ۇشى - قيىرسىز الەم جونىندە ىزدەنىس جاساپ، عارىش ىستەرىن دامىتايىق (مەملەكەتتى قۇدىرەتتەندىرۋ قۇرىلىسىندا ۇدىرە العا تارتۋ)
− ۋاكىلدەر مەن مۇشەلەر عارىش ىستەرىندە قۋاتتى ەل قۇرۋدى جەدەلدەتۋ جونىندە توقتالدى
«حالىق گازەتىنىڭ» ءتىلشىسى ليۋ شى – ياۋ
2024.02.28 16:10 كەلۋ قاينارى : حالىق تورابى
باس شۋجي شي جينپيڭ بىلاي دەپ اتاپ كورسەتتى: ”ۇشى - قيىرسىز الەمگە ىزدەنىس جاساۋ، عارىش ىستەرىن دامىتۋ، عارىش ىستەرىندەگى قۋاتتى ەل قۇرۋ − ءبىزدىڭ تالىقپاي تالپىناتىن عارىش ارمانىمىز“، ”عارىش ارمانى − مەملەكەتتى قۇدىرەتتەندىرۋ ارمانىنىڭ ماڭىزدى قۇرامداس بولەگى“.
وسى مەزگىلدە عارىشقا ۇشۋدىڭ قۋانىشتى حابارلارى ارت - ارتىنان تارالىپ، جۇڭگو كەڭىستىك بەكەتى عارىشقا ورنالاستى... عارىش ىستەرىندەگى قۋاتتى ەل قۇرۋ اياق الىسى ەكپىندى بولدى.
جەر شارىنان 400 كيلومەترگە جۋىق قاشىقتىقتاعى عارىش وربيتاسىندا شىنجوۋ 17 - ءنومىرلى الەم كەمەسىندەگى 3 عارىشكەر جۇڭگولىقتاردىڭ كەڭىستىك بەكەتىندە كوكتەم مەرەكەسىن وتكىزىپ، ىزگى تىلەك ءبىلدىردى، بيىل جۇڭگو عارىشكەرلەرى جۇڭگو كەڭىستىك بەكەتىندە كوكتەم مەرەكەسىن 3 – رەت تويلادى.
2021 - جىلى 4 – ايدىڭ سوڭىندا تيانحى وزەكتى كابيناسىن ۇشىرۋدان باستاپ، 20 ايعا جەتپەيتىن ۋاقىتتا ەلىمىز كەڭىستىك بەكەتىن جاپپاي سالدى. كەڭىستىك بەكەتى بارعان سايىن زەردەلى، جانعا جايلى بولىپ، بولشەكتەر مەن وزەكتى بولشەكتەردى ەلىمىزدە ءوندىرۋ شاماسى %100 كە جەتتى، جۇڭگولىقتاردىڭ وسى ”عارىش ءۇيى“ جۇڭگونىڭ عارىش ىستەرىنىڭ قارىشتاپ دامۋىن ايگىلەدى، ول _ عىلىم - تەحنيكادا قۋاتتى ەل، عارىشتا قۋاتتى ەل قۇرۋدىڭ ماڭىزدى جەتەكشىلىك سيپاتتى ينجەنەرياسى، جاڭاشىل ەل قۇرۋدىڭ نىشاندىق جەتىستىگى.
”كەڭىستىك بەكەتىن قۇرۋ بارىسىندا، ينجەنەريا توبى وتاندى ءسۇيۋدى نەگىز ەتىپ، مەملەكەت مۇددەسىن بارىنەن جوعارى قويۋدا باستان - اياق تاباندى بولىپ، ينجەنەريانىڭ عىلميلىعى مەن سەنىمدىلىگىن ماڭداي الدى ورىنعا قويىپ، قايسارلىقپەن سايىسىپ، دەن قويا ۇيىمداستىرىپ، جۇڭگو كەڭىستىك بەكەتىنىڭ ۋاعىندا سالىنۋىنا، وربيتادا حاۋىپسىز، جوعارى ءونىمدى جۇمىس جۇرگىزۋىنە كەپىلدىك ەتتى“ دەدى مەملەكەتتىك ساياسي كەڭەستىڭ مۇشەسى، جۇڭگو عارىش عىلىم - تەحنيكا توبى 5 - اكادەمياسى پارتكومىنىڭ بۇرىنعى شۋجيى جاۋ شياۋجين.
