شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ دارىپتەدى
جاڭا وندىرگىش كۇشتەردى جەرگىلىكتى جاعدايعا قاراي دامىتۋ كەرەك
2024.03.06 17:31 كەلۋ قاينارى : حالىق تورابى
 |
3 - ايدىڭ 5 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءوزى تۇرعان 14 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندەگى جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى.
سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن
|
«حالىق گازەتى»، 3 – ايدىڭ 5 – كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 5 - كۇنى تۇستەن كەيىن ءوزى تۇرعان 14 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندەگى جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ دارىپتەدى: ساپالى دامۋ سىندى ماڭداي الدى مىندەتتى مىقتى يگەرىپ، جەرگىلىكتى جاعدايعا قاراي جاڭا وندىرگىش كۇشتەردى دامىتۋ كەرەك. جاڭا كەزەكتى عىلىم - تەحنيكا توڭكەرىسى جانە كاسىپ وزگەرىسى جاعدايىندا، ءبىز، ءسوز جوق، ورايدى مىقتى يگەرىپ، جاڭالىق جاراتۋ تەبىنىن ارتتىرىپ، جاڭادان گۇلدەنگەن كاسىپ سالالارىن جەتىلدىرىپ، زورايتىپ، بولاشاق كاسىپ سالالارىن الدىن الا ورنالاستىرىپ، قۇرىپ، وسىزاماندانعان كاسىپ سالاسى جۇيەسىن كەمەلدەندىرۋىمىز كەرەك. جاڭا وندىرگىش كۇشتەردى دامىتۋ ءداستۇرلى كاسىپتەرگە نەمقۇرايدى قاراۋ، ودان بەزۋ دەگەندىك ەمەس، دۇرمەككە ىلەسپەۋ، كوپىرمەلىككە سالىنباۋ، تەك ءبىر ءتۇرلى جالاڭ ۇلگىمەن عانا شۇعىلدانباۋ كەرەك . جەر - جەر ءىس جۇزىندىكتى شىعار ءتۇيىن ەتۋدە تاباندى بولىپ، الدىمەن ورناتىپ، سوڭىنان كۇشىنەن قالدىرۋ، جەرگىلىكتى جاعدايعا قاراي ىستەۋ، تۇرلەر بويىنشا جەتەكشىلىك ەتۋ، ءوز جەرىنىڭ بايلىعى ، كاسىپ نەگىزى، عىلمي زەرتتەۋ شارت - جاعدايى سياقتىلارعا نەگىزدەلىپ جاڭا كاسىپ سالاسىنىڭ، جاڭا ۇلگىنىڭ، جاڭا قوزعاۋشى كۇشتىڭ دامۋىن تالعامدى تۇردە ىلگەرىلەتىپ، جاڭا تەحنيكادان پايدالانىپ ءداستۇرلى كاسىپتەردى ساپالىلاندىرۋى، كاسىپ سالاسىنىڭ جوعارى دەڭگەيلى، جاسىل دامۋىن بەلسەنە جەبەۋى كەرەك.
جياڭسۋ ۋاكىلدەر ۇيىرمەسىندە قىزۋ تالقى جۇرگىزىلىپ، جالىندى بەينە جارىققا شىقتى. سۇي تيەجۇن، گاۋ جيفان، سۇڭ يان، ۋ حۇيفاڭ، ۋ شينميڭ، سۇن جيڭنان قاتارلى 6 ۋاكىل جوعارى دەڭگەيلى عىلىم - تەحنيكا ارقىلى ءوزىن الۋەتتەندىرۋ، جۇڭگونىڭ فوتوۆولت كاسىبىنىڭ ساپالى دامۋىن ىلگەرىلەتۋ، مادەنيەت مۇرالارىن قورعاۋ - مۇراگەرلىك ەتۋدى كۇشەيتۋ، ورتاق اۋقاتتاناتىن باقىت قىستاعىن قۇرۋ، چاڭجياڭ اتىراۋىن ءبىر تۇلعالاندىرىپ دامىتۋعا قىزمەت وتەۋ، شەبەرلەر رۋحىن ساۋلەلەندىرۋ سياقتى ماسەلەلەر جونىندە ءسوز سويلەدى. شي جينپيڭ ءالسىن - ءالى ءسوز قىستىرىپ، كوپشىلىكپەن اڭگىمەلەستى.
