بەنزين مەن ديزەلدىڭ باعاسى قىمباتتادى
2024.03.05 13:30
مەملەكەتتىك دامۋ جانە رەفورما كوميتەتى 3 ـ ايدىڭ 4 ـ كۇنى مىناداي حابار جاريالادى: تاياۋ مەزگىلدەگى حالىقارالىق بازارداعى مۇناي باعاسىنىڭ وزگەرىس جاعدايىنا ساي، قازىر اتقارىلىپ وتىرعان وڭدەلگەن جانار ماي باعاسىن قالىپتاستىرۋ مەحانيزمى بويىنشا، 2024 ـ جىلى 3 – ايدىڭ 4 - كۇنى ساعات 24 تەن باستاپ، ەل ىشىندەگى بەنزيننىڭ، ديزەلدىڭ ءار تونناسىنىڭ باعاسى جەكە ـ جەكە 125 يۋان، 120 يۋان جوعارىلادى.
مەملەكەتتىك دامۋ جانە رەفورما كوميتەتىنىڭ قاتىستى جاۋاپتىسى بىلاي دەدى: جۇڭگو مۇناي ـ تابيعي گاز توبى سەرىكتەستىگى، جۇڭگو مۇناي - حيميا توبى سەرىكتىگى، جۇڭگو تەڭىز - مۇحيت مۇناي توبى شەكتى سەرىكتىگى قاتارلى ءۇش ۇلكەن سەرىكتەستىك، سونداي ـ اق باسقا دا مۇناي وڭدەۋ كاسىپورىندارى وڭدەلگەن جانار ماي ءوندىرۋ مەن تاسۋدى ويداعىداي ۇيىمداستىرىپ، بازاردىڭ ورنىقتى قامداۋىنا شىنايى كەپىلدىك ەتىپ، مەملەكەتتىڭ باعا ساياساتىن قاتاڭ اتقارۋى كەرەك. جەر - جەردەگى قاتىستى تاراۋلار بازاردى باقىلاۋ - تەكسەرۋ تەبىنىن ارتتىرىپ، مەملەكەتتىڭ باعا ساياساتىن اتقارماۋ ارەكەتتەرىن قاتاڭ تەكسەرىپ ءبىر جايلى ەتىپ، قالىپتى بازار ءتارتىبىن قورعاۋ كەرەك. تۇتىنۋشىلاردىڭ 12315 تەكشەسى ارقىلى باعا جاعىنداعى زاڭعا قايشى ارەكەتتەردى اشكەرەلەۋىنە بولادى.
وسى كەزەكتى وڭدەلگەن جانار مايدىڭ باعاسىن رەتتەۋ مەزگىلىندە حالىقارادا مۇناي باعاسى تولقىپ قىمباتتادى. مەملەكەتتىك دامۋ جانە رەفورما كوميتەتىنىڭ باعانى باقىلاۋ ورتالىعىنىڭ مەجەلەۋىنشە، قىسقا مەرزىم ىشىندە حالىقارالىق مۇناي باعاسى ءالى دە تولقيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
