ەل ىشىندەگى بەنزين مەن ديزەل مايىنىڭ ءار تونناسىنىڭ باعاسى تۇگەلدەي 200 يۋان جوعارىلاتىلدى
2024.02.01 13:14 كەلۋ قاينارى : حالىق تورابى
جۋىرداعى حالىقارالىق بازارداعى ماي باعاسىنداعى وزگەرىستەرگە ساي، وڭدەلگەن مۇناي باعاسىن قالىپتاستىرۋدىڭ قازىر اتقارىلىپ وتىرعان مەحانيزمى بويىنشا، 2024 - جىلى 1 - ايدىڭ 31 - كۇنى ساعات 24 تەن باستاپ، ەل ىشىندەگى بەنزين مەن ديزەل مايىنىڭ باعاسى (ولشەمدى ءونىم، تومەندە ۇقساس) ءار تونناسىنا تۇگەلدەي 200 يۋان جوعارىلاتىلدى. ءارقايسى ولكەلەردەگى (اۆتونوميالى رايون، توتە قاراستى قالا) جانە ورتالىق قالالارداعى بەنزين مەن ديزەل مايىنىڭ رەتتەلگەننەن كەيىنگى ەڭ جوعارى بولشەك ساتىلىم باعاسىن كەستەدەن كورىپ الۋعا بولادى.
جۇڭگو مۇناي سەرىكتەستىگى، جۇڭگو مۇناي - حيميا سەرىكتەستىگى، جۇڭگو تەڭىز مۇنايى سەرىكتەستىگى سىندى ءۇش ءىرى سەرىكتەستىك پەن شيكىزاتتىق مۇنايدى مانەرلەۋمەن شۇعىلداناتىن باسقا سەرىكتەستىكتەر وڭدەلگەن مۇنايدى ءوندىرۋ جانە تاسىمالداۋدى ويداعىداي ۇيىمداستىرۋى، بازاردى ورنىقتى قامداۋعا كەپىلدىك ەتۋى، مەملەكەتتىڭ باعا جونىندەگى ساياساتىن قاتاڭ اتقارۋى كەرەك. جەر - جەردەگى قاتىستى تاراۋلار بازاردى باقىلاۋ - باسقارۋ تەبىنىن كۇشەيتىپ، مەملەكەتتىڭ باعاعا قاتىستى ساياساتتارىن اتقارماۋ ارەكەتىن قاتاڭ تەكسەرىپ ءبىرجاقتى ەتۋى، بازاردىڭ قالىپتى ءتارتىبىن قورعاۋى كەرەك. تۇتىنۋشىلاردىڭ 12315 تەكشەسى ارقىلى باعاعا قاتىستى زاڭعا قايشى ارەكەتتەردى اشكەرەلەۋىنە بولادى.
قوسىمشا: ءارقايسى ولكە، اۆتونوميالى رايون، توتە قاراستى قالالار مەن ورتالىق قالالارداعى بەنزين مەن ديزەل مايىن بولشەك ساتۋدىڭ ەڭ جوعارى باعاسى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
