2024 – جىلى 2 – ايدىڭ 19 - كۇنى ەل ىشىندەگى وڭدەلگەن جانار مايدىڭ باعاسىنا مەحانيزم بويىنشا رەتتەۋ جۇرگىزىلمەدى

2024.02.20 16:15 كەلۋ قاينارى : حالىق تورابى

　　2024 ـ جىلى 1 ـ ايدىڭ 31 ـ كۇنى ەل ىشىندەگى وڭدەلگەن جانار ماي باعاسى رەتتەلگەننەن بەرى، حالىقارالىق بازاردا مۇناي باعاسى تولقىمالى اينالىمعا ءتۇستى، قازىر اتقارىلىپ وتىرعان ەل ىشىندەگى وڭدەلگەن جانار مايدىڭ باعا مەحانيزمى بويىنشا ەسەپتەگەندە، 2 – ايدىڭ 19 - كۇنى الدىڭعى 10 قىزمەت كۇنىنىڭ ورتاشا باعاسى 1 – ايدىڭ 31 - كۇنىنەن بۇرىنعى 10 قىزمەت كۇنىنىڭ ورتاشا باعاسىمەن سالىستىرعاندا، رەتتەلگەن باعا سوماسى ءار تونناسىنىڭ باعاسى 50 يۋانعا جەتپەيدى. «مۇناي باعاسىن باسقارۋ ءادىسىنىڭ» 7 - تارماعىنداعى بەلگىلەمەگە ساي، وسى رەتكى بەنزين مەن سالەركانىڭ باعاسى رەتتەلمەيدى، رەتتەلمەگەن سوما كەلەسى جولعى باعا تەڭشەۋىنە ەنگىزىلگەندە ەسەلەپ قوسىلادى نەمەسە دولايلاستىرىلادى.

　　جۇڭگو مۇناي ـ تابيعي گاز توبى سەرىكتەستىگى، جۇڭگو مۇناي ـ حيميا توبى سەرىكتەستىگى، جۇڭگو تەڭىز مۇناي توبى سەرىكتەستىگى، سونداي ـ اق باسقا دا مۇناي وڭدەۋ كاسىپورىندارى وڭدەلگەن جانار ماي ءوندىرۋ مەن تاسۋدى ويداعىداي ۇيىمداستىرىپ، بازاردى ورنىقتى قامداۋعا شىنايى كەپىلدىك ەتىپ، مەملەكەتتىڭ باعا ساياساتىن قاتاڭ اتقارۋى كەرەك. جەر - جەردەگى قاتىستى تاراۋلار بازاردى باقىلاۋ - تەكسەرۋ تەبىنىن ارتتىرىپ، مەملەكەتتىڭ باعا ساياساتىن اتقارماۋ ارەكەتتەرىن قاتاڭ تەكسەرىپ ءبىر جايلى ەتىپ، قالىپتى بازار ءتارتىبىن قورعاۋ كەرەك. تۇتىنۋشىلاردىڭ 12315 تەكشەسى ارقىلى باعا جاعىنداعى زاڭعا قايشى ارەكەتتەردى اشكەرەلەۋىنە بولادى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved