14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى دايىندىق جيىنىن وتكىزدى
ءماجىلىستىڭ ءتوراعالار القاسى مەن باس حاتشىسىن سايلاپ شىعىپ، ءماجىلىستىڭ كەڭەستىك ءتارتىبىن داۋىسقا سالىپ ماقۇلدادى
2024.03.05 18:08 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 4 – كۇنى، بەيجيڭ. مەملەكەتتىك 14 - كەزەكتى حالىق قۇرىلتايىنىڭ 2 – ءماجىلىسى 3 - ايدىڭ 4 – كۇنى تۇستەن بۇرىن بەيجيڭدەگى حالىق سارايىندا دايىندىق جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي جيىندى باسقاردى. جيىن 14 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ ءتوراعالار القاسىن جانە باس حاتشىسىن سايلادى، 14 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ كەڭەستىك ءتارتىبىن داۋىسقا سالىپ ماقۇلدادى.
14 - كەزەكتى مەملەكەتتىك حالىق قۇرىلتايىنىڭ قازىرگى ۋاكىلى 2 مىڭ 956 ادام. 3 – ايدىڭ 3 – كۇنىنە دەيىن ءماجىلىستىڭ حاتشىلار باسقارماسىنا تىزىمدەلگەن ۋاكىل 2 مىڭ 897 ادام بولدى. 4 - كۇنگى دايىندىق جيىنىنا 2 مىڭ 853 ۋاكىل قاتىناستى، 103 ۋاكىل قاتىناسا المادى، قاتىناسقان ۋاكىل سانى زاڭدا بەلگىلەنگەن ادام سانىنا ۇيلەسەدى.
جاۋ لىجي بىلاي دەپ جاريالادى: 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى 2024 – جىلى 3 - ايدىڭ 5 – كۇنى اشىلادى، ءماجىلىستىڭ ءتۇرلى دايىندىق قىزمەتتەرى تولىق اياقتادى.
جاۋ لىجي بىلاي دەپ اتاپ كورسەتتى: 14 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ جەتەكشى يدەياسى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىندە تاباندى بولىپ، جالپى بارىستىق حالىق دەموكراتياسىن دامىتىپ ، حالىق قۇرىلتايى تۇزىمىندە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي اتقارىپ، پارتيا مەن مەملەكەت قىزمەتىنىڭ جالپى جاعدايىن تىعىز ارقاۋ ەتىپ، نەگىزگى زاڭ مەن زاڭداردا جۇكتەلگەن قىزمەت جاۋاپكەرلىگىن مۇقيات اتقارىپ، قۇرىلتايدىڭ ءتۇرلى مىندەتتەرىن تولىق ورىنداپ، تۋدى بيىك ۇستاعان، شىنايى يگەرىپ، ناقتى ىستەگەن، ىنتىماقتاسا ەكپىندەي ىلگەرىلەگەن ءماجىلىس اشىپ، بۇكىل ەلدەگى ءار ۇلت حالقىن شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سەنىمدى بەكەمدەپ، ءبىر نيەت، ءبىر تىلەكتە بولىپ، قاجىرلىلىقپەن ىستەپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە جۇمىلدىرۋ.
دايىندىق جيىنى داۋىسقا سالۋ ارقىلى مەملەكەتتىك 14 - كەزەكتى حالىق قۇرىلتايى 2 - ءماجىلىسىنىڭ ءتوراعالار القاسى مەن باس حاتشىسىن سايلادى. قۇرىلتايدىڭ ءتوراعالار القاسى 181 ادامنان قۇرالدى، لي حۇڭجۇڭ قۇرىلتايدىڭ باس حاتشىسى بولدى.
داۋىسقا سالىپ ماقۇلدانعان ءماجىلىستىڭ كۇن تارتىبىنە ساي، 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى ۇكىمەت قىزمەتىنەن باياندامانى قاراپ، 2023 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2024 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى باياندامانى، 2024 - جىلعى حالىق شارۋاشىلىعى مەن قوعامدىق دامۋ جوسپار جوباسىن تەكسەرەدى، 2023 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ احۋالى جانە 2024 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسى جونىندەگى باياندامانى، 2024 - جىلعى ورتالىقتىڭ جانە جەرگىلىكتى ورىنداردىڭ مەجە ەسەپ جوباسىن تەكسەرەدى، مەملەكەتتىك حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبليكاسى مەملەكەتتىك كەڭەسىنىڭ ۇيىمدىق زاڭىن (وزگەرىس ەنگىزىلگەن جوبا)» قاراۋعا ۇسىنۋ جونىندەگى كەڭەس جوباسىن قارايدى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قارايدى، ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن قارايدى.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭ جياڭسۇن، شوكىرات زاكىر، باس حاتشى ليۋ چي ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
