ساپالى دامۋدا تاباندى بولۋدى، ءسوز جوق، جاڭا داۋىردەگى بۇلجىماس قاعيدا ەتۋ كەرەك (حالىق گازەتى كوزقاراسى)
− جاڭا داۋىردە ەكونوميكالىق قىزمەتتى جاقسى ىستەۋدىڭ زاڭدىلىعى جونىندەگى تانىمدى تەرەڭ تۇسىنەيىك ①
«حالىق گازەتىنىڭ» شولۋشىلار ءبولىمى
2023.12.18 16:38 كەلۋ قاينارى : حالىق تورابى
تاياۋدا ورتالىقتىڭ ەكونوميكالىق قىزمەت ءماجىلىسى جاڭا داۋىردە ەكونوميكالىق قىزمەتتى ويداعىداي ىستەۋدىڭ زاڭدىلىعى جونىندەگى تانىمدى قورىتىندىلاپ، ”بەس سوزسىزدىكتى“ العا قويدى. بۇگىننەن باستاپ وسى بەتتە جەلىلەس شولۋ ماقالالارى جاريالانىپ، قالىڭ كادرلارمەن، بۇقارامەن بىرگە پارتيا ورتالىق كوميتەتىنىڭ ەكونوميكالىق جاعداي جونىندەگى عىلمي تۇجىرىمىن تەرەڭ ءتۇسىنىپ، ەكونوميكالىق قىزمەتتى ويداعىداي ىستەۋ جاۋاپكەرلىك سەزىمى مەن بورىشتىلىق سەزىمىن شىنايى كۇشەيتەمىز.
− رەداكتوردان
جاڭا دامۋ ساتىسىندا ساپانىڭ ءونىمدى جوعارىلاۋى بولماسا، ساننىڭ ۇيلەسىمدى ارتۋى باياندى بولمايدى، سوندىقتان، ساپالى دامۋ كوپ ءتۇرلى شەكتەمە استىندا ەڭ جاقسى شەشۋ بارىسىنا اينالادى
شاڭحاي جاڭجياڭ عىلىم قالاسىنىڭ بولاشاق باقشاسىنا باردىق، ءبىر توپ عىلىم - تەحنيكادا جاڭالىق اشۋ جەتىستىكتەرى كورمە بۇيىمدارى بولەكشە كورىنەدى. تەسىك ماتەريالدار، زەردەلى قۇلتەمىر، جاڭالىق اشىلعان ەمدەۋ قۇرالدارى، عىلىم - تەحنيكالىق جاڭالىق اشۋ تانىسقىسى عىلىم - تەحنيكالىق سەزىم جانە بولاشاق سەزىمىن باعىشتايدى؛ C919 ءىرى تۇرپاتتى جولاۋشىلار ۇشاعى، جۇڭگو كەڭىستىك بەكەتى مىڭتيان تاجىريبە بولمەسى، ۇزاق جورىق 6 - ءنومىرلى A تاسىمال راكەتاسى، ءىرى ەلدىڭ اۋىر قارۋ - جاراق مودەلى كورنەكتى بوي كورسەتكەن. عىلىم - تەحنيكادا جاڭالىق اشۋ جەتىستىكتەرى ۇزدىكسىز جارىققا شىعىپ، عىلىم - تەحنيكانىڭ تىرەكتىك رولى كۇن سايىن كۇشەيىپ، جاڭا داۋىردەگى ساپالى دامۋدىڭ جاندى ىقشام كارتيناسىنا اينالدى.
