”بۇقارانىڭ ىسىنە قاي - قاشان دا قام جەپ تۇرۋ كەرەك“ (باس شۋجيدىڭ حالىققا ىنتا – ىقىلاسى)
«حالىق گازەتىنىڭ» تىلشىلەرى ياڭ شۋەبو، سۇي جۋ
2024.02.23 16:11 كەلۋ قاينارى : حالىق تورابى
”بۇقارانىڭ ىسىنە قاي - قاشان دا قام جەپ تۇرۋ كەرەك“. جەرگىلىكتى ورىندا قىزمەت ىستەگەن كەزدە شي جينپيڭ جولداس ءبىر رەتكى تىلشىلىكتى قابىلداعاندا وسىلاي دەگەن بولاتىن.
جىلدار جوڭكىلسە دە، ادال نيەت وزگەرمەدى. 2022 - جىلى 10 - ايدا ج ك پ 20 - كەزەكتى ورتالىق كوميتەتى ساياسي بيۋروسىنىڭ تۇراقتى مۇشەلەرى جۇڭگولىق، شەتەلدىك تىلشىلەرمەن كەزدەسكەندە، باس شۋجي شي جينپيڭ بىلاي دەپ سالتاناتپەن جاريالادى: ”حالىقپەن تىلەكتەس بولىپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز رەالدىققا اينالدىرۋىمىز كەرەك“.
قاشان دا حالىقتى كوكەيىنەن شىعارمادى، سوندىقتان دا ۇنەمى قام جەپ تۇردى. بۇل − حالىق كوسەمىنىڭ حالىققا دەگەن شىنايى سۇيىسپەنشىلىگى.
”قاي - قاشان دا قام جەپ تۇرۋ“ − بولاتتاي بەرىك اۋەلگى ماقسات، سان وزگەرىستى باستان كەشسە دە باستان - اياق وزگەرمەدى.
باسىنا كەن جۇمىسشىلارى قالپاعىن، ۇستىنە كەن جۇمىسشىلارى كيىمىن كيىپ، مىڭ مەترگە جۋىق تەرەڭدىكتەگى جەر استى كەن قۇدىعىندا جۇمىسشىلارمەن بىرگە سۋرەتكە ءتۇستى − بۇل سۋرەتتە سول كەزدە جىجياڭ ولكەلىك پارتكومنىڭ شۋجيى بولىپ تۇرعان شي جينپيڭ جولداستىڭ جىجياڭنىڭ چاڭگۋاڭ كومىر كەنىندە تەكسەرۋ - زەرتتەۋ جۇرگىزگەن كورىنىسى جاندى ەستەلىككە الىنعان.
بۇل 2005 - جىلى كوكتەم مەرەكەسى قارساڭى ەدى، قيىنشىلىعى بار جۇمىسشى - قىزمەتكەرلەردەن حال سۇراعاننان كەيىن، شي جينپيڭ جولداس شاحتاعا ءتۇسىپ كەن جۇمىسشىلارىنان حال سۇرادى. قۇدىق ۇڭگىرى جولىنىڭ بيىكتىگى ءبىرىڭعاي ەمەس ەدى، بويى بيىك ول 1500 مەتردەن استام ۇڭگىر جولىندا ەڭككەيىپ ءجۇردى.
كومىر قازىپ جاتقان جۇمىسشىلار شي جينپيڭ جولداستىڭ قۇدىققا ءتۇسىپ وزدەرىن كورۋگە كەلگەنىن ەستىپ قاتتى تاڭ قالىپ، ارت - ارتىنان كەلىپ قاۋمالاپ الدى. شي جينپيڭ جولداس بىلاي دەدى: كومىر كەن جونىنەن العاندا، ءوندىرىس حاۋىپسىزدىگى ماڭداي الدى ورىندا تۇرادى، ءاربىر كەن جۇمىسشىسىنىڭ ءومىرىن، ءسوز جوق، ايالاپ، كوپشىلىكتىڭ شاحتادان قۋانا ءتۇسىپ، امان - ەسەن ۇيىنە قايتۋىنا مۇمكىندىك جاساۋ كەرەك.
”مەن جەرگىلىكتى ورىندا قىزمەت ىستەگەن كەزىمدە، مەرەكە - مەيرامداردا كەزەكشىلىك ىستەيتىنمىن، بىرەر ءىس تۋىلۋدان الاڭدايتىنمىن“. 2015 - جىلى 1 - ايدا 18 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە باس شۋجي شي جينپيڭ ەسكە الىپ وسىلاي دەگەن بولاتىن.
حالىقتىڭ مۇڭ - مۇقتاجىن مەن ءسوزسىز ويلايمىن؛ حالىقتىڭ ارمان - تىلەگىن مەن ءسوزسىز ورىندايمىن.
