20 شەتەل باسپا قۇرىلىمى مەن جۇڭگو شەتەل تىلدەرى مەكەمەسى ەسكەرتپە حاتقا قول قويدى
«شي جينپيڭ ەل باسقارۋ جونىندەنىڭ» 4 - تومىن بىرگە اۋدارىپ باسپادان شىعارادى
2024.01.31 16:42 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 30 – كۇنى، بەيجيڭ. 1 - ايدىڭ 30 - كۇنى «شي جينپيڭ ەل باسقارۋ جونىندەنىڭ» 4 - تومىنىڭ حالىقارالىق سەلبەستىك بويىنشا اۋدارۋ، باسپادان شىعارۋ ەسكەرتپە حاتىنا قول قويۋ سالتى بەيجيڭدە وتكىزىلدى. تايلاند مەملەكەتتىك زەرتتەۋ اكادەمياسى تايلاند - جۇڭگو ”ءبىر بەلدەۋ، ءبىر جول“ سەلبەستىگىن زەرتتەۋ ورتالىعى، پاكيستان پاكيستان - جۇڭگو عىلمي قوعامى، قىرعىزستان روزا وتۋنبايەۆا حالىقارالىق الەۋمەتتىك قور قوعامى سياقتى شەتەلدىڭ 20 ايگىلى باسپا قۇرىلىمى جۇڭگو شەتەل تىلدەرى مەكەمەسىمەن كەلىسىم جاساسىپ، كوپ تىلدەگى «شي جينپيڭ ەل باسقارۋ جونىندەنىڭ» 4 - تومىن بىرگە اۋدارىپ باسپادان شىعاراتىن بولدى.
«شي جينپيڭ ەل باسقارۋ جونىندەنىڭ» 4 - تومىندا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ 100 جىلدىق وزگەرىس پەن عاسىرلىق ىندەت قاباتتاسقان كۇردەلى جاعدايعا قاراتا، دۇنيەدە سيرەك كەزدەسەتىن، تاريحتا سيرەك كەزدەسەتىن حاۋىپ - قاتەر مەن سىن - سايىسقا قاراتا، ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋدى جانە ەكونوميكانىڭ، قوعامنىڭ دامۋىن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاعان ۇلى امالياتى جاندى ەستەلىككە الىنىپ، ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىگى شوعىرلى ايگىلەنىپ، جۇڭگو كوممۋنيستىك پارتياسىنىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە، كوركەم دۇنيە ءجۇزىن بىرگە قۇرۋعا قوسقان ەڭ جاڭا ۇلەسى تولىق بەينەلەنگەن، بۇل − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جاڭا ءورىس اشقانىن، جاڭا شارىقتاۋدى جۇزەگە اسىرعانىن جان - جاقتى، جۇيەلى بەينەلەيتىن بەدەلدى كىتاپ.
«شي جينپيڭ ەل باسقارۋ جونىندەنىڭ» 4 - تومىنىڭ فرانسۋز تىلىندەگى، ورىس تىلىندەگى، اراب تىلىندەگى، يسپان تىلىندەگى، پورتۋگال تىلىندەگى، نەمىس تىلىندەگى، جاپون تىلىندەگى نۇسقالارى 2023 - جىلى 6 - ايدا رەسمي باسپادان شىققاننان كەيىن كوپتەگەن شەتەلدىڭ ايگىلى باسپا قۇرىلىمدارى ءوز تىلدەرىندەگى نۇسقالارىن سەلبەسىپ اۋدارىپ باسپادان شىعارۋ تىلەگىن ارت - ارتىنان ءبىلدىردى. «شي جينپيڭ ەل باسقارۋ جونىندەنىڭ» حالىقارالىق سەلبەستىك بويىنشا اۋدارىلىپ باسپادان شىعۋى حالىقارالىق قوعامنىڭ شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ەڭ جاڭا دامۋىن اناعۇرلىم جاقسى تۇسىنۋىنە، جۇڭگو ۇلگىسىندەگى وسىزامانداندىرۋ جونىندەگى تانىمى مەن تۇسىنىگىن كۇشەيتۋىنە، ەل باسقارۋ تاجىريبەلەرىنەن تەڭ يگىلىكتەنۋىنە، گۋمانيتارلىق اۋىس - كۇيىستى، سەلبەستىكتى بىرگە جەبەۋىنە سەپتىگىن تيگىزەدى.
20 شەتەل باسپا قۇرىلىمى اۋعانستان، البانيا، ازەربايجان، بانگلادەش، بۇلعاريا، گرەتسيا، ۆەنگريا، كەنيا، كورەيا، قىرعىزستان، لاوس، موڭعۇليا، نەپال، پاكيستان، پولشا، رۋمينيا، تاجىكستان، تايلاند، وزبەكستان، ۆيەتنام سياقتى ەلدەرگە تاۋەلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
