«جۇڭحۋا ۇلتى ورتاق تۇلعاسى تۋرالى جالپى شولۋ» وقۋلىعى باسپادان شىعىپ تاراتىلدى
2024.03.01 19:00 كەلۋ قاينارى : حالىق تورابى
«حالىق گازەتى»، 2 - ايدىڭ 29 - كۇنى، بەيجيڭ (ءتىلشى ليۋ بوتۇڭ). باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن وقۋلىققا، ساباقحاناعا ەنگىزىپ، وي - ساناعا ۇيالاتىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋ ءۇشىن، مەملەكەتتىك ۇلت ىستەرى كوميتەتى «جۇڭحۋا ۇلتى ورتاق تۇلعاسى تۋرالى جالپى شولۋ» وقۋلىعىن قۇراستىرىپ جازۋعا ۇيىمداستىردى. بۇل وقۋلىق جوعارى دارەجەلى وقۋ - اعارتۋ باسپاسى، ۇلتتار باسپاسى جاعىنان بىرلەسىپ باسپادان شىعارىلىپ، بۇكىل ەل كولەمىندە تاراتىلدى.
جالپى شولۋ وقۋلىعى − باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن جان - جاقتى، جۇيەلى تۇسىندىرگەن تۇڭعىش ءبىر تۇتاس قۇراستىرىلعان وقۋلىق، يدەيالىق - ساياسي تاربيە سيپاتىنا يە الەۋمەتتىك ساباق وقۋلىعى، جۇڭحۋا ۇلتى ورتاق تۇلعاسىنىڭ تاريحي ماتەريال جۇيەسىن، ءسوز جۇيەسىن، نازاريالىق جۇيەسىن قۇرۋدىڭ ماڭىزدى جەتىستىگى. جالپى شولۋ وقۋلىعىن قۇراستىرۋ، باسپادان شىعارۋ جانە تاراتۋ، پايدالانۋ پارتيانىڭ جاڭالىق جاراتۋ نازارياسىنان اناعۇرلىم ويداعىداي پايدالانىپ، ادام تاربيەلەپ، جۇڭحۋا ۇلتىنىڭ وسىزامانعى وركەنيەتىن قۇرىپ، جاس وقۋشىلاردى دۇرىس جۇڭحۋا ۇلتى تاريحى كوزقاراسىن بەرىك ورناتۋعا جەتەكتەپ، داڭق پەن نامىستا بىرگە بولاتىن، اششى - تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتۋدا ماڭىزدى مانگە يە.
جالپى شولۋ وقۋلىعى جيىنى 16 لەكسيادان قۇرالعان، 400 مىڭ ارىپتەن استام بولىپ، ماركسيزمدىك ۇلت نازارياسىنىڭ جۇڭگوشالانۋىنىڭ، زامانالانۋىنىڭ ەڭ جاڭا نازاريالىق جەتىستىكتەرىن جاپپاي بەينەلەپ، ”ەكىنى ۇشتاستىرۋ“، اسىرەسە، ”ەكىنشى ۇشتاستىرۋ“ سىندى كەلەلى نازاريالىق جاسامپازدىقتى بەينەلەپ، جاڭا داۋىردەگى پارتيانىڭ ۇلت قىزمەتىنىڭ ۇلى امالياتى مەن تاريحي جەتىستىكتەرىن بەينەلەدى. جالپى شولۋ وقۋلىعى تاريح ارقىلى نازارياعا جەتەكشىلىك ەتۋدە، نازاريا ارقىلى تاريح جازۋدا تاباندى بولىپ، وقۋ - اعارتۋ زاڭدىلىعىنا بويسۇنىپ، وقىتۋ بەتالىسىن كورنەكتىلەندىرىپ، جاس وقۋشىلاردىڭ تانىم ەرەكشەلىگى مەن ۇيرەنۋ داعدىسىنا سايكەسىپ، نەگىزدى بەكەمدەپ، رۋحتى سومداۋ، تاريح ارقىلى ادام تاربيەلەۋ تالابىن ايگىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
