شي جينپيڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 4 - رەتكى ءماجىلىسىن باسقارىپ اشقاندا بىلاي دەپ دارىپتەدى
جەر فاكتورىنىڭ باسىمدىققا يە وڭىرلەردىڭ ساپالى دامۋىن قامتاماسىز ەتۋ قابىلەتىن كۇشەيتىپ، نەگىزگى ساتىنىڭ شۇعىل جاعدايعا توتەپ بەرۋ، باسقارۋ قابىلەتىن اناعۇرلىم جوعارىلاتۋ كەرەك
لي چياڭ، ۋاڭ حۋنيڭ، ساي چي قاتىناستى
2024.02.20 16:42 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 19 – كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 2 - ايدىڭ 19 - كۇنى تۇستەن كەيىن ورتالىق رەفورمانى جاپپاي تەرەڭدەتۋ كوميتەتىنىڭ 4 - رەتكى ءماجىلىسىن باسقارىپ اشىپ، «جەر باسقارۋ تۇزىمىنە رەفورما جاساپ، باسىمدىققا يە وڭىرلەردىڭ ساپالى دامۋىن قامتاماسىز ەتۋ قابىلەتىن كۇشەيتۋ جونىندەگى پىكىردى»، «ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن جەبەۋ جونىندەگى پىكىردى»، «نەگىزگى ساتىنىڭ شۇعىل جاعدايعا توتەپ بەرۋ، باسقارۋ قابىلەتىن اناعۇرلىم جوعارىلاتۋ جونىندەگى پىكىردى»، «جاپپاي جاڭالىق اشۋدى قولدايتىن نەگىزدىك ءتۇزىمدى جەدەل قالىپتاستىرۋ جونىندەگى پىكىردى»، «ورتالىق رەفورمانى جاپپاي تەرەڭدەتۋ كوميتەتىنىڭ 2023 - جىلعى قىزمەت قورىتىندى بايانداماسىن»، «ورتالىق رەفورمانى جاپپاي تەرەڭدەتۋ كوميتەتىنىڭ 2024 - جىلعى قىزمەت تۇيىندەرىن» قاراپ ماقۇلدادى.
شي جينپيڭ ءماجىلىستى باسقارعاندا بىلاي دەپ دارىپتەدى: ماكرولىق ساياساتپەن، وڭىرلىك دامۋمەن اناعۇرلىم جوعارى ءونىمدى ۇشتاسقان جەر باسقارۋ ءتۇزىمىن ورناتىپ جانە كەمەلدەندىرىپ، جەر فاكتورلارىن ورنالاستىرۋدىڭ دالدىگى مەن پايدالانۋ ونىمدىلىگىن جوعارىلاتىپ، نەگىزگى تۇلعالىق فۋنكتسيانىڭ تەجەمى ءونىمدى، مەملەكەت جەرىن اشۋ سايكەستى، ءتارتىپتى بولاتىن كەڭىستىك دامۋ جاعدايىن قالىپتاستىرۋدى ىلگەرىلەتىپ، جەر فاكتورىنىڭ باسىمدىققا يە وڭىرلەردىڭ ساپالى دامۋىن قامتاماسىزداندىرۋ قابىلەتىن كۇشەيتۋ كەرەك. ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن جەبەۋ − بايلىق ورتاسى، ەكولوگيا ماسەلەسىن شەشۋدىڭ نەگىزدىك شاراسى، جاپپاي تيپىن وزگەرتۋدە، سايكەستى تيپىن وزگەرتۋدە، جاڭالىق اشا تيپىن وزگەرتۋدە، حاۋىپسىز تيپىن وزگەرتۋدە تاباندى بولىپ، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ قىزمەتىن جەتەكشى ەتىپ، كومىرتەگىن تومەندەتۋدى، لاستانۋدى ازايتۋدى، جاسىلدىقتى كەڭەيتۋدى، ارتۋدى سايكەستى ىلگەرىلەتىپ، جاسىل دامۋ ۇستانىمىن ەكونوميكالىق، قوعامدىق دامۋدىڭ تۇتاس بارىسىمەن، ءار جاعىمەن ساباقتاستىرۋ كەرەك. نەگىزگى ساتىنىڭ شۇعىل جاعدايعا توتەپ بەرۋ، باسقارۋ قابىلەتىن اناعۇرلىم جوعارىلاتىپ، شۇعىل جاعدايعا توتەپ بەرۋ، باسقارۋ قىزمەت كۇشىنىڭ تومەنگە ءتۇسۋىن، قامتاماسىز ەتۋدىڭ تومەنگە ءتۇسۋىن، وتكەلدى الدىعا جىلجىتۋدى ىلگەرىلەتىپ، اۋىر حاۋىپسىزدىك حاۋىپ - قاتەرىنەن ءونىمدى ساقتانىپ جانە ونى شەشىپ، ءتۇرلى اپات، شىرعالاڭداردى دەر كەزىندە پارمەندى، ءونىمدى ءبىر جاقتى ەتىپ، حاۋىپسىزدىك نەگىزىن بەكەمدەپ، حاۋىپسىزدىك تومەنگى شەگىن نىعايتۋ كەرەك. عىلىم - تەحنيكا مەن ەكونوميكانىڭ ىشكەرىلەي توعىسۋىنا تۇساۋ بولاتىن كورنەكتى ماسەلەلەردى تىعىز ارقاۋ ەتىپ، جاڭالىق اشۋدا نە ىستەۋ، كىم ۇيىمداستىرۋ، جاڭالىق اشۋدى قالاي قولداۋ، شابىتتاندىرۋ، قورعاۋدى توڭىرەكتەپ، رەفورمانى ۇزدىكسىز تەرەڭدەتىپ، جاپپاي جاڭالىق اشۋدىڭ نەگىزدىك ءتۇزىمىن جەدەل ورناتۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتى مەڭگەرۋشىسىنىڭ ورىنباسارلارى لي چياڭ، ۋاڭ حۋنيڭ، ساي چي ماجىلىسكە قاتىناستى.
ءماجىلىس مىنالاردى اتاپ كورسەتتى: وڭىرلىك ەكونوميكانىڭ ورنالاسۋى مەن مەملەكەت جەر بايلىعى كەڭىستىگىنەن پايدالانۋدى ءبىر تۇتاس جوسپارلاپ، جەر - جەردىڭ فۋنكتسيالىق ورنى مەن بايلىق قاسيەتىن تياناق ەتىپ، جەر باسقارۋ ساياسات بىرلىگىن اشالاپ، بايلىقتى اشۋ، پايدالانۋ دەڭگەيىن جوعارىلاتىپ، باسىمدىققا يە وڭىرلەردىڭ ۇلگىلىك، جەتەكشىلىك رولىن اناعۇرلىم ويداعىداي ساۋلەلەندىرۋ كەرەك. مەملەكەت جەرى كەڭىستىگىن باسقارۋ - مەڭگەرۋ شەكاراسىن قاتاڭ تياناقتاندىرىپ، ەگىستىك جەر مەن ماڭگىلىك نەگىزگى ەگىنجاي، ەكولوگيانى قورعاۋ قىزىل سىزىعى، قالا - قالاشىقتاردى اشۋ شەكاراسى سىندى 3 مەڭگەرۋ سىزىعىن قاتاڭ ساقتاپ، ءىس بارىسىنداعى، ىستەن كەيىنگى باقىلاۋ - باسقارۋدى كۇشەيتۋ كەرەك. ىزدەنۋ سيپاتتى، ءبىراق توتەنشە كوكەي تەستى كەيبىر رەفورما شارالارىن ىشكەرىلەي زەرتتەۋ، بايىپتىلىقپەن ىلگەرىلەتۋ كەرەك.
