توعىز تاراۋ 2024 – جىلعى كوكتەم سامالى ارەكەتىن ورىستەتەدى
2024.01.26 14:51 كەلۋ قاينارى : حالىق تورابى
حالىق گازەتىنىڭ ءتىلشىسى چيۋ چاۋ – ي 1 – ايدىڭ 25 – كۇنى بەيجيڭنەن حابارلايدى. ءتىلشىنىڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، جۋىردا ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتىناس – تاسىمال مينيسترلىگى، اۋىل شارۋاشىلىعى جانە اۋىل – قىستاق مينيسترلىگى قاتارلى توعىز تاراۋمەن بىرگە ەلىمىز كولەمىندە 2024 – جىلعى كوكتەم سامالى ارەكەتىن ورىستەتەدى.
ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاتىستى جاۋاپتىسىنىڭ تانىستىرۋىنشا، وسى رەت ”كوكتەم سامالى ورايىنا بايلانىستى قىزمەت ورىنداردى دايىنداپ، جۇمىستانۋدى ىلگەرىلەتىپ، دالمە – ءدال قىزمەت ەتىپ، دامۋدى جەبەۋ“ تاقىرىبىندا وتكىزىلەتىن ارەكەت، 1 – ايدىڭ سوڭعى شەنىنەن 4 – ايدىڭ باس شەنىنە دەيىن ورىستەتىلەدى، باستىسى التى جاقتاعى ناقتى شارالاردى قولدانادى: بىرىنشىدەن، قاجەتسىنۋدى ءدال انىقتاپ، اۋىل – قىستاقتارعا، الەۋمەتتىك اۋماقتارعا، كاسىپورىنداردىڭ سەحتارىنا ىشكەرىلەي بارىپ، ەڭبەكشىلەردىڭ جۇمىستانۋ تىلەگى مەن كاسىپورىنداردىڭ قىزمەتشى قابىلداۋ قاجەتىن ۇعىسادى؛ ەكىنشىدەن، شارالاردى ايقىن ءتۇسىندىرىپ، جۇمىستانۋعا، شارۋاشىلىق قۇرۋعا ساياتىن ساياساتتار مەن ەڭبەكشىلەردى قامتاماسىزداندىرۋ جاعىنداعى زاڭ – تۇزىمدەردى ۇگىتتەيدى جانە تانىستىرادى، ۇشىنشىدەن، ادامدار شوعىرلى ورىنداردا قىزمەتكەر قابىلداۋ، ينتەرنەتتەن جانە ادامدار اعىلىسى شوعىرلى ورىنداردان تولىق پايدالانا وتىرىپ، جۇمىستانۋعا قىزمەت وتەۋدە ىلەزدىك ۋاقىتتى قولدان بەرمەي، قىزمەتكەر قابىلداۋ قيمىلدارىن تۇرگە ءبولىپ ورىستەتەدى؛ تورتىنشىدەن، ۇيىمداستىرۋ جانە ۇشتاستىرۋ قىزمەتىن ىستەپ، سىرتقا ەڭبەككۇش شىعاراتىن ورىندار مەن سىرتتان ەڭبەككۇش قابىلدايتىن ورىنداردىڭ بىرلەسىپ قىزمەتكەر قابىلداۋى، تۇراقتاپ تۇرىپ قىزمەتكەر قابىلداۋى، ەڭبەككۇشتەردى ۇيىمداستىرىپ جەتكىزىپ بەرۋى قاتارلى قيمىلداردى ورىستەتەدى؛ بەسىنشىدەن، شارۋاشىلىق قۇرۋعا قولداۋ كورسەتىپ، شارۋاشىلىق قۇرۋ جانە جەتىلدىرۋ بازالارىن، اۋىلىنا قايتقانداردىڭ شارۋاشىلىق قۇرۋ باقشاسى قاتارلى الاڭ – ورىن بايلىقتارىن كادەگە جاراتىپ، ساياسات، قىزمەت وتەۋ، فينانس سالاسى سىندى ”تۇتاس تىزبەكتى“ قولداۋ شارالارىن رەتتەپ شىعىپ، شارۋاشىلىق قۇرۋ جەتەكشىلەرى باقشا رايوندارىنا بارۋ، اۋىل – قىستاققا بارۋ قيمىلدارىن ۇيىمداستىرادى؛ التىنشىدان، قىزمەت وتەۋدە مەيىرگە بولەپ، جاسى ۇلعايعان شارۋا جۇمىسكەرلەرگە وتباسىنا جاقىن جەردە جۇمىستانۋ ورىندارى مەن ونەرىن جەتىلدىرۋ كۋرسىنا قاتىناسۋ ورايىن دالمە – ءدال تانىستىرىپ، اپاتقا ۇشىراعان بۇقارانىڭ وتباسىنا بارىپ قىزمەت ورىن تانىستىرۋ، ساياساتتى ۇگىتتەۋ، قىزمەت وتەۋ، ونەرىن جەتىلدىرۋ قاتارلى قىزمەتتەردى ورىستەتەدى.
تانىستىرۋعا قاراعاندا، بيىلعى كوكتەم سامالى ارەكەتىندە ءۇش ءتۇرلى ەرەكشەلىك بار: جۇمىستانۋ ورايى جەتكىلىكتى، قيمىل مەزگىلىندە ءتۇرلى جۇمىس ورىندارىنان 30 ميلليوننان استام جۇمىس ورنى ازىرلەنەدى؛ قيمىلدىڭ دانەكەرى اناعۇرلىم باي، ەلىمىز بويىنشا قىزمەتكەر قابىلداۋعا دانەكەر بولاتىن 1100 نان استام توراپ بىرگە كۇش قوسادى، 4700 دەن استام اۋدان دارەجەلى جانە ودان جوعارى الەۋمەتتىك جۇمىستانۋعا قىزمەت وتەۋ قۇرىلىمدارى، 3200 دەن استام ۋاقىتتىق جۇمىس بازارلارى سايكەسە ارەكەتتەنەدى، وتباسىنا جاقىن جەردە جۇمىستانۋعا قىزمەت وتەيتىن ورىندار كوپ مولشەردە اتسالىسادى؛ قىزمەت وتەۋ ءتاسىلى اناعۇرلىم كوپ ءتۇرلى، ادام كۇشى بايلىعى جانە قوعامدىق قامتاماسىزداندىرۋ مەكەمەسى باستىقتارىنىڭ تىكە تاراتىلىم ارقىلى جۇمىس ورىن تانىستىرۋى، ”جۇمىستاندىرۋ جاپپالى اۆتوموبيلىمەن“ جۇمىس ورىنداردى وتباسىلارعا بارىپ تانىستىرۋ قاتارلى ءتۇرلى تاسىلدەر قولدانىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
