14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدە اشىلدى
شي جينپيڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ءتوراعالار مىنبەسىنەن ورىن الدى
لي چياڭ ۇكىمەت قىزمەتىنەن بايانداما جاسادى، جاۋ لىجي ءماجىلىستى باسقاردى
2024.03.06 17:23 كەلۋ قاينارى : حالىق تورابى
 |
3 - ايدىڭ 5 - كۇنى 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدەگى حالىق سارايىندا اشىلدى. پارتيا مەن مەملەكەت باسشىلارىنان شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ماجىلىسكە قاتىناستى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
مەملەكەتتىك كەڭەستىڭ ۇيىمدىق زاڭىنا وزگەرىس ەنگىزۋ جوباسى جونىندەگى تۇسىنىك سياقتىلاردى تىڭدادى
«حالىق گازەتى»، 3 – ايدىڭ 5 – كۇنى، بەيجيڭ. 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى 3 - ايدىڭ 5 - كۇنى تۇستەن بۇرىن بەيجيڭدەگى حالىق سارايىندا اشىلدى. مەملەكەتتىك حالىق قۇرىلتايىنىڭ 3 مىڭعا جۋىق ۋاكىلى حالىقتىڭ ماڭىزدى تاپسىرماسىن ارقالاپ ماجىلىسكە قاتىناسىپ، نەگىزگى زاڭ مەن زاڭداردا جۇكتەلگەن قاسيەتتى بورىشتارىن وتەدى.
حالىق سارايىنىڭ ەڭسەلى زالى سالتاناتتى دا دۋماندى بەينەگە شومدى، ءتوراعالار مىنبەسىندەگى شىمىلدىقتىڭ ءدال ورتاسىنداعى مەملەكەت گەربى نارت قىزىل تۋلاردىڭ ايشىقتاۋىمەن نۇر - شۇعىلا شاشتى.
ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جاۋ لىجي ءماجىلىستى باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭ جياڭسۇن، شوكىرات زاكىر، ليۋ چي ءتوراعالار مىنبەسىندەگى اتقارۋشى ءتوراعالار ورنىنا جايعاستى.
شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.
14 - كەزەكتى مەملەكەتتىك حالىق قۇرىلتايىنىڭ 2 - ماجىلىسىنە قاتىناسۋعا ءتيىستى ۋاكىل 2 مىڭ 956 ادام. 3 - ايدىڭ 5 - كۇنى تۇستەن بۇرىنعى ماجىلىسكە 2 مىڭ 872 ادام قاتىناستى، 84 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
تۇستەن بۇرىن ساعات 9 دا جاۋ لىجي جۇڭحۋا حالىق رەسپۋبليكاسى 14 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ اشىلعانىن جاريالادى. ءماجىلىس زالىنداعى بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.
ءماجىلىستىڭ كەڭەستىك ءتارتىبى بويىنشا مەملەكەتتىك كەڭەستىڭ زۇڭليى لي چياڭ مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى. بايانداما مىناداي ءۇش بولىمگە بولىنگەن: ءبىرىنشى، 2023 - جىلعى قىزمەتتەرگە شولۋ؛ ەكىنشى، 2024 - جىلعى ەكونوميكالىق، قوعامدىق دامۋدىڭ جالپى تۇلعالىق تالابى مەن ساياساتتىق بەتالىسى؛ ءۇشىنشى، 2024 - جىلعى ۇكىمەت قىزمەتىنىڭ مىندەتتەرى.
لي چياڭ بايانداماسىندا بىلاي دەپ اتاپ كورسەتتى: وتكەن ءبىر جىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، وسى كەزەكتى ۇكىمەت زاڭ بويىنشا مىندەت وتەگەن ءبىرىنشى جىل. توتەنشە كۇردەلى حالىقارالىق ورتا مەن جاپالى دا اۋىر رەفورما، دامۋ، ورنىقتىلىق مىندەتى الدىندا، شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، سىرتقى قىسىمعا توتەپ بەرىپ، ىشكى قيىنشىلىقتاردى جەڭىپ، جاپالى قۇلشىنىستار جاساپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدە ورنىقتى بۇرىلىس جاساپ، كەلەلى شەشۋشى جەڭىسكە قول جەتكىزدى، تۇتاس جىلداعى ەكونوميكالىق، قوعامدىق دامۋدىڭ باستى نىسانا - مىندەتتەرى تابىسپەن ورىندالدى، ساپالى دامۋ تىڭعىلىقتى جەبەلىپ، قوعامنىڭ جالپى جاعدايى جالعاستى ورنىقتى بولىپ، جاپپاي سوتسياليستىك وسىزاماندانعان مەملەكەت قۇرۋدا نىق قادام تاستالدى.
