ساياسي كەڭەس 14 - كەزەكتى مەملەكەتتىك كوميتەتىنىڭ 2 - ءماجىلىسى بەيجيڭدە اشىلدى
شي جينپيڭ، لي چياڭ، جاۋ لىجي، ساي چي، ديڭ شۋەشياڭ، لي شي، حان جىڭ ماجىلىسكە قاتىناسىپ قۇتتىقتادى
ۋاڭ حۋنيڭ ساياسي كەڭەس تۇراقتى كوميتەتىنىڭ قىزمەتىنەن بايانداما جاسادى، شى تايفىڭ باسقاردى، گاۋ يۇنلۇڭ ۇسىنىس جوبا قىزمەتىنىڭ جاعدايىنان بايانداما جاسادى
2024.03.05 17:59 كەلۋ قاينارى : حالىق تورابى
 |
3 - ايدىڭ 4 - كۇنى تۇستەن كەيىن جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 2 - ءماجىلىسى حالىق سارايىندا اشىلدى. سۋرەتتە: شي جينپيڭ، لي چياڭ، جاۋ لىجي، ساي چي، ديڭ شۋەشياڭ، لي شي، حان جىڭ ءتوراعالار مىنبەسىنەن ورىن الدى.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
شينحۋا اگەنتتىگى، 3 – ايدىڭ 4 – كۇنى، بەيجيڭ. ءبىر نيەتتە كۇش توپتاپ كوركەيۋ ماڭىزدى مىندەتىن ورتاق ارقالاپ، جاڭا جورىقتا ارىنداي العا تارتتى. جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 2 - ءماجىلىسى 3 - ايدىڭ 4 - كۇنى تۇستەن كەيىن حالىق سارايىندا اشىلدى. مەملەكەتتىك ساياسي كەڭەستىڭ 2 مىڭنان استام مۇشەسى ج ك پ ورتالىق كوميتەتىنىڭ شەشىمدەرى مەن ورنالاستىرۋلارىن تىعىز توڭىرەكتەي وتىرىپ، ساياسي جاۋاپكەرلىكتى ەستە بەرىك ساقتاپ، بەلسەنە اقىل - كەڭەس بەرىپ، كەڭ كولەمدە ورتاق تانىم ۇيىستىرىپ، جۇڭگو ۇلگىسىندەگى وسىزامانداندىرۋدىڭ ايبىندى داستانىن بىرگە جازدى.
ناۋرىز ايىنداعى بەيجيڭدە كوكتەم لەبى ەسەدى. حالىق سارايىنىڭ ۇلكەن زالىندا شىراقتار سامالاداي جارقىراپ، دۋماندى بەينەگە شومدى. جۇڭگو حالىق ساياسي ءماسليحات كەڭەسىنىڭ گەربى ءتوراعالار مىنبەسىنىڭ ءدال ورتاسىنا ءىلىنىپ، ەكى جاعىنا بەستەن نارت قىزىل تۋ قويىلعان.
ساياسي كەڭەس مەملەكەتتىك 14 - كەزەكتى كوميتەتىنىڭ 2 - ماجىلىسىنە قاتىناسۋعا ءتيىستى مۇشە 2 مىڭ 162 ادام، قاتىناسقان مۇشە 2 مىڭ 93ادام، بۇل بەلگىلەنگەن ادام سانىنا ۇيلەسەدى.
مەملەكەتتىك ساياسي كەڭەستىڭ ءتوراعاسى ۋاڭ حۋنيڭ، مەملەكەتتىك ساياسي كەڭەس ءتوراعاسىنىڭ ورىنباسارلارى شى تايفىڭ، حۋ چۇنحۋا، چىن يۋەيۋە، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ءتوراعالار مىنبەسىنىڭ الدىڭعى قاتارىنان ورىن الدى.
پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ساي چي، ديڭ شۋەشياڭ، لي شي، حان جىڭ قاتارلىلار ءتوراعالار مىنبەسىنەن ورىن الىپ، ءماجىلىستىڭ اشىلعانىن قۇتتىقتادى.
تۇستەن كەيىن ساعات 3 تە شى تايفىڭ ءماجىلىستىڭ باستالعانىن جاريالادى، بۇكىل زالداعىلار ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.
ءماجىلىس الدىمەن ساياسي كەڭەس 14 - كەزەكتى مەملەكەتتىك كوميتەتى 2 - ءماجىلىسىنىڭ كەڭەس ءتارتىبىن قاراپ ماقۇلدادى.
ۋاڭ حۋنيڭ ساياسي كەڭەس 14 - كەزەكتى مەملەكەتتىك كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسادى.
