شي جينپيڭ ساياسي كەڭەس ماجىلىسىنە قاتىناسىپ جاتقان جۇڭگو گومينداڭ توڭكەرىستىك كوميتەتىندەگى، عىلىم - تەحنيكا سالاسىنداعى، ورتا - بايلىق سالاسىنداعى مۇشەلەرگە امانداسا بارعاندا بىلاي دەپ دارىپتەدى
بەلسەنە ۇسىنىس بەرىپ، ۇكىمەت ىسىنە كەڭ كولەمدە ورتاق تانىم ۇيىستىرىپ، جۇڭگو ۇلگىسىندەگى وسىزامانداندىرۋ قۇرىلىسىنا دەم بەرۋ كەرەك
2024.03.07 20:24 كەلۋ قاينارى : حالىق تورابى
«حالىق گازەتى»، 3 - ايدىڭ 6 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 6 - كۇنى تۇستەن كەيىن ساياسي كەڭەس 14 - كەزەكتى مەملەكەتتىك كوميتەتىنىڭ 2 - ماجىلىسىنە قاتىناسىپ جاتقان گومينداڭ توڭكەرىستىك كوميتەتىندەگى، عىلىم - تەحنيكا سالاسىنداعى، ورتا - بايلىق سالاسىنداعى مۇشەلەرگە امانداسا باردى ءارى بىرىككەن گرۋپپا ماجىلىسىنە قاتىناسىپ، پىكىر جانە ۇسىنىستاردى تىڭدادى. ول بىلاي دەپ دارىپتەدى: حالىق ساياسي كەڭەسىندەگى پارتيا - توپتار، ۇيىمدار، ءار ۇلت، ءار سالا، ءار جاقتاعى قايراتكەرلەر ج ك پ 20 - قۇرىلتايىندا العا قويىلعان كەلەلى ستراتەگيالىق مىندەتتەر مەن ورتالىقتىڭ ەكونوميكالىق قىزمەت ماجىلىسىندەگى ورنالاستىرۋلاردى توڭىرەكتەپ، ىشكەرىلەي تەكسەرۋ - زەرتتەۋ جۇرگىزىپ، ۇكىمەت ىسىنە بەلسەنە اقىل - كەڭەس بەرىپ، كەڭ كولەمدە ورتاق تانىم ۇيىستىرىپ، جۇڭگو ۇلگىسىندەگى وسىزامانداندىرۋ قۇرىلىسىنا دەم بەرۋى كەرەك.
”8 - ناۋرىز“ حالىقارالىق ەڭبەكشى ايەلدەر مەرەكەسى قارساڭىندا، شي جينپيڭ ج ك پ ورتالىق كوميتەتى اتىنان مەملەكەتتىك ەكى ماجىلىسكە قاتىناسىپ جاتقان ايەل ۋاكىلدەرگە، ايەل مۇشەلەرگە، ايەل قىزمەتكەرلەرگە، بۇكىل ەلدەگى ءار ۇلت، ءار سالاداعى يەلدەرگە، شياڭگاڭ ەرەكشە اكىمشىلىك رايونىنداعى، اۋمىن ەرەكشە اكىمشىلىك رايونىنداعى جانە تايۋان رايونىنداعى ايەل باۋىرلاستارعا، شەتەلدەگى ايەل مۇھاجىر باۋىرلاستارعا مەرەكە بايلانىسىمەن قۇتتى بولسىن ايتتى جانە ىزگى تىلەك ءبىلدىردى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي جوعارىداعى قيمىلعا جانە تالقىعا قاتىناستى.