لي چياڭ بايانداماسىندا بىلاي دەپ اتاپ كورسەتتى: ءبىر جىلدان بەرى ءبىز پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارى بويىنشا باستىسى مىناداي قىزمەتتەردى ىستەدىك: ءبىرىنشى، ماكرولىق رەتتەۋ تەبىنىن ارتتىرىپ، ەكونوميكالىق اينالىمنىڭ ۇزدىكسىز جاقسارۋىن جەبەدىك؛ ەكىنشى، جاڭالىق اشۋعا سۇيەنىپ كاسىپ سالاسىنىڭ دارەجەسىن جوعارىلاتۋعا جەتەكشىلىك ەتىپ، قالالار مەن اۋىلداردىڭ وڭىرلىك دامۋىنىڭ جاڭا قوزعاۋشى كۇشىن كۇشەيتتىك؛ ءۇشىنشى، رەفورمانى تەرەڭدەتىپ، ەسىكتى ايقارا اشىپ، ساۋدا - تيجارات ورتاسىن ۇزدىكسىز جاقسارتتىق؛ ءتورتىنشى، ەكولوگيالىق ورتانى قورعاۋ - باسقارۋدى كۇشەيتىپ، دامۋ تاسىلىندە جاسىل تيپكە قاراي بۇرىلىس جاساۋدى جەدەلدەتتىك؛ بەسىنشى، حالىق تۇرمىسىن قامتاماسىزداندىرۋدى كۇش سالا مىقتى يگەرىپ، قوعامدىق ىستەردىڭ دامۋىن ىلگەرىلەتتىك؛ التىنشى، ۇكىمەت قۇرىلىسىن جاپپاي كۇشەيتىپ، باسقارۋ ونىمدىلىگىن بارىنشا جوعارىلاتتىق.
لي چياڭ بايانداماسىندا بىلاي دەپ اتاپ كورسەتتى: ناتيجەلەردى تۇراقتاندىرۋمەن بىرگە، ءدوپ كەلگەن قيىنشىلىقتار مەن جولىققان سىن - سايىستى دا سەرگەكتىكپەن كورە ءبىلۋىمىز كەرەك. ءبىز، ءسوز جوق، ماسەلە مەن سىن - سايىسقا بەتپە - بەت كەلىپ، جۇمىستى كۇش سالا تىندىرىمدى ىستەپ، حالىقتىڭ كۇتكەن ءۇمىتىن اقتاپ، ماڭىزدى تاپسىرماسىن بۇلجىتپاي ورىندايمىز.
لي چياڭ بايانداماسىندا بىلاي دەپ اتاپ كورسەتتى: بيىل − جۇڭحۋا حالىق رەسپۋبليكاسى قۇرىلعانىنىڭ 75 جىلدىعى، ”14 - بەسجىلدىق“ جوبانىڭ نىسانا - مىندەتتەرىن جۇزەگە اسىرۋداعى شەشۋشى جىل. بيىلعى دامۋداعى باستى مەجەلى نىسانالار مىنالار: ىشكى ءوندىرىستىڭ جالپى ءونىم قۇنىن %5 شاماسىندا ارتتىرۋ، قالا - قالاشىقتا 12 ميلليوننان استام ادامدى تىڭنان جۇمىستاندىرۋ، قالا - قالاشىقتاعى جۇمىسسىزدىق مولشەرىن %5.5 شاماسىندا مەڭگەرۋ؛ تۇرعىنداردىڭ تۇتىنۋ باعاسىنىڭ جوعارىلاۋ مولشەرىن %3 اينالاسىندا مەڭگەرۋ؛ تۇرعىندار كىرىسىنىڭ ارتۋىن ەكونوميكانىڭ ارتۋىمەن تەڭەستىرۋ؛ حالىقارالىق كىرىس - شىعىستا نەگىزىنەن تەپە - تەڭدىكتى ساقتاۋ؛ استىق ءونىم مولشەرىن ءبىر تريلليون 300 ميلليارد جىڭنان اسىرۋ؛ ىشكى ءوندىرىستىڭ بىرلىك جالپى قۇنىنداعى ەنەرگيانىڭ سارىپ ەتىلۋ مولشەرىن %2.5 شاماسىندا تومەندەتۋ، ەكولوگيالىق ورتانىڭ ساپاسىن ۇزدىكسىز جاقسارتۋ.
