ۋاڭ حۋنيڭ مەملەكەتتىك ساياسي كەڭەس ءتوراعالارىنىڭ ءماجىلىسىن باسقارىپ اشتى
2024.02.28 17:04 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 27 – كۇنى، بەيجيڭ. ساياسي كەڭەس مەملەكەتتىك 14 - كەزەكتى كوميتەتىنىڭ 14 - رەتكى ءتوراعالار ءماجىلىسى 2 - ايدىڭ 27 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ءماجىلىستى باسقاردى ءارى ءسوز سويلەدى.
ءماجىلىس باس شۋجي شي جينپيڭنىڭ تاياۋ مەزگىلدەگى ماڭىزدى ءسوزى مەن نۇسقاۋىنىڭ رۋحىن جەتكىزدى، ۇيرەندى. ۋاڭ حۋنيڭ مىنالاردى: باس شۋجي شي جينپيڭنىڭ ماڭىزدى ءسوزى مەن نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ساياسي كەڭەستىڭ مىندەت اتقارۋ قىزمەتىندە شىنايى دايەكتىلەندىرۋ، تياناقتاندىرۋ كەرەك. رەفورمانى جاپپاي تەرەڭدەتۋدى ارقاۋ ەتىپ، ۇكىمەت ءىسىن ىشكەرىلەي كەڭەسىپ، ساياسي كەڭەس مۇشەلەرىن تەكسەرۋ - زەرتتەۋ قيمىلىن تىڭعىلىقتى ورىستەتۋگە ۇيىمداستىرىپ، باعىتتامالىلىعى، يكەمدىلىگى كۇشتى پىكىرلەر مەن ۇسىنىستاردى اقىلداسىپ العا قويىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە اناعۇرلىم ويداعىداي دەم بەرۋ كەرەك. ساياسي كەڭەس مۇشەلەرىن باس شۋجي شي جينپيڭنىڭ جاڭا ساپالى وندىرگىش كۇشتەردى دامىتۋ جونىندەگى ماڭىزدى بايىمداۋلارىن ارناۋلى ۇيرەنۋگە ۇيىمداستىرىپ، كورەگەندىك، جاڭالىق اشۋ سيپاتتى ماسەلەلەردى زەرتتەۋدى كۇشەيتىپ، ساپالى دامۋدى ىلگەرىلەتۋگە اقىل - كەڭەس بەرىپ، كۇش قوسۋ كەرەك. حالىق ساياسي كەڭەسىنىڭ حالىق ءۇشىن قىزمەت ىستەۋىندە تاباندى بولىپ، مۇشەلەردىڭ مىندەت اتقارۋداعى حالىق ءۇشىن قىزمەت وتەۋ قيمىلىن ويداعىداي ۇيىمداستىرىپ، ساياسي كەڭەس مۇشەلەرىن مەملەكەت ءۇشىن اناعۇرلىم ويداعىداي مىندەت اتقارۋعا، حالىق ءۇشىن جاۋاپكەرلىگىن ادا ەتۋگە جەتەكتەۋ كەرەك.
ءماجىلىس ساياسي كەڭەس 14 - كەزەكتى مەملەكەتتىك كوميتەتى 2 - ءماجىلىسىنىڭ ءار رەتكى جالپى ءماجىلىسىنىڭ اتقارۋشى ءتوراعالارى مەن باسقارۋشىلارىنىڭ ەسىمدىگىن قاراپ ماقۇلدادى، ساياسي كەڭەس 14 - كەزەكتى مەملەكەتتىك كوميتەتى 2 - ءماجىلىسىنىڭ دايىندىق قىزمەتىنىڭ جاعدايى جونىندەگى مالىمەتتى تىڭدادى. ۋاڭ حۋنيڭ مىنانى ءبىلدىردى: باس شۋجي شي جينپيڭنىڭ مەملەكەتتىك ەكى ءماجىلىستى ويداعىداي اشۋ جونىندەگى ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، ءماجىلىستىڭ دۇرىس ساياسي بەتالىسىن مىقتاپ يگەرىپ، جالپى بارىستىق حالىق دەموكراتياسىن امالياتتا ايگىلەپ، ۇكىمەت ءىسىن كەڭەسۋ ساپاسىن جوعارىلاتۋعا كۇش سالىپ، اقىل - پاراسات پەن كۇش - قۋاتتى ۇيىستىرىپ، سەنىم مەن كۇش - قۋاتتى جەتكىزۋ كەرەك. ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ دايەكتىلەندىرىپ، ءماجىلىستى ۇقىپتى، ۇنەمشىل اشۋدا تاباندى بولىپ، ءماجىلىس ستيلىن ۇزدىكسىز جاقسارتىپ، ءتۇرلى قىزمەتتەردى ەگجەي - تەگجەيلى، ناقتى يگەرۋ كەرەك.
ءتوراعالار ءماجىلىسى 2024 - جىلعى 1 - رەتكى توپتىق ۇيرەنۋىن وتكىزدى، نەگىزگى تاقىرىبى ”ەلىمىزدىڭ رەفورما جاساپ، ەسىك اشۋ ۇلى بارىسى“ بولدى. مەملەكەتتىك ساياسي كەڭەستىڭ مۇشەسى چىن لي ۇسىنىس بويىنشا بايانداما جاسادى.
مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، شىن يۋەيۋە، لياڭ جىنيىڭ، سۋ حۇي باس شۋجي شي جينپيڭنىڭ تاياۋ مەزگىلدەگى ماڭىزدى ءسوزى مەن نۇسقاۋىنىڭ رۋحىن ۇيرەنۋ، دايەكتىلەندىرۋ توڭىرەگىندە ءسوز سويلەدى.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ، مەملەكەتتىك ساياسي كەڭەس ءتوراعاسىنىڭ ورىنباسارلارى ۋاڭ يۇڭ، جوۋ چياڭ، باتىر، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، حى شۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