ورتالىقتىڭ ەكونوميكالىق قىزمەت ماجىلىسىندە باس شۋجي شي جينپيڭ ماڭىزدى ءسوز سويلەپ، 2023 - جىلعى ەكونوميكالىق قىزمەتتى جاپپاي قورىتىندىلاپ، قازىرگى ەكونوميكالىق جاعدايعا تەرەڭ تالداۋ جاساپ، 2024 - جىلعى ەكونوميكالىق قىزمەتتى جۇيەلى ورنالاستىردى. ءماجىلىس مىنالاردى اتاپ كورسەتتى: ” تاياۋ جىلداردان بەرى پارتيا ورتالىق كوميتەتىنىڭ پارمەندى باسشىلىعىندا، ءبىز ەل ءىشى، حالىقارا سىندى ەكى كەلەلى جاعدايدى ءونىمدى تۇردە ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، جاڭا داۋىردە ەكونوميكالىق قىزمەتتى ويداعىداي ىستەۋدەگى زاڭدىلىق سيپاتتى تانىمدى تەرەڭدەتتىك“، سونداي - اق ”بەس سوزسىزدىك“ جيناقتاپ العا قويىلدى: ساپالى دامۋدا، ءسوز جوق، تاباندى بولۋدى جاڭا ءداۋىردىڭ بۇلجىماس قيسىنى ەتىپ، قامداۋ جاعىنداعى قۇرىلىمدىق رەفورمانى تەرەڭدەتۋگە جانە ءونىمدى سۇرانىستى كۇش سالا كەڭەيتۋگە سايكەستى كۇش سالۋدا تاباندى بولۋ، رەفورما جاساپ، ەسىك اشۋعا سۇيەنىپ دامۋدىڭ ىشكى قوزعاۋشى كۇشىن ارتتىرۋدا تاباندى بولۋ، ساپالى دامۋ مەن جوعارى دەڭگەيدەگى حاۋىپسىزدىكتىڭ ءتيىمدى ىقپالداستىعىندا تاباندى بولۋ، جۇڭگو ۇلگىسىندەگى وسىزامانداندىرۋدى ىلگەرىلەتۋدى ەڭ ۇلكەن ساياسي ەتۋ كەرەك. ”ساپالى دامۋدا، ءسوز جوق، تاباندى بولۋدى جاڭا داۋىردەگى بۇلجىماس قاعيدا ەتۋ كەرەك“، بۇل − ەلىمىز دامۋىنىڭ جاڭا تاريحي شارت - جاعدايى مەن ساتىسىنا ىشكەرىلەي تالداۋ جاساۋ، ەلىمىزدىڭ وسىزامانداندىرۋ قۇرىلىسىنىڭ امالياتتىق بارىسىن، سونداي - اق ءار ەلدىڭ وسىزامانداندىرۋ قۇرىلىسىنىڭ جالپى زاڭدىلىعىن جان - جاقتى تانۋ جانە يگەرۋ نەگىزىندە جاسالعان جالپى جاعدايلىق، ۇزاق بولاشاقتىق جانە ستراتەگيالىق مانگە يە كەلەلى تۇجىرىم، ”دامۋ − بۇلجىماس قاعيدامەن“ تامىرلاس ءارى داۋىرمەن بىرگە العا باسىپ، جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتىن، نەگىزگى جولىن ايقىنداپ، جۇڭگو ەكونوميكاسى دامۋىنىڭ جاڭا ورنىن بەلگىلەدى. جاڭا ءداۋىردىڭ جاڭا جورىعىندا، ءبىز، ءسوز جوق، تەمىرگە ءىز قالدىراتىن بەكىممەن، ۇزاق ۋاقىت ۇلەس قوساتىن قايسارلىقپەن ساپالى دامۋدى ىلگەرىلەتۋدى ەكونوميكالىق، قوعامدىق دامۋدىڭ تۇتاس بارىسىندا، ءار سالاسىندا دايەكتىلەندىرۋىمىز كەرەك.
دامۋ − پارتيانىڭ بيلىك جۇرگىزىپ، مەملەكەتتى گۇلدەندىرۋدەگى ماڭداي الدى مىندەتى، جۇڭگوداعى بارلىق ماسەلەنى شەشۋدىڭ نەگىزى جانە تەتىگى، جاڭا داۋىردەگى دامۋ، ءسوز جوق، ساپالى دامۋ بولۋى كەرەك. قازىر ەلىمىز قوعامىنداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى. ”دامۋدىڭ بىركەلكى، تولىق بولماۋىنىڭ“ ءوزى − دامۋ ساپاسىنىڭ جوعارى بولماۋىنىڭ كورنەكتى بەينەسى. بۇل ماسەلەنى شەشۋدە، ءسوز جوق، ەكونوميكالىق دامۋدىڭ ساننىڭ ۇلعايۋىنان ساپانىڭ جوعارىلاۋىنا، باستىسى، ”بار ما، جوق پا“ ماسەلەسىن شەشۋدەن ”جاقسى ما، جوق پا“ ماسەلەسىن شەشۋگە بۇرىلىس جاساۋدى ىلگەرىلەتۋ كەرەك. جاڭا دامۋ ساتىسىندا، ساپانىڭ ءونىمدى جوعارىلاۋى بولماسا، ساننىڭ ۇيلەسىمدى ارتۋى باياندى بولمايدى، سوندىقتان، ساپالى دامۋ كوپ ءتۇرلى تەجەم استىندا ەڭ جاقسى شەشۋ بارىسىنا اينالادى. تەك ”داۋ جۇرمەيتىن شىندىق“ سەرگەكتىگىمەن ساپالى دامۋدى سانالى تۇردە ىلگەرىلەتىپ، ساپا ماسەلەسىن ويداعىداي شەشىپ، ساپانى بارىنشا جوعارىلاتۋ بارىسىندا ساننىڭ باياندى ارتۋىن جۇزەگە اسىرعاندا عانا، جاپپاي سوتسياليستىك وسىزاماندانعان قۇدىرەتتى ەل قۇرۋعا زاتتىق، تەحنيكالىق نەگىز قالاپ، دامۋدىڭ ناقتى ناتيجەسى ارقىلى سوتسياليستىك ءتۇزىمنىڭ ابزالدىعىن ۇزدىكسىز ايگىلەۋگە بولادى.
ساپالى دامۋ − جاڭا دامۋ ۇستانىمىن ايگىلەيتىن دامۋ، ءسوز جوق، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋدىڭ بىرلىگىندە تاباندى بولۋ كەرەك. سىچۋاندا قىزمەت تەكسەرگەندە ”دامۋ ءتاسىلىن، دامۋ قوزعاۋشى كۇشىن، دامۋ سالاسىن، دامۋ ساپاسى وزگەرىسىن ىشكەرىلەي ىلگەرىلەتۋدى“ تالاپ ەتتى، جاڭا داۋىردە شىعىس سولتۇستىكتى جاپپاي گۇلدەندىرۋدى ىلگەرىلەتۋ اڭگىمە ماجىلىسىندە ”بولاشاق كاسىپتەردى بەلسەنە جەتىلدىرىپ، جاڭا ساپالى وندىرگىش كۇشتەردى جەدەل قالىپتاستىرىپ، دامۋدىڭ جاڭا قوزعاۋشى قۋاتىن كۇشەيتۋدى“ دارىپتەدى... بيىل جىل باسىنان بەرى باس شۋجي شي جينپيڭ ساپالى دامۋدى ارقاۋ ەتە وتىرىپ ايقىن تالاپ قويىپ، جەر - جەردىڭ، تاراۋلاردىڭ ورنىن ءدال تاۋىپ، قيىندىقتاردى جەڭىپ، قامال الۋىنا ايقىن باعدار كورسەتتى. ساپالى دامۋدى جاڭا داۋىردەگى قاتاڭ مىندەت ەتۋدە تاباندى بولىپ، جاڭالىق اشۋ ءبىرىنشى قوزعاۋشى كۇشكە، سايكەسۋ ىشكى ەرەكشەلىككە، جاسىل ءتۇس جالپىلىق فورماتسياعا، ەسىك اشۋ ءسوزسىز باسىپ وتەتىن جولعا، ورتاق يگىلىكتەنۋ ءتۇبىرلى ماقساتقا اينالعان دامۋدى ۇزدىكسىز جۇزەگە اسىرعاندا عانا، ەلىمىز ەكونوميكاسىنىڭ سىرتقا كەڭەيۋدەن ىشكى ماندىك دامۋعا بۇرىلىس جاساۋىن ىلگەرىلەتىپ، دامۋدىڭ ىرىقتىلىق ۇقىعىن مىقتى يگەرۋىمىزگە بولادى.
قازىر ەكونوميكانىڭ قايتا ورلەۋىن، جاقسارۋىن اناعۇرلىم ىلگەرىلەتۋدە ءىشىنارا قيىنشىلىق پەن سايىستى، باستىسى، ءونىمدى سۇرانىستىڭ جەتكىلىكسىز بولۋى، ءبىر ءبولىم كاسىپ سالالارىندا ءوندىرىس قۋاتىنىڭ اسىپ قالۋى، قوعامدىق مەجەنىڭ ءالسىز بولۋى، حاۋىپ - قاتەردىڭ، كومەسكى كىناراتتاردىڭ ءالى دە ءبىرشاما كوپ بولۋى، ەل ءىشى ۇلكەن اينالىمىندا بوگەتتى تۇيىندەردىڭ ورىن تەبۋى، سىرتقى ورتانىڭ كۇردەلىلىك سيپاتىنىڭ، قاتاڭدىق سيپاتىنىڭ، تۇراقسىزدىق سيپاتىنىڭ جوعارىلاۋى سياقتىلاردى جەڭۋگە تۋرا كەلەدى. وسى ماسەلەلەرگە ءونىمدى توتەپ بەرىپ جانە ونى شەشىپ، ساپالى دامۋدى ىلگەرىلەتۋ ءبىزدىڭ سەنىمىمىز بەن جىگەرىمىزدى كۇشەيتتى. الدىڭعى 3 توقساندا ەلىمىزدىڭ GDP ى سايكەس مەزگىلدەگىدەن %5.2 ارتىپ، ارتۋ قارقىنى دۇنيە جۇزىندەگى نەگىزگى ەكونوميكالىق تۇلعالاردىڭ ىشىندە الدىڭعى ورىندى ساقتادى، ونىڭ ۇستىنە وسىزاماندانعان كاسىپ جۇيەسى قۇرىلىسىندا ماڭىزدى ىلگەرىلەۋشىلىككە قول جەتتى، عىلىم - تەحنيكادا جاڭالىق اشۋدا تىڭ تابىستارعا قول جەتتى، رەفورما جاساپ، ەسىك اشۋ ىشكەرىلەي ىلگەرىلەتىلدى، حاۋىپسىز دامۋ نەگىزى بەكەمدەلدى، نىعايدى، حالىق تۇرمىسىن قامتاماسىزداندىرۋ پارمەندى، ءونىمدى بولدى، جاپپاي سوتسياليستىك وسىزاماندانعان مەملەكەت قۇرۋدا نىق قادام تاستالدى. ساپالى دامۋدى كۇش سالا ىلگەرىلەتسەك، ەكونوميكانىڭ قايتا ورلەۋ جاعدايىن ۇزدىكسىز بەكەمدەي الامىز جانە كۇشەيتە الامىز.
دۇرىس جولدان تايماي، جاڭا جاعداي جاراتۋ، كەڭدىككە ءارى نازىكتىككە ۇمتىلۋ كەرەك. جاڭا ءداۋىردىڭ جاڭا جورىعىندا ”مەملەكەتتىڭ زور ءىسىن“ كوكەيدە ساقتاپ، ىرىقتىلىقپەن جاۋاپكەرلىك ارقالاپ، ىسكەرلىك كورسەتىپ، سايكەسۋدى، سەلبەسۋدى كۇشەيتىپ، عىلىم - تەحنيكادا جاڭالىق اشۋ ارقىلى ەكونوميكانىڭ ومىرشەڭدىك كۇشىن ارتتىرىپ، رەفورما جاساپ، ەسىك اشۋدى جاپپاي تەرەڭدەتۋ ارقىلى ىشكى قوزعاۋشى كۇشتى قاۋلاتىپ، بۇكىل ەل بويىنشا ساپالى دامۋدى باسەكەلەسە ىلگەرىلەتەتىن قۇدىرەتتى بىرىككەن كۇش قالىپتاستىردىق، جۇڭگو ەكونوميكاسىنىڭ بولاشاعى نۇرلى!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
