امالياتىنىڭ ىشكەرىلەي ىلگەرىلەۋىنە ىلەسە، ءبىزدىڭ ەكولوگيالىق وركەنيەت قۇرىلىسىنىڭ زاڭدىلىعى جونىندەگى تانىمىمىز ۇزدىكسىز تەرەڭدەدى. جاڭا داۋىردەگى 10 جىلدىق امالياتتىق تاجىريبەلەردى قورىتىندىلاپ، كەزەكتە ءدوپ كەلىپ وتىرعان جاڭا جاعدايعا، جاڭا ماسەلەلەرگە تالداۋ جاساپ، ەكولوگيالىق وركەنيەت قۇرىلىسىن ۇزدىكسىز ىلگەرىلەتۋدە، ءسوز جوق، جاڭا داۋىردەگى جۇڭگوشا سوتسياليستىك ەكولوگيالىق وركەنيەت يدەياسىن جەتەكشى ەتىپ، بىرنەشە كەلەلى قاتىناستى دۇرىس شەشۋ كەرەك.
ماقالادا مىنالار اتاپ كورسەتىلدى: ءبىرىنشى، ساپالى دامۋ مەن جوعارى دەڭگەيلى قورعاۋدىڭ قاتىناسىن دۇرىس شەشۋ كەرەك. ساپالى دامۋ مەن جوعارى دەڭگەيلى قورعاۋ ءبىرىن - ءبىرى تولىقتاپ، ءبىر - بىرىنە ساي كەلەدى. جوعارى دەڭگەيلى قورعاۋ − ساپالى دامۋدىڭ ماڭىزدى تىرەگى، ەكولوگيانى الدىمەن ەسكەرەتىن، جاسىل، تومەن كومىرتەكتى ساپالى دامۋ جوعارى دەڭگەيلى قورعاۋعا سۇيەنگەندە عانا جۇزەگە اسادى. جۇڭگو ۇلگىسىندەگى وسىزامانداندىرۋ قۇرىلىسىنىڭ جالپى بارىسىندا، ءبىز ساپالى دامۋ مەن جوعارى دەڭگەيلى قورعاۋدىڭ ديالەكتيكالىق بىرلىگى قاتىناسىن ويداعىداي يگەرۋىمىز كەرەك. ادام مەن تابيعاتتىڭ جاراسىمدى قاتار ءومىر ءسۇرۋى تۇرعىسىنان دامۋدى جوسپارلاپ، بايلىق ورتاسىنىڭ كوتەرىمدىلىك قۋاتىن العى شارت جانە نەگىز ەتىپ، ەكونوميكالىق قيمىلداردى، ادامداردىڭ ارەكەتىن جاراتىلىستىق بايلىق پەن ەكولوگيالىق ورتانىڭ كوتەرىمدىلىك شەگى ىشىندە سانالى تۇردە شەكتەۋ كەرەك. جوعارى دەڭگەيدە قورعاۋ ارقىلى دامۋدىڭ جاڭا قوزعاۋشى كۇشىن، جاڭا باسىمدىعىن ۇزدىكسىز سومداپ، جاسىل، تومەن كومىرتەكتى اينالمالى ەكونوميكالىق جۇيەنى كۇش سالا ورناتىپ، دامۋدىڭ بايلىق، ورتا بوداۋىن ءونىمدى تومەندەتىپ، دامۋدىڭ كومەسكى كۇشى مەن تەبىنىن ۇزدىكسىز كۇشەيتۋ كەرەك.
ماقالادا مىنالار اتاپ كورسەتىلدى: ەكىنشى، ءتۇيىندى قامال الۋ مەن سەلبەسىپ جونگە سالۋدىڭ قاتىناسىن دۇرىس شەشۋ كەرەك. ەكولوگيالىق ورتانى جونگە سالۋ − جۇيەلى ينجەنەريا، ول ورتا فاكتورلارىنىڭ كۇردەلىلىگىن، ەكولوگيالىق جۇيەنىڭ كەمەلدىلىگىن، جاراتىلىستىق جاعراپيالىق بولەكتەردىڭ ۇلاسپالىلىعىن، ەكونوميكالىق، قوعامدىق دامۋدىڭ باياندىلىعىن ءبىر تۇتاس ويلاستىرۋدى قاجەت ەتەدى. جۇيەلى كوزقاراستا تاباندى بولىپ، باستى قايشىلىق پەن قايشىلىقتىڭ باستى جاعىن مىقتى يگەرىپ، كورنەكتى ەكولوگيالىق ورتا ماسەلەلەرىنە پارمەندى شارالار قولدانۋمەن بىرگە، نىسانانىڭ سايكەسۋىن، كوپ لاس زاتتاردى تىزگىندەۋدىڭ سايكەسۋىن، تاراۋلاردىڭ سايكەسۋىن، وڭىرلەردىڭ سايكەسۋىن، ساياساتتىڭ سايكەسۋىن كۇشەيتىپ، ءتۇرلى قىزمەتتەردىڭ جۇيەلىلىگىن، تۇتاس تۇلعالىعىن، سايكەسىمدىلىگىن ۇزدىكسىز كۇشەيتۋ كەرەك. قازىر، ءسوز جوق، ستراتەگيالىق تاباندىلىقتى ساقتاپ، لاستانۋدان ساقتانۋ جانە ونى جونگە سالۋدان قامال الۋ شايقاسىن ۇزدىكسىز ىشكەرىلەي ويداعىداي جۇرگىزۋ كەرەك.
ماقالادا مىنالار اتاپ كورسەتىلدى: ءۇشىنشى، تابيعي قالپىنا كەلتىرۋ مەن جاساندى جولمەن قالپىنا كەلتىرۋدىڭ قاتىناسىن دۇرىس شەشۋ كەرەك. ەڭ اۋەلى، تابيعاتقا تولىق قۇرمەت ەتىپ جانە سايكەسىپ، ۇلى تابيعاتتىڭ تىنىعۋىنا جەتكىلىكتى ۋاقىت جانە كەڭىستىك بەرىپ، تابيعاتتىڭ كۇشىنە سۇيەنىپ ەكولوگيالىق جۇيەنىڭ تەپە - تەڭدىگىن قالپىنا كەلتىرۋ كەرەك. سونىمەن بىرگە، تابيعي قالپىنا كەلتىرۋدىڭ شەكتەمەلىلىگى مەن شەگى جاساندى جولمەن قالپىنا كەلتىرۋگە اناعۇرلىم جوعارى تالاپ قويدى، سونداي - اق بەلسەنە ءىس تىندىراتىن كەڭ ءورىس قالدىردى. تابيعي قالپىنا كەلتىرۋ مەن جاساندى جولمەن قالپىنا كەلتىرۋدى ورگانيكالى تۇردە بىرلىككە كەلتىرىپ، جەردىڭ، ۋاقىتتىڭ ىڭعايىنا قاراي، وڭىرگە، تۇرگە ءبولىپ شارا قولدانىپ، ەكولوگيانى قورعاۋدىڭ، قالپىنا كەلتىرۋدىڭ ەڭ تاماشا شەشۋ جوباسىن تابۋعا قۇلشىنۋ كەرەك. تاۋ، سۋ، ورمان، اتىز، كول، جايىلىم، ءشولدى ءبىر تۇلعالاندىرىپ قورعاۋدا جانە جۇيەلى جونگە سالۋدا تاباندى بولىپ، تاۋ باسىنان تەڭىز - مۇحيتقا دەيىنگى قورعاۋ، جونگە سالۋ جالپى جاعدايىن قالىپتاستىرىپ، تابيعي قالپىنا كەلتىرۋ جانە جاساندى جولمەن قالپىنا كەلتىرۋ سىندى ەكى ءتۇرلى ءتاسىلدى جان - جاقتى قولدانىپ، ەكولوگيالىق قۇرىلىستى تاباندىلىقپەن ىلگەرىلەتۋ كەرەك.
