مەملەكەتتىك حالىق قۇرىلتايى ۋاكىلى حاڭ كان: دارىندىلاردى تاربيەلەۋ تەبىنىن ارتتىرىپ، مادەني مۇرالاردى كۇش سالا قورعايىق
2024.02.29 14:30 كەلۋ قاينارى : حالىق تورابى
بۇل حاڭ كاننىڭ 2 – ايدىڭ 25 – كۇنى يۇنگاڭ تاس بۇتحاناسىنا بارعان كەزدە تۇسكەن سۋرەتى.
مەملەكەتتىك ەكى ءماجىلىس قارساڭىندا، مەملەكەتتىك حالىق قۇرىلتايى ۋاكىلى، يۇنگاڭدى زەرتتەۋ مەكەمەسىنىڭ باستىعى حاڭ كان يۇنگاڭ تاس بۇتحاناسىنا بارىپ تەكسەرۋ – زەرتتەۋ جۇرگىزۋىن، جاعدايدى ۇعىسۋىن جالعاستىرىپ، ەكى ماجىلىسكە بەرەتىن ۇسىنىسىنا ەڭ سوڭعى رەت وزگەرىس ەنگىزدى.
يۇنگاڭ تاس بۇتحاناسى سانشيدىڭ داتۇڭ قالاسىندا، قازىرگە دەيىن 1500 جىلدىق تاريحقا يە، جۇڭگو مەن شەتەل مادەنيەتى، جۇڭگوداعى از ۇلتتاردىڭ مادەنيەتى جانە ورتا جازىق مادەنيەتى، بۇددا كوركەمونەرى مەن تاس ويما كوركەمونەرى ءوزارا توعىسقان مادەنيەت پەن كوركەمونەردىڭ اسىل قامباسى سانالادى.
حاڭ كان بىلاي دەپ قارايدى: مادەني مۇرالار قايتا تۋىندامايتىن باعالى بايلىق، ونى قورعاۋ قىزمەتىن ويداعىداي ىستەۋ توتەنشە ماڭىزدى. ول: يۇنگاڭ تاس بۇتحاناسىندا قازىر ساقتانۋ سيپاتىنداعى قورعاۋ جۇمىستارى ورىستەتىلۋدە، ەندى وعان عىلىم – تەحنيكالىق جاقتا اناعۇرلىم كوپ قوسىلىمنىڭ بولۋى قاجەت، _ دەدى.
2023 – جىلى حاڭ كان 14 – كەزەكتى مەملەكەتتىك حالىق قۇرىلتايىنىڭ ۋاكىلى بولىپ سايلاندى. مىندەت اتقارعان ءبىر جىلدان بەرى، حاڭ كان يۇنگاڭ تانۋ ءپان قۇرىلىسى مەن دارىندىلاردى تاربيەلەۋدى بەلسەندى ىلگەرىلەتتى، يۇنگاڭ تانۋ جاعىندا زەرتتەۋ جۇرگىزۋ ارقىلى يۇنگاڭ تاس بۇتحاناسىندا قامتىلعان ءار ۇلتتىڭ بارىس – كەلىس جاساۋ، اۋىس – كۇيىس جاساۋ، توعىسۋ حيكايالارىنىڭ ءمانىن اشىپ، جۇڭحۋا ۇلتى ورتاق تۇلعا تانىمىن نىعايتۋعا ۇلەس قوسۋدى ءۇمىت ەتەدى.
مەملەكەتتىك ەكى ءماجىلىس اشىلار الدىندا، حاڭ كان نازارىن مادەني مۇرالارعا قاتىستى ساباق قۇرىلىسى مەن دارىندىلاردى تاربيەلەۋ جاعىنا شوعىرلاندىردى. ول بىلاي دەپ قارايدى: ءبىر ورىنداعى مادەني مۇرانى قورعاۋ جانە ويداعىداي پايدالانۋ ارحەولوگيا عىلىمىن عانا قاجەت ەتىپ قالماستان، مۇراجاي، بايىرعى قۇرىلىستار، كوركەمونەر قاتارلى جاقتارداعى اناعۇرلىم كەڭ كولەمدى پاندەردى، ءپان اتتاعان بىلىمدەر مەن زەرتتەۋلەردى قاجەت ەتەدى، كوپتەگەن جوعارى مەكتەپتەردىڭ مادەني مۇرالارعا قاتىستى ساباق قۇرىلىسىندا اتقاراتىن مىندەتى اۋىر، باساتىن جولى ۇزاق. ول قاتىستى شارالاردى قولدانىپ، جۇڭگونىڭ مادەني مۇرالارىن قورعاۋ مەن ءىس جۇزىندە پايدالانۋ جاعىندا اناعۇرلىم كوپ دارىندىلار مەن عىلىمي تىرەك ازىرلەۋ جونىندە ۇسىنىس بەرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
