مەملەكەتتىك ساياسي كەڭەس 14 ـ كەزەكتى كوميتەتىنىڭ 2 - ءماجىلىسى بۇگىن اشىلادى
3 – ايدىڭ 10 – كۇنى جابىلادى
2024.03.04 11:48 كەلۋ قاينارى : حالىق تورابى
حالىق تورابىنىڭ 3 – ايدىڭ 4 – كۇنى بەيجيڭنەن بەرگەن حابارى. 3 – ايدىڭ 3 - كۇنى مەملەكەتتىك ساياسي كەڭەس 14 – كەزەكتى كوميتەتى 2 - ءماجىلىسىنىڭ اقپار جاريالاۋ ءماجىلىسى وتكىزىلدى، ءماجىلىستىڭ اقپارات مالىمدەمەشىسى ليۋ جيە - ي جۇڭگولىق جانە شەتەلدىك اقپارات قۇرالدارىنا وسى رەتكى ماجىلىسكە قاتىستى جاعدايلاردى تانىستىردى ءارى تىلشىلەردىڭ سۇراۋلارىنا جاۋاپ بەردى.
ليۋ جيە ـ ي مىنالاردى ءبىلدىردى: 2024 - جىل ‐ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، سونداي ـ اق حالىق ساياسي كەڭەسى قۇرىلعاندىعىنىڭ 75 جىلدىعى. وسى رەتكى ساياسي كەڭەس ءماجىلىسىن ويداعىداي اشۋ كەلەلى ماڭىز الادى. مەملەكەتتىك ساياسي كەڭەس 14 - كەزەكتى كوميتەتىنىڭ 2 - ءماجىلىسى 3 – ايدىڭ 4 – كۇنى تۇستەن كەيىن ساعات 3 تە حالىق سارايىندا اشىلادى، 3 – ايدىڭ 10 – كۇنى تۇستەن بۇرىن جابىلادى، ءماجىلىس ۋاقىتى 6 كۇن.
ءماجىلىستىڭ باستى كۇن ءتارتىبى: مەملەكەتتىك ساياسي كەڭەس تۇراقتى كوميتەتىنىڭ قىزمەت بايانداماسى مەن ۇسىنىس جوبا قىزمەتى احۋالى جونىندەگى باياندامانى تىڭداۋ جانە قاراۋ؛ 14 - كەزەكتى مەملەكەتتىك حالىق قۇرىلتايىنىڭ 2 - ماجىلىسىنە سىرتتاي قاتىناسۋ، ۇكىمەت قىزمەتىنەن باياندامانى جانە باسقا دا قاتىستى باياندامالاردى تىڭداۋ جانە تالقىلاۋ؛ ساياسي كەڭەس مەملەكەتتىك 14 - كەزەكتى كوميتەتى 2 - ءماجىلىسىنىڭ ساياسي قاۋلىسىن، تۇراقتى كوميتەتتىڭ قىزمەت بايانداماسى جونىندەگى قاۋلىسىن، ساياسي كەڭەس مەملەكەتتىك 14 - كەزەكتى كوميتەتى 1 - ماجىلىسىنەن بەرگى ۇسىنىس جوبا قىزمەتى احۋالىنان بايانداما جونىندەگى قاۋلىنى، ساياسي كەڭەس مەملەكەتتىك 14 - كەزەكتى كوميتەتى 2 - ءماجىلىسىنىڭ ۇسىنىس جوبالاردى تەكسەرۋ احۋالى جونىندەگى باياندامانى قاراپ ماقۇلداۋ.
ليۋ جيە - ي مىنانى باسا دارىپتەدى: ءماجىلىس وسى كەزەكتى مەملەكەتتىك ساياسي كەڭەستىڭ ءبىر جىلدان بەرگى قىزمەتتەرىن قورىتىندىلاپ، بيىلعى قىزمەتتەر جونىندە ورنالاستىرۋ جاسايدى. مەملەكەتتىك ساياسي كەڭەس تاڭداۋلى ءداستۇردى ساۋلەلەندىرىپ، ساياسي جاۋاپكەرشىلىكتى ەستە بەرىك ساقتاپ، وزەكتى تىعىز ارقاۋ ەتىپ، كەلەلى جاعدايعا قىزمەت ەتىپ، يدەيالىق ـ ساياسي جەتەكشىلىكتى كۇشەيتىپ، بەلسەنە اقىل ـ كەڭەس بەرىپ، ورتاق تانىمدى كەڭىنەن ۇيىستىرىپ، وزىندىك قۇرىلىستى كۇشەيتىپ، جاڭا داۋىردەگى ساياسي كەڭەس قىزمەتىنىڭ جاڭا جاعدايىن ۇزدىكسىز اشادى.
ليۋ جيە ـ ي بىلاي دەدى: ءماجىلىس كەزىندە اشىلۋ ءماجىلىسى، جابىلۋ ءماجىلىسى، سونداي ـ اق 2 رەتكى ءماجىلىس جونىندە ءسوز سويلەۋ، مۇشەلەر تۇرعان جەرلەردە جەكە ـ جەكە سالالار بويىنشا بىرىككەن گرۋپپالار ءماجىلىسى جانە كوپ رەت مۇشەلەردىڭ سالا بويىنشا گرۋپپالىق ءماجىلىسى وتكىزىلەدى، ءىشىنارا سالالاردا ءبىر رەت سالالىق كەڭەس ءماجىلىسى وتكىزىلەدى. ءماجىلىستىڭ اشىلۋ ءماجىلىسى، جابىلۋ ءماجىلىسى شەتەلدەردىڭ جۇڭگودا تۇراتىن ەلشىلەرىن سىرتتاي تىڭداۋعا ۇسىنىس ەتەدى. ءماجىلىستىڭ دايىندىق جۇمىستارى اقىرلاسىپ بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
