ەگىستىك جەردى قورعاۋعا نازاردى شوعىرلاندىردى
جاراتىلىستىق بايلىق مينيسترلىگى ەگىستىك جەرگە قاتىستى ماسەلەلەردى تەكسەرۋ جاعىنداعى تيپتىك 16 دەلو جونىندە حابارلاندىرۋ شىعاردى
2024.02.20 14:40 كەلۋ قاينارى : حالىق تورابى
حالىق گازەتىنىڭ ءتىلشىسى چاڭ چين 2 – ايدىڭ 19 – كۇنى بەيجيڭنەن حابارلايدى. ءتىلشىنىڭ جاراتىلىستىق بايلىق مينيسترلىگىنەن ۇعىسۋىنشا، مەملەكەتتىك جاراتىلىستىق بايلىق مينيسترلىگىنىڭ باقىلاۋ قۇرىلىمى 2023 – جىلى 12 – ايدان 2024 – جىلى 2 – ايعا دەيىن 2023 – جىلى مەملەكەت بويىنشا جەردەن پايدالانۋداعى وزگەرىستەر جونىندە تەكسەرۋ جۇرگىزۋ قىزمەتى مەن ارناۋلى باقىلاۋ قىزمەتىن بىرگە ورىستەتىپ، ەگىستىك جەردىڭ كوبەيۋى مەن ازايۋىنىڭ ناقتى جاعدايى جانە دۇرىستىعى جاعىنا نازاردى شوعىرلاندىرىپ، جەرگىلىكتى ورىنداعى ۇكىمەت پەن قاتىستى تاراۋلاردى جاۋاپكەرشىلىكتى قاتاڭ تياناقتاندىرىپ، جەردەن پايدالانۋداعى وزگەرىستەردى تەكسەرۋدىڭ ساپالىق ولشەمىن مىقتى يگەرۋگە قۋزاعان.
ەسكەرتۋ جانە تاربيە بەرۋ رولىن شىنايى ساۋلەلەندىرۋ، ءتارتىپتى قاتاڭداستىرىپ، جەر – جەردى مىندەتى مەن جاۋاپكەرشىلىگىن مۇقيات اتقارۋعا قۋزاۋ، تەكسەرۋ ساندى مالىمەتىنىڭ شىنايىلىعىنا، دالدىگىنە، سەنىمدىلىگىنە كەپىلدىك ەتۋ ءۇشىن، جاراتىلىستىق بايلىق مينيسترلىگى جۋىردان بەرى باقىلاۋ بارىسىندا بايقاعان جالعان مالىمەت بەرۋگە ساياتىن 7 تيپتىك ماسەلە مەن قىزمەتتى مۇقيات ىستەمەۋ، قاتاڭ تەكسەرمەۋ سەبەپتى ەگىستىك جەر كولەمىنە قاتىستى تەكسەرۋ ناتيجەسىندەگى قاتەلىك 1000 مۋدان اسىپ كەتكەن تيپتىك ماسەلەلەردەن 9 ماسەلە جونىندە اشىق حابارلاندىرۋ جاريالاعان.
جاراتىلىستىق بايلىق مينيسترلىگى جەر – جەردەن ءبىر ماسەلە ارقىلى باسقا ماسەلەلەردى بايقاۋدى، ماسەلەلەردى جاپپاي ءبىر – بىردەن تەكسەرۋدى، دەر كەزىندە بايقاۋدى جانە جونگە سالۋدى ۇيىمداستىرۋدى، ساندى مالىمەتتىڭ شىنايىلىعىنا، دالدىگىنە، سەنىمدىلىگىنە شىنايى كەپىلدىك ەتۋدى تالاپ ەتكەن. مەملەكەتتىك جاراتىلىستىق بايلىق مينيسترلىگىنىڭ باقىلاۋ قۇرىلىمى باقىلاۋ تەبىنىن اناعۇرلىم ارتتىرىپ، ولكە دارەجەلى ورىندار جەردەن پايدالانۋداعى وزگەرىستەردى تەكسەرۋ جونىندەگى ساندى مالىمەتتەرى مينيسترلىككە جولدانعان سوڭ، جالعان مالىمەت بەرۋ، تەكسەرۋدىڭ اۋىر دارەجەدە شىنايى بولماۋى قاتارلى ماسەلەلەردى تەكسەرىپ ءبىرجاقتى ەتۋگە قاتاڭ قۋزاپ، ەگىستىك جەردى قورعاۋ جاعىنداعى باعالاۋ قىزمەتىنە اناعۇرلىم ويداعىداي قىزمەت وتەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
