ورتالىق اسكەري ىستەر كوميتەتى بەيجيڭدە تۇراتىن اسكەري بولىمدەردەگى ساقا كادرلاردان حال سۇراپ كوكتەم مەرەكەسىن قارسى الۋ ادەبيەت - كوركەمونەر كونسەرتىن وتكىزدى
شي جينپيڭ بۇكىل ارمياداعى ساقا جولداستاردىڭ كوكتەم مەرەكەسىن قۇتتىقتادى
2024.01.31 16:25 كەلۋ قاينارى : حالىق تورابى
1 - ايدىڭ 29 - كۇنى تۇستەن كەيىن ورتالىق اسكەري ىستەر كوميتەتىنىڭ بەيجيڭدە تۇراتىن اسكەري بولىمدەردەگى ساقا كادرلاردان حال سۇراپ كوكتەم مەرەكەسىن قارسى الۋ ادەبيەت - كوركەمونەر كونسەرتى بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ كونسەرتتى كورىپ، وسىندا وتىرعان ارمياداعى ساقا جولداستارعا جانە بۇكىل ارمياداعى زەينەتكە، دەمالىسقا شىققان ساقا كادرلارعا مەرەكەلىك سالەم جولدادى جانە كوكتەم مەرەكەسىنە قۇتتى بولسىن ايتتى. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگى، 1 - ايدىڭ 30 – كۇنى، بەيجيڭ (ءتىلشى مەي چاڭۋەي). ورتالىق اسكەري ىستەر كوميتەتىنىڭ بەيجيڭدە تۇراتىن اسكەري بولىمدەردەگى ساقا كادرلاردان حال سۇراپ كوكتەم مەرەكەسىن قارسى الۋ ادەبيەت - كوركەمونەر كونسەرتى 1 - ايدىڭ 29 - كۇنى بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ كونسەرتتى كورىپ، وسىندا وتىرعان ارمياداعى ساقا جولداستارعا جانە بۇكىل ارمياداعى زەينەتكە، دەمالىسقا شىققان ساقا كادرلارعا مەرەكەلىك سالەم جولدادى جانە كوكتەم مەرەكەسىنە قۇتتى بولسىن ايتتى.
شايقاس ءانى اسقاقتاپ، كوكتەم مەرەكەسى قارسى الىندى، ارميانى قۇدىرەتتەندىرۋدىڭ جاڭا جورىعى باستالدى. جۇڭحۋا ۇلتىنىڭ ءداستۇرلى مەرەكەسى كوكتەم مەرەكەسى كەلۋ قارساڭىندا، جاڭا جۇڭگونى قۇرۋ، قورعاۋ، گۇلدەندىرۋگە، مەملەكەت قورعانىسى مەن ارميا قۇرىلىسىنا كورنەكتى ۇلەس قوسقان بەيجيڭدە تۇراتىن اسكەري بولىمدەردەگى ساقا كادرلار جۇڭگو تەاترحاناسىندا ءبىر اراعا باس قوسىپ، كوكتەم مەرەكەسىن شات مەرەيمەن قارسى الدى.
تۇستەن كەيىن ساعات 4 مولشەرىندە شي جينپيڭ ساقا جولداستاردىڭ اراسىنا كەلدى، بۇكىل زالدان دۋ قول شاپالاق ءۇنى كوتەرىلدى. شي جينپيڭ ولاردىڭ دەنساۋلىق جانە تۇرمىس جاعدايىن ىقىلاسپەن سۇراپ، پارتيا 20 - قۇرىلتايى رۋحىنىڭ جەتەكشىلىگىندە، وتكەن ءبىر جىلدان بەرى پارتيا، مەملەكەت، ارميا ىستەرىندە قول جەتكەن كەلەلى تابىستاردى بىرگە ەسكە الدى. ساقا جولداستار ءبىر اۋىزدان مىنانى ءبىلدىردى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرىپ، سەنىمدى بەكەمدەپ، رۋحتى سەرپىلتىپ، ىنتىماقتاسا العا باسىپ، ارميا قۇرۋدىڭ 100 جىلدىعى كۇرەس نىساناسىن جۇزەگە اسىرۋدان قامال الۋ شايقاسىن ويداعىداي جۇرگىزىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ ۇلەس قوسامىز.