كوپشىلىكتىڭ ءسوزىن مۇقيات تىڭداعاننان كەيىن شي جينپيڭ ءسوز سويلەدى. ول الدىمەن ۇكىمەت قىزمەتىنەن باياندامانى قۇپتايتىنىن ءبىلدىرىپ، جياڭسۋدا ەكونوميكالىق، قوعامدىق دامۋدا قول جەتكەن تىڭ ىلگەرىلەۋشىلىكتەردى، تىڭ ناتيجەلەردى تولىق تۇراقتاندىردى، جياڭسۋدان سەنىمدى بەكەمدەپ، قايراتتى تاسقىنداتىپ، اۋىر مىندەت ارقالاپ، بۇكىل ەلدىڭ جالپى جاعدايىنا اناعۇرلىم زور ۇلەس قوسۋدى ءۇمىت ەتتى.
شي جينپيڭ بىلاي دەپ دارىپتەدى: جياڭسۋدا جاڭا وندىرگىش كۇشتەردى دامىتۋدا تاماشا شارت - جاعداي جانە قابىلەت بار. وزىق جاساۋ كاسىبىن تىرەك ەتكەن وسىزاماندانعان كاسىپ سالاسى جۇيەسىن قۇرۋ سىندى ماڭىزدى ءتۇيىندى كورنەكتىلەندىرىپ، عىلىم - تەحنيكادا جاڭالىق جاراتۋدى جەتەكشى ەتىپ، ءداستۇرلى كاسىپ سالالارىن ساپالىلاندىرۋدى، جاڭادان گۇلدەنگەن كاسىپ سالالارىن زورايتۋدى، بولاشاق كاسىپ سالالارسىن جەتىلدىرۋدى ءبىر تۇتاس جوسپارلاپ ىلگەرىلەتىپ، عىلىم - تەحنيكادا جاڭالىق جاراتۋ مەن كاسىپ سالاسىندا جاڭالىق جاراتۋدىڭ ىشكەرىلەي توعىسۋىن كۇشەيتىپ، داستۇرلى كاسىپ سالاسىنىڭ
وزىق ورنىن بەكەمدەپ ، حالىقارالىق باسەكەلىك قۋاتقا يە ستراتەگيالىق جاڭادان گۇلدەنگەن كاسىپ سالاسى شوعىرىن جەدەل قۇرىپ، جياڭسۋ ولكەسىن جاڭا وندىرگىش كۇشتەردى دامىتۋدىڭ ماڭىزدى شەبىنە اينالدىرۋ كەرەك.
شي جينپيڭ بىلاي دەپ اتاپ كورسەتتى: رەفورمانى اناعۇرلىم جاپپاي تەرەڭدەتۋدىڭ كەلەلى شارالارىن جوبالاپ، ساپالى دامۋدى ىلگەرىلەتۋگە، جۇڭگو ۇلگىسىندەگى وسىزامانداندىرۋدى ىلگەرىلەتۋگە ۇزدىكسىز پارمەندى قوزعاۋشى كۇش ۇستەۋ كەرەك. جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن ورناتۋدى توڭىرەكتەپ، مال - مۇلىك ۇقىعىن قورعاۋ، بازارعا كىرۋ رۇقساتى، ءادىل باسەكە، قوعامدىق سەنىمدىلىك سياقتى بازار شارۋاشىلىعىنىڭ نەگىزدىك تۇزىمدەرىن جەدەل كەمەلدەندىرۋ كەرەك. ”ەكىدەن استە اۋىتقىماۋ“ ءتۇزىلىس، مەحانيزمىن كەمەلدەندىرىپ، تياناقتاندىرىپ، حالىقتىق شارۋاشىلىقتىڭ جانە حالىقتىق كاسىپورىنداردىڭ دامۋىنا، زورايۋىنا قولداۋ كورسەتۋ، ءتۇرلى تيجارات تۇلعالارىنىڭ ىشكى قوزعاۋشى كۇشى مەن جاڭالىق جاراتۋ ومىرشەڭدىگىن تاسقىنداتۋ كەرەك. عىلىم - تەحنيكا ءتۇزىلىسى، وقۋ - اعارتۋ ءتۇزىلىسى، دارىندىلار ءتۇزىلىسى جاقتارىنداعى رەفورمالاردى تەرەڭدەتىپ، جاڭا ساپالى وندىرگىش كۇشتەردىڭ دامۋىنا تۇساۋ بولاتىن بوگەتتەردى ارىلتۋ كەرەك. بازارلانعان، زاڭمەن باسقارىلاتىن، حالىقارالانعان ماڭداي الدى ساۋدا ورتاسىن ۇزدىكسىز قۇرىپ، اناعۇرلىم جوعارى دەڭگەيدەگى اشىق ەكونوميكانىڭ جاڭا ابزالدىعىن سومداۋ كەرەك.