ۋاڭ حۋنيڭ مىنالاردى ءبىلدىردى: 2023 - جىل − ج ك پ 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرۋدىڭ باستاما جىلى. شي جينپيڭ جولداستى ۇيىتقى ەتكەن ج ك پ ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، ۇزدىكسىز كۇرەس جۇرگىزىپ، ۇدەرە العا تارتىپ، ىشكى - سىرتقى قيىنشىلىقتاردى باتىل جەڭىپ، رەفورما جاساپ، ەسىك اشۋدى جاپپاي تەرەڭدەتىپ، جاڭا تيپتى ايدارشا ۆيرۋس ىندەتىنەن ساقتانۋ - تىزگىندەۋ جاعدايىندا ورنىقتى بۇرىلىس جاساپ، ساپالى دامۋدى تىڭعىلىقتى ىلگەرىلەتتى، عىلىم - تەحنيكادا جاڭالىق جاراتۋدا تىڭ قامال الىپ، حاۋىپسىز دامۋدىڭ نەگىزىن بەكەمدەدى، حالىق تۇرمىسىن پارمەندى، ءونىمدى قامتاماسىزداندىرىپ، ەكونوميكالىق، قوعامدىق دامۋدىڭ باستى مەجەلى نىسانالارىن تابىسپەن ورىندادى، قوعامدىق جالپى جاعدايدىڭ ورنىقتىلىعىن ساقتاپ، جاپپاي سوتسياليستىك وسىزاماندانعان مەملەكەت قۇرۋدا نىق قادام تاستاپ، بۇكىل ەلدەگى ءار ۇلت حالقىنىڭ سەنىمى مەن جىگەرىن بارىنشا كۇشەيتتى.
ۋاڭ حۋنيڭ وتكەن ءبىر جىلدان بەرگى حالىق ساياسي كەڭەسىنىڭ قىزمەتىن قورىتىندىلادى. ول بىلاي دەدى: شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ پارمەندى باسشىلىعىندا، ساياسي كەڭەس مەملەكەتتىك كوميتەتى جانە ونىڭ تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، ج ك پ 20 - قۇرىلتايى مەن پارتيا 20 - كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىنتىماق جانە دەموكراتيا سىندى ەكى ۇلكەن تاقىرىپتا تاباندى بولىپ، حالىق ساياسي كەڭەسىنىڭ سيپاتى مەن ورنىندا تاباندى بولىپ، پارتيا مەن مەملەكەت قىزمەتىنىڭ جالپى جاعدايى تۇرعىسىنان ساياسي كەڭەس قىزمەتىن جوسپارلاۋدا، ىلگەرىلەتۋدە تاباندى بولدى. جۇڭگو كوممۋنيستىك پارتياسىنىڭ حالىق ساياسي كەڭەسى قىزمەتىنە جاپپاي باسشىلىق ەتۋىنە تاباندى بولىپ، مىندەت اتقارۋدىڭ دۇرىس ساياسي بەتالىسىن مىقتاپ يگەرىپ، ساياسي جاقتا باۋلۋدى كۇشەيتىپ، ساياسي جاقتاعى قابىلەت پەن مىندەت اتقارۋ قابىلەتىن جوعارىلاتىپ، قىزمەت ءتۇزىمى جۇيەسىن كەمەلدەندىرىپ، مىندەت اتقارۋ ءتۇزىمىنىڭ نەگىزىن بەكەمدەپ، ج ك پ ورتالىق كوميتەتىنىڭ تەكسەرىپ – زەرتتەۋدى قاۋىرت ورىستەتۋ تالابىن دايەكتىلەندىرىپ، ۇكىمەت ىسىنە اقىل - كەڭەس بەرۋدىڭ ساپاسىن جوعارىلاتىپ، ج ك پ 20 - قۇرىلتايىنداعى كەلەلى ورنالاستىرۋلاردى توڭىرەكتەي وتىرىپ، ۇكىمەت ءىسىن كەڭەسىپ، پارتيا مەن مەملەكەتتىڭ وزەكتى مىندەتىنە قىزمەت ەتىپ، حالىقتى وزەك ەتكەن دامۋ يدەياسىن امالياتتا ايگىلەپ، حالىق تۇرمىسىن قامتاماسىز ەتۋگە جانە جاقسارتۋعا دەم بەرىپ، دۇرىس جولدان جازباي جاڭالىق جاراتىپ، ىنتىماقتاسا العا باسىپ، ءار كەزەكتى مەملەكەتتىك ساياسي كەڭەستە قالانعان تاماشا نەگىزدە، ءتۇرلى قىزمەتتەردە تىڭ تابىستارعا قول جەتكىزىپ، پارتيا مەن مەملەكەت ىستەرىنىڭ دامۋى جولىندا قىزمەت وتەپ، تىڭ ۇلەس قوستى.