لي چياڭ بايانداماسىندا بىلاي دەپ اتاپ كورسەتتى: ءبىز ورنىقتىلىق بارىسىندا ىلگەرىلەۋدە، ىلگەرىلەۋ ارقىلى ورنىقتىلىقتى جەبەۋدە، الدىمەن قۇرىپ ،سوڭىنان كۇشىنەن قالدىرۋدا تاباندى بولۋىمىز كەرەك. بيىلعى دامۋ نىسانا - مىندەتتەرىن ورىنداۋدا، ءسوز جوق، شي جينپيڭ ەكونوميكا يدەياسىن ىشكەرىلەي دايەكتىلەندىرىپ، ساپالى دامۋدى زەيىن - زەردەنى شوعىرلاندىرا وتىرىپ ىلگەرىلەتۋىمىز كەرەك. اناعۇرلىم زور بەكىممەن، ءتىپتى دە پارمەندى تەبىنمەن رەفورما جاساپ، ەسىك اشۋدى تەرەڭدەتىپ، ءونىمدى بازار مەن ىسكەر ۇكىمەتتىڭ اناعۇرلىم ويداعىداي ۇشتاسۋىن جەبەپ، قوعامنىڭ ومىرشەڭدىك كۇشىن ۇزدىكسىز تاسقىنداتىپ، ساپالى دامۋدى ىلگەرىلەتۋدە تىڭ دا اناعۇرلىم زور تابىستارعا قول جەتكىزۋىمىز كەرەك.
لي چياڭ باياندامادا مىنالاردى العا قويدى: پارتيا ورتالىق كوميتەتى بيىلعى قىزمەت جونىندە جان - جاقتى ورنالاستىرۋ جاسادى، ءبىز ونى ىشكەرىلەي دايەكتى تياناقتاندىرىپ، باستى قايشىلىقتى مىقتى يگەرىپ، كەدەرگىلەردى كۇش سالا جويىپ، ءتۇرلى قىزمەتتەردى تىڭعىلىقتى جاقسى ىستەۋىمىز؛ وسىزاماندانعان كاسىپ جۇيەسى قۇرىلىسىن بار كۇشپەن ىلگەرىلەتىپ، جاڭا ساپالى وندىرگىش كۇشتەردى جەدەل دامىتۋىمىز؛ مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ ستراتەگياسىن ىشكەرىلەي اتقارىپ، ساپالى دامۋدىڭ نەگىزدىك تىرەگىن كۇشەيتۋىمىز؛ ىشكى سۇرانىمدى كۇش سالا ۇلعايتىپ، ەكونوميكانىڭ تاماشا اينالىمىن جۇزەگە اسىرۋدى ىلگەرىلەتۋىمىز؛ رەفورمانى تاباندىلىقپەن تەرەڭدەتىپ، دامۋدىڭ ىشكى قوزعاۋشى كۇشىن ارتتىرۋىمىز؛ جوعارى دەڭگەيدە سىرتقا ەسىك اشۋدى كەڭەيتىپ، ءوزارا پايدا جەتكىزىپ، ورتاق يگىلىكتەنۋدى جەبەۋىمىز؛ دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ءتۇيىندى سالالارداعى حاۋىپ - قاتەردەن ءونىمدى ساقتانۋىمىز جانە ونى جويۋىمىز؛ اۋىل شارۋاشىلىعى، اۋىل - قىستاق، شارۋالار قىزمەتىن تاباندىلىقپەن ويداعىداي يگەرىپ، اۋىل - قىستاقتى جاپپاي گۇلدەندىرۋدى تىڭعىلىقتى ىلگەرىلەتۋىمىز؛ قالا مەن اۋىلدىڭ توعىسۋىن جانە وڭىرلەردىڭ سايكەستى دامۋىن ىلگەرىلەتىپ، ەكونوميكالىق
جاقتاعى ورنالاستىرۋدى بار كۇشپەن ساپالىلاندىرۋىمىز؛ ەكولوگيالىق وركەنيەت قۇرىلىسىن كۇشەيتىپ، جاسىل، تومەن كومىرتەكتى دامۋدى ىلگەرىلەتۋىمىز؛ حالىق تۇرمىسىن شىنايى قامتاماسىزداندىرىپ جانە جاقسارتىپ، قوعامدىق باسقارۋدى كۇشەيتۋىمىز، جاڭالىق جاراتۋىمىز كەرەك.
باياندامادا لي چياڭ ۇكىمەتتىڭ وزىندىك قۇرىلىسىن كۇشەيتۋ، ۇلت، ءدىن جانە مۇھاجىرلار قىزمەتى، مەملەكەت قورعانىسى مەن ارميا قۇرىلىسى، شياڭگاڭنىڭ، اۋمىننىڭ دامۋى جانە ەكى جاعالاۋ قاتىناسى، سونداي - اق ەلىمىزدىڭ ديپلوماتيالىق ساياساتى سياقتىلار جونىندە توقتالدى.
ءماجىلىستىڭ كەڭەستىك تارتىبىنە ساي، ءماجىلىس مەملەكەتتىك كەڭەستىڭ 2023 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2024 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى بايانداماسىن، سونداي - اق 2024 - جىلعى حالىق شارۋاشىلىعى مەن قوعامدىق دامۋ جوسپارى جوباسىن، مەملەكەتتىك كەڭەستىڭ ورتالىق پەن جەرگىلىكتى ورىنداردىڭ 2023 - جىلعى مەجە ەسەبىنىڭ اتقارىلۋ احۋالى جانە 2024 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسى جونىندەگى بايانداماسىن، سونداي - اق 2024 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسىن قاراپ تەكسەردى.
مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى لي حۇڭجۇڭ مەملەكەتتىك كەڭەستىڭ ۇيىمدىق زاڭىنا وزگەرىس ەنگىزۋ جوباسى جونىندە تۇسىنىك جاسادى.
مەملەكەتتىك كەڭەستىڭ ۇيىمدىق زاڭىنىڭ وزگەرىس ەنگىزىلگەن جوباسى جونىندەگى تۇسىنىكتە مىنالار اتاپ كورسەتىلدى: مەملەكەتتىك كەڭەستىڭ ۇيىمدىق زاڭى − مەملەكەتتىك كەڭەستىڭ ۇيىمدىق ءتۇزىمى مەن قىزمەت ءتۇزىمى جونىندەگى نەگىزدىك زاڭ، ول مەملەكەتتىك كەڭەستىڭ نەگىزگى زاڭدا بەلگىلەنگەن مىندەتىن زاڭ بويىنشا وتەۋىن قامتاماسىزداندىرۋدا ماڭىزدى رول اتقارادى. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى پارتيا مەن مەملەكەتتىڭ قۇرىلىم رەفورماسىنىڭ اياق الىسىن زور كۇشپەن ىلگەرىلەتىپ، پارتيا مەن مەملەكەت قۇرىلىمدارىنىڭ فۋنكتسياسىندا جۇيەلى، جالپى تۇلعالىق جاقتان قايتا قۇرۋ جۇزەگە اسىرىلدى ، پارتيا مەن مەملەكەت قۇرىلىمدارىنىڭ جۇيەسى كەمەلدى، عىلمي ارناعا تۇسكەن، جوعارى ءونىمدى فۋنكتسيالىق جۇيەسىن قۇرۋدا ۇزدىكسىز تىڭ ىلگەرىلەۋشىلىككە، تىڭ ونىمدىلىككە قول جەتتى . جاڭا جاعدايعا، جاڭا مىندەتكە، جاڭا تالاپقا ساي، امالياتتىق تاجىريبەلەردى مۇقيات قورىتىندىلاۋ نەگىزىندە مەملەكەتتىك كەڭەستىڭ ۇيىمدىق زاڭىنا وزگەرىس ەنگىزىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولۋ، پارتيانىڭ جاپپاي باسشىلىعىندا تاباندى بولۋ سياقتى ماڭىزدى مازمۇنداردى مەملەكەتتىك كەڭەستىڭ ۇيىمدىق زاڭىنا ەنگىزىپ، پارتيا مەن مەملەكەت قۇرىلىمدارى رەفورماسىن تەرەڭدەتۋدىڭ رۋحى مەن جەتىستىكتەرىن زاڭدىق بەلگىلەمەلەر ارقىلى ايگىلەۋ قاجەت. مەملەكەتتىك كەڭەستىڭ ۇيىمدىق زاڭىنا وزگەرىس ەنگىزۋ − جاڭا داۋىردەگى مەملەكەتتىك كەڭەستىڭ پارتيانىڭ جاپپاي باسشىلىعىندا تاباندى بولىپ، ۇكىمەتتىڭ وزىندىك قۇرىلىسىن جاپپاي كۇشەيتۋىنىڭ تابيعي تالابى، مەملەكەتتىك كەڭەستىڭ حالىقتى