ءماجىلىس مىنالاردى دارىپتەدى: ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن جەبەۋدە نازاردى ەكونوميكالىق، قوعامدىق دامۋدىڭ ءتۇيىندى سالالارىنا شوعىرلاندىرىپ، جاسىل، تومەن كومىرتەكتى، ساپالى دامۋ كەڭىستىك جۇيەسىن ورناتىپ، كاسىپ قۇرىلىمىنىڭ، ەنەرگيا قۇرىلىمىنىڭ، قاتىناس - تاسىمال قۇرىلىمىنىڭ، قالا - اۋىل قۇرىلىسىنىڭ جاسىل تيپكە بۇرىلىس جاساۋىن ىلگەرىلەتىپ، بايلىقتى ۇنەمدەيتىن جانە قورشاعان ورتانى قورعايتىن ءوندىرىس ءتاسىلى مەن تۇرمىس ءتاسىلىن جەدەل قالىپتاستىرۋ كەرەك. جاسىل تيپكە بۇرىلىس جاساۋدى ىلگەرىلەتۋدىڭ شەشۋشى بۋىندارىن مىقتى يگەرىپ، جاپپاي ۇنەمدەۋدى ىلگەرىلەتىپ، تۇتىنۋدىڭ تيپىن وزگەرتۋدى جەدەلدەتىپ، جاسىل عىلىم - تەحنيكادا جاڭالىق اشۋدى جانە وزىق جاسىل تەحنيكانى جالپىلاستىرۋدى، قولدانۋدى كۇشەيتۋ كەرەك. جاسىل، تومەن كومىرتەكتى تيپكە بۇرىلىس جاساۋدى قولدايتىن قازىنا - سالىق، فينانس، قارجى قوسۋ، باعا ساياساتى جانە قاتىستى بازارلاندىرۋ مەحانيزمىن اقاۋسىزداندىرىپ، جاسىل تيپكە بۇرىلىس جاساۋدى ساياساتتىق جاقتان قولداۋ جانە تۇزىمدىك جاقتان قامتاماسىزداندىرۋ كەرەك.
ءماجىلىس مىنالاردى اتاپ كورسەتتى: باسقارۋ ءتۇزىلىسىن جونگە سالىپ، پارتيانىڭ نەگىزگى ساتىنىڭ شۇعىل جاعدايعا توتەپ بەرۋدى باسقارۋ قىزمەتىنە باسشىلىعىن كۇشەيتىپ، شۇعىل جاعدايعا توتەپ بەرۋدى باسقارۋ تاراۋلارىنىڭ جالپىلىق باسىمدىعىن، سونداي - اق قاتىستى تاراۋلار مەن قاتىستى جاقتاردىڭ كاسىپتىك باسىمدىعىن ساۋلەلەندىرىپ، ساقتانۋ مەن قۇتقارۋدىڭ جاۋاپكەرلىك تىزبەگىن ويداعىداي ۇشتاستىرىپ، ۇلكەن حاۋىپسىزدىك، ۇلكەن شۇعىل جاعدايعا توتەپ بەرۋ جۇلگەسىن اقاۋسىزداندىرۋ كەرەك. قىزمەت مەحانيزمىن كەمەلدەندىرىپ، كومەسكى قاتەرلەردى ءبىر - بىرلەپ تەكسەرۋدى، حاۋىپ - قاتەردى پارىقتاۋدى، باقىلاۋ - ولشەۋدى، ساقتاندىرۋدى، دەر كەزىندە ءبىر جاقتى ەتۋدى جابىق باسقارۋدى ىلگەرىلەتىپ، الدىن الۋدى، ەرتە بايقاۋدى، اسقىنباي تۇرعاندا ءبىر جاقتى ەتۋدى جۇزەگە اسىرۋ كەرەك. قامتاماسىزداندىرۋ مەحانيزمىن اقاۋسىزداندىرىپ، نەگىزدىك ۇسىنىلىمدى ارتتىرىپ، وڭىرلىك حالىق سانى، ەكونوميكالىق كولەم، اپات، شىرعالاڭ ەرەكشەلىگى، حاۋىپسىزدىك حاۋىپ - قاتەرى دارەجەسى سياقتى فاكتورلارعا نەگىزدەلىپ، شۇعىل جاعدايعا توتەپ بەرۋ، قۇتقارۋ كۇشتەرىن تولىقتاۋ، كۇشەيتۋ كەرەك. نەگىزگى ساتى كادرلارىن تاربيەلەۋدى، باۋلۋدى كۇشەيتىپ، قوعامدىق قاۋىمنىڭ حاۋىپ - قاتەردەن ساقتانۋ تانىمى مەن ءوزىن - ءوزى قۇتقارۋ، ءوزارا قۇتقارۋ قابىلەتىن جوعارىلاتۋ كەرەك.