شي جينپيڭ بىلاي دەپ دارىپتەدى: پارتيا 18 - قۇرىلتايىنان بەرى ءبىز اتقارعان ءبىرقىدىرۋ وڭىرلىك سايكەستى دامۋ ستراتەگياسى، وڭىرلىك كەلەلى ستراتەگيا، نەگىزگى تۇلعالىق فۋنكتسيالىق ءوڭىر ستراتەگياسى سياقتىلار جاڭا دامۋ ارناسىن قالىپتاستىرۋدا، ساپالى دامۋدى ىلگەرىلەتۋدە ماڭىزدى تىرەكتىك رول اتقاردى. جياڭسۋ چاڭجياڭ ەكونوميكالىق بەلدەۋىنىڭ دامۋىمەن، سونداي - اق چاڭجياڭ اتىراۋىن ءبىر تۇلعالاندىرىپ دامىتۋ ستراتەگياسىمەن جاپپاي توعىسىپ جانە وعان قىزمەت وتەپ، باسقا وڭىرلىك دامۋ ستراتەگياسىمەن جانە وڭىرلىك كەلەلى ستراتەگيالارمەن ۇشتاسۋدى كۇشەيتىپ، اناعۇرلىم كەڭ كولەمدە بىرلەسىپ جاڭالىق جاراتۋ تىزبەگىن، كاسىپ تىزبەگىن، قامداۋ تىزبەگىن قۇرىپ، ەكونوميكالىق ءىرى ولكەلەردىڭ ءوڭىردىڭ، ءتىپتى، بۇكىل ەلدىڭ دامۋىنا دەم بەرۋ، جەتەكشىلىك ەتۋ قۋاتىن اناعۇرلىم ويداعىداي ساۋلەلەندىرۋى كەرەك.شي جينپيڭ بىلاي دەپ اتاپ كورسەتتى: ەكونوميكانىڭ قايتا جاندانۋ جاعدايىن ۇزدىكسىز بەكەمدەپ جانە كۇشەيتىپ، تۇتاس قوعامنىڭ دامۋ سەنىمىن سەرپىلتۋ ءۇشىن، پارتيالى كادرلار، ەڭ اۋەلى، سەنىمدى بەكەمدەپ، شىنايى يگەرىپ، ناقتى ىستەۋى كەرەك. نەگىزگى تاقىرىپتىق تاربيە جەتىستىكتەرىن بەكەمدەپ، ۇلعايتىپ، باياندى مەحانيزم ورناتىپ، فورماشىلدىقتى، تورەشىلدىكتى باتىل تۇزەتىپ، نەگىزگى ساتىنىڭ اۋىرتپالىعىن شىنايى جەڭىلدەتىپ، بۇكىل پارتيانىڭ، بۇكىل قوعامنىڭ جاسامپازدىق ومىرشەڭدىك كۇشىن قاۋلاتۋ، پارتيالى كادرلاردىڭ ءىس ءبىتىرىپ، يگىلىك جاراتۋ رۋحىن سەرپىلتۋ كەرەك. حالىقتى وزەك ەتكەن دامۋ يدەياسىندا تاباندى بولىپ، دامۋ بارىسىندا حالىق تۇرمىسىن قامتاماسىزداندىرۋ دەڭگەيىن ورنىقتى جوعارىلاتىپ، قالىڭ بۇقارانى وزدەرىنىڭ قوس قولدارىنا سۇيەنىپ باقىتتى ءومىر كەشىرۋگە جەتەكتەۋ، ىنتالاندىرۋ كەرەك.
شي جينپيڭ سوڭىندا بىلاي دەپ دارىپتەدى: ءوندىرىس حاۋىپسىزدىگىن ويداعىداي يگەرىپ، حاۋىپسىزدىك جاغىنداغى كومەسكى قاتەرلەردى ءبىر - بىرلەپ تەكسەرۋدى اناعۇرلىم ويداعىداي ىستەپ ساقتاندىرۋدى، باقىلاۋ - تەكسەرۋدى كۇشەيتىپ، شۇعىل جاعدايعا توتەپ بەرۋ شارالارىن تياناقتاندىرۋ ارقىلى حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي قاتىناستى.
مۋ حۇڭ، جياڭ شينجى قاتارلىلار قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
