دۇنيە جۇزىلىك قۇن تىزبەگىنىڭ ورتا، جوعارى دەڭگەيىنە قادام تاستايىق (مەملەكەتتى قۇدىرەتتەندىرۋ قۇرىلىسىندا ۇدىرە العا تارتۋ)
− ۋاكىلدەر مەن مۇشەلەر ساۋدادا قۋاتتى ەل قۇرۋدى جەدەلدەتۋ جونىندە توقتالدى
«حالىق گازەتىنىڭ» تىلشىلەرى لو شانشان، لي گاڭ، دوۋ حانياڭ
2024.03.04 10:00 كەلۋ قاينارى : حالىق تورابى
جىجياڭ چۋانحۋا سينتەزدىك ماتەريال شەكتى جارنا سەرىكتەستىگىنىڭ دايىن ونىمدەر قامباسىنان سىرت، ون نەشە تيەۋىش قوراپتى جۇك اۆتوموبيلى تارتىپپەن ۇزىننان ـ ۇزاققا ءتىزىلىپ، تيەۋىش قوراپقا سالۋدى كۇتۋدە، بۇلار وسى سەرىكتەستىكتىڭ كاۋچۇك ونىمدەرىن تاسىپ شىعارادى. قازىر بۇل سەرىكتەستىكتىڭ ونىمدەرى 20 نەشە مەملەكەت پەن رايونعا ەكسپورت ەتىلۋدە.
”سىرتقى ساۋدا كاسىپورىندارى دامۋ تاسىلىنە بۇرىلىس جاساپ، ساپا مەن عىلىم ـ تەحنيكانىڭ قاتتى بولشەك قۋاتىن كۇش سالا جوعارىلاتۋى كەرەك“. مەملەكەتتىك حالىق قۇرىلتايىنىڭ ۋاكىلى، چۋانحۋا توبىنىڭ باس جوراسى شۇي گۋانجۇي بىلاي دەدى: تەحنيكادا جاڭالىق اشۋ ارقىلى جوعارى دەڭگەيدەگى ەسىك اشۋ مەن ساۋدادا قۋاتتى ەل قۇرۋدىڭ نەگىزىن بەكەمدەپ، ەكسپورت ونىمدەرىنىڭ قوسىمشا قۇنىن جوعارىلاتىپ، دۇنيە جۇزىلىك قۇن تىزبەگىنىڭ ورتا، جوعارى دەڭگەيىنە قادام تاستاۋدا قامال الۋ سيپاتتى تەحنيكا، ورنىن باسۋ سيپاتتى تەحنيكا، ءتول جاسامپازدىق سيپاتتى تەحنيكا جاعىنا كۇش سالىپ، ۇزدىكسىز تەحنيكالىق قامال الۋ ارقىلى چۋانحۋا توبى سيرەك جەر ەلەمەنتتى شۇنديڭ كاۋچۇك تەحنيكاسىنان قامال الۋدى جانە يمپورتتىڭ ورنىن باسۋدى جۇزەگە اسىردى.
باس شۋجي شي جينپيڭ بىلاي دەپ دارىپتەدى: ”ساۋدادا قۋاتتى ەل قۇرۋدى جەدەلدەتىپ، زات ساۋداسىنىڭ دارەجەسىن جوعارىلاتىپ، قىزمەت وتەۋ ساۋداسىندا جاڭالىق اشىپ، سيفرلى ساۋدانى دامىتىپ، سيفرلاندىرۋدى، جاسىلداندىرۋدى بەتالىس ەتىپ، حالىقارالىق جۇمىس ءبولىسى ورنىن اناعۇرلىم جوعارىلاتىپ، دۇنيە جۇزىلىك قۇن تىزبەگىنىڭ ورتا، جوعارى دەڭگەيىنە قاراي قادام تاستاۋ كەرەك“.
كەدەن باس مەكەمەسىنىڭ ساندى مالىمەتىندە كورسەتىلۋىنشە، 2023 – جىلى ەلىمىزدىڭ دەربەس ماركالى ونىمدەرىنىڭ ەكسپورتى %9.3 ارتىپ، ەكسپورت جالپى قۇنىنداعى سالىستىرماسى 1.7 پايىز جوعارىلاعان. جۇڭگونىڭ جاساۋ كاسىبىنىڭ، جۇڭگو ماركاسىنىڭ ىقپالى ونان ارى كەڭەيگەن.
ساۋدادا قۋاتتى ەل قۇرۋدى جەدەلدەتۋدە دۇنيە ءجۇزىنىڭ سيفرلانۋ، جاسىلدانۋ دامۋ اۋقىمىنا سايكەسىپ، جاڭا جارىس جولىن يەلەپ، جاڭا باسىمدىقتى سومداۋ كەرەك.
