پارتيا تاريحىن ۇيرەنۋ تاربيەسى قىزمەتىن ىشكەرىلەي ورىستەتۋدىڭ نەگىزگى تياناعى
«حالىق گازەتىنىڭ» شولۋشىسى
2024.02.20 16:43 كەلۋ قاينارى : حالىق تورابى
تاياۋدا ج ك پ ورتالىق كوميتەتى «پارتيا تاريحىن ۇيرەنۋ تاربيەسى قىزمەت ەرەجەسىن» (تومەندە قىسقاشا ەرەجە دەلىنەدى) باسىپ تاراتتى. ەرەجە شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىلىپ، پارتيا تاريحىن ۇيرەنۋ تاربيەسىنىڭ باسشىلىق ءتۇزىلىسى مەن قىزمەت مىندەتى، مازمۇنى، باستى فورماسى، قامتاماسىزداندىرۋى جانە باقىلاۋى سياقتىلاردى جاپپاي ارناعا ءتۇسىردى، بۇل − پارتيا تاريحىن ۇيرەنۋ تاربيەسى قىزمەتىن ورىستەتۋدىڭ نەگىزگى تياناعى. «ەرەجەنىڭ» جاسالۋى مەن اتقارىلۋى پارتيا تاريحىن ۇيرەنۋ تاربيەسىنىڭ ۇدايىلانۋىن، باياندى بولۋىن ىلگەرىلەتۋدە، بۇكىل پارتيانىڭ، بۇكىل قوعامنىڭ پارتيا تاريحىن جاقسى ۇيرەنۋىن، پارتيا تاريحىنان ويداعىداي پايدالانۋىن ىلگەرىلەتۋدە، پارتيا تاريحىنان اقىل - پاراسات پەن كۇش - قۋات قابىلداۋدا، تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەۋدە ماڭىزدى مانگە يە.
پارتيا تاريحى − ەڭ جاندى، ەڭ زور يلاندىرۋ قۋاتىنا يە وقۋلىق. پارتيامىز پارتيا تاريحىن ۇيرەنۋ تاربيەسىنە ەجەلدەن ءمان بەرىپ كەلەدى، پارتيانىڭ كۇرەس بارىسى مەن ۇلى تابىستارى ارقىلى جىگەردى تاسقىنداتۋعا، بەتالىسقا جەتەكشىلىك ەتۋگە ءمان بەرىپ، پارتيانىڭ داڭقتى ءداستۇرى مەن تاڭداۋلى ستيلى ارقىلى سەنىمدى بەكەمدەپ، كۇش - قۋاتتى ۇيىستىرىپ، پارتيانىڭ تاريحي تاجىريبەلەرى مەن امالياتى ارقىلى اقىل - پاراساتتى تاسقىنداتىپ، مىنەز - قۇلىقتى شىڭداۋ كەرەك. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى پارتيا تاريحىن ۇيرەنۋگە ايرىقشا ءمان بەردى، اسىرەسە، 100 جىلدىق پارتيا تاريحىنىڭ جاڭا باستاماسىن تياناق ەتىپ، ىستەرىمىزدىڭ دامۋىندا جاڭا جاعداي اشۋدى كوزدە ۇستاپ، بۇكىل پارتيادا پارتيا تاريحىن ۇيرەنۋ تاربيەسىن ورىستەتىپ، قالىڭ پارتيا مۇشەلەرى، كادرلار جان - جاقتى، تەرەڭ ساياسي تاربيە، يدەيالىق شىڭدالۋ، رۋحاني شىڭدالۋ ارقىلى بۇكىل پارتيانىڭ تاريحي سانالىلىعى، تاريحي سەنىمى بارىنشا كۇشەيدى. پارتيانىڭ جاسامپازدىق قۋاتى، ۇيىستىرۋ قۋاتى، جاۋىنگەرلىك قۋاتى بارىنشا جوعارىلادى. «ەرەجەنىڭ» جاسالۋى پارتيا ورتالىق كوميتەتىنىڭ پارتيا تاريحىن ۇيرەنۋ تاربيەسى قىزمەتى جونىندەگى جاڭا رۋحىن، جاڭا تالابىن تولىق ايگىلەپ، پارتيا تاريحىن ۇيرەنۋ تاربيەسىنىڭ جاڭا تاجىريبەلەرىن، جاڭا جەتىستىكتەرىن قورىتىندىلاپ، قابىلداپ، پارتيا تاريحىن ۇيرەنۋ تاربيەسى قىزمەتىن ويداعىداي ىستەۋگە پارمەندى تۇزىمدىك كەپىلدىك ازىرلەدى.