ءماجىلىس مىنالاردى دارىپتەدى: جاپپاي جاڭالىق اشۋدى قولدايتىن نەگىزدىك ءتۇزىمدى جەدەل قالىپتاستىرۋ − عىلىم - تەحنيكا ءتۇزىلىس، مەحانيزمى رەفورماسىن تەرەڭدەتىپ، جوعارى دەڭگەيلى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى جۇزەگە اسىرۋدى ىلگەرىلەتۋدىڭ ماڭىزدى شاراسى، پارتيا ورتالىق كوميتەتىنىڭ عىلىم - تەحنيكا قىزمەتىنە ورتالىقتانعان ءبىر تۇتاس باسشىلىق ەتۋ ءتۇزىلىسىن كەمەلدەندىرىپ، جاڭاشا بۇكىل ەل بولىپ جۇمىلۋ ءتۇزىلىسىن اقاۋسىزداندىرىپ، نازاردى نەگىزگى تۇلعانى سايكەستىرۋ، فاكتورلاردى جايعاستىرۋ، شابىتتاندىرۋ، تەجەۋ، ەسىك اشۋ، حاۋىپسىزدىك سياقتى جاقتارداعى كورنەكتى ماسەلەلەرگە شوعىرلاندىرىپ، تۇزىمدەگى ولقىلىقتاردى تولىقتاۋ كەرەك. عىلمي زەرتتەۋ، تەحنيكا اشۋ، شارۋاشىلىقتا جاڭالىق جاراتۋدىڭ تۇرلىشە زاڭدىلىعىنا ساي، ءتۇزىم جوباسىن تۇرگە ءبولىپ كۇشەيتىپ، كەلەلى رەفورمالاردى تۇيىندە سىناق ەتۋدى الدىمەن جۇرگىزۋ كەرەك. جۇيەلى شوعىرلاندىرۋدى كۇشەيتىپ، جاڭادان شىعارىلعان شارالارعا، جاڭادان جاسالعان تۇزىمدەرگە ساياساتتىق بەتالىس بويىنشا باعالاۋ جۇرگىزىپ، بىرگە كۇش سالىپ، بىرىككەن كۇش قالىپتاستىرۋعا كەپىلدىك ەتۋ كەرەك.
ءماجىلىس مىنالاردى اتاپ كورسەتتى: وتكەن ءبىر جىلدا ءبىز پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ رەفورمانى جاپپاي تەرەڭدەتۋگە قويعان جاڭا تالاپتارىن تەرەڭ يگەرىپ، جاڭا باستاماداعى رەفورما قىزمەتىن عىلمي جوسپارلاپ، دالمە - ءدال كۇش سالىپ، سايكەسە كۇش سالىپ، ۇزدىكسىز كۇش سالىپ، جاڭا ساپاردىڭ باستالۋىنا قوزعاۋشى كۇش، ومىرشەڭدىك كۇش ازىرلەدىك. پارتيانىڭ 20 - قۇرىلتايىندا ورنالاستىرىلعان رەفورما مىندەتتەرىنىڭ دايەكتىلەنۋىن، تياناقتانۋىن ىلگەرىلەتىپ، ءبىر توپ ماڭىزدى رەفورما قۇجاتتارىن اقىلداسىپ ماقۇلداپ، ساپالى دامۋعا شۇعىل قاجەتتى، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن كۇشتى شوعىرلاندىرا وتىرىپ شەشۋ كەرەك. پارتيا مەن مەملەكەتتىڭ قۇرىلىم رەفورماسىن ۇيىمداستىرىپ اتقارىپ، پارتيانىڭ باسشىلىق ءتۇزىمى جۇيەسىن كەمەلدەندىرىپ، عىلىم - تەحنيكا، فينانس سياقتى ءتۇيىندى سالالارداعى قۇرىلىمداردىڭ قىزمەت جاۋاپكەرلىگىن ورنالاستىرۋدى ساپالىلاندىرىپ، ورتالىق دەڭگەيىندەگى رەفورما مىندەتتەرىن نەگىزىنەن ورىنداۋ كەرەك. ءتۇيىندى رەفورما مىندەتتەرىن سايكەستىرۋدى، ىلگەرىلەتۋدى، تياناقتاندىرۋدى قۋزاۋدى كۇشەيتىپ، رەفورمانىڭ تياناقتانىپ، ناتيجە بەرۋىن ىلگەرىلەتۋ كەرەك.