مەملەكەتتىك عارىش تاجىريبەحاناسى رەتىندە، جۇڭگو كەڭىستىك بەكەتىنىڭ جەتىستىكتەرىن وندىرگىش كۇشكە اينالدىرۋ ونىمدىلىگى جاقسى بولىپ، وربيتادا 100 دەن استام كەڭىستىك عىلىمىن زەرتتەۋ جانە قولدانۋ نىسانىن اتقارۋعا ورنالاستىرىلدى، 4 مىڭنان استام جەتىستىك ءار سالا، ءار كاسىپتە كەڭىنەن قولدانىلدى، عارىشتا تۇقىم جەتىلدىرۋ، جۇكتەۋ تاجىريبەسى 3 مىڭنان اسىپ، جىلىنا استىقتى شامامەن 2 ميلليارد 600 ميلليون كيلوگرام ارتتىرۋعا دەم بەرىپ، ەلىمىزدىڭ عىلىم - تەحنيكا ورەسىنىڭ جالپى تۇلعالىق جوعارىلاۋىن پارمەندى جەبەدى، مەملەكەت شارۋاشىلىعى مەن حالىق تۇرمىسىنا شىنايى باقىت جاراتتى.
باس شۋجي شي جينپيڭ بىلاي دەپ دارىپتەدى: ”جۇلدىزدى اسپان شەتسىز دە شەكسىز، ىزدەنۋدىڭ شەگى جوق، تەك ۇزدىكسىز جاڭالىق اشقاندا عانا، جۇڭحۋا ۇلتى بولاشاققا اناعۇرلىم جاقسى قادام تاستاي الادى“.
جاڭا ءداۋىر، جاڭا جورىقتا ەلىمىزدىڭ عارىش ىستەرى ءوز كۇشىنە سۇيەنىپ ءوزىن الۋەتتەندىرىپ، دەربەس جاڭالىق اشىپ، جۇڭگوشا عارىش ىستەرىن دامىتۋ جولىمەن ءجۇردى.
عارىشكەرلەر عارىشقا شىققاندا، كەمە مەن راكەتا قۇراماسىنىڭ توبەسىندەگى جان ساۋعالاۋ مۇناراسى راكەتا ۇشقان كەزدەگى عارىشكەردىڭ ماڭىزدى حاۋىپسىزدىك كەپىلى بولىپ تابىلادى. مەملەكەتتىك حالىق قۇرىلتايىنىڭ ۋاكىلى، جۇڭگو عارىش عىلىم - تەحنيكا توبى 4 - اكادەمياسى 7416 - زاۆودىنىڭ عارىش موتورى قاتتى كۇيدەگى جانار زات ءدارى بەتىن تەگىستەۋ گرۋپپاسىنىڭ باستىعى شۇي ليپيڭ ”مىلتىق ءدارىسىن تەگىستەۋشى“ دەپ اتالعان عارىش ەرەكشە دارەجەلى تەحنيگى. جان ساۋعالاۋ مۇناراسىنىڭ قالىپتى قىزمەتىنە كەپىلدىك ەتۋ ءۇشىن، ول ۇيىرمە باستاپ قاتەرى وتە جوعارى قاتتى كۇيدەگى وتىن دارىسىمەن ارالاسىپ، جان ساۋعالاۋ مۇناراسى موتورىنىڭ جانار زات بەتىن جوندەدى. پىشاق قايراۋ، ءدارى قىرۋ، ويۋ... ولار ارناۋلى قولمەن ءپىشىن تۇزەيتىن پىشاقتاردى دەربەس جوبالاپ جاساپ، ەگجەي - تەگجەيلى جۇمىس جۇرگىزىپ، كۇن سايىن تولىمدىلىق شاماسى %100 جانە حاۋىپسىزدىك شىرعالاڭى نولگە تەڭ بولۋ رەكوردىن ساقتادى.
