2023 – جىلى ەنەرگياعا قارجى قوسۋ تەز قارقىنمەن ارتتى (جاڭا ساندى مالىمەت، جاڭا ءتۇيىن)
جاڭا ەنەرگياعا قوسىلعان قارجى سايكەس مەزگىلدەگىدەن %34 ارتتى
2024.02.23 16:14 كەلۋ قاينارى : حالىق تورابى
«حالىق گازەتى»، 2 - ايدىڭ 22 - كۇنى، بەيجيڭ (ءتىلشى ديڭ ي - تيڭ). ءتىلشىنىڭ تاياۋدا مەملەكەتتىك ەنەرگيا مەكەمەسىنەن ۇعىسۋىنشا، 2023 - جىلى ەلىمىزدىڭ ەنەرگياعا قوسقان قارجىسى تەز قارقىنمەن ارتقان، باقىلاپ – تەكسەرۋگە قاراعاندا، بۇكىل ەل بويىنشا سالىنىپ جاتقان جانە بيىل جۇمىس باستايتىن ەنەرگيا ءتۇيىندى نىساندارىنا شامامەن 2 تريلليون 800 ميلليارد يۋان قارجى قوسىلعان. تۇرگە ءبولىپ قاراعاندا، داعدىلى نىساندار مەن جاڭا كاسىپ فورماسى نىساندارىنا قوسىلعان قارجى سايكەس مەزگىلدەگىدەن جەكە - جەكە %16 جانە %152.8 ارتقان. وڭىرلەر بويىنشا قاراعاندا، شىعىس بولەك، ورتا بولەك، باتىس بولەكتەگى رايونداردىڭ ورىنداعان قارجى سوماسى سايكەس مەزگىلدەگىدەن جەكە - جەكە %28.5، %13.6، %22.5 ارتقان.
جاڭا ەنەرگياعا قارجى قوسۋ تەز ارتتى. 2023 - جىلى جاڭا ەنەرگياعا قوسىلعان قارجى سايكەس مەزگىلدەگىدەن %34 ارتتى. كۇن ەنەرگياسىنان توك شىعارۋعا 670 ميلليارد يۋاننان استام قارجى قوسىلدى، حىبەي، يۇننان، شينجياڭ سىندى 3 ولكەنىڭ شوعىرلى فوتوۆولتتىق قارجى قوسۋ سوماسى سايكەس مەزگىلدەگىدەن %100 تەن استام ارتتى. جەل ەلەكترىنە قوسىلعان قارجى 380 ميلليارد يۋاننان استى، لياۋنيڭ، گانسۋ، شينجياڭ سىندى 3 ولكەنىڭ قۇرلىقتاعى جەل ەلەكترىنە قوسقان قارجىسى جەدەل بوساتىلدى، شاندۇڭ، گۋاڭدۇڭ سىندى 2 ولكەنىڭ جاڭادان سالىنعان ءىرى تۇرپاتتى تەڭىزدەگى جەل ەلەكتر نىساندارىنا قوسقان قارجىسى شوعىرلى بوساتىلدى. ەلىمىز دۇنيە جۇزىندەگى تازا ەنەرگيانى دامىتۋدا كەم بولسا بولمايتىن كۇشكە اينالدى. 2023 - جىلى بۇكىل جەر شارىنداعى تۋىندامالى ەنەرگيانىڭ جاڭادان ارتقان گەنەراتور اگراگاتتارىنىڭ سيىمدىلىعى 510 ميلليون كيلوۆاتقا جەتتى، مۇنىڭ ىشىندە ەلىمىزدىڭ ۇلەسى %50 تەن استى.
تىرەكتىك رەتتەۋ سيپاتتى توك كوزىنە قوسىلعان قارجى ءبىرشاما تەز ارتتى. 2023 - جىلى تىرەكتىك رەتتەۋ سيپاتتى توك كوزىنە قوسىلعان قارجى سايكەس مەزگىلدەگىدەن %12 ارتتى. سالىنىپ جاتقان يادرو ەلەكتر نىساندارى جاپپاي ىلگەرىلەتىلىپ، جىل ىشىندە جاڭادان تەكسەرىپ بەكىتىلگەن نىساندار زاتتىق قىزمەت مولشەرىن جەدەل قالىپتاستىردى. ءىرى سۋ ەلەكتر نىساندارىنا قوسىلعان قارجى ۇزدىكسىز قالپىنا كەلدى.
ەنەرگيانىڭ جاڭا كاسىپ كۇيىنە قارجى قوسۋدىڭ ارتۋى تەبىندى بولدى. جالپىلىق ەنەرگياعا قوسىلعان قارجى تەز ارتىپ، باتىس سولتۇستىك رايونداعى ءبىر توپ قاينار تورابى ساقتاۋ قورىن ءبىر تۇلعالاندىرۋ جانە كوپ ەنەرگيامەن ءبىرىن - ءبىرى تولىقتاۋ نىساندارى جەدەل ىلگەرىلەتىلدى. شاندۇڭ، حۋنان، گۋاڭدۇڭ، چۇڭچيڭ، گانسۋ، شينجياڭ سىندى 6 ولكەنىڭ ەلەكترو حيميالىق ەنەرگيا ساقتاۋ قارجىسى جوعارى قارقىنمەن ارتتى. ىشكى موڭعۇل، شينجياڭ سىندى 2 ولكەنىڭ ءبىر توپ جاسىل ەلەكتردەن سۋتەگى جاساۋ نىسانى تارتىپپەن ىلگەرىلەتىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