باس شۋجي شي جينپيڭ بىلاي دەپ اتاپ كورسەتتى: ”جاڭا ەنەرگيالى اۆتوكولىك سياقتى جاڭا كاسىپ سالالارىنىڭ ەكسپورت باسىمدىعىن بەكەمدەۋ، كەڭەيتۋ كەرەك“.
گۋاڭدۇڭنىڭ گۋاڭجوۋ قالاسىنداعى نانشا اۆتوموبيل وتكەلىندە ەلىمىزدە وندىرىلگەن 1800 دەن استام اۆتوموبيل تيەلگەن ”تاڭحۇڭ“ اتتى اينالمالى كەمە باياۋ ءجۇرىپ، شەتەلگە جولعا شىقتى. 30 كيلومەتر شالعايدا گۋاڭجوۋدىڭ پانيۇي رايونىنداعى گۋاڭجوۋ اۆتوموبيل توبى اي ـ ان زەردەلى ەكولوگيالىق زاۆودىنىڭ باس قۇراستىرۋ سەحىندا كوپتەگەن ونەركاسىپ قۇلتەمىرى مەن ونەركاسىپ جۇمىسشىلارى سەلبەسىپ جۇمىس ىستەپ، جوعارى ونىمدىلىكپەن جۇمىس جۇرگىزدى، ءار 53 سەكۋندتا ءبىر جاڭا ەنەرگيالى اۆتوموبيل ءوندىرىس جەلىسىنەن شىقتى.
قازىر ەلىمىزدىڭ ”جاڭا ءۇش ءتۇرلى“ ونىمدەرىنىڭ ەكسپورتى تەز قارقىنمەن ارتىپ، سىرتقى ساۋدانىڭ ارتۋىنداعى جاڭا قوزعاۋشى كۇشكە اينالدى. ساندى مالىمەتتە كورسەتىلۋىنشە، 2023 – جىلى ەلىمىزدىڭ اۆتوموبيل ەكسپورتى 4 ميلليون 910 مىڭ دانا بولىپ، سايكەس مەزگىلدەگىدەن %57.9 ارتىپ، اۆتوموبيل ەكسپورتىنداعى ءبىرىنشى ءىرى ەلگە اينالعان، مۇنىڭ ىشىندە جاڭا ەنەرگيالى اۆتوموبيل ەكسپورتى ءبىر ميلليون 203 مىڭ دانا بولعان.
”بۇل — ەلىمىزدىڭ جاڭا ەنەرگيالى اۆتوموبيل كاسىبىن دامىتۋ شەشىمىنىڭ ءبىر ادىم الدا ءجۇرىپ، دۇنيە ءجۇزى كولەمىندە جالپىلىق باسەكەلىك ابزالدىقتى العاشقى ادىمدا قالىپتاستىرۋىنىڭ ارقاسى“. مەملەكەتتىك حالىق قۇرىلتايىنىڭ ۋاكىلى، گۋاڭجوۋ اۆتوموبيل توبىنىڭ باس مەڭگەرۋشىسى، گۋاڭجوۋ اۆتوموبيل توبى اي ـ ان سەرىكتەستىگىنىڭ باس جوراسى فىڭ شيڭيا بىلاي دەدى: قازىر حالىقارالىق بازاردىڭ كومەسكى كۇشى زور، ورايى كوپ، جۇڭگونىڭ جاڭا ەنەرگيالى اۆتوموبيل كاسىپورىندارى ورايدى مىقتى يگەرىپ، ساۋدادا قۋاتتى ەل قۇرۋعا ۇلەس قوسۋى كەرەك.
”سيفرلاندىرۋدى، جاسىلداندىرۋدى قامال الۋ باعىتى ەتىپ، گۋاڭجوۋ اۆتوموبيل توبى اي ـ ان سەرىكتەستىگى تۇتىنۋشىلاردىڭ اۆتوكولىككە تاپسىرىس بەرۋىنەن بولشەكتەرمەن قامداۋعا دەيىن، ونان ءوندىرۋ، ساپا تەكسەرۋ، تاپسىرۋعا دەيىنگى جالپى بارىستى سيفرلاندىردى“. ۋاكىل فىڭ شيڭيا بىلاي دەدى: الدىمەن دامۋ باسىمدىعىن ۇزدىكسىز ساۋلەلەندىرىپ، دۇنيە جۇزىلىك كاسىپ تىزبەگى، قامداۋ تىزبەگى جۇيەسىمەن ىشكەرىلەي توعىسىپ، حالىقارالىق ىقپالعا يە ايگىلى ماركا جاراتۋ كەرەك.