بىرىككەن گرۋپپا ماجىلىسىندە شيا شيانپىڭ، تيان حۇڭچي، ۋ جيانپيڭ، جاۋ يۇيلياڭ، حۋاڭ ميانسۇڭ، حۋ سۇڭچين قاتارلى 6 مۇشە ەكى جاعالاۋدىڭ كاسىپ تىزبەگى مەن قامداۋ تىزبەگى سەلبەستىگىن كۇشەيتۋدى توڭىرەكتەپ، وتاننىڭ بۇكىلدەي بىرلىككە كەلۋىن تاباندىلىقپەن ىلگەرىلەتۋ، ينتەرنەت وزەكتى تەحنيكاسى ارقىلى ينتەرنەتتە قۋاتتى ەل قۇرۋعا جانە ساپالى دامۋعا تىرەك بولۋ، عىلىم - تەحنيكادا جاڭالىق جاراتۋ جەتىستىكتەرىن كاسىپتىك سالالاردا ىسكە قوسۋدى ىلگەرىلەتۋ، ەكولوگيالىق ورتانى قورعاۋ كاسىبىنىڭ ساپالى دامۋىن دەمەۋ، لاستايتىن جاڭا زاتتاردى زاڭ بويىنشا باسقارۋدى كۇشەيتۋ سياقتىلار جونىندە ءسوز سويلەدى.
شي جينپيڭ كوپشىلىكتىڭ ءسوزىن مۇقيات تىڭداعاننان كەيىن ماڭىزدى ءسوز سويلەدى. ول مىنانى ءبىلدىردى: كوپشىلىكپەن بىرگە تالقى جۇرگىزىپ، پىكىر اۋىستىرىپ، پىكىرلەر مەن ۇسىنىستاردى تىڭداعانىما ايرىقشا قۋانىشتىمىن. ول ج ك پ ورتالىق كوميتەتى اتىنان وسىندا وتىرعان مۇشەلەرگە، سونداي - اق جۇڭگو گومينداڭ توڭكەرىستىك كوميتەتىنىڭ مۇشەلەرىنە جانە عىلىم - تەحنيكا سالاسىنداعى، ەكولوگيالىق ورتا، بايلىق سالاسىنداعى قايراتكەرلەرگە، قالىڭ ساياسي كەڭەس مۇشەلەرىنە ىقىلاستى سالەم جولدادى.
شي جينپيڭ بىلاي دەپ دارىپتەدى: 2023 - جىل − ج ك پ 20 - قۇرىلتايىنىڭ رۋحىن جاپپاي دايەكتەندىرۋدىڭ باستاما جىلى. ج ك پ ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ورنىقتىلىق بارىسىندا ىلگەرىلەۋ قىزمەت نەگىزگى ارناسىندا تاباندى بولىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋدە بۇرىلىس جاساۋدى باتىل اتقارىپ، ەكونوميكانىڭ قالپىنا كەلۋىن، دامۋىن بار كۇشپەن ىلگەرىلەتىپ، جۇڭگو ۇلگىسىندەگى وسىزامانداندىرۋدى باتىل جۇرگىزىپ، ەكونوميكالىق، قوعامدىق دامۋدىڭ باستى مەجەلى نىساناسىن تولىق جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدا نىق قادام تاستادى. ناتيجە وڭاي - وسپاق قولعا كەلگەن جوق، بۇل − بۇكىل ەلدەگى ءار ۇلت حالقىنىڭ جۇدىرىقتاي جۇمىلىپ، قايسارلىقپەن كۇرەس جۇرگىزۋىنىڭ ناتيجەسى، سونداي - اق وعان قالىڭ ساياسي كەڭەس مۇشەلەرىنىڭ جۇرەك قانى مەن اقىل - پاراساتى سىڭگەن.
