شي جينپيڭ جۇڭگو مەن كونگونىڭ ديپلوماتيالىق قارىم - قاتىناس ورناتقانىنىڭ 60 جىلدىعىنا بايلانىستى كونگونىڭ (براززاۆيل) زۇڭتۇڭى ساسسوۋمەن ءوزارا قۇتتىقتاۋ تەلەگرامماسىن جولدادى
2024.02.23 16:13 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 22 – كۇنى، بەيجيڭ. 2 - ايدىڭ 22 - كۇنى مەملەكەت ءتوراعاسى شي جينپيڭ كونگونىڭ (براززاۆيل) زۇڭتۇڭى ساسسوۋمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 60 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن كونگونىڭ دوستىعى ۋاقىت وتكەن سايىن بەكەمدەلە ءتۇستى. ديپلوماتيالىق قارىم - قاتىناس ورناتقان 60 جىلدان بەرى، حالىقارالىق جاعداي اۋمالى - توكپەلى بولسا دا، ەكى ەل باستان - اياق شىنايى سەلبەسىپ، قول ۇستاسا دامىپ، ساياسي جاقتا ءبىر - بىرىنە سەنەتىن جاقسى دوسقا، ەكونوميكالىق جاقتا سەلبەسىپ تەڭ يگىلىككە كەنەلەتىن جاقسى سەرىككە اينالدى. سوڭعى جىلدارى ەكى ەلدىڭ بارىس - كەلىسى جيىلەپ، ساياسي ءوزارا سەنىمدىلىگى ۇزدىكسىز تەرەڭدەپ، ناقتى سەلبەستىگى نىق قاداممەن العا باسىپ، ەكى ەل حالىقتارىنا ناقتى باقىت اكەلدى، بۇل − جۇڭگو - افريكا دوستىق سەلبەستىك رۋحىنىڭ جاندى بەينەسى. مەن جۇڭگو - كونگو قارىم - قاتىناسىنىڭ دامۋىنا ايرىقشا ءمان بەرەمىن، ساسسوۋ زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 60 جىلدىعىن جاڭا باستاما ەتىپ، جۇڭگو مەن كونگونىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ مازمۇنىن ۇزدىكسىز بايىتىپ، جوعارى دەڭگەيدەگى جۇڭگو - افريكا تاعدىرلاس ورتاق تۇلعاسىن قول ۇستاسا قۇرۋدى قالايمىن.
ساسسوۋ مىنانى ءبىلدىردى: كونگو مەن جۇڭگو ديپلوماتيالىق قارىم - قاتىناس ورناتقان 60 جىلدان بەرى ەكى ەل حالىقتارى باستان - اياق ىنتىماقتى، دوس بولىپ، بەيبىتشىلىك، ادىلدىك جانە گۇلدەنۋ جونىندەگى ورتاق تالپىنىستى ۇستانىپ، كونگو مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ جەدەل دامۋىن ىلگەرىلەتتى. ەكى جاق ءوزارا سەنۋ، ءوزارا پايدا جەتكىزىپ، تەڭ يگىلىكتەنۋ نەگىزىندە كەڭ كولەمدى سەلبەستىك ورىستەتىپ، سۇبەلى تابىستارعا قول جەتكىزدى. مەن كونگو مەن جۇڭگونىڭ دوستىق سەلبەستىك قارىم - قاتىناسىن ونان ارى بەكەمدەپ، تەرەڭدەتىپ، جوعارى دەڭگەيدەگى جۇڭگو - افريكا تاعدىرلاس ورتاق تۇلعاسىن قۇرۋدى ىلگەرىلەتۋگە بەلسەندى ۇلەس قوسۋدى قالايمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved