مۇشە جياڭ ميڭ –
”قارا توپىراقتى استىق قامباسىنا“ عىلمي تالداۋ جاساپ، ونى قورعادى (وسىزاماندانۋعا تالپىنىپ، جاڭا جاعدايدى بىرگە جاراتايىق . ۋاكىلدەر مەن مۇشەلەردىڭ مىندەت اتقارۋ حيكاياسى)
«حالىق گازەتىنىڭ» ءتىلشىسى جىڭ جىۋىن
2024.02.23 16:16 كەلۋ قاينارى : حالىق تورابى
2024 – جىلعى مەملەكەتتىك ەكى ءماجىلىس اشىلۋ الدىندا تۇر، مەملەكەتتىك ساياسي كەڭەستىڭ مۇشەسى، جۇڭگو عىلىم اكادەمياسى شىعىس سولتۇستىك جاعراپيا جانە اۋىل شارۋاشىلىق ەكولوگياسىن زەرتتەۋ ورنىنىڭ باستىعى جياڭ ميڭ ۇسىنىس جوبانى مۇقيات دايىنداۋدا.
سوڭعى جىلدارى جياڭ ميڭ باستان - اياق نازاردى قارا توپىراقتى قورعاۋعا شوعىرلاندىرىپ، ءبىرىنشى شەپكە ىشكەرىلەي بارىپ تەكسەرۋ - زەرتتەۋ جۇرگىزىپ، ناقتى ماسەلەلەردى ۇعىسىپ، عىلمي، ەگجەي - تەگجەيلى تالداۋ جاساپ، ”قارا توپىراقتى استىق قامباسىن“ قورعاۋعا عىلىم - تەحنيكالىق كۇش قوستى. 2023 - جىلى جياڭ ميڭ تەكسەرۋ - زەرتتەۋ بارىسىندا جۇگەرى سابانىن تايلاعان كەزدە قارا توپىراقتىڭ زايا بولۋ ماسەلەسىن ۇعىستى. ”قازىر سابان - توپاندى اتىز باسىندا تايلاۋ شىعىس سولتۇستىكتەگى باسىم كوپ ساندى وڭىرلەردە قالىپتى جاعدايعا اينالدى. وسى بارىستا ءبىر ءبولىم قارا توپىراقتى الىپ كەتەدى، ۇزاق ۋاقىت وسىلاي كەتە بەرسە، قارا توپىراقتى قورعاۋعا قيىنشىلىق تۋدىرادى“.
ماسەلە بايقالعاننان كەيىن جياڭ ميڭ تەكسەرۋ - زەرتتەۋ ۇيىرمەسىن باستاپ لياۋنيڭ، جيلين جانە حيلۇڭجياڭعا بارىپ، كوپتەگەن اۋىل شارۋاشىلىق سەلبەستىك كووپەراتيۆتەرى مەن كاسىپورىندارعا تەكسەرۋ - زەرتتەۋ جۇرگىزدى ءارى 11 ءتۇيىندى كاسىپورىننىڭ سابان - توپاندى تايلاۋدا اتىزدان ەرىپ كەتەتىن توپىراق مولشەرىن ولشەدى.
ەگجەي - تەگجەيلى ساندى مالىمەتتەرگە تالداۋ جاساۋ ارقىلى جياڭ ميڭ سابان - توپاندى اتىز باسىندا تايلاپ الۋدان تۋىلعان قارا توپىراقتىڭ زايا بولۋ مولشەرى سابان - توپاندى وراۋ ماشيناسىنىڭ قاسيەتى، جۇمىس ماۋسىمى، جۇمىس ءتاسىلى، توپىراق جاعدايى سياقتىلارمەن تىعىز قاتىستى ەكەنىن بايقادى.
قارا توپىراققا كوڭىل ءبولىپ، شىنايى ماسەلەلەردى شەشۋ كەرەك. ىشكەرىلەي تەكسەرۋ - زەرتتەۋ جۇرگىزۋ نەگىزىندە، جياڭ ميڭ بىلاي دەپ قارادى: سابان - توپاندى تايلاۋ ارقىلى اتىزدان قارا توپىراقتى ىلەستىرىپ كەتۋ ماسەلەسىن شەشۋدە عىلىم - تەحنيكاعا قوسىلىمدى ارتتىرىپ، سابان - توپاندى تايلاۋدىڭ عىلمي تۇتاس تىزبەگىن باعالاۋ جۇيەسىن ورناتۋ؛ سابان - توپان تايلاۋ ماشينا - جابدىقتارىنىڭ دارەجەسىن جوعارىلاتىپ، توپىراق ىلەستىرۋ مولشەرىن تۋ باستان تومەندەتۋ؛ تۇرلىشە وڭىرلەرگە ۇيلەسەتىن سابان - توپاندى اتىزعا قايتارۋ ۇلگىسىن تۇرگە ءبولىپ ىلگەرىلەتىپ، سابان - توپاننىڭ توپىراقتى ىلەستىرىپ كەتۋ ىقپالىن ازايتۋ كەرەك.
سوڭعى جىلداردان بەرى جياڭ ميڭ جەمىرىلگەن ارىقتى جونگە سالۋ، سورتاڭ جەردى وزگەرتۋ سياقتى قارا توپىراقتى قورعاۋداعى ناقتى ماسەلەلەرگە قاراتا تەكسەرۋ - زەرتتەۋ جۇرگىزدى. ”ءبىز قارا توپىراقتى قورعاۋ الا كەلگەن ۇزاق ۋاقىتتىق ەكولوگيالىق ونىمدىلىككە دە نازار اۋدارىپ وتىرمىز، ناق مايداندا تەكسەرۋ - زەرتتەۋ جۇرگىزۋ جانە عىلمي تالداۋ جاساۋ ارقىلى قارا توپىراقتىڭ اناعۇرلىم زور جالپىلىق ونىمدىلىگىن ساۋلەلەندىرۋىن ءۇمىت ەتەمىز“ دەدى جياڭ ميڭ.
ءتىلشى ەستەلىگى
نازاردى ەگىستىك جەردى قورعاۋعا شوعىرلاندىردى
سوڭعى جىلداردان بەرى ءىشىنارا وڭىرلەردەگى قارا توپىراقتىڭ ”جۇقارۋ، ازايۋ، قاتايۋ“ ماسەلەسىن شەشۋ ءۇشىن، ورتالىقتان تارتىپ جەرگىلىكتى ورىندارعا دەيىن ايرىقشا ءمان بەرىپ، قارا توپىراقتى قورعاۋدى اتقارۋ كولەمىن ۇزدىكسىز كەڭەيتىپ، ”ەگىستىك جەردەگى مىسىق ايۋدى“ ويداعىداي قورعادى.
”قارا توپىراقتى ويداعىداي قورعاۋ − ءبىزدىڭ قازىرگىمىز بەن بولاشاعىمىزدى ويداعىداي قورعاعاندىق“. بۇل جياڭ ميڭنىڭ مەملەكەتتىك ساياسي كەڭەستىڭ مۇشەسى بولعاننان بەرگى ەڭ زور اسەرى ەدى.
عىلمي زەرتتەۋ قىزمەتكەرى رەتىندە جياڭ ميڭ ”قارا توپىراقتى استىق قامباسى“ عىلىم - تەحنيكا شايقاسىن ويداعىداي جۇرگىزۋگە دەن قويىپ، نازاردى قارا توپىراققا شوعىرلاندىرىپ، عىلمي ماقالانى بايتاق جەرگە جازىپ، قارا توپىراقتى قورعاۋعا عىلىم – تەحنيكا جاعىنان دەم بەردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