ساۋدادا قۋاتتى ەل قۇرۋدى جەدەلدەتۋدە حالىقارالىق ەكونوميكا ـ ساۋدا سەلبەستىگىنىڭ ماڭىزدى باستاۋشىسى بولۋ كەرەك. باس شۋجي شي جينپيڭ بىلاي دەپ اتاپ كورسەتتى: ”دۇنيە جۇزىلىك كاسىپ سالاسى جۇمىس بولىسىنە جانە سەلبەستىگىنە ىشكەرىلەي ات سالىسىپ، كوپ نەگىزدى، ورنىقتى حالىقارالىق ەكونوميكالىق جۇيە مەن ەكونوميكا ـ ساۋدا قاتىناسىن قورعاۋ كەرەك“.
سوڭعى جىلدارى ەلىمىز ”ءبىر بەلدەۋ، ءبىر جولدى“ بىرگە قۇرۋدىڭ ساپالى دامۋىن ىلگەرىلەتىپ، حالىقارالىق ەكونوميكالىق سەلبەستىككە جاڭا تۇعىر ازىرلەدى. مەملەكەتتىك ساياسي كەڭەستىڭ مۇشەسى، ساۋدا مينيسترلىگى حالىقارالىق ساۋدا ەكونوميكالىق سەلبەستىگىن زەرتتەۋ ورنىنىڭ باستىعى گۋ شۋەميڭ مىنانى ءبىلدىردى: ”ءبىر بەلدەۋ، ءبىر جولدى“ بىرگە قۇرۋ ءار ەلدىڭ دامۋ ءىس جۇزىندىك قاجەتىن شىعار ءتۇيىن ەتىپ، بىرگە قۇرۋشى ەلدەردىڭ بايلىق ابزالدىعىن تولىق ساۋلەلەندىرۋىن جەبەپ، كاسىپ تىزبەگى، قامداۋ تىزبەگى، قۇن تىزبەگى سەلبەستىگىن تەرەڭدەتىپ، جۇڭگونى دامىتۋمەن بىرگە، دۇنيە جۇزىنە دە باقىت جاراتىپ، بىرگە دامۋ، بىرگە اۋقاتتانۋ، بىرگە گۇلدەنۋ ورايى مەن تابىسىن بۇكىل دۇنيە جۇزىنە جەتكىزدى.
”ءبىر بەلدەۋ، ءبىر جولدى“ بىرگە قۇرۋ ورايىن يگەرگەن شينجياڭ شەكارا وتكەلدەرىنىڭ كەدەننەن ءوتۋ ونىمدىلىگىن ۇزدىكسىز ساپالىلاندىرىپ، حالىقارالىق ەكونوميكا ـ ساۋدا بارىس ـ كەلىسىنە ىشكەرىلەي ات سالىستى. مەملەكەتتىك حالىق قۇرىلتايىنىڭ ۋاكىلى، ءۇرىمجى كەدەنىنە قاراستى الاتاۋ ساعاسى كەدەن تەحنيكا ورتالىعى مەڭگەرۋشىسىنىڭ ورىنباسارى لي لان بىلاي دەدى: ”ءبىر بەلدەۋ، ءبىر جولدى“ بىرگە قۇرۋدىڭ ىشكەرىلەي ىلگەرىلەۋىنە جانە شينجياڭ ەركىن ساۋدا سىناق رايونىنىڭ ءساتتى قۇرىلۋىنا ىلەسە، سىرتقى ساۋدا كاسىپورىندارىنىڭ ساۋدانى قولايلىلاندىرۋ قاجەتى بارعان سايىن كوكەيتەستى بولا ءتۇستى. رەسمياتتى ۇزدىكسىز قاراپايىمداستىرىپ، شەكارا وتكەلدەرىن بىرلەسىپ تەكسەرۋ تاراۋلارى اراسىنداعى شەكارادان كىرىپ ـ شىعۋ ينفورماتسياسىنان ورتاق يگىلىكتەنۋدى جۇزەگە اسىرۋ كەرەك.
جۇڭگونىڭ اشىق ەسىگى بارعان سايىن ايقارا اشىلادى. ۋاكىلدەر مەن مۇشەلەر مىنانى ءبىلدىردى: ءوزارا تيىمدىلىك جەتكىزىپ، تەڭ يگىلىككە كەنەلۋ سىندى ەسىك اشۋ ستراتەگياسىن باتىل اتقارىپ، يمپورت ـ ەكسپورت ارقىلى ءار ەل حالقىنىڭ ءوندىرىس، تۇرمىس قاجەتىن قاناعاتتاندىرىپ، جۇڭگونىڭ جاڭا دامۋى ارقىلى دۇنيە جۇزىنە ۇزدىكسىز جاڭا وراي ازىرلەپ، دۇنيە جۇزىلىك ساۋداعا قارجى قوسۋدىڭ ارتۋىنا جاڭا قوزعاۋشى كۇش ۇستەيمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