شي جينپيڭ بىلاي دەپ اتاپ كورسەتتى: وتكەن ءبىر جىلدا جۇڭگو گومينداڭ توڭكەرىستىك كوميتەتى ”زەيىن - زەردەنى شوعىرلاندىرىپ، رۋحتى سومداپ، نەگىزدى بەكەمدەپ، ىنتىماقتاسا ەكپىندەي ىلگەرىلەۋ جاڭا جورىعى“ نەگىزگى تاقىرىپتىق تاربيەسىن ىشكەرىلەي ورىستەتىپ، ساياسي كەڭەسۋدى، ۇكىمەت ىسىنە ات سالىسۋدى، ۇكىمەت ءىسىن كەڭەسۋدى تىڭعىلىقتى ىلگەرىلەتىپ، چاڭجياڭ ەكولوگيالىق ورتاسىن قورعاۋدى دەموكراتيالىق باقىلاۋعا ۇزدىكسىز ات سالىسىپ، بۇعازدىڭ ەكى جاعالاۋىنىڭ ەكونوميكا، مادەنيەت اۋىس - كۇيىسىن بەلسەنە ىلگەرىلەتتى. عىلىم - تەحنيكا سالاسىنداعى قايراتكەرلەر عىلىم - تەحنيكا ءتۇزىلىسى رەفورماسىنا قاتىناسۋدى بەلسەنە قولداپ، عىلىم - تەحنيكادا جاڭالىق جاراتۋعا قۇلشىنا ات سالىستى. ەكولوگيالىق ورتا، بايلىق سالاسىنداعى قالىڭ قايراتكەرلەر كاسىپتىك ابزالدىعىن ساۋلەلەندىرىپ، دامۋ تاسىلىندە جاسىل دامۋعا بۇرىلىس جاساۋدى ىلگەرىلەتۋدە بەلسەندى رول اتقاردى.
شي جينپيڭ بىلاي دەپ دارىپتەدى: جۇڭگو گومينداڭ توڭكەرىستىك كوميتەتى تايۋان قىزمەتىندەگى زور جاعداي بارىسىندا ورنىن اناعۇرلىم ءدال تاۋىپ، ابزالدىعىن ساۋلەلەندىرىپ، بەلسەنە ناتيجە جاراتىپ، ەل ءىشى - سىرتىنداعى، ارال ءىشى - سىرتىنداعى ىنتىماقتاسۋعا بولاتىن بارلىق وتانشىل كۇشتەرمەن اناعۇرلىم ويداعىداي ىنتىماقتاسىپ، دەربەستەندىرۋگە باتىل قارسى تۇرىپ، بىرلىككە كەلۋدى جەبەيتىن كۇشتەردى ۇزدىكسىز زورايتىپ، وتاننىڭ بەيبىت بىرلىككە كەلۋ اياق الىسىن بىرگە ىلگەرىلەتۋى كەرەك. ەكى جاعالاۋدىڭ عىلىم - تەحنيكا، اۋىس - كۇيىسىن، سەلبەستىگىن بەلسەنە ىلگەرىلەتىپ، ەكى جاعالاۋدىڭ ءار سالاسىنىڭ توعىسا دامۋىن تەرەڭدەتۋ كەرەك.
شي جينپيڭ بىلاي دەپ اتاپ كورسەتتى: عىلىم - تەحنيكا سالاسىنداعى مۇشەلەر مەن قالىڭ عىلىم - تەحنيكا قىزمەتكەرلەرى مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ جاۋاپكەرلىگىن ونان ارى كۇشەيتىپ، عىلىم - تەحنيكادا جاڭالىق جاراتۋدىڭ ماڭىزدى مىندەتىن ارقالاپ، نەگىزدىك زەرتتەۋ مەن قولدانىلمالى نەگىزدىك زەرتتەۋدى كۇشەيتىپ، شەشۋشى، وزەكتى تەحنيكالاردان قامال الۋ شايقاسىن ويداعىداي جۇرگىزىپ، جاڭا ساپالى وندىرگىش كۇشتەردى جەتىلدىرۋدىڭ، دامىتۋدىڭ جاڭا قوزعاۋشى كۇشىن قالىپتاستىرۋى كەرەك. ناقتى ىستەر جونىندە اقىل - كەڭەس بەرىپ، عىلىم - تەحنيكا ءتۇزىلىسى رەفورماسى مەن دارىندىلاردى جەتىