مەملەكەتتىك دەنساۋلىق ساقتاۋ – سالاماتتىق كوميتەتى: قىسقا مەرزىم ىشىندە ەلىمىزدە جۇقپالى تۇماۋدىڭ تارالۋى ءالى دە باستى ورىندا تۇرادى
جۋىردا B تيپتى جۇقپالى تۇماۋدىڭ سالىستىرماسى جوعارىلاۋدا
2024.01.26 14:45 كەلۋ قاينارى : حالىق تورابى
1 – ايدىڭ 25 – كۇنى، مەملەكەتتىك دەنساۋلىق ساقتاۋ – سالاماتتىق كوميتەتى اقپار جاريالاۋ ءماجىلىسىن اشىپ، ەلىمىزدەگى قىس پەن كوكتەم مەزگىلىندەگى تىنىس جولى اۋرۋلارىنان ساقتانۋ جانە ونى ەمدەۋ، دەنساۋلىققا قاتىستى ەسكەرتۋ بەرۋ جاعدايلارىن تانىستىردى.
جۇڭگو اۋرۋدان ساقتانۋ جانە ونى تىزگىندەۋ ورتالىعى جۇقپالى اۋرۋلار باسقارماسى تىنىس جولى جۇقپالى اۋرۋلارى ءبولىمىنىڭ مەڭگەرۋشىسى پىڭ جىبين بىلاي دەپ تانىستىردى: ساندى مالىمەتتەرگە قاراعاندا، ەلىمىزدە تىنىس جولى شۇعىل اۋرۋلارى 2023 – جىلى 12 – ايدىڭ باستاپقى شەنىندە ەڭ جوعارى شەككە جەتكەن سوڭ، ەكى اپتا بويى ءبىرشاما تومەندەگەن؛ 2023 – جىلى 12 – ايدىڭ سوڭىندا از مولشەردە قايتا جوعارىلاپ، ۇزدىكسىز جوعارى ورىندا تولقۋلى كۇيدە بولعان؛ جۋىرداعى ءبىر اپتادان بەرى قايتادان تومەندەگەن. قازىر ەلىمىزدە تىنىس جولى شۇعىل اۋرۋلارى جۇقپالى تۇماۋدى نەگىز ەتەدى، باسقا تىنىس جولى اۋرۋلارى ءبىرشاما تومەن دەڭگەيدە، مۇندا، جۋىردا B تيپتى جۇقپالى تۇماۋدىڭ سالىستىرماسى جوعارىلاۋدا، وسىنىڭ سالدارىنان جۇقپالى تۇماۋ ىندەتىندە از مولشەردە تولقۋ تۋىلدى.
ماماندار تۇجىرىمداۋ ارقىلى بىلاي دەپ قاراعان: قىس پەن كوكتەم مەزگىلىندە ەلىمىزدە ءتۇرلى تىنىس جولى اۋرۋلارى الما – كەزەك تۋىلاتىن نەمەسە قاباتتاسا تارالاتىن جاعداي ۇزدىكسىز بايقالادى، قىسقا مەرزىم ىشىندە جۇقپالى تۇماۋ ۆيرۋسى ءالى دە باستى ورىندا بولادى. قازىر جۇقپالى تۇماۋ جاعدايى باسەڭدەۋ بەتالىسىن بايقاتتى، مەكتەپتەردىڭ قىستىق دەمالىسقا تاراتۋىنا بايلانىستى، مەجەمەن 1 – ايدىڭ سوڭىندا ارالىق مەرزىمدەگى ورەگە قايتا ورالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
