مەملەكەتتىك ساياسي كەڭەس 14 - كەزەكتى كوميتەتىنىڭ 2 - ءماجىلىسى اقپار جاريالاۋ ءماجىلىسىن وتكىزدى
پارتيا مەن مەملەكەت ىستەرىنىڭ دامۋىنا تىڭ ۇلەس قوسايىق
«حالىق گازەتىنىڭ» تىلشىلەرى ۋ دان، ۋ يۋە
2024.03.04 15:51 كەلۋ قاينارى : حالىق تورابى
مەملەكەتتىك ساياسي كەڭەس 14 - كەزەكتى كوميتەتىنىڭ 2 – ءماجىلىسى 3 - ايدىڭ 3 – كۇنى تۇستەن كەيىن حالىق سارايىنىڭ اقپار جاريالاۋ زالىندا اقپار جاريالاۋ ءماجىلىسىن وتكىزدى. ءماجىلىستىڭ اقپارات مالىمدەمەشىسى ليۋ جيە جۇڭگو - شەتەل اقپارات قۇرالدارىنا وسى رەتكى ءماجىلىستىڭ قاتىستى جاعدايلارىن تانىستىردى ءارى تىلشىلەردىڭ سۇراۋىنا جاۋاپ بەردى.
ليۋ جيە - ي بىلاي دەپ تانىستىردى: مەملەكەتتىك ساياسي كەڭەس 14 - كەزەكتى كوميتەتىنىڭ 2 – ءماجىلىسى 3 - ايدىڭ 4 – كۇنى تۇستەن كەيىن ساعات 3 تە حالىق سارايىندا اشىلادى، 3 - ايدىڭ 10 – كۇنى تۇستەن بۇرىن جابىلادى، ءماجىلىس ۋاقىتى 6 كۇن. وسى رەتكى ءماجىلىس كەزىندە اشىلۋ ءماجىلىسى، جابىلۋ ءماجىلىسى، سونداي - اق ەكى رەتكى ماجىلىستە ءسوز سويلەۋ ورنالاستىرىلادى، مۇشەلەر تۇرعان جەرلەر جەكە - جەكە سالالاردىڭ بىرىككەن گرۋپپا ءماجىلىسىن جانە كوپ رەت مۇشەلەردىڭ سالالار گرۋپپا ءماجىلىسىن وتكىزەدى، ءىشىنارا سالالار ءبىر رەت سالالاردىڭ كەڭەس ءماجىلىسىن وتكىزەدى. اشىلۋ ءماجىلىسى، جابىلۋ ءماجىلىسى شەتەلدەردىڭ جۇڭگودا تۇراتىن ەلشىلەرىن سىرتتاي تىڭداۋعا ۇسىنىس ەتەدى.
ءماجىلىستىڭ باستى كۇن ءتارتىبى: مەملەكەتتىك ساياسي كەڭەس تۇراقتى كوميتەتىنىڭ قىزمەت بايانداماسى مەن ۇسىنىس جوبا قىزمەتىنىڭ جاعدايى جونىندەگى باياندامانى تىڭداۋ جانە قاراۋ؛ 14 - كەزەكتى مەملەكەتتىك حالىق قۇرىلتايىنىڭ 2 - ماجىلىسىنە سىرتتاي قاتىناسۋ، ۇكىمەت قىزمەتىنەن باياندامانى جانە باسقا دا قاتىستى باياندامالاردى تىڭداۋ جانە تالقىلاۋ؛ مەملەكەتتىك ساياسي كەڭەس 14 - كەزەكتى كوميتەتى 2 - ءماجىلىسىنىڭ ساياسي قاۋلىسىن، تۇراقتى كوميتەتتىڭ قىزمەت بايانداماسى جونىندەگى قاۋلىسىن، مەملەكەتتىك ساياسي كەڭەس 14 - كەزەكتى كوميتەتىنىڭ 1 - ماجىلىسىنەن بەرگى ۇسىنىس جوبا قىزمەتىنىڭ جاعدايى جونىندەگى بايانداماسىن، ساياسي كەڭەس مەملەكەتتىك 14 - كەزەكتى كوميتەتى 2 - ءماجىلىسىنىڭ ۇسىنىس جوبالاردى تەكسەرۋ جاعدايى جونىندەگى بايانداماسىن قاراپ ماقۇلداۋ.