پارتيا تاريحىن ۇيرەنۋ تاربيەسى قىزمەتىن ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ جاپپاي باسشىلىعىندا تاباندى بولۋدى جانە ونى كۇشەيتۋدى قىزمەتتىڭ تۇتاس بارىسىمەن، ءار جاعىمەن ساباقتاستىرۋ كەرەك. پارتيا تاريحىن ۇيرەنۋ تاربيەسىنىڭ بۇكىل پارتيانى قامتۋى مەن قوعامعا بەت الۋىن ۇشتاستىرۋدا تاباندى بولۋ كەرەك. نازاريامەن قارۋلانۋدى ۇدايىلاندىرۋمەن، ۇزاق ۋاقىت ءونىمدى ورىستەتۋمەن ۇشتاستىرۋدا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا تاريحىنىڭ نەگىزگى مازمۇنى مەن باعالى تاريحي تاجىريبەلەرىن ۇيرەنىپ، پارتيا قۇرۋ ۇلى رۋحىن ساۋلەلەندىرىپ، پارتيا تاريحى جونىندە دۇرىس كوزقاراس ورناتۋ كەرەك. ءتۇزىم مەحانيزمىن اقاۋسىزداندىرىپ، كەمەلدەندىرىپ، قىزمەت ءتاسىلى مەن ادىسىندە جاڭالىق اشىپ، پارتيا مۇشەلەرىنىڭ وزدىگىنەن ۇيرەنۋ جانە ۇيرەنۋگە ۇيىمداستىرۋ رولىن ويداعىداي ساۋلەلەندىرىپ، ءار دارەجەلى پارتيا مەكتەپتەرىنىڭ (اكىمشىلىك شۋەيۋاندارى)، كادرلار شۋەيۋانىنىڭ، سوتسياليزم شۋەيۋانىنىڭ پارتيا تاريحى ساباعىن تولىقتاپ، مەكتەپتەردىڭ يدەيالىق - ساياسي ساباق ارناسى، قىزىل بايلىق، اقپارات قۇرالدارىنىڭ ۇگىتى جانە نەگىزگى ساتىنىڭ ۇگىتى، ۇگىت - لەكسياسى سياقتى فورمالاردان ويداعىداي پايدالانىپ، عىلمي زەرتتەۋ، ءپان، دارىندى، ءتارتىپ، قاراجات سياقتى قامتاماسىزداندىرۋ قۇرىلىسىن كۇشەيتۋ كەرەك. پارتيا تاريحىن ۇيرەنۋ تاربيەسىنىڭ جۇيەلىلىگىن، باعىتتامالىلىعىن، ونىمدىلىگىن شىنايى كۇشەيتۋ كەرەك. يدەولوگيا قىزمەتىنىڭ جاۋاپكەرلىك ءتۇزىمىن قاتاڭ تياناقتاندىرىپ، تاريحي تەرىستەۋشىلىك سياقتى قاتە يدەيالىق اعىمدار مەن كوزقاراستارعا باتىل قارسى تۇرۋ كەرەك. فورماشىلدىققا، تورەشىلدىككە باتىل قارسى تۇرىپ، ”تومەن دارەجەلى قىزىل“، ”جوعارى دارەجەلى قارا“ بولۋدان ساقتانۋ كەرەك.
