ەكونوميكا مەن فينانستىڭ ساپالى دامۋىن ءبىر تۇتاس جوسپارلاپ ىلگەرىلەتەيىك (مەملەكەتتى قۇدىرەتتەندىرۋ قۇرىلىسىندا ۇدىرە العا تارتۋ)
__ ۋاكىلدەر مەن مۇشەلەر فينانستا قۋاتتى ەل قۇرۋدى جەدەلدەتۋ جونىندە توقتالدى
«حالىق گازەتىنىڭ» تىلشىلەرى ۋ چيۋيۇي، چي جىميڭ، سۇڭ حاۋشين
2024.03.04 10:03 كەلۋ قاينارى : حالىق تورابى
دۇنيە جۇزىندەگى ەڭ ۇلكەن بانكە جۇيەسى، شەتەل اقشاسى زاپاسىنىڭ كولەمى دۇنيە ءجۇزى بويىنشا ءبىرىنشى ورىندا، جالپىعا ءتيىمدى فينانس دۇنيە ءجۇزى بويىنشا الدىڭعى قاتاردا تۇردى... ەلىمىز دۇنيە جۇزىندەگى ماڭىزدى فينانس ءىرى ەلىنە اينالدى.
2023 - جىلى 10 - ايدا وتكىزىلگەن ورتالىقتىڭ فينانس قىزمەتى ماجىلىسىندە فينانستا قۋاتتى ەل قۇرۋدى جەدەلدەتۋ نىساناسى ايقىن ورتاعا قويىلدى. بيىل 1 ـ ايدا ولكە، مينيسترلىك دارەجەلى نەگىزگى باسشى كادرلاردىڭ فينانستىڭ ساپالى دامۋىن ىلگەرىلەتۋ جونىندەگى ارناۋلى تاقىرىپتىق زەرتتەۋ ـ تالقى كلاسىنىڭ ساباق باستاۋ سالتىندا باس شۋجي شي جينپيڭ فينانستا قۋاتتى ەل قۇرۋدىڭ نىسانالىق مىندەتتەرى، امالياتتىق تالاپتارى سياقتى كەلەلى ماسەلەلەردى ىشكەرىلەي پايىمداپ، ”فينانستا قۋاتتى ەل قۇرۋ ۇزاق ۋاقىت قۇلشىنۋدى، ۇزاق ۋاقىت ۇلەس قوسۋدى قاجەت ەتەدى“، ”جۇڭگوشا وسى زامانعى فينانس جۇيەسىن، ءسوز جوق، جەدەل قۇرۋ كەرەك“ دەپ دارىپتەدى.
فينانستا قۋاتتى ەل قۇرۋدىڭ ءتۇبىرلى ماقساتى — جۇڭگو ۇلگىسىندەگى وسىزامانداندىرۋعا قىزمەت وتەۋ. ”وسىزاماندانعان قۋاتتى ەل، ءسوز جوق، فينانستا قۋاتتى ەل بولادى، فينانستا قۋاتتى ەل قۇرۋ نىساناسىن كوزدەپ، فينانستىڭ ساپالى دامۋىن تىڭعىلىقتى ىلگەرىلەتۋ كەرەك“ دەدى مەملەكەتتىك حالىق قۇرىلتايىنىڭ ۋاكىلى، چيڭحۋا داشۋەسى ۋداۋكوۋ فينانس شۋەيۋانى باستىعىنىڭ ورىنباسارى تيان شۋان.
فينانس + جەتىلدىرۋ + كاسىپ سالاسى + جەتەكشىلىك ەتۋ، جۇڭگو قۇرىلىس بانكەسىنىڭ تيانجين قالالىق بولىمشە بانكەسى قۇرعان ”يگىلىك جاراتۋشىلاردىڭ شىعاناعىندا“ بەيجيڭ ـ تيانجين وڭىرىندەگى عىلىم ـ تەحنيكادا جاڭالىق اشۋ تيبىندەگى شاعىن، ۇساق كاسىپورىندار فينانس، كاسىپ اتتاعان ءبىر بەكەتتىك جالپىلىق فينانستىق قىزمەت وتەۋدەن قولايلى دا تەز يگىلىكتەنە الادى.
باس شۋجي شي جينپيڭ بىلاي دەپ دارىپتەدى: ”ەكونوميكا مەن فينانس — ءبىر تۇتاس جۇيە يدەياسىندا تاباندى بولۋ“، ”ەكونوميكا مەن فينانستىڭ ساپالى دامۋىن ءبىر تۇتاس جوسپارلاپ ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋ كەرەك“.
”ءبىز نازاردى عىلىم ـ تەحنيكالىق شاعىن، ۇساق كاسىپورىنداردىڭ ساپالى دامۋىنا قىزمەت وتەۋ سىندى نەگىزگى تاقىرىپقا ۇزدىكسىز شوعىرلاندىرىپ، شاعىن، ۇساق كاسىپورىنداردىڭ عىلىم ـ تەحنيكادا جاڭالىق اشۋىنا فينانستىق قولداۋ كورسەتۋ مەحانيزمىن اقاۋسىزداندىرامىز“ دەدى مەملەكەتتىك ساياسي كەڭەستىڭ مۇشەسى، جۇڭگو قۇرىلىس بانكەسى تيانجين قالالىق بولىمشە بانكەسى پارتكومىنىڭ شۋجيى، بانكە باستىعى ۋ ي - چياڭ.
”بۇلتتىق سالىق - قارىز“، ”سالىق - قارىز ارناسى“، ”قارىزدى قولايلى ءبىتىرۋ“... سوڭعى جىلدارى يۇننان ولكەسىنىڭ سالىق تاراۋلارى سالىق فۋنكتسياسىن تياناق ەتىپ، بانكە سالىعىنىڭ سەلبەستىك مەحانيزمىن ۇزدىكسىز ساپالىلاندىرىپ، ”سالىق تاپسىرۋ سەنىمدىلىگىن“ ”ناق اقشاعا“ اينالدىرۋدى جەدەلدەتىپ، تيجارات تۇلعالارىنىڭ فينانستى ەنگىزۋىنە شىنايى كۇش قوسىپ، ورتا، شاعىن، ۇساق كاسىپورىنداردىڭ قارجى قۇراۋداعى قيىن ماسەلەسىن شەشۋدى ىلگەرىلەتتى.
جۇڭگو ۇلگىسىندەگى وسىزاماندانۋدا، ءسوز جوق، وعان ۇيلەسەتىن ساپالى جالپىعا ءتيىمدى فينانس جۇيەسى بولۋ كەرەك. باس شۋجي شي جينپيڭ بىلاي دەپ اتاپ كورسەتتى: ”حالىقتى وزەك ەتكەن دامۋ يدەياسىندا باستان ـ اياق تاباندى بولىپ، جالپىعا ءتيىمدى فينانستىڭ ساپالى دامۋىن ىلگەرىلەتىپ، وسكەلەڭ ۇيلەسكىشتىك، باسەكەلىك قۋاتقا يە، جالپىعا ءتيىمدى وسى زامانعى فينانس جۇيەسىن اقاۋسىزداندىرىپ، حالىق بۇقاراسى مەن ناقتى ەكونوميكانىڭ الۋان ءتۇرلى فينانس قاجەتىن اناعۇرلىم ويداعىداي قاناعاتتاندىرىپ، قارىز اقشا الۋ قيىن بولۋ، قارىز اقشا الۋ قىمبات بولۋ ماسەلەسىن شىنايى شەشۋ كەرەك“.
”جالپىعا ءتيىمدى فينانستىق قىزمەت وتەۋ قابىلەتى قۇرىلىسىن كۇشەيتىپ، تيجارات تۇلعالارىنىڭ دامۋ ساپاسىن جوعارىلاتۋدىڭ تەتىگى تيجارات تۇلعالارىنىڭ قارجى قۇراۋىنا اناعۇرلىم قولايلىلىق جاراتۋدا“. مەملەكەتتىك حالىق قۇرىلتايىنىڭ ۋاكىلى، مەملەكەتتىك سالىق باس مەكەمەسى يۇننان ولكەلىك سالىق مەكەمەسى پارتكومىنىڭ شۋجيى، مەكەمە باستىعى جياڭ تاۋ ”بانكە مەن سالىقتىڭ ىقپالداستىعىنىڭ“ تيىمدىلىككە يە بولۋ كولەمىن ونان ارى كەڭەيتىپ، بانكەلەردى شاعىن، ۇساق كاسىپورىنداردىڭ قارىز اقشا سۇرانىسىنا نازار اۋدارۋعا جەتەكتەپ، جالپىعا ءتيىمدى فينانستى دامىتۋ ساياساتىمەن، سالىق - اقى جاعىنان جەڭىلدىك بەرۋ ساياساتىمەن ۇشتاستىرىپ، ءتۇرلى تيجارات تۇلعالارىنىڭ الۋان ءتۇرلى قارجى قۇراۋ قاجەتىن اناعۇرلىم ويداعىداي قاناعاتتاندىرۋدى ۇسىنىس ەتتى.