”ءبىز جاڭالىق اشۋاا تاباندى بولىپ، ۇزدىكسىز ىزدەنىپ، اناعۇرلىم سەنىمدى، اناعۇرلىم جوعارى ءونىمدى ءپىشىن تۇزەۋ ءادىسىن قاراستىرىپ، عارىشكەرلەردى اناعۇرلىم الاڭسىز قامتاماسىز ەتتىك“ دەدى ۋاكىل شۇي ليپيڭ.
باس شۋجي شي جينپيڭ بىلاي دەپ دارىپتەدى: ”جاڭا داۋىردەگى عارىش قىزمەتكەرلەرى اعا بۋىن عارىش قىزمەتكەرلەرىن ۇلگى ەتىپ، ’ەكى بومبى، ءبىر جاساندى سەرىك‘ رۋحىن زور كۇشپەن اسقاقتاتىپ، بارلىق قيىندىقتاردى، كەدەرگىلەردى باتىلدىقپەن جەڭىپ، عارىش عىلىم - تەحنيكاسىنىڭ شىڭىنا باتىلدىقپەن شىعىپ، جۇڭگولىقتاردىڭ عارىشقا ىزدەنىس جاساۋ اياق الىسىنىڭ اناعۇرلىم ورنىقتى، اناعۇرلىم الىس بولۋىنا مۇمكىندىك جاساپ، عارىش ىستەرىندەگى قۋاتتى ەل قۇرۋ ۇلى ارمانىن ەرتەرەك جۇزەگە اسىرۋى كەرەك“.
عارىش ىستەرىندەگى قۋاتتى ەل قۇرۋدا نەشە ۇرپاق ادامداردىڭ ۇزدىكسىز كۇرەس جاساۋىنا سۇيەنۋ كەرەك. عارىش رۋحىن ۇزدىكسىز جالعاستىرىپ، ساۋلەلەندىرۋ كەرەك.
ۇزاق جورىق تاسىمال راكەتاسىنىڭ ۇساق بولشەكتەرىن سيفرلى مەڭگەرۋ، مانەرلەۋ توبىنىڭ ءبىر مۇشەسى رەتىندە، مەملەكەتتىك ساياسي كەڭەستىڭ مۇشەسى، جۇڭگو عارىش عىلىم - تەحنيكا توبى 1 - اكادەمياسى استانا عارىش ماشينالارى شەكتى سەرىكتەستىگىنىڭ اعا تەحنولوگى ليۋ جىڭ قىزمەتكە ەندى عانا قاتىناسقان كەزدە، ۇزاق جورىق 5 - ءنومىرلى تاسىمال راكەتاسىنىڭ ديامەترى 5 مەترلىك وتپەلى ساقينانى زەرتتەپ جاساۋ مىندەتىنە قاتىناستى. ۇزاق جورىق 5 – ءنومىرلى _ ەلىمىزدىڭ تاسىمال قۋاتى ەڭ زور، قۇرىلىمى ەڭ كۇردەلى ۇلكەن راكەتا، وتپەلى ساقينا دا سول كەزدە ەل ىشىندەگى ديامەترى ەڭ ۇلكەنى بولاتىن. سول كەزدە بۇل مىندەتتى ويداعىداي ورىنداۋ ءۇشىن، ول زەينەتكە شىققان سەحتىڭ ساقا مەڭگەرۋشىسىمەن بىرگە بۇكىل ەل كولەمىنىن جابدىق ىزدەدى. ارناۋلى اسپا جابدىق جوق، ءونىمنىڭ ءپىشىنى وزگەرۋىنەن ساقتانۋ ءۇشىن، بولشەكتەردى 20 نەشە ادام بىرگە كوتەرىپ تاسيدى.