بيىل − رەفورمانى جاپپاي تەرەڭدەتۋدىڭ تاعى ءبىر ماڭىزدى جىلى، باستى مىندەتى − رەفورمانى ونان ارى جاپپاي تەرەڭدەتۋدى جوسپارلاۋ، بۇل − ءارى پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى رەفورمانى جاپپاي تەرەڭدەتۋدىڭ امالياتتىق جالعاسى، ءارى جاڭا جورىقتا جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ داۋىرلىك جاڭا تاراۋى. رەفورما جاساپ، ەسىك اشۋ سىندى شەشۋشى شارا ارقىلى دامۋ بارىسىنداعى ماسەلەلەردى شەشۋدە، العا باسۋ جولىنداعى حاۋىپ - قاتەر مەن سىن - سايىسقا توتەپ بەرۋدە تاباندى بولۋ كەرەك. ىشكى سۇرانىمدى ۇلعايتۋعا، قۇرىلىمدى ساپالىلاندىرۋعا، سەنىمدى سەرپىلتۋگە، حالىق تۇرمىسىن قامتاماسىز ەتۋگە، حاۋىپ - قاتەردەن ساقتانۋعا جانە ونى جويۋعا ءتيىمدى رەفورما شارالارىن ۇزدىكسىز ويداعىداي يگەرىپ، ەڭ شەشۋشى، ەڭ كوكەي تەستى ماسەلەلەردى شوعىرلى تۇردە شەشۋ كەرەك. رەفورمانى ونان ارى جاپپاي تەرەڭدەتۋدىڭ كەلەلى شارالارىن عىلمي جوسپارلاپ، نازاردى جۇڭگو ۇلگىسىندەگى وسىزامانداندىرۋدىڭ ءساتتى ىلگەرىلەۋىنە كەدەرگى بولاتىن تۇزىلىستىك، مەحانيزمدىك كەدەرگىلەرگە شوعىرلاندىرىپ، رەفورمانىڭ ستراتەگيالىق ءتۇيىنىن، الدىمەن ەسكەرىلەۋگە ءتيىستى رەت - ءتارتىبىن، نەگىزگى قامال الۋ بەتالىسىن، ىلگەرىلەتۋ ءتاسىلىن ايقىنداپ، رەفورما ماسەلەسىن نىشان ەتۋدى، ءار سالاداعى ءتۇيىندى رەفورما مىندەتتەرىن كورنەكتىلەندىرۋ كەرەك. رەفورما شارالارىندا ايقىن باعىتتامالىلىق بولۋ، ەڭ كورنەكتى ماسەلەلەردى شەشۋگە ۇمتىلۋ، رەفورمانىڭ ءمانى تەرەڭ، مازمۇنى تولىق بولۋ كەرەك. ءار جاقتىڭ رەفورما بەلسەندىلىگىن تولىق جۇمىلدىرىپ، رەفورما جونىندەگى ورتاق تانىمدى ونان ارى ۇيىستىرىپ، بۇكىل پارتيانىڭ، بۇكىل ەلدىڭ كۇشىن جۇمىلدىرىپ، كەلەلى رەفورما مىندەتتەرىن ىلگەرىلەتۋ مەن تياناقتاندىرۋدى ويداعىداي يگەرىپ، ءار جاقتىڭ پىكىرلەرى مەن ۇسىنىستارىن كەڭ كولەمدە تىڭداپ، نەگىزگى ساتى مەن بۇقارا جاراتقان جاڭا تاجىريبەلەردى دەر كەزىندە قورىتىندىلاپ، قالىڭ پارتيا مۇشەلەرىن، كادرلاردى جاۋاپكەرلىك ارقالاپ، ىسكەرلىك كورسەتۋگە ىنتالاندىرىپ، باتىلدىقپەن جاڭالىق اشاتىن، شىنايى يگەرىپ، ناقتى ىستەيتىن، ءورىس اشا ىلگەرىلەيتىن قويۋ رەفورما رايىنىڭ قالىپتاسۋىن ىلگەرىلەتۋ كەرەك.
ورتالىقتىڭ رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