فۋجوۋدا مىندەت وتەگەن كەزىندە شي جينپيڭ جولداس كوجە قاتىقتى يگەرۋدى ءىرى ءىس رەتىندە قاراپ، ءار كۇنى كوكونىس باعاسىن ءبىلىپ وتىردى. كىشكەنە جاسىل جاپىراقتى كوكونىستەر حالىق تىلەگىمەن توعىسادى.
”سول جەردە ءۇش كۇن بويى كوكونىس جەي الماساق، تاماق جەگەندەي بولمايمىز دەگەن ءسوز بار. كوكونىس جەي الۋ، جەي الماۋ − ساياسيعا ساياتىن ءىس. قازىر ءبىزدىڭ نەگىزگى ساتىداعى كادرلارىمىز، اسىرەسە جاس كادرلارىمىز وسى جاقتاعى ماسەلەلەرگە نەمقۇرايدى قاراپ وتىر، بۇلاي ىستەۋگە بولمايدى“. 2023 - جىلعى مەملەكەتتىك ەكى ماجىلىستە جياڭسۋ ۋاكىلدەر ۇيىرمەسىنىڭ تالقىسىنا قاتىناسقاندا، باس شۋجي شي جينپيڭ وسىلاي دەپ ىقىلاستى ەسكەرتۋ بەردى.
كيىم - كەشەك، ازىق - تۇلىك، تۇرار جاي، ءجۇرىس - تۇرىس، وتىن، كۇرىش، ماي، تۇز. بۇقارانىڭ مۇڭ - مۇقتاجىنا، ۋايىمىنا باستان - اياق نازار اۋدارۋ ”قاي - قاشان دا قام جەپ تۇرۋدىڭ“ ەڭ جاقسى تۇسىندىرمەسىنە اينالدى.
”قاي - قاشان دا قام جەپ تۇرۋ“ دەگەنىمىز امانشىلىقتا جامانشىلىقتىڭ بولارىن ويلاپ، قيىنشىلىقتار مەن سىن - سايىسقا بەتپە - بەت كەلىپ، حالىقتىڭ ماڭىزدى تاپسىرماسىن ورىنداۋ دەگەندىك.
”حۋاڭحى وزەنى تىنىش بولسا، الەم تىنىش بولادى“. حۋاڭحى وزەنىن قورعاۋ جۇڭحۋا ۇلتىنىڭ باياندى دامۋىنا، ءجۇز ميلليونداعان حالىقتىڭ باقىتتى، الاڭسىز بولۋىنا سايادى.
پارتيا 18 - قۇرىلتايىنان بەرى باس شۋجي شي جينپيڭ حۋاڭحى وزەنىنىڭ جوعارعى، ورتا، تومەنگى اعارىنداعى 9 ولكە، اۆتونوميالى رايوندى ارالاپ شىقتى: چيڭحايدا ”تۇنىق سۋدىڭ شىعىسقا قاراي اعۋىنا“ شىنايى كەپىلدىك ەتۋدى تاپسىردى؛ سانشيدە ”حۋاڭحى وزەنى الابىنىڭ ەكولوگياسىن قورعاۋعا ءتيىمسىز ىستەردى مۇلدە ىستەمەۋدى“ دارىپتەدى؛ شاندۇڭدا ”ەكولوگيانى الدىمەن ەسكەرۋدە، جاسىل دامۋدا تاباندى بولۋدى“ العا قويدى... قايتا - قايتا قىزمەت تەكسەرگەندە، ءاربىر اۋىز تاپسىرما ”حۋاڭحى وزەنىن حالىقتى باقىتقا كەنەلتەتىن باقىت وزەنىنگە اينالدىرۋدىڭ“ ايبىندى ۋادەسىنە اينالدى.
مەملەكەتتى باسقارىپ، ەلدى تىنىشتاندىرۋدىڭ ءتۇيىنى نەگىزگى ساتىدا.
وتكەن عاسىردىڭ 60 - جىلدارىندا جىجياڭ جۋجي فىڭچياۋداعى كادر - جۇرتشىلىق نەگىزگى ساتىنىڭ قوعامدىق جونگە سالۋىندا ”فىڭچياۋ تاجىريبەسىن“ جاراتىپ، قايشىلىقتاردىڭ، حاۋىپ - قاتەردىڭ الدىن الۋعا جانە ونى جويۋعا ماڭىزدى وي سالدى.
