ءمورال ارقىلى ادام تاربيەلەۋ ءتۇبىرلى مىندەتىن تياناقتاندىرايىق (مەملەكەتتى قۇدىرەتتەندىرۋ قۇرىلىسىندا ۇدىرە العا تارتۋ)
−− ۋاكىلدەر مەن مۇشەلەر وقۋ - اعارتۋدا قۋاتتى ەل قۇرۋدى جەدەلدەتۋ جونىندە توقتالدى
«حالىق گازەتىنىڭ» ءتىلشىسى ۋ يۋە
2024.02.26 16:12 كەلۋ قاينارى : حالىق تورابى
باس شۋجي شي جينپيڭ بىلاي دەپ اتاپ كورسەتتى: ”قانداي ادام تاربيەلەۋ، ادامدى قالاي تاربيەلەۋ، كىم ءۇشىن تاربيەلەۋ −− وقۋ - اعارتۋدىڭ ءتۇبىرلى ماسەلەسى، سونداي - اق وقۋ - اعارتۋدا قۋاتتى ەل قۇرۋدىڭ وزەكتى تاقىرىبى“. ”پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلۋ كەرەك“.
وقۋ - اعارتۋدا قۋاتتى ەل قۇرۋدى جەدەلدەتۋ ساپارىندا قالىڭ وقۋ - اعارتۋ قىزمەتكەرلەرى دەن قويا ەڭبەكتەنىپ، ءجۇز ميلليونداعان وقۋشى ەسەيىپ - ەرجەتتى.
تاياۋدا مەملەكەتتىك ساياسي كەڭەستىڭ مۇشەسى، بەيجيڭ پەداگوگيكا داشۋەسى مەملەكەتتىك جوعارى دەڭگەيلى اقىل - پاراسات قويماسى وقۋ - اعارتۋ مەملەكەت جاعدايىن تەكسەرۋ ورتالىعىنىڭ مەڭگەرۋشىسى جاڭ جىيۇڭ ستۋدەنتتەردى قىسقى دەمالىستى اۋىلدا وتكىزۋ ورايىنان پايدالانىپ وقۋ - اعارتۋ تەكسەرۋىن ورىستەتىپ، ماڭايىنداعى حالىق وقىتۋشىلارىنا جاقىنداپ، وقىتۋشىلار قاۋىمىنىڭ رۋحاني بەت - بەينەسى مەن قاراپايىم سۇيىسپەنشىلىگىن سەزىنۋگە ۇيىمداستىردى.
مۇشە جاڭ جىيۇڭ بىلاي دەپ ۇسىنىس بەردى: ”جوعارى مەكتەپتەر پەداگوگيكا وقۋشىلارىنىڭ مۇرات - سەنىم تاربيەسىن اناعۇرلىم كۇشەيتىپ، پەداگوگيكا وقۋشىلارىن باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاۋعا جەتەكتەپ، پارتيا مەن حالىق رازى بولاتىن ’تورتكە يە‘ جاقسى وقىتۋشى بولۋعا قۇلشىنىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلۋعا كۇش قوسۋى كەرەك“.
جياڭسۋ ولكەسى حۋاي - ان قالاسى شين - ان باستاۋىش مەكتەبىنىڭ اۋلاسىندا ساباقتاستار ۇنەمى شين - ان جورىق توبىنىڭ تاريحي ەسكەرتكىش سارايىندا ءتۇسىندىرۋشى بولىپ، قىزىل اڭگىمەلەردى باياندايدى. شين - ان باستاۋىش مەكتەبى − ”شين - ان جورىق توبىنىڭ“ انا مەكتەبى. سول جىلدارى سوعىس ءورتى ىشىندە ”شين - ان جورىق توبى“ جاپا - ماشاقاتتان تايسالماي، جۇڭگونىڭ جارىمىنان استامىن ارالاپ، ادەبيەت - كوركەمونەردى قارۋ ەتىپ، بۇقارانى جاپون شاپقىنشىلارىنا قارسى تۇرىپ، وتاندى جويىلۋدان قۇتقارۋعا ۇندەپ، پارتيانىڭ قۋاتتاماسىن ۇگىتتەدى.
2023 - جىلعى مەملەكەتتىك ەكى ءماجىلىس كەزىندە، مەملەكەتتىك حالىق قۇرىلتايىنىڭ ۋاكىلى، شين - ان باستاۋىش مەكتەبىنىڭ باستىعى جاڭ دادۇڭ باس شۋجي شي جينپيڭگە مەكتەپتىڭ قىزىل گەندى جالعاستىرىپ، بالالاردى كىشكەنتايىنان پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەۋ جاعدايىن تانىستىردى.