ۋاڭ حۋنيڭ مىنالاردى ءبىلدىردى: 2024 - جىل − جۇڭحۋا حالىق رەسپۋبليكاسى قۇرىلعانىنىڭ 75 جىلدىعى، ”14 - بەسجىلدىق“ جوباداعى نىسانا - مىندەتتەردى جۇزەگە اسىرۋداعى شەشۋشى جىل ءارى حالىق ساياسي كەڭەسى قۇرىلعانىنىڭ 75 جىلدىعى. حالىق ساياسي كەڭەسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، ج ك پ 20 - قۇرىلتايى مەن پارتيا 20 - كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن جاپپاي دايەكتىلەندىرىپ، پارتيانىڭ باسشىلىعىن، بىرلىكساپتى، كەڭەس دەموكراتياسىن ورگانيكالى ۇشتاستىرۋدا تاباندى بولىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى تىعىز توڭىرەكتەي وتىرىپ مىندەتىن اتقارىپ، جاۋاپكەرلىكتى تولىق ورىنداپ، يدەيالىق - ساياسي جەتەكشىلىكتى ىلگەرىلەتىپ، ۇكىمەت ىسىنە بەلسەنە اقىل - كەڭەس بەرىپ، ورتاق تانىمدى كەڭ كولەمدە ۇيىستىرىپ، وزىندىك قۇرىلىستى كۇشەيتىپ، تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن جۇزەگە اسىرۋعا اقىل - پاراسات جانە كۇش - قۋات توپتاۋى كەرەك.
ۋاڭ حۋنيڭ مىنانى ءبىلدىردى: جۇڭگو كوممۋنيستىك پارتياسىنىڭ حالىق ساياسي كەڭەسى قىزمەتىنە جاپپاي باسشىلىق ەتۋىنە تاباندى بولىپ، پارتيانىڭ جاڭالىق جاراتۋ نازارياسىمەن قارۋلانۋدى تاباندىلىقپەن كۇشەيتىپ، حالىق ساياسي كەڭەسىنىڭ ارناۋلى كەڭەس قۇرىلىمى بولۋ رولىن ساۋلەلەندىرىپ، نازاردى جۇڭگو ۇلگىسىندەگى وسىزامانداندىرۋ نىساناسى مەن مىندەتتەرىنە شوعىرلاندىرىپ، اقىل - كەڭەس بەرىپ، ەڭ ۇلكەن سەنترلەس شەڭبەردى ويداعىداي قالىپتاستىرۋعا كۇش سالىپ، ءبىر نيەت، ءبىر تىلەكتە بولىپ، كوپ بولىپ اقىل قوسىپ، جاڭا داۋىردەگى حالىق ساياسي كەڭەسى قىزمەتىندە ۇزدىكسىز جاڭا جاعداي جاراتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزۋ كەرەك.
مەملەكەتتىك ساياسي كەڭەس ءتوراعاسىنىڭ ورىنباسارى گاۋ يۇنلۇڭ ساياسي كەڭەس 14 - كەزەكتى مەملەكەتتىك كوميتەتىنىڭ تۇراقتى كوميتەتى اتىنان ماجىلىسكە ساياسي كەڭەس 14 - كەزەكتى كوميتەتىنىڭ 1 - ماجىلىسىنەن بەرگى ۇسىنىس جوبا قىزمەتىنىڭ جاعدايىنان بايانداما جاسادى. ساياسي كەڭەس مەملەكەتتىك 14 - كەزەكتى كوميتەتىنىڭ 1 - ماجىلىسىنەن بەرى جيىنى 5 مىڭ 621 ۇسىنىس جوبا ورتاعا قويىلدى، تەكسەرۋ ارقىلى 4 مىڭ 791 ۇسىنىس جوبا ارحيۆكە الىندى. 2024 – جىلى 2 - ايدىڭ سوڭىنا دەيىن ۇسىنىس جوبالاردىڭ %99.9 ى ءبىر جاقتى ەتىلىپ، جاۋاپ قايتارىلدى. ورىنداۋشى ورىندار ۇسىنىس جوبالاردى مۇقيات ءبىر جاقتى ەتىپ، كوپتەگەن ۇسىنىس - پىكىرلەر قابىلداندى ءارى پارتيا مەن مەملەكەتتىڭ قاتىستى ساياساتتارىندا، دامۋ جوباسىندا جانە تاراۋلاردىڭ قىزمەتىندە ايگىلەنىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس ىلگەرىلەتۋدە، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدە بەلسەندى رول اتقاردى.
ما شيڭرۇي، ۋاڭ ي، يىن لي، ليۋ گوجۇڭ، لي گانجيە، لي شۋلەي، لي حۇڭجۇڭ، حى ۋەيدۇڭ، حى ليفىڭ، جاڭ يوۋشيا، جاڭ گوچيڭ، چىن جينيڭ، چىن مين - ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭ جياڭسۇن، شوكىرات زاكىر، ۋ جىڭلۇڭ، چىن ي - چين، جاڭ جۇن، يىڭ يۇڭ قاتارلى باسشى جولداستار دا ءتوراعالار مىنبەسىنەن ورىن الدى.
ج ك پ ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار ۇسىنىس بويىنشا اشىلۋ ماجىلىسىنە سىرتتاي قاتىناستى. شەتەلدىڭ جۇڭگودا تۇراتىن ەلشىلەرى، شەتەلدەگى جۇڭگولىق مۇھاجىرلار ۇسىنىس بويىنشا اشىلۋ ماجىلىسىنە قاتىناستى.
كەلۋ قاينارى: حالىق تورابى
 |
مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ساياسي كەڭەس 14 - كەزەكتى مەملەكەتتىك كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسادى.
سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن
|
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
