گۇيجوۋدا ورمانعا كەتكەن 221 رەتكى ءورت تۇگەلدەي ءوشىرىلدى
2024.02.23 14:49 كەلۋ قاينارى : حالىق تورابى
شينحۋا اگەنتتىگىنىڭ تىلشىلەرى جىڭ ميڭحۇڭ، جياڭ چىڭ 2 – ايدىڭ 22 – كۇنى گۇيياڭنان حابارلايدى. گۇيجوۋ ولكەلىك ورمانعا جانە جايىلىمعا ءورت كەتۋدەن ساقتانۋ جانە ءونى ءوشىرۋ جاعىنداعى شۇعىل جاعدايلارعا جەتەكشىلىك ەتۋ كەڭسەسى 2 – ايدىڭ 22 – كۇنى حابارلاندىرۋ جاريالادى، بيىل 2 – ايدىڭ 10 – كۇنىنەن 21 – كۇنىنە دەيىن گۇيجوۋ ولكەسى بويىنشا ورمانعا 221 رەت ءورت كەتىپ، قازىرگە دەيىن بارلىعى وشىرىلگەن. مۇندا 11 رەتكى ءورت ورمانعا كەتكەن ءورت اپاتى دەپ تۇراقتاندىرىلعان، 2 ادام قازا بولعان، اپاتتىڭ سالعان زيانى جونىندەگى ناقتى جاعدايلار قازىر جۇيەلى تۇردە ساناققا الىنۋدا.
حابارلاندىرۋعا قاراعاندا، گۇيجوۋ ولكەسى ورمانعا كەتكەن ءورتتى وشىرۋگە قارۋلى ساقشى، ورتتەن ساقتانۋ، ورمانعا ءورت كەتۋدەن ساقتانۋ، كاسىپتىك قۇتقارۋشىلار اترەتى جانە قوعامدىق قۇتقارۋشى كۇشتەر قاتارلىلاردان 730 اترەتتى (رەت) ىسكە قوسىپ، جيىنى 9200 دەن استام ادامدى، 40 مىڭعا تاياۋ جابدىقتى ىسكە قوسقان، نەگىزگى ساتىداعى پارتيالى كادرلار، حالىق اسكەرلەرى، بۇقارا جانە ەرىكتىلەر قاتارلىلاردان 15 مىڭنان استام ادامدى اتتانىسقا كەلتىرگەن، بۇكىل ولكەدەگى ماي قۇيۋ پۋنكتتەرى، ەلەكتر رەتتەۋ پۋنكتتەرى، توك جەتكىزۋ جەلىلەرى، مۇناي – گاز قۇبىرلارى، جوعارى قارقىندى پويەز قاتارلى ماڭىزدى قۇرىعىلار مەن اسپاپتاردا ءىرى قوسالقى اپات جانە شىرعالاڭ تۋىلماعان.
حابارلاندىرۋدا مىنالار اتاپ كورسەتىلگەن: قازىر گۇيجوۋ ولكەسىندە قۋاڭشىلىق اۋا رايى مەن بوران ءالى دە جالعاسۋدا، ورمانعا ءورت كەتۋ حاۋپىنىڭ دارەجەسى ءالى دە ءبىرشاما جوعارى، ورمانعا ءورت كەتۋدەن ساقتانۋ جاعدايى ءبىرشاما كۇردەلى، ءار دارەجەلى ءارقايسى تاراۋلار جاعدايعا عىلىمي تۇجىرىم جاساۋ، جاۋاپكەرشىلىكتى تياناقتاندىرۋدى كۇشەيتۋ، قاينارىنان باستاپ ساقتانۋدى مىقتى ۇستاۋ، وتتان پايدالانۋدا بەلگىلەمەگە قايشى كەلەتىن جاعدايلاردى قاتاڭ تەكسەرۋ، قۇتقارۋ – كومەكتەسۋدى عىلىمي اتقارۋ، ينفورماتسيا جولداۋ مەن ۇگىت – تاربيە جۇرگىزۋدى كۇشەيتۋ، جۇرت نازار اۋدارىپ وتىرعان ماسەلەلەر جونىندە دەر كەزىندە جاۋاپ قايتارۋ قاتارلى بىرنەشە جاقتاعى قىزمەتتەردى كۇش سالا ويداعىداي ىستەۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