2023 - جىلى 8 – ايدا مەكتەپ دايىنداعان بالالار دراماسى «شين - ان جورىق توبى» بەيجيڭدە كورمەگە قاتىناستىرىلدى. ”ءبىز قىزىل بايلىقتان ويداعىداي پايدالانىپ، جۇڭحۋانىڭ تاڭداۋلى ءداستۇرلى مادەنيەت تاربيەسىن كۇشەيتىپ، جاستار مەن ورەندەردى ’ءتورت سەنىمگە‘ يە بالالار ەتىپ شىن مانىندە جەتىلدىرۋىمىز كەرەك“ دەدى ۋاكىل جاڭ دادۇڭ.
جاستىق جانە ورەندىك كەزەڭ − ادام ومىرىندەگى بۋىن تارتۋ، جەتىلۋ مەزگىلى، ول دەن قويا جەتەكتەۋدى جانە ءوسىرۋدى ەڭ قاجەت ەتەدى. باس شۋجي شي جينپيڭ بىلاي دەپ اتاپ كورسەتتى: ”جوعارى مەكتەپتەردىڭ يدەيالىق - ساياسي قىزمەتىن جاقسى ىستەۋدە ىسكە قاراي وزگەرتۋ، جاعدايعا قاراي العا باسۋ، جاعدايعا قاراي جاڭالىق اشۋ كەرەك“.
گۋاڭشي ۇلتتار مۇراجايىن ەكسكۋرسيالاپ، شەكارا اتتاعان ەلەكتروندى ساۋدا تىكە تاراتۋ بازاسىنا تەكسەرۋ - زەرتتەۋ جۇرگىزدى... جاڭا عانا وتكەن قىستىق دەمالىستا جۇڭگو حالىق داشۋەسىنىڭ ”ءىرى ەلدىڭ شەكارا ءوڭىرى“ وقىتۋشى - وقۋشىلار امالياتتىق ۇيىرمەسى گۋاڭشيگە كەلىپ قوعامدىق اماليات ورىستەتىپ، جاندى ”ۇلكەن يدەيا - ساياسي ساباعىن“ وقىدى.
اماليات بارىسىندا ءتۇسىنۋ، ءتۇسىنۋ بارىسىندا ەسەيىپ - ەرجەتۋ كەرەك. مەملەكەتتىك حالىق قۇرىلتايىنىڭ ۋاكىلى، جۇڭگو حالىق داشۋەسىنىڭ باستىعى لين شاڭلي بىلاي دەدى: ”ءبىز باس شۋجي شي جينپيڭنىڭ ىقىلاستى تاپسىرماسىن باستان - اياق ەستە بەرىك ساقتاپ، وتاننىڭ بايتاق دالاسىن ارالاپ، جۇڭگو رۋحىن كوزىمىزبەن بايقاپ، حالىقتىڭ ۇنىنە قۇلاق ءتۇرىپ، ءداۋىردىڭ تىنىسىنا شىن جۇرەكتەن اسەر ەتتىك“. جۇڭگو حالىق داشۋەسى ادام تاربيەلەۋ امالياتى بارىسىندا ساباقحانانى ۇلان - بايتاق دالاعا دەيىن اشۋعا باسا ءمان بەرىپ، قالىڭ جاس وقۋشىلاردى مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋىنە جاستىق كوكتەمىن ارناۋعا جەتەكتەدى.
”بولاشاقتا ءبىز وقىتۋشىلاردى كۇشەيتۋ، ساباق ساپاسىن جوعارىلاتۋ، نەگىزگى تۇلعانى سايكەستىرۋ، بايلىقتى بىرىكتىرۋ، تۇعىر قۇرىلىسى، ساباق ورتاسىن جاڭالاپ قۇرۋ جاعىنا ۇزدىكسىز كۇش سالىپ، يدەيا - ساياسي نازاريا ساباعى وقىتۋىنا رەفورما جاساۋدى، جاڭالىق اشۋدى ۇزدىكسىز ىلگەرىلەتەمىز“ دەدى ۋاكىل لين شاڭلي.
ۇلتتىڭ گۇلدەنۋى سىندى ۇلى مىندەتتى ارقالاپ وتىرعان ءداۋىردىڭ جاڭا ادامدارىن جەتىلدىرۋدە ءمورال ارقىلى ادام تاربيەلەۋدى وقۋ - اعارتۋدىڭ ءارقايسى بۋىنىنا ءسىڭىرۋ كەرەك. باس شۋجي شي جينپيڭ بىلاي دەپ دارىپتەدى: ”كورنەكتى تاربيە مەن كومەسكى تاربيەنىڭ بىرلىگىندە تاباندى بولىپ، باسقا ساباقتار مەن وقىتۋ تاسىلدەرىندە قامتىلعان يدەيالىق - ساياسي تاربيە بايلىعىن اشىپ، جالپى قىزمەتكەر، جالپى بارىس بويىنشا جان - جاقتى ادام تاربيەلەۋدى جۇزەگە اسىرۋ كەرەك“.
ءدال كوكتەم باسى، ساڭشان تاۋىنىڭ ەتەگى، ىرحاي تەڭىزىنىڭ جاعاسىنداعى يۇننان ولكەسى دالي قالاسى گۋشىڭ قىستاعىنىڭ عىلىم - تەحنيكا شاعىن اۋلاسى جۇڭگو اۋىل شارۋاشىلىق داشۋەسىندەگى وقىتۋشى – وقۋشىلاردى دۋماندى بەينەگە شومدىردى. تاجىريبە اتىزىندا جاڭا سورتتى قىشى ادامدى قۋانتادى.
مەملەكەتتىك حالىق قۇرىلتايىنىڭ ۋاكىلى، جۇڭگو ينجەنەريا اكادەمياسىنىڭ اكادەميگى، جۇڭگو اۋىل شارۋاشىلىق داشۋەسىنىڭ پروفەسسورى جاڭ فۋسو گۋشىڭ قىستاعى عىلىم - تەحنيكا شاعىن اۋلاسىنداعى وقىتۋشى - وقۋشىلاردىڭ بەتتىك لاستانۋعا تالداۋ جاساۋ جانە ودان ساقتانۋ - تىزگىندەۋ، جوعارى قۇندى داقىلدار جۇيەسىن قۇرۋ جانە ساپالىلاندىرۋ سياقتىلاردى ارقاۋ ەتىپ، قامال الۋىنا جەتەكشىلىك ەتىپ كەلەدى.
”2009 - جىلى حىبەيدىڭ چۇيجوۋ اۋدانىندا تۇڭعىش عىلىم - تەحنيكا شاعىن اۋلاسىن قۇرعاننان قازىر جەر - جەردە عىلىم - تەحنيكا شاعىن اۋلاسى ۇلگىسىن جالپىلاستىرعانعا دەيىن، ءبىز اتىز باسىندا، ءوندىرىستىڭ ءبىرىنشى شەبىندە ءمورال ارقىلى ادام تاربيەلەۋ تۇعىرىن ورناتتىق“. ۋاكىل جاڭ فۋسو بىلاي دەدى: ”بولاشاقتا ونەگە كورسەتىپ ادام تاربيەلەۋدى نەگىز، اۋىل شارۋاشىلىعىن قۇدىرەتتەندىرۋدى، اۋىل شارۋاشىلىعىن گۇلدەندىرۋدى ءوز مىندەتىم ەتۋدە تاباندى بولىپ، اۋىل شارۋاشىلىعىن بىلەتىن، اۋىل شارۋاشىلىعىن سۇيەتىن اناعۇرلىم كوپ جاڭاشا دارىندىلاردى باۋليمىن“.
وقۋ - اعارتۋدى كۇشەيتۋدە، ءسوز جوق، الدىمەن وقىتۋشىلاردى كۇشەيتۋ كەرەك. باس شۋجي شي جينپيڭ بىلاي دەپ دارىپتەدى: ”وقىتۋشىلار قوسىنى قۇرىلىسىن كۇشەيتۋدى وقۋ - اعارتۋدا قۋاتتى ەل قۇرۋدىڭ ەڭ ماڭىزدى نەگىزدىك قىزمەتى رەتىندە يگەرۋ كەرەك“.
جاڭا داۋىردەگى سوتسياليزمنىڭ قۇرىلىسشىلارى مەن ءىزباسارلارىندا جۇڭگو سۇيىسپەنشىلىگى بولۋمەن بىرگە، دۇنيە جۇزىلىك كوز ايا مەن حالىقارالىق كوز ايا دا بولۋى كەرەك. مۇشە جاڭ جىيۇڭ بىلاي دەدى: ”قالىڭ وقىتۋشىلار ساباق مىنبەسىنەن تاپجىلماي، دەن قويا ءبىلىم بەرىپ، ادام تاربيەلەپ، وقۋشىلاردى مەملەكەت قۇرۋ بورىشىن ارقالاۋعا، ادامزاتتىڭ تاعدىرلاس ورتاق تۇلعاسىن قۇرۋعا ۇلەس قوسۋ جاۋاپكەرلىگىن ارقالاۋعا تاربيەلەپ، جەتەكتەۋى كەرەك“.
وقۋ - اعارتۋدىڭ كۇشى ارقىلى حالىقتى باقىتقا كەنەلتۋدىڭ نەگىزىن بەكەمدەپ، وقۋ - اعارتۋدىڭ نىعايۋى ارقىلى مەملەكەتتى قۇدىرەتتەندىرۋدىڭ نەگىزىن بەكەمدەۋ كەرەك. ۋاكىلدەر مەن مۇشەلەر مىنانى ءبىلدىردى: سەنىمدى بەكەمدەپ، ۇزاق ۋاقىت ۇلەس قوسساق، وقۋ - اعارتۋدىڭ ساپالى دامۋى، ءسوز جوق، اناعۇرلىم تىڭعىلىقتى، ورنىقتى بولادى، وقۋ - اعارتۋدا قۋاتتى ەل قۇرۋ اياق الىسى، ءسوز جوق، اناعۇرلىم ەكپىندى بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