”اعا بۋىن عارىشكەرلەردىڭ قالتقىسىز ۇلەس قوسۋ، ىجداعاتتىلىقپەن ناقتى ءىس ىستەۋ رۋحى مەنى قاتتى اسەرلەندىردى، جىگەرلەندىردى". مۇشە ليۋ جيان مەن ۇيىرمە مۇشەلەرى تاڭداۋلى ءداستۇردى ۇستانىپ، جاساۋ سەحىندا كۇندىز - ءتۇنى شايقاس جاساپ، ءتۇرلى تەحنولوگيالىق، تەحنيكالىق ماسەلەلەردى شەشىپ، ەل ىشىندەگى وزىق قىرعىشتىڭ بەس ءوستى بىرلەسىپ مانەرلەۋ تەحنيكاسىن دەربەس اشىپ، مانەرلەۋ دالدىگى مەن ءوندىرىس ونىمدىلىگىن بارىنشا جوعارىلاتىپ، جۇڭگو راكەتاسىنىڭ اناعۇرلىم بيىك، اناعۇرلىم الىس ۇشۋىنا دەم بەردى.
”ءار رەتكى ۇشىرۋدىڭ ءساتتى بولۋى توپ - توپ جوعارى دەڭگەيلى جاڭالىق اشۋشى دارىندىلاردىڭ تىرەك بولۋىنان ايرىلا المايدى“. مەملەكەتتىك حالىق قۇرىلتايىنىڭ ۋاكىلى، جۇڭگو عارىش عىلىم - تەحنيكا توبى 7 - اكادەمياسى سىچۋان عارىش ۇزاق جورىق جابدىق جاساۋ شەكتى سەرىكتەستىگىنىڭ تەحنيك جۇمىسشىسى ۋاڭ لين بىلاي دەدى: ”عارىش ىستەرىندەگى قۋاتتى ەل قۇرۋ ءۇشىن اناعۇرلىم كوپ تاڭداۋلى تەحنيكالىق دارىندىلاردى، كاسىپتىك تەحنيكالىق دارىندىلاردى باۋلۋعا تۋرا كەلەدى، تۇتاس قوعامدا عارىش رۋحىن بارىنشا ساۋلەلەندىرىپ، اناعۇرلىم كوپ عارىش قىزمەتكەرلەرىنىڭ عارىش ىستەرىندەگى قۋاتتى ەل قۇرۋ نىساناسىن نىق قاداممەن العا باستىرۋعا، تاعى دا تاماشا ناتيجە جاراتۋعا قاتىناسۋىنا دەم بەرۋ كەرەك“.
تيانگۇڭ، بەيدوۋ، چاڭ - ىدان تيانحى، تيانشۇن، شيحىعا دەيىن، جۇڭگو عارىش ىستەرى ۇزدىكسىز جاڭا تاريحتى جاراتتى.
جاڭا بۋىن ادام الىپ ۇشاتىن الەم كەمەسىنە ”ارمان كەمەسى“ دەپ ات قويىلدى، ايعا قونۋ اسپابىنا ”ايمەن قاۋىشۋ“ دەپ ات قويىلدى، جۇڭگو كەڭىستىك بەكەتى سالىنىپ بولعاننان كەيىن، اي شارىنا شىعۋ جۇڭگولىقتاردىڭ عارىشقا ىزدەنىس جاساۋداعى كەلەسى نىساناسىنا اينالىپ، جۇڭگولىقتاردىڭ عارىش ارمانىن ارقالاپ، عارىشقا ىزدەنىس جاساۋدىڭ جاڭا ساپارى باستالادى. ۋاكىلدەر مەن مۇشەلەر مىنانى ءبىلدىردى: عارىش ىستەرىندەگى قۋاتتى ەل قۇرۋدى جەدەلدەتۋدە دۇنيە ءجۇزى عىلىم - تەحنيكاسىنىڭ الدىڭعى لەگىن كوزدەپ، جوعارى دەڭگەيدەگى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدەن جازباي، عارىش عىلىم - تەحنيكاسىنىڭ شىڭىنا باتىلدىقپەن شىعىپ، الەمنىڭ سىرىن اشۋ، ادامزاتتىڭ بەيبىتشىلىگى مەن دامۋىن جەبەۋ سىندى وسكەلەڭ ىسكە تىڭ دا اناعۇرلىم زور ۇلەس قوسامىز
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