وزەك ەتۋدە تاباندى بولىپ، بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى ماقساتىندا تاباندى بولۋىنىڭ تۇزىمدىك كەپىلى، جاڭا داۋىردە نەگىزگى زاڭدى جاپپاي دايەكتى اتقارۋ، زاڭمەن باسقارىلاتىن ۇكىمەتتى جاپپاي قۇرۋدىڭ ماڭىزدى ءتۇيىنى، پارتيا مەن مەملەكەتتىڭ قۇرىلىم رەفورماسىن تەرەڭدەتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ پارمەندى شاراسى. مەملەكەتتىك كەڭەستىڭ ۇيىمدىق زاڭىنىڭ وزگەرىس ەنگىزىلگەن جوباسى جالپى 20 تارماقتان قۇرالادى، وزگەرىس ەنگىزىلگەن مازمۇندا نەگىزىنەن مىنالار قامتىلادى: مەملەكەتتىك كەڭەستىڭ سيپاتى مەن ورنى جونىندەگى بەلگىلەمەلەر قوسىلدى، مەملەكەتتىك كەڭەستىڭ قىزمەتى جونىندەگى جەتەكشى يدەيا ايقىندالدى، مەملەكەتتىك كەڭەستىڭ مىندەت ۇقىعى جونىندەگى پايىمداۋ كەمەلدەندىرىلدى، مەملەكەتتىك كەڭەس قۇرامىنداعىلارعا قاتىستى بەلگىلەمەلەر كەمەلدەندىرىلدى، مەملەكەتتىك كەڭەس قۇرىلىمى مەن ونىڭ مىندەت ۇقىعىنا قاتىستى بەلگىلەمەلەر كەمەلدەندىرىلدى، مەملەكەتتىك كەڭەستىڭ ءماجىلىس ءتۇزىمى كەمەلدەندىرىلدى، مەملەكەتتىك كەڭەستىڭ فۋنكتسياسىن زاڭ بويىنشا جان - جاقتى، دۇرىس اتقارۋداعى تۇزىمدىك شارالار قوسىلدى.
ما شيڭرۇي، ۋاڭ ي، يىن لي، شى تايفىڭ، ليۋ گوجۇڭ، لي گانجيە، لي شۋلەي، حى ۋەيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، چىن جي - نيڭ، چىن مين - ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، ۋ جىڭلۇڭ، شىن ي - چين، جاڭ جۇن، يىڭ يۇڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن، سونداي - اق ورتالىق اسكەري ىستەر كوميتەتىنىڭ مۇشەسى ليۋ جىنلي، جاڭ شىڭمين قاتارلىلار دا ءتوراعالار مىنبەسىنەن ورىن الدى.
شياڭگاڭ ەرەكشە اكىمشىلىك رايونىنىڭ اكىمى لي جياچاۋ، اۋمىن ەرەكشە اكىمشىلىك رايونىنىڭ اكىمى حى ي - چىڭ ماجىلىسكە سىرتتاي قاتىناستى ءارى ءتوراعالار مىنبەسىنەن ورىن الدى.
ساياسي كەڭەس 14 - كەزەكتى مەملەكەتتىك كوميتەتىنىڭ 2 - ماجىلىسىنە قاتىناسقان ساياسي كەڭەس مۇشەلەرى ماجىلىسكە سىرتتاي قاتىناستى.
ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە سىرتتاي تىڭدادى.
شەتەلدەردىڭ جۇڭگوداعى ەلشىلەرى ءماجىلىستى سىرتتاي تىڭدادى.
كەلۋ قاينارى: حالىق تورابى
 |
3 - ايدىڭ 5 - كۇنى 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدەگى حالىق سارايىندا اشىلدى. مەملەكەتتىك كەڭەستىڭ زۇڭليى لي چياڭ ۇكىمەت قىزمەتىنەن بايانداما جاسادى.
سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
|
 |
3 - ايدىڭ 5 - كۇنى 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدەگى حالىق سارايىندا اشىلدى. جاۋ لىجي اشىلۋ سالتىن باسقاردى.
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
|
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