ماقالادا مىنالار اتاپ كورسەتىلدى: ءتورتىنشى، سىرتقى تەجەۋ مەن ىشكى قوزعاۋشى كۇشتىڭ قاتىناسىن دۇرىس شەشۋ كەرەك. تاماشا ەكولوگيالىق ورتا − ەڭ ءادىل الەۋمەتتىك ءونىم، حالىق تۇرمىسىنا ەڭ ءتيىمدى قۇت - ىرىس. بارلىق ادام ىسكە كىرىسىپ، بارلىق ادام جاۋاپكەرلىگىن ادا ەتىپ، تۇتاس قوعامنىڭ ەكولوگيالىق ورتانى بىرگە قورعاۋداعى ىشكى قوزعاۋشى كۇشىن قاۋلاتقاندا عانا، جۇڭحۋانىڭ بايتاق دالاسىندا كوك اسپان، جاسىل تاۋ، جاسىل سۋ ماڭگى ساقتالادى. ءسوز جوق، ەڭ قاتاڭ ءتۇزىم، ەڭ قاتاڭ زاڭمەن جونگە سالۋ ارقىلى ەكولوگيالىق ورتانى قورعاۋدا باستان - اياق تاباندى بولىپ، ۇدايىلانعان سىرتقى قىسىمدى ساقتاۋ كەرەك.
ماقالادا مىنالار اتاپ كورسەتىلدى: بەسىنشى، ”قوس كومىرتەگى“ ۋادەسى مەن دەربەس ارەكەتتىڭ قاتىناسىن دۇرىس شەشۋ كەرەك. كومىر قىشقىل گازىنىڭ شىعارىلۋىن جوعارى مانگە جەتكىزىپ، كومىر قىشقىل گازىن بەيتاراپتاندىرۋدى ىلگەرىلەتۋ − پارتيا ورتالىق كوميتەتىنىڭ تەرەڭ تولعانۋ ارقىلى جاساعان كەلەلى ستراتەگيالىق شەشىمى، ءبىزدىڭ حالىقارالىق قوعامعا بەرگەن ايبىندى ۋادەمىز، سونداي - اق ەكونوميكالىق قۇرىلىمنىڭ تيپىن وزگەرتىپ، دارەجەسىن جوعارىلاتۋدى ىلگەرىلەتىپ، جاسىل، تومەن كومىرتەكتى كاسىپ سالاسىنىڭ باسەكەلىك ابزالدىعىن قالىپتاستىرىپ، ساپالى دامۋدى جۇزەگە اسىرۋدىڭ ىشكى تالابى. ءبىز ۋادە ەتكەن ”قوس كومىرتەگى“ نىساناسى بۇلجىمايدى، ءبىراق بۇل نىساناعا جەتۋدىڭ جولى مەن تاسىلىنە، ريتىمى مەن تەبىنىنە ءوزىمىز قوجا بولۋىمىز، باسقالاردىڭ مەڭگەرۋىندە بولماۋىمىز كەرەك. جاڭاشا ەنەرگيا جۇيەسىن جوبالاپ قۇرۋدى جەدەلدەتىپ، ەنەرگيا حاۋىپسىزدىگىنە كەپىلدىك ەتۋ كەرەك. كاسىپ ءتۇزىلىسىن ساپالىلاندىرىپ جانە رەتتەپ، بايلىقتان جوعارى ءونىمدى پايدالانۋ، ەكولوگيالىق ورتانى قاتاڭ قورعاۋ، پارنيك گازىنىڭ ىعىستىرىلۋىن ءونىمدى مەڭگەرۋ نەگىزىندە دامۋعا قول جەتكىزۋ كەرەك. ءداستۇرلى كاسىپتەردە تەحنولوگيانىڭ، تەحنيكانىڭ، جابدىقتاردىڭ دارەجەسىن جوعارىلاتۋدى ىلگەرىلەتىپ، جاسىل، تومەن كومىرتەكتى تيپكە بۇرىلىس جاساۋدى جۇزەگە اسىرۋ كەرەك. بۇكىل جەر شارى كليماتىن جونگە سالۋعا اناعۇرلىم بەلسەندى بەينەمەن ات سالىسىپ، اناعۇرلىم ىرىقتى، ءتيىمدى جاڭا جاعداي قالىپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