حالىقتى وزەك ەتكەن قۇن بەتالىسىندا تاباندى بولعان فينانس جۇيەسى نازاردى حالىق بۇقاراسىنىڭ تاماشا تۇرمىسقا دەگەن تىلەگىنە شوعىرلاندىرىپ، ۇزدىكسىز كۇش سالىپ، حالىق بۇقاراسىنىڭ فينانستىق قىزمەت وتەۋگە بولعان تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتتى.
”ۇزاق ۋاقىت كۇتىمدەۋ، حاۋىپ ـ قاتەردى قامتاماسىز ەتۋدى قۇرىلىمدا قارتتاردى كۇتىمدەۋ، الەۋمەتتىك اۋماقتا قارتتاردى كۇتىمدەۋ سياقتى قىزمەت وتەۋمەن ءونىمدى ۇشتاستىرۋ جونىندە ىزدەنىس جاساۋ _ ساپالى، جالپىعا ءتيىمدى قامسىزداندىرۋ جۇيەسىن كەمەلدەندىرۋدەگى ماڭىزدى مىندەت“ دەدى مەملەكەتتىك ساياسي كەڭەستىڭ مۇشەسى، جۇڭگو عۇمىر قامسىزداندىرۋ توبى پارتكومىنىڭ شۋجيى، باس جوراسى باي تاۋ.
فينانستىڭ ساپالى دامۋىن ىلگەرىلەتۋ، فينانستا قۋاتتى ەل قۇرۋ مادەنيەتتىڭ نارلەندىرۋىنەن ايرىلا المايدى.
”جۇڭگوشا فينانس مادەنيەتىن بەلسەنە جەتىلدىرۋدە ءارى جۇڭحۋانىڭ تاڭداۋلى ءداستۇرلى مادەنيەتىنىڭ جاۋھارىن ايگىلەۋ، ءارى وسى زامانعى فينانس فاكتورىن، فينانس ۇستانىمىن، فينانس رۋحىن ايگىلەۋ كەرەك“. مەملەكەتتىك حالىق قۇرىلتايىنىڭ ۋاكىلى، سىچۋان تيانفۋ بانكەسى پارتكومىنىڭ شۋجيى، باس جوراسى حۋاڭ ي بىلاي دەپ قارادى: فينانستا قۋاتتى ەل قۇرۋدى جەدەلدەتۋدە جۇڭگوشا فينانس مادەنيەتى ارقىلى كاسىپتىك سالتتى دۇرىستاپ، زاڭمەن جونگە سالۋ مەن مورالمەن جونگە سالۋدى ۇشتاستىرۋدا تاباندى بولىپ، فينانس جۇيەسىندە جۇڭحۋانىڭ تاڭداۋلى ءداستۇرلى مادەنيەتىن بەكەمدەپ، جۇڭگوشا فينانس مادەنيەتىن بەلسەنە جەتىلدىرۋ كەرەك.
فينانستا قۋاتتى ەل قۇرۋدى جەدەلدەتۋ _ جاڭا ءداۋىردىڭ جاڭا جورىعىنداعى فينانس ىستەرىن دامىتۋداعى كەلەلى نىسانالىق مىندەت. ۋاكىلدەر مەن مۇشەلەر مىنانى ءبىلدىردى: فينانس جۇيەسى جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، فينانستىڭ قامداۋ جاعىنداعى قۇرىلىمدىق رەفورماسىن ۇزدىكسىز تەرەڭدەتىپ، ولقىلىقتاردى ونان ارى تولىقتاپ، ءالسىز بۋىنداردى كۇشەيتىپ، باسىمدىقتى شىڭداپ، ەكونوميكا مەن فينانستىڭ ساپالى دامۋىن ءبىر تۇتاس ىلگەرىلەتىپ، حالىق بۇقاراسى مەن ناقتى ەكونوميكانىڭ الۋان ءتۇرلى فينانس قاجەتىن اناعۇرلىم ويداعىداي قاناعاتتاندىرۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