وتكەن ءبىر جىلدان بەرگى قىزمەتتەردى ەسكە العاندا، ليۋ جيە - ي بىلاي دەدى: 2023 – جىل − 14 - كەزەكتى مەملەكەتتىك ساياسي كەڭەستىڭ مىندەت وتەۋىنىڭ باستاما جىلى. ءبىر جىلدان بەرى حالىق ساياسي كەڭەسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ارناۋلى كەڭەس قۇرىلىمى بولۋ رولىن تولىق ساۋلەلەندىرىپ، نازاردى وزەكتى قىزمەتكە شوعىرلاندىرىپ، تەكسەرۋ - زەرتتەۋدى، ۇكىمەت ءىسىن كەڭەسۋدى، دەموكراتيالىق باقىلاۋدى ىشكەرىلەي ورىستەتىپ، ءتۇرلى قىزمەتتەردە تاماشا باستاما جاراتىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى.
ليۋ جيە - ي مىنالاردى ءبىلدىردى: 2024 - جىل − جۇڭحۋا حالىق رەسپۋبليكاسى قۇرىلعانىنىڭ 75 جىلدىعى، سونداي - اق حالىق ساياسي كەڭەسى قۇرىلعانىنىڭ 75 جىلدىعى. بۇل جولعى ساياسي كەڭەس ءماجىلىسىن ويداعىداي اشۋ كەلەلى ماڭىز الادى. ءماجىلىس وسى كەزەكتى مەملەكەتتىك ساياسي كەڭەستىڭ ءبىر جىلدان بەرگى قىزمەتتەرىن قورىتىندىلاپ، بيىلعى قىزمەتتەر جونىندە ورنالاستىرۋ جاسايدى. مەملەكەتتىك ساياسي كەڭەس تاڭداۋلى ءداستۇردى ساۋلەلەندىرىپ، ساياسي جاۋاپكەرلىكتى ەستە بەرىك ساقتاپ، وزەكتى تىعىز ارقاۋ ەتىپ، جالپى جاعدايعا قىزمەت ەتىپ، يدەيالىق - ساياسي جاقتاعى جەتەكشىلىكتى كۇشەيتىپ، بەلسەنە اقىل - كەڭەس بەرىپ، ورتاق تانىمدى كەڭىنەن ۇيىستىرىپ، وزىندىك قۇرىلىستى كۇشەيتىپ، جاڭا داۋىردەگى ساياسي كەڭەس قىزمەتىندە ۇزدىكسىز جاڭا جاعداي جاراتادى.
”ساياسي كەڭەس ەلىمىز ەكونوميكاسىنىڭ ساپالى دامۋىنا دەم بەرۋ بارىسىندا قانداي رول اتقارادى“ دەگەن ماسەلەگە جاۋاپ بەرگەندە، ليۋ جيە - ي بىلاي دەدى: ەكونوميكالىق كەڭەس تاقىرىبى مۇشەلەردىڭ نازارىن اۋداردى، بۇل − ساياسي كەڭەستىڭ ۇكىمەت ءىسىن كەڭەسۋىندەگى ماڭىزدى ءتۇيىن. وتكەن ءبىر جىلدا مەملەكەتتىك ساياسي كەڭەس جۇڭگو ۇلگىسىندەگى وسىزامانداندىرۋدى ىلگەرىلەتۋگە نازار اۋدارىپ، ءبىرقىدىرۋ ماكرولىق ەكونوميكا جانە ماڭىزدى ەكونوميكالىق كەڭەستىك تاقىرىپتار جونىندە ۇكىمەت ءىسىن كەڭەسىپ، ەكونوميكانىڭ دامۋىنا دەم بەرۋ جاعىندا تىڭعىلىقتى، ءونىمدى قىزمەتتەر ورىستەتتى: ەكونوميكالىق جاعدايدى ءجىتى قاداعالاپ زەرتتەپ، عىلمي، دەموكراتيالى شەشىم جاساۋعا پايدالانۋ ماتەريالىن ازىرلەدى؛ كورنەكتى ماسەلەلەردى ارقاۋ ەتىپ، تەكسەرۋ - زەرتتەۋ جۇرگىزىپ، ەكونوميكالىق دامۋداعى قيىن تۇيىندەردى، بوگەتتەردى شەشۋگە اقىل - كەڭەس بەردى. بيىل مەملەكەتتىك ساياسي كەڭەس ەكونوميكانىڭ جاقسارۋ جاعدايىن بەكەمدەۋگە ۇزدىكسىز دەم بەرىپ، ەكونوميكا سالاسىنداعى ماڭىزدى ماسەلەلەر جونىندە الۋان ءتۇرلى فورمادا ۇكىمەت ءىسىن كەڭەسىپ، بەلسەنە اقىل - كەڭەس بەرىپ، ءار سالانىڭ ورتاق تانىمىن ۇيىستىرىپ، ساپالى دامۋدى ىلگەرىلەتۋگە ۇلەس قوسادى.