20 نەشە جىلدىڭ الدىندا سول كەزدە جىجياڭ ولكەلىك پارتكومنىڭ شۋجيى بولىپ تۇرعان شي جينپيڭ جولداس ”فىڭچياۋ تاجىريبەسىن“ تولىق قاستەرلەۋدى، كۇش سالا جالپىلاستىرۋدى، ۇزدىكسىز جاڭالىق اشۋدى، ”بۇقاراعا سەنۋ، سۇيەنۋ، حالىق ءۇشىن بيلىك جۇرگىزۋ بارىسىندا ءتۇبىرلى ماقساتتى امالياتتا ايگىلەۋدى“ ايقىن تالاپ ەتتى؛ 2023 - جىلى 9 - ايدا باس شۋجي شي جينپيڭ جىجياڭدا قىزمەت تەكسەرگەن كەزدە فىڭچياۋ تاجىريبەسى كورمە سارايىن ەكسكۋرسيالاپ، ”پارتيانىڭ بۇقارالىق لۋشيانىندا تاباندى بولىپ، حالىق ىشىندەگى قايشىلىقتاردى دۇرىس ءبىر جاقتى ەتىپ، حالىق بۇقاراسىنا تىعىز سۇيەنىپ، ماسەلەنى نەگىزگى ساتىدا، وركەن كۇيىندە شەشۋ كەرەك“ دەپ اتاپ كورسەتتى.
نەگىزگى ساتىنى جونگە سالۋعا كوڭىل ءبولىپ، قاي - قاشان دا قام جەپ تۇردى. باس شۋجي شي جينپيڭنىڭ جەتەكشىلىگىندە، جەر - جەر، تاراۋلار جاڭا داۋىردەگى ”فىڭچياۋ تاجىريبەسىندە“ ۇزدىكسىز تاباندى بولىپ جانە ونى دامىتىپ، حالىق تىلەگىن دەر كەزىندە ۇعىسىپ، حالىق تىلەگىن ءونىمدى ۇيىستىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم تولىقتادى، اناعۇرلىم قامتاماسىز ەتتى، اناعۇرلىم باياندى ەتتى.
”قاي - قاشان دا قام جەپ تۇرۋ“ − رۋحتىڭ ماڭگى بويكۇيەزدىككە سالىنباۋى، ەمتيحان تاپسىرۋ سەرگەكتىگىن ساقتاپ، ۇزدىكسىز كۇرەس جاساپ العا باسۋ.
پارتيانىڭ 20 - قۇرىلتايى ەندى عانا جابىلىسىمەن باس شۋجي شي جينپيڭ شانشي ولكەسىنىڭ يان - ان قالاسىنا كەلىپ قىزمەت تەكسەردى.
نانگوۋ قىستاعىنىڭ جەمىس باعىندا ەگىمشىلىك تەحنيكاسى، ءۇزۋ ءادىسى، تۇقىم ساپاسى، ساتۋ باعاسىنان قىستاق تۇرعىندارىنىڭ كىرىسىنە دەيىن، ونان الما ەگىمشىلىگى مەن باسقا دا كاسىپتەردى قالاي دامىتۋعا دەيىن باس شۋجي شي جينپيڭ توتەنشە ەگجەي - تەگجەيلى سۇرادى. ”جاپپاي سوتسياليستىك وسىزاماندانعان مەملەكەت قۇرۋداعى ەڭ جاپالى، ەڭ اۋىر مىندەت ءالى دە اۋىل - قىستاقتا“. ءاربىر وتباسىنىڭ شاعىن ەسەپ داپتەرىندە باس شۋجي شي جينپيڭنىڭ تەرەڭ سۇيىسپەنشىلىگى جاتىر.
جاڭا جورىقتا اۋەلگى ماقسات تاعى دا وزگەرگەنى جوق. كۇردەلى دە قاتاڭ ەل ءىشى - سىرتىنداعى دامۋ ورتاسى الدىندا، ”العان بەتىنەن قايتپايتىن كۇرەسكەرلىك بەينەمەن جانە ماڭگى بويكۇيەزدىككە سالىنبايتىن رۋحاني كۇيمەن اۋىر مىندەتتى باتىلدىقپەن ارقالاپ، قاجىرلىلىقپەن ناقتى ىستەۋ كەرەك“.
”قاي - قاشان دا قام جەم تۇراتىن جاۋاپكەرشىلىك سەزىممەن، بەلسەنە جاۋاپكەرشىلىك ارقالاپ، ىسكەرلىك كورسەتەتىن جىگەرمەن پارتيا مەن حالىق ءۇشىن جاقسى قىزمەت ىستەپ، جاقسى جاۋاپكەرشىلىك ارقالاۋ كەرەك“، بۇل − باس شۋجي شي جينپيڭنىڭ قالىڭ پارتيا مۇشەلەرىنە، كادرلارعا دەگەن ىقىلاستى تاپسىرماسى، سونداي - اق عاسىرلىق ۇلكەن پارتيانىڭ ەمتيحان تاپسىرۋدىڭ جاڭا جولىن ويداعىداي باسۋىنىڭ نەگىزى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
