جۇڭگو ۇلگىسىندەگى وسىزامانداندىرۋدىڭ ايبىندى داستانىن بىرگە جازايىق (باسماقالا)
− 14 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ اشىلعانىن قىزۋ قۇتتىقتايمىز
2024.03.05 18:10 كەلۋ قاينارى : حالىق تورابى
جىل ەسەبى كوكتەمدە، كۇرەس جۇرگىزۋدىڭ دەر شاعى. مەملەكەتتىك 14 - كەزەكتى حالىق قۇرىلتايىنىڭ 2 – ءماجىلىسى 3 - ايدىڭ 5 – كۇنى بەيجيڭدە اشىلدى. مەملەكەتتىك حالىق قۇرىلتايىنىڭ 3 مىڭعا جۋىق ۋاكىلى حالىقتىڭ ماڭىزدى تاپسىرماسىن ارقالاپ، استانادا باس قوسىپ، مەملەكەت ءىسىن بىرگە اقىلداسىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە اقىل - پاراساتى مەن كۇش - قۋاتىن ارنايدى. ءبىز ءماجىلىستىڭ اشىلعانىن قىزۋ قۇتتىقتايمىز!
وتكەن ءبىر جىلدا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءجۇز ميلليونداعان حالىق ىنتىماقتاسا كۇرەس جۇرگىزىپ، ەرلىكپەن العا باسىپ، قيىندىقتان تايسالماي العا ۇمتىلىپ، دۇرىس جولدان جازباي، جاڭالىق اشىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا نىق قادام تاستاپ، داعدارىستى شەشۋ، قيىن وتكەلدەن ءوتۋ، وزگەرىسكە توتەپ بەرۋ بارىسىندا جاڭا وراي، جاڭا ناتيجە جاراتىپ، ستراتەگيالىق ىرىقتىلىققا قول جەتكىزىپ، سەنىم مەن جىگەردى بارىنشا كۇشەيتتى. ءبىر جىلدان بەرى 14 - كەزەكتى مەملەكەتتىك حالىق قۇرىلتايى مەن ونىڭ تۇراقتى كوميتەتى حالىق قۇرىلتايى قىزمەتىنىڭ دۇرىس ساياسي بەتالىسىن مىقتى يگەرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى تىعىز ارقاۋ ەتىپ، مىندەتىن زاڭ بويىنشا اتقارىپ، جاۋاپكەرلىگىن ادا ەتىپ، ورنىقتىلىق بارىسىندا العا باسىپ، حالىق قۇرىلتايى قىزمەتىنىڭ ساپالى دامۋىن ىلگەرىلەتىپ، زاڭ شىعارۋ، باقىلاۋ، ۋاكىلدەر، سىرتپەن بارىس - كەلىس جاساۋ، وزىندىك قۇرىلىس سياقتى جاقتارداعى قىزمەتتەردە تىڭ ىلگەرىلەۋشىلىككە قول جەتكىزىپ، تاماشا باستامانى جۇزەگە اسىردى.
70 جىل قۇلاشىن كەڭ جايدى، 70 جىلدا وراسان زور تابىسقا جەتتىك. بيىل − مەملەكەتتىك حالىق قۇرىلتايى قۇرىلعانىنىڭ 70 جىلدىعى. 70 جىلدان بەرى حالىق قۇرىلتايى ءتۇزىمى پارتيانىڭ حالىققا باسشىلىق ەتىپ، ەكونوميكانىڭ تەز قارقىنمەن دامۋىنداي كەرەمەتتەر جاراتۋىنا جانە قوعامنىڭ ۇزاق ۋاقىت ورنىقتى بولۋىنداي كەرەمەتتەر جاراتۋىنا تۇزىمدىك جاقتان كەپىلدىك ەتتى. اسىرەسە، جاڭا داۋىردەن بەرى حالىقتىڭ وزىنە - ءوزى قوجا بولۋ ءتۇزىم جۇيەسى ۇزدىكسىز كەمەلدەنىپ، حالىق قۇرىلتايى ءتۇزىمى اناعۇرلىم كەمەلدەنىپ، اناعۇرلىم قالىپقا ءتۇستى.
اماليات مىنانى تولىق دالەلدەدى: حالىق قۇرىلتايى ءتۇزىمى − ەلىمىزدىڭ مەملەكەت جاعدايى مەن ءىس جۇزىندىگىنە ۇيلەسەتىن، سوتسياليستىك مەملەكەتتىڭ سيپاتىن ايگىلەيتىن، حالىقتىڭ وزىنە - ءوزى قوجا بولۋىنا كەپىلدىك ەتەتىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى قامتاماسىزداندىراتىن تاماشا ءتۇزىم، پارتيامىزدىڭ حالىققا باسشىلىق ەتىپ، ادامزاتتىڭ ساياسي ءتۇزىمى تاريحىندا جاراتقان ۇلى جاسامپازدىعى، ەلىمىزدىڭ ساياسي دامۋ تاريحىندا، ءتىپتى دۇنيە ءجۇزىنىڭ ساياسي دامۋ تاريحىندا كەلەلى ماڭىز الاتىن شىت جاڭا ساياسي ءتۇزىم، ءسوز جوق، ۇزاق ۋاقىت تاباندى بولۋ، جاپپاي دايەكتىلەندىرۋ، ۇزدىكسىز دامىتۋ كەرەك.
جاپپاي سوتسياليستىك وسىزاماندانعان قۇدىرەتتى ەل قۇرۋدا حالىق − شەشۋشى كۇش. جۇڭگو ۇلگىسىندەگى وسىزامانداندىرۋ − جالپى حالىقتىڭ ورتاق ءىسى، سونداي - اق حاۋىپ - قاتەرگە، سىن - سايىسقا تولى، جاپالى قۇلشىنىس جاساۋعا ءتيىستى ۇلى ءىس، ءسوز جوق، جالپى حالىقتىڭ بىرگە ات سالىسۋىندا، بىرگە قۇرۋىندا، بىرگە يگىلىكتەنۋىندە تاباندى بولىپ، جالپى حالىققا تىعىز سۇيەنىپ، ءبىر جاعادان باس، ءبىر جەڭنەن قول شىعارىپ، ۇلى ىستەردى بىرگە ورىنداۋ كەرەك. العا باسۋ جولىندا حالىقتىڭ نەگىزگى تۇلعالىق ورنىندا تاباندى بولىپ، جالپى حالىقتىڭ تاريحي ىرىقتىلىق رۋحىن تاسقىنداتىپ، حالىق اراسىندا ساقتالعان شەكسىز اقىل - پاراسات پەن كۇش - قۋاتتى شوعىرلاندىرىپ، جۇڭگو ارمانىن ءبىر نيەت، ءبىر تىلەكپەن بىرگە جۇزەگە اسىرۋدىڭ قۇدىرەتتى بىرىككەن كۇشىن قالىپتاستىرعاندا عانا، ۇلى جوبانى بىرتىندەپ تاماشا رەالدىققا اينالدىرۋعا بولادى.
جالپى بارىستىق حالىق دەموكراتياسى − تۇتاس تىزبەكتى، جان - جاقتى، جاپپاي قامتىعان دەموكراتيا، ەڭ كەڭ، ەڭ شىنايى، ەڭ جارامدى سوتسياليستىك دەموكراتيا، حالىق قۇرىلتايى ءتۇزىمى − ەلىمىزدىڭ جالپى بارىستىق حالىق دەموكراتياسىن جۇزەگە اسىرۋدىڭ ماڭىزدى تۇزىمدىك دانەكەرى. حالىقتى وزەك ەتۋدە تاباندى بولىپ، مەملەكەتتىڭ بارلىق بيلىگى حالىققا ءتان دەگەندە تاباندى بولىپ، حالىقتىڭ حالىق قۇرىلتايى ارقىلى مەملەكەت بيلىگىن جۇرگىزۋىن قولداپ جانە وعان كەپىلدىك ەتىپ، اناعۇرلىم كەڭ، اناعۇرلىم تولىق، اناعۇرلىم اقاۋسىز جالپى بارىستىق حالىق دەموكراتياسىن دامىتقاندا عانا، حالىقتىڭ وزىنە - ءوزى قوجايىن بولۋىن پارتيانىڭ ەل باسقارۋداعى ساياساتتىق شارالارىندا ناقتى، رەال تۇردە ايگىلەۋگە بولادى، پارتيا مەن مەملەكەت ورگاندارىنىڭ ءار جاقتاعى، ءار جىكتەگى قىزمەتتەرىندە، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋ قىزمەتىندە ناقتى، رەال تۇردە بەينەلەۋگە بولادى. جالپى بارىستىق حالىق دەموكراتياسى قۇرىلىسىن ۇزدىكسىز ىلگەرىلەتىپ، پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىندە تاباندى بولىپ، حالىق قۇرىلتايى تۇزىمىندە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي اتقارىپ، حالىقتىڭ حالىق قۇرىلتايى ارقىلى مەملەكەت بيلىگىن ءونىمدى جۇرگىزۋىنە شىنايى كەپىلدىك ەتىپ، جالپى حالىقتىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتىپ، جاڭا تاريحي ۇلى ىستەردى ۇزدىكسىز جاراتۋ كەرەك.
بيىل − جۇڭحۋا حالىق رەسپۋبليكاسى قۇرىلعانىنىڭ 75 جىلدىعى، ”14 - بەسجىلدىق“ جوبانىڭ نىسانالارىن، مىندەتتەرىن جۇزەگە اسىرۋداعى شەشۋشى جىل.
شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، زەيىن - زەردەنى، كۇش - قۋاتتى ۇيىستىرىپ، قايراتتى تاسقىنداتىپ، ءورىس اشا العا ىلگەرىلەپ، جۇڭگو ۇلگىسىندەگى وسىزامانداندىرۋدىڭ ايبىندى داستانىن بىرگە جازايىق. قالىڭ ۋاكىلدەردىڭ حالىقتان شىعۋ، حالىققا تامىر تارتۋ ابزالدىعىن ساۋلەلەندىرىپ، حالىق تىلەگىن قابىلداپ، حالىقتىڭ اقىل - پاراساتىن شوعىرلاندىرىپ، مىندەتىن مۇقيات اتقارىپ، جاۋاپكەرلىگىن ادا ەتىپ، ەكپىندەي ىلگەرىلەيتىن كۇش - قۋاتتى تاسقىنداتۋىن ءۇمىت ەتەمىز.
ءماجىلىستىڭ تولىق تابىستى بولۋىن تىلەيمىز!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