”ءتۇزىم بويسۇنۋعا جانە اتقارۋعا قولدانىلادى“. ءار دارەجەلى پارتكومدار (پارتيا باسشىلىق گرۋپپالارى) ەرەجەنى ۇيرەنۋدى، ۇگىتتەۋدى جانە دايەكتىلەندىرۋدى، تياناقتاندىرۋدى مۇقيات مىقتى يگەرىپ، پارتيا تاريحىن ۇيرەنۋ تاربيەسى قىزمەتىنىڭ تۇلعالىق جاۋاپكەرلىگىن شىنايى اتقارىپ، پارتيا تاريحىن ۇيرەنۋ تاربيەسى قىزمەتىنىڭ ورىستەتىلۋ جاعدايىن باقىلاۋ - تەكسەرۋدى كۇشەيتىپ، ەرەجەدەگى ءتۇرلى بەلگىلەمەلەردىڭ ناقتى تياناقتانۋىنا، ناقتى ونىمدىلىككە قول جەتكىزۋىنە كەپىلدىك ەتۋ كەرەك. نەگىزگى ساتى پارتيا ۇيىمدارى تىكە جاۋاپكەرلىكتى ويداعىداي ارقالاپ، ”ءۇش جيىن، ءبىر ساباق“، نەگىزگى تاقىرىپتىق پارتيا كۇنى سياقتى فورمالار ارقىلى پارتيا تاريحىن ۇيرەنۋ تاربيەسىن كۇندەلىكتى تۇرمىسپەن توعىستىرىپ، ۇنەمى يگەرۋ كەرەك. باسشى كادرلار ۇيرەنۋدە الدا ءجۇرىپ، ۇلگى بولىپ، پارتياعا دەگەن تەرەڭ سۇيىسپەنشىلىكپەن پارتيا تاريحىن ۇيرەنىپ، كاسىپكە دەگەن كۇشتى جاۋاپكەرلىكپەن پارتيا تاريحىن قولدانىپ، ءبىر دارەجە ءبىر دارەجەنى جەتەكتەيتىن، بۇكىل پارتيا بىرگە ۇيرەنەتىن تاماشا جاعداي قالىپتاستىرۋ كەرەك.
تاريحتى اينا ەتكەندە عانا بولاشاققا جول اشۋعا بولادى. پارتيا تاريحىن ۇيرەنۋ − جۇڭگوشا سوتسياليزمدە تاباندى بولىپ جانە ونى دامىتىپ، پارتيا مەن مەملەكەت ىستەرىن ۇزدىكسىز العا ىلگەرىلەتۋدەگى مىندەتتى ساباق، بۇل ساباقتى، ءسوز جوق، وقىپ قانا قويماي، ونىڭ ۇستىنە، ءسوز جوق، جاقسى وقۋ كەرەك. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن جاپپاي دايەكتىلەندىرىپ، شي جينپيڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، «ەرەجەنى» اتقارۋدى وراي ەتىپ، پارتيانىڭ 100 جىلدىق كۇرەسىنىڭ كەلەلى جەتىستىكتەرى مەن تاريحي تاجىريبەلەرىنەن اناعۇرلىم ويداعىداي پايدالانىپ، اقىل - پاراساتتى ارتتىرىپ، ىنتىماقتى كۇشەيتىپ، سەنىمدى نىعايتىپ، كۇرەس جىگەرىن كۇشەيتىپ، پارتيانىڭ اۋەلگى ماقساتى مەن بورىشىن اناعۇرلىم باتىل، سانالى تۇردە ەستە بەرىك ساقتاپ، دامۋدىڭ جاڭا جاعدايىن اشىپ، جاڭا ەمتيحان تاپسىرۋ جولىندا جاقسى ناتيجەگە قول جەتكىزەيىك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
