جۇقپالى تۇماۋ مەن جاڭا تيپتى ايدارشا ۆيرۋس قاتار تارالۋدا
بەيجيڭ اۋرۋدىڭ الدىن الۋ جانە تىزگىندەۋ ورتالىعى ەسكەرتەدى: وقىتۋشىلار مەن وقۋشىلار اۋىرىپ قالعان جاعدايدا قىزمەتكە شىقپاعانى، مەكتەپكە بارماعانى ءجون
2024.02.23 15:20 كەلۋ قاينارى : حالىق تورابى
دەمالىس اياقتاعان سوڭ، وقۋدى باستاۋعا دايىندالۋ كۇن تارتىپكە ەنگىزىلدى. قازىرگى كەز بەيجيڭ قالاسىندا ءالى دە قىس پەن كوكتەمدەگى تىنىس جولى اۋرۋلارى ءجيى تارالاتىن كەز بولىپ، بەيجيڭ قالالىق اۋرۋدىڭ الدىن الۋ جانە تىزگىندەۋ ورتالىعى مەكتەپتەردىڭ دەنساۋلىقتى تەكسەرۋدى كۇشەيتۋى، دەنساۋلىقتى قورعاۋدى ويداعىداي ىستەۋى كەرەك ەكەنىن ەسكەرتتى.
قازىر بەيجيڭ قالاسىندا تىنىس جولى جۇقپالى اۋرۋلارىنىڭ تارالۋى جاعىندا جۇقپالى تۇماۋ مەن جاڭا تيپتى ايدارشا ۆيرۋس بىرگە تارالعان جاعداي جارىققا شىعۋدا. جۋىردا جۇقپالى تۇماۋدىڭ تارالۋ مولشەرىندە ءبىرشاما باسەڭدەۋ بەتالىسى بايقالدى. بەيجيڭ قالالىق اۋرۋدىڭ الدىن الۋ جانە تىزگىندەۋ ورتالىعى مىنانى ەسكەرتەدى: مەكتەپتەر تاڭەرتەڭ جانە تۇستە دەنساۋلىقتى تەكسەرۋدى، اۋرۋ سەبەپتى قىزمەتكە، وقۋعا كەلە الماعانداردى تىزىمدەۋ ءتۇزىمىن جانە جۇقپالى اۋرۋ ىندەتى جونىندە مالىمەت بەرۋدى قاتاڭ تياناقتاندىرۋى كەرەك؛ وقىتۋشىلار مەن وقۋشىلاردىڭ اۋىرعان جاعدايدا قىزمەتكە، وقۋعا بارماعانى ءجون. وقۋشىلاردا قىزىپ اۋىرۋ، جوتەلۋ قاتارلى اۋرۋ بەلگىلەرى بايقالسا، دەر كەزىندە وقۋشىلارعا ماسكى تاقتىرۋ ءارى اتا – اناسىمەن حابارلاسۋ، دەر كەزىندە ەمدەتۋ، دياگنوزىن انىقتاتقان سوڭ، وتباسىندا دەمالۋى، ويداعىداي ەمدەلۋى قاجەت، توپتىق قيمىلدارعا قاتىناسپاعانى، الەۋمەتتىك ورىندارعا بارماعانى ءجون. وقۋشىلاردىڭ اتا – انالارى دا بالانىڭ رۋحاني كۇيىنە كوڭىل ءبولۋى، وقۋشى اۋىرعان جاعدايدا مەكتەپكە جىبەرمەگەنى ءجون. ناۋقاستى كۇتىمدەگەندە، ەمحاناعا اپارعان كەزدە، اتا – انالار دا ماسكىنى ويداعىداي تاعىپ، ءوزىن ويداعىداي قورعاۋى قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