كونسەرت ”ارميانى قۇدىرەتتەندىرۋ يدەياسىن ۇيرەنىپ، ارميانى قۇدىرەتتەندىرۋ ىستەرىنە ۇلەس قوسۋدى“ نەگىزگى تاقىرىپ ەتىپ، ادەبيەت - كوركەمونەر جەڭىل اتتى اسكەرلەر اترەتىنىڭ اسكەرلەر ءۇشىن قىزمەت ەتۋدەگى اۋەلگى ءتاسىلى ارقىلى ايگىلەنىپ، جاڭا داۋىردەگى ارميانى قۇدىرەتتەندىرۋ ىستەرىنىڭ ۇلى تابىستارى جاندى بەينەلەنىپ، بۇكىل ارمياداعى كوماندير - جاۋىنگەرلەردىڭ ۇيىتقىنى ادالدىقپەن قورعايتىن، ارميانى قۇدىرەتتەندىرۋدە ۇزدىك بولۋعا ۇمتىلاتىن رۋحاني بەت - بەينەسى تولىق ايگىلەندى. ”جاڭا ءداۋىر، جاڭا جورىق، جاڭا ءبىر جىل، جاڭا نىسانا“، ءان - ءبي كونسەرتتىڭ شىمىلدىعى «شايقاس جىرىمەن كوكتەم مەرەكەسىن قارسى الۋمەن» اشىلىپ، دۋماندى مەرەكەلىك راي قالىپتاستىردى. وقيعالى قويىلىم «شۇعىلاعا تالپىنۋ» ورىندالىپ، يدەيانىڭ بولاشاققا شۇعىلا شاشقان، كۇرەس جاساپ بولاشاققا جول اشقان ايبىندى امالياتىن قىزۋ ىنتامەن جىرلاپ، پارتيا تۋى استىندا ارميا رۋحىن سومداۋ بەكىمى مەن ەركىن ايقىن بەينەلەدى. «قۇرىشتاي شىڭدالۋ» اتتى ارالاسپا حور ارميانىڭ ساياسي رەتتەۋ - جاتتىعۋىن تەرەڭدەتۋدە جالىنداعان جاڭا ستيلدى، دۇرىس سالتتى ايگىلەپ، پاك داڭقتى بەكەمدەۋدىڭ، ارميانى قۇدىرەتتەندىرۋ بورىشىن ارقالاۋدىڭ بەرىك سەنىمىن ايگىلەدى. ءان مەن ارەكەت ۇشتاسقان «اتويلاعان ءسات» جانە «شەشۋشى جەڭىس» سياقتى نومىرلەر اسكەري ءبولىمنىڭ ساقاداي ساي تۇرعان كۇيى مەن بۇيرىقتى ەستي سالا اتتانىسقا كەلۋ كۇيىن بەينەلەدى. حور جانە ءان مەن ارەكەت ۇشتاسقان «جاۋىنگەرلەر وتان ءۇشىن شالعايدا ءجۇر»، «تاۋ - وزەندى ەستە ساقتايمىز»، «حالىققا مالىمەت بەرەمىز» اسقاقتاتا شىرقالىپ، حالىق پەرزەنت اسكەرلەرىنىڭ شەكارا قورعانىسى كۇرەسى، قاتەردەن اراشالاۋ، اپاتتان قۇتقارۋ، شەتەلدەن مۇھاجىرلاردى قايتارىپ الۋ سياقتى كەلەلى مىندەتتەردى ورىنداۋ بورىشى مەن جاۋاپكەرلىگىن جانە ۇلى سۇيىسپەنشىلىگىن قايتا ايگىلەپ، قاھارمانداردى جىرلاپ، قاھارماندارعا ماداق جاۋدىردى. شىت جاڭا قۇراستىرىلعان كلاسسيكالىق اندەر «يان - ان جىرى»، «قىزىل الحورى جىرى»، «مەن اسكەرمىن» توڭكەرىستىك اسكەريلەردىڭ قىزىل ەستەمەسىن وياتتى، قىسقا تەاتر «شات حابار» ارميا مەن جەرگىلىكتى ورىنداعى ەڭبەك سىڭىرگەن ۇلگىلەردىڭ اسەرلى اڭگىمەلەرىن بايانداپ، تاڭداۋلى ءداستۇردى جالعاستىرۋدىڭ، مەملەكەتتى قۇدىرەتتەندىرۋ، ارميانى قۇدىرەتتەندىرۋ كۇشتەرىنىڭ شوعىرلانۋىنىڭ جاندى كارتيناسىن سالدى. ”تۇنىق سۇيىسپەنشىلىك وتانىمىزعا ارنالادى، ارمانعا قۇلاش سەرمەپ، ارميانى قۇدىرەتتەندىرۋدىڭ شايقاس ءانىن اسقاقتاتا شىرقايمىز“، كونسەرت «ارميانى قۇدىرەتتەندىرۋدە مەن بارمىن» اتتى ارالاسپا حورمەن اياقتاپ، نىسانانى كوزدەپ، ءبىر جاعادان باس، ءبىر جەڭنەن قول شىعارىپ قامال الىپ، ارميانى قۇدىرەتتەندىرۋ ىستەرىنىڭ جاڭا جاعدايىن ۇزدىكسىز اشۋ اسقاق جىگەرىن بەينەلەدى. كونسەرت قاراپايىمدىلىق پەن كوركەمدىكتى، ارىندى جىگەردى ايگىلەپ، ارميانى قۇدىرەتتەندىرۋ مادەنيەتىنىڭ شىت جاڭا بەينەسىن اڭعارتتى.
جاڭ يوۋشيا، حى ۋەيدۇڭ، ليۋ جىنلي، مياۋ حۋا، جاڭ شىڭمين كونسەرتتى بىرگە كوردى.
اسكەري ىستەر كوميتەتى ورگانىنداعى تاراۋلاردىڭ، ارميانىڭ بەيجيڭدە تۇراتىن قاتىستى ورىندارىنىڭ باسشىلارى مەن اسكەري بولىمدەگى كوماندير - جاۋىنگەرلەردىڭ ۋاكىلدەرى دە كونسەرتتى تاماشالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
