مۇشە چىن چيانلين –
نازاردى قيىن تۇيىندەرگە شوعىرلاندىرىپ، كەن بايلىعىنان جوعارى ونىمدىلىكپەن پايدالانايىق (وسىزاماندانۋعا تالپىنىپ، جاڭا جاعدايدى بىرگە جاراتايىق . ۋاكىلدەر مەن مۇشەلەردىڭ مىندەت اتقارۋ حيكاياسى)
«حالىق گازەتىنىڭ» ءتىلشىسى حۋاڭ شيان
2024.02.26 16:17 كەلۋ قاينارى : حالىق تورابى
”كاسىپورىننىڭ فوسفورلى گيپىستى ءبىر جاقتى ەتۋ، پايدالانۋ جاعىندا قانداي قيىنشىلىقتارى بار، ونى قايسى جاقتاردان ونان ارى قولداۋعا تۋرا كەلەدى؟“ بىرنەشە كۇننىڭ الدىندا ونەركاسىپتىك جاراقسىز قاتتى زاتتاردى جوعارى ونىمدىلىكپەن پايدالانۋدى جۇزەگە اسىرۋ تاقىرىبى توڭىرەگىندە ورىستەتىلگەن كەڭەس گۇيجوۋدىڭ گۇيياڭ قالاسىندا وتكىزىلدى. ءماجىلىستىڭ ۇيىمداستىرۋشىسى رەتىندە، مەملەكەتتىك ساياسي كەڭەستىڭ مۇشەسى، جۇڭگو گومينداڭ توڭكەرىستىك كوميتەتى گۇيجوۋ ولكەلىك كوميتەتىنىڭ ورىنباسار مەڭگەرۋشى مۇشەسى، گۇيجوۋ داشۋەسى وزىق تەحنيكانى زەرتتەۋ ورنىنىڭ باستىعى چىن چيانلين ءبىر جاعىنان تىڭداپ، ءبىر جاعىنان ەستەلىك الدى ءارى كوپشىلىكپەن پىكىر اۋىستىردى.
كەن بايلىعىنىڭ ەكونوميكالىق قۇنىن تولىق اشۋمەن بىرگە، بايلىقتىڭ ىسىراپ بولۋىن مۇمكىندىكتىڭ بارىنشا ازايتىپ، سول ارقىلى جاراتىلىستىق ورتانى ءبۇلدىرۋدى ءونىمدى تومەندەتىپ، جاسىل دامۋدى جۇزەگە اسىرۋ چىن چيانلين باستان - اياق كوڭىل ءبولىپ كەلە جاتقان تاقىرىپ بولىپ كەلەدى.
ارالاپ تەكسەرۋ - زەرتتەۋ بارىسىندا، چىن چيانلين ءىشىنارا جەرلەردە جىنتىكتەي مانەرلەۋ دارەجەسى جەتەرسىز بولۋ، كاسىپ تىزبەگى ءبىرشاما قىسقا بولۋ سياقتى ماسەلەلەر ورىن تەۋىپ وتىرعانىن، ءىشىنارا حيميا ونەركاسىپ كاسىپورىندارىنىڭ ونەركاسىپتىك جاراقسىز قاتتى زاتتاردى بايلىققا اينالدىرىپ پايدالانۋ، ەڭ جاڭا عىلىم - تەحنيكا جەتىستىكتەرىن كادەگە جاراتۋ، قولدانۋ جاعىندا ءالى دە ءبىرشاما ارتتا قالعانىن بايقادى.
چىن چيانلين حۋبەي، جياڭشي جانە گۇيجوۋدىڭ قاتىستى عىلمي زەرتتەۋ ورىندارى مەن كاسىپورىندارىنا بارىپ تەكسەرۋ - زەرتتەۋ جۇرگىزىپ، جەر - جەردىڭ تاجىريبەلەرىن، ادىستەرىن ۇعىستى. تالاي رەتكى ناقتى بارلاۋ، اۋىس - كۇيىس جاساۋ، اڭگىمە ءماجىلىسىن وتكىزۋ بارىسىندا، چىن چيانلين ۇسىنىس جوبانىڭ بەتالىسىن بىرتىندەپ ايقىندادى: ”كوپ قولدى ونەركاسىپتىك جاراقسىز قاتتى زاتتاردى ءونىمدى جونگە سالۋ ەكونوميكانىڭ، قوعامنىڭ ساپالى دامۋىندا شۇعىل شەشۋگە ءتيىستى ماسەلەگە اينالدى، كوپ ءتۇرلى شارانى قاتار قولدانۋدى، كوپ جاقتى سۇيەمەلدەۋدى، بىرگە شەشۋدى قاجەت ەتەدى“. ول مىنانى ۇسىنىس ەتتى: كوپ قولدى ونەركاسىپتەگى قاتتى كۇيدەگى جاراقسىز زاتتاردى جونگە سالۋ ولشەمىن تەز ارادا مەملەكەت تۇرعىسىنان ورناتىپ، قوعامدىق كاپيتالدى جونگە سالۋعا بەلسەنە ات سالىسۋعا شابىتتاندىرۋ كەرەك.
چىن چيانلين مىنانى ءبىلدىردى: مەملەكەتتىك ساياسي كەڭەستىڭ مۇشەسى رەتىندە، مەن اۋىس - كۇيىس تۇعىرىن قۇرۋدى ىلگەرىلەتىپ، ءتىپتى دە كوپ قاتىستى سالالارداعى ماماندارمەن قارىم - قاتىناس، سەلبەستىك ورىستەتىپ، مەملەكەتتىڭ ەكولوگيالىق ورتاسىن قورعاۋعا، كەن بايلىعىنان جوعارى ءونىمدى پايدالانۋعا اناعۇرلىم كوپ ۇلەس قوسامىن.
ءتىلشى ەستەلىگى
كاسىپ سالاسىنىڭ الدىڭعى لەگىنە نازار اۋدارىپ، ەكولوگيالىق ورتانى قورعايىق
تىلشىلىك بارىسىندا چىن چيانلين بايلىقتى ەڭ از سارىپ ەتۋ ارقىلى ەڭ زور ەكونوميكالىق ونىمدىلىككە، ەكولوگيالىق ونىمدىلىككە جانە قوعامدىق ونىمدىلىككە قول جەتكىزىپ، جۇڭگو ۇلگىسىندەگى وسىزامانداندىرۋعا اناعۇرلىم ويداعىداي تىرەك بولۋدى جانە قىزمەت وتەۋدى قايتا - قايتا اۋىزعا الدى.
چىن چيانلين باستان – اياق كاسىپ سالاسىنداعى قولامتالى، قيىن تۇيىندەرگە، سونداي - اق الدىڭعى لەكتەگى ماسەلەلەرگە ۇزدىكسىز نازار اۋدارىپ، ىشكەرىلەي تەكسەرۋ - زەرتتەۋ جۇرگىزۋ، جۇيەلى وي جۇگىرتۋ جانە جان - جاقتى تۇجىرىم جاساۋ ارقىلى ۇسىنىس جوبانى ۇزدىكسىز كەمەلدەندىرۋگە كۇش سالدى. ”ەكولوگيالىق ورتانى قورعاۋ“، ”بايلىقتان پايدالانۋ“، ”تەحنيكادا جاڭالىق جاراتۋ“ ونىڭ ۇسىنىس جوباسىنداعى ءتۇيىندى سوزدەر بولىپ كەلەدى. اسپانى اشىق، تاۋى جاسىل، سۋى تۇنىق، توپىراعى تازا ورتانى قورعاۋ جولىندا ول باستان - اياق قۇلشىنۋدا.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