”حالىق ساياسي كەڭەسى جالپى بارىستىق حالىق دەموكراتياسىن امالياتتا ايگىلەۋ جاعىندا قانداي قىزمەتتەر ورىستەتتى“ دەگەن ماسەلەگە جاۋاپ بەرگەندە، ليۋ جيە - ي مىنانى ءبىلدىردى: حالىق ساياسي كەڭەسى − ەلىمىزدىڭ ساياسي ومىرىندە سوتسياليستىك دەموكراتيانى ساۋلەلەندىرۋدىڭ، جالپى بارىستىق حالىق دەموكراتياسىن امالياتتان وتكىزۋدىڭ ماڭىزدى فورماسى، سوتسياليستىك كەڭەس دەموكراتياسىنىڭ ماڭىزدى ارناسى جانە ارناۋلى كەڭەس قۇرىلىمى. مەملەكەتتىك ساياسي كەڭەس كەڭەسۋ فورماسىن ۇزدىكسىز بايىتىپ، كەڭەسۋ ساپاسىن جوعارىلاتىپ، كەڭەسۋ ۇلگىسىندەگى باقىلاۋ ابزالدىعىن ساۋلەلەندىرىپ، كەڭەسۋ ءتۇزىمى قۇرىلىسىن ىلگەرىلەتىپ، حالىقتىڭ ءۇنىن بەينەلەۋ، حالىقتىڭ تىلەگىن ايگىلەۋ تالابىن ساياسي كەڭەسۋدىڭ، دەموكراتيالىق باقىلاۋدىڭ، ۇكىمەت ىسىنە ارالاسۋدىڭ، كەڭەس بەرۋدىڭ تۇتاس بارىسىندا تياناقتاندىرادى. مەملەكەتتىك ساياسي كەڭەس 14 - كەزەكتى كوميتەتىنىڭ 1 - ماجىلىسىنەن بەرى 94 رەت ءتۇرلى كەڭەس قيمىلىن وتكىزىپ، جيىنى 5 مىڭ 87 ادام - رەت كەڭەسكە قاتىناسىپ، ءبىر مىڭ 602 ادام - رەت ءسوز سويلەپ، قالىڭ بۇقارانىڭ پىكىرى مەن ۇسىنىسىن تولىق بەينەلەدى.
2023 - جىلى مەملەكەتتىك ساياسي كەڭەس مۇشەلەردىڭ مىندەت اتقارۋى بويىنشا ”حالىق ءۇشىن قىزمەت وتەۋ“ قيمىلىن جاسامپازدىقپەن ورىستەتتى. وسى قيمىلدىڭ ناقتى ونىمدىلىگى جونىندەگى ماسەلەلەرگە جاۋاپ بەرگەندە، ليۋ جيە - ي بىلاي دەپ تانىستىردى: ءبىر جىلدان بەرى جيىنى 2 مىڭ 500 گە جۋىق ”حالىق ءۇشىن قىزمەت وتەۋ“ قيمىلى ورىستەتىلىپ، حالىق كوڭىل ءبولىپ وتىرعان ماسەلەلەرگە بەلسەنە جاۋاپ قايتارىلىپ، قوعام جاعدايى مەن حالىق تىلەگى اڭىس ەتىلىپ، شۇعىل، قيىن، كوكەي تەستى ماسەلەلەر شەشىلىپ، ورتاق تانىم كەڭىنەن ۇيىستىرىلدى، سونىمەن بىرگە، بۇقارادان اقىل - پاراسات قابىلدانىپ، قىزمەتتى ىلگەرىلەتۋدىڭ تىڭعىلىقتى شارالارىنا اينالدىرىلدى. 2024 - جىلى مەملەكەتتىك ساياسي كەڭەس نازاردى پارتيا مەن مەملەكەتتىڭ ماڭىزدى شەشىمدەرى مەن ورنالاستىرۋلارىنا جانە حالىق بۇقاراسىنىڭ كوڭىل ءبولىپ وتىرعان ماسەلەلەرىنە ۇزدىكسىز شوعىرلاندىرىپ، مۇشەلەردىڭ مىندەت اتقارۋداعى ”حالىق ءۇشىن قىزمەت وتەۋ“ قيمىلىن ۇزدىكسىز ورىستەتىپ، بۇقارانىڭ مۇڭ - مۇقتاجىن شەشۋگە كۇش سالىپ، بۇقاراعا ءتيىمدى ناقتى ىستەردى تىڭعىلىقتى ىستەپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ ءۇشىن رولىن بەلسەنە ساۋلەلەندىرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
