2024 – جىلعى مەملەكەتتىك ەكى ءماجىلىستىڭ اقپارات ورتالىعى 2 – ايدىڭ 27 – كۇنى رەسمي ىسكە قوسىلادى
2024.02.27 14:42 كەلۋ قاينارى : حالىق تورابى
2024 – جىلعى مەملەكەتتىك ەكى ءماجىلىس اشىلۋ الدىندا تۇر، بەيجيڭدەگى باتىس چاڭ – ان كوشەسىنىڭ سولتۇستىگىنە ورنالاسقان مەديا ورتالىعىنداعى ەكى ءماجىلىس اقپارات ورتالىعى 2 – ايدىڭ 27 – كۇنى رەسمي ىسكە قوسىلادى.
14 – كەزەكتى مەملەكەتتىك حالىق قۇرىلتايى 2 – ءماجىلىسى مەن مەملەكەتتىك ساياسي كەڭەس 14 – كەزەكتى 2 – ءماجىلىسى جەكە – جەكە 3 – ايدىڭ 5 – كۇنى جانە 3 – ايدىڭ 4 – كۇنى بەيجيڭدە اشىلادى. ءتىلشىنىڭ ەكى ءماجىلىستىڭ اقپارات ورتالىعىنان ۇعىسۋىنشا، قازىرگە دەيىن جۇڭگولىق – شەتەلدىك تىلشىلەردەن 3000 نان استام ءتىلشى مەملەكەتتىك ەكى ماجىلىستە تىلشىلىك ىستەۋگە تىزىمدەلگەن، مۇنىڭ ىشىندە شەكارا ىشىندەگى تىلشىلەردىڭ سانى 2000 نان استام، شياڭگاڭدىق، اۋمىندىق، تايۋاندىق تىلشىلەردىڭ جانە شەتەلدىك تىلشىلەردىڭ سانى 1000 نان استام، تىزىمدەلگەن جۇڭگولىق جانە شەتەلدىك تىلشىلەردىڭ سانى جۋىرداعى بىرنەشە جىلداعىمەن سالىستىرعاندا كورنەكتى تۇردە ارتقان. ەكى ءماجىلىستىڭ اقپارات ورتالىعى اشىق ۇستالۋ، جاريا بولۋ رۋحىن ۇستانىپ، جۇڭگولىق – شەتەلدىك تىلشىلەرگە اقپاراتتىق قىزمەت وتەيدى.
ءتىلشى ەكى ءماجىلىس اقپارات ورتالىعىنان اقپارات جاريالاۋ زالى مەن اقپارات ورتالىعىنداعى تىلشىلىك ىستەۋ بولمەلەرى ۇيلەسىمدى ورنالاستىرىلعانىن بايقاعان، ءماجىلىس كەزىندە ءبىرقىدىرۋ تىلشىلىك قيمىلى وسى ورىندا وتكىزىلەدى. شەكارا ىشىندەگى تىلشىلەرگە قىزمەت وتەۋ گرۋپپاسىنداعىلار، شياڭگاڭدىق، اۋمىندىق، تايۋاندىق تىلشىلەرگە قىزمەت وتەۋ گرۋپپاسىىنداعىلار، شەتەلدىك تىلشىلەرگە قىزمەت وتەۋ گرۋپپاسىنداعىلار جۇڭگولىق – شەتەلدىك تىلشىلەرگە قىزمەت وتەۋدىڭ دايىندىعىن ىستەپ بولعان. مۇنان سىرت، اقپارات ورتالىعى جۇڭگولىق – شەتەلدىك تىلشىلەرگە ارەدىك دەمالىس ورنىن دا ويداعىداي ورنالاستىرعان.
ءتىلشىنىڭ ۇعىسۋىنشا، ەكى ءماجىلىس اقپارات ورتالىعى تاعى جۇڭگولىق – شەتەلدىك تىلشىلەرگە ينتەرنەت ارقىلى قىزمەت وتەيدى ءارى قولايلىلىق جاراتادى، جۇڭگولىق – شەتەلدىك تىلشىلەرگە ماجىلىسكە قاتىستى ماڭىزدى قۇجاتتاردىڭ ەلەكتروندىق نۇسقاسىن بەرەدى، تىلشىلەردىڭ ناق مايداندا ۇزاق ۋاقىت وشىرەتكە تۇرىپ ماتەريال الۋىنىڭ قاجەتى جوق؛ ۋاكىلدەر مەن مۇشەلەر ورنالاسقان جەردە سۇحبات الۋ بولمەسى ورنالاستىرىلىپ، ۋاكىلدەر مەن مۇشەلەردىڭ اقپارات قۇرالدارىنىڭ سۇحباتىن قابىلداۋىنا قولايلىلىق جاراتقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
