شي جينپيڭ كۆەيتتىڭ ءامىرى ناۋۋافتىڭ قايتىس بولۋىنا بايلانىستى كۆەيتتىڭ جاڭادان تاعايىندالعان ءامىرى ميشاالعا كوڭىل ايتۋ تەلەگرامماسىن جولدادى
لي چياڭ كۆەيتتىڭ باس ءۋازىرى احمەدكە كوڭىل ايتۋ تەلەگرامماسىن جولدادى
2023.12.18 16:29 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 17 - كۇنى، بەيجيڭ. مەملەكەت ءتوراعاسى شي جينپيڭ 12 - ايدىڭ 17 - كۇنى كۆەيتتىڭ ءامىرى ناۋۋافتىڭ باقىتقا قارسى قايتىس بولۋىنا بايلانىستى كۆەيتتىڭ جاڭادان تاعايىندالعان ءامىرى ميشاالعا كوڭىل ايتۋ تەلەگرامماسىن جولدادى. شي جينپيڭ جۇڭگو ۇكىمەتى مەن جۇڭگو حالقى اتىنان، سونداي - اق ءوز اتىنان ناۋۋاف ءامىردىڭ قايتىس بولعانىنا قايعىلى ازا ءبىلدىردى، ناۋۋاف ءامىردىڭ تۋىس - تۋعاندارىنان جانە كۆەيت حالقىنان شىنايى حال سۇرادى.
شي جينپيڭ بىلاي دەپ اتاپ كورسەتتى: ناۋۋاف ءامىر كۆەيت حالقىنىڭ قۇرمەتىنە، ارداقتاۋىنا بولەنگەن، كوزى تىرىسىندە جۇڭگو - كۆەيت قارىم - قاتىناسىنىڭ دامۋىن جەبەۋگە بەلسەندى ۇلەس قوسقان. ونىڭ باقىتقا قارسى قايتىس بولۋى − كۆەيت حالقىنىڭ وراسان زور جوعالتۋى، جۇڭگو حالقى دا ءبىر جاقسى دوسىنان ايرىلدى. جۇڭگو ۇكىمەتى مەن جۇڭگو حالقى جۇڭگو - كۆەيت دوستىعىن توتەنشە قاستەرلەيدى. ەكى جاقتىڭ بىرگە قۇلشىنۋىندا، جۇڭگو مەن كۆەيتتىڭ ستراتەگيالىق سەرىكتەستىك قارىم - قاتىناسىنىڭ، ءسوز جوق، ۇزدىكسىز بەكەمدەلەتىنىنە جانە داميتىنىنا سەنەمىن.
سول كۇنى مەملەكەتتىك كەڭەستىڭ زۇڭليى لي چياڭ ناۋۋافتىڭ باقىتقا قارسى قايتىس بولۋىنا بايلانىستى كۆەيتتىڭ باس ءۋازىرى احمەدكە كوڭىل ايتۋ تەلەگرامماسىن جولداپ، كۆەيت ۇكىمەتىنە قايعىلى ازا ءبىلدىردى، ناۋۋاف ءامىردىڭ تۋىس - تۋعاندارىنان شىنايى حال سۇرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
