مەملەكەتتىك ەكى ماجىلىسكە جۇرت نەلىكتەن وسىنشالىق ەرەكشە نازار اۋدارادى؟
2024.03.03 18:52 كەلۋ قاينارى : حالىق تورابى
ەكى ءماجىلىستى AI ارقىلى ۇيرەنەيىك. جىل ەسەبى كوكتەمدە، ءبىر جىلدىڭ باستاماسىن ەكى ماجىلىستەن بىلەمىز. مەملەكەتتىك ەكى ماجىلىسكە جۇرت نەلىكتەن وسىنشالىق ەرەكشە نازار اۋدارادى؟
ءار جىلعى مەملەكەتتىك ەكى ماجىلىستە ۇكىمەت وتكەن ءبىر جىلدان بەرگى قىزمەتتەردى قورىتىندىلاپ، كەلەسى جىلعى ءتۇيىندى قىزمەتتەر جونىندە بايانداما جاسايدى. ءماجىلىس كەزىندە حالىق قۇرىلتايى ۋاكىلدەرى ۇكىمەت قىزمەتىنەن باياندامانى، جوسپار جونىندەگى باياندامانى، مەجە ەسەپ جونىندەگى باياندامانى، مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن باياندامانى، ەڭ جوعارى حالىق سوتى مەكەمەسىنىڭ قىزمەتىنەن باياندامانى، ەڭ جوعارى حالىق پروكۋراتۋراسىنىڭ قىزمەتىنەن باياندامانى قارايدى جانە تەكسەرەدى؛ ساياسي كەڭەس مۇشەلەرى تۇراقتى كوميتەتتىڭ قىزمەتىنەن باياندامانى، ۇسىنىس جوبا قىزمەتىنىڭ احۋالىنان باياندامانى جانە باسقا باياندامالاردى تىڭدايدى جانە قارايدى.
مەملەكەتتىك حالىق قۇرىلتايى كەيبىر ءتۇبىرلى زاڭداردى جاسايدى جانە وعان وزگەرىستەر ەنگىزەدى. ءار بەس جىلدا، ياعني ءار كەزەكتى بۇكىل مەملەكەتتىك حالىق قۇرىلتايىنىڭ ءبىرىنشى ماجىلىسىندە مەملەكەت قۇرىلىمدارىنىڭ قۇرامىنداعى مۇشەلەرىن سايلاۋ جانە تاعايىنداۋدى ۇيعارۋ سياقتى جۇمىستار ىستەلەدى.
ۋاكىلدەر مەن مۇشەلەر دە بۇقارا كوڭىل ءبولىپ وتىرعان قولامتالى تاقىرىپتار جونىندە، مىسالى، جۇمىستانۋ، وقۋ - اعارتۋ، ەمدەلۋ، تۇرعىن ءۇي، زەينەتكەرلىك قاتارلى ءار ادامنىڭ قىزمەتى مەن تۇرمىسىنا تىعىز قاتىستى ىستەر جونىندە ۇسىنىستار بەرەدى جانە ۇسىنىس جوبالاردى ورتاعا قويادى، حالىقتىڭ تىلەگىن، حالىقتىڭ تالابىن اڭىس ەتەدى.
2024 – جىلعى مەملەكەتتىك ەكى ماجىلىسكە بىرگە نازار اۋدارايىق!
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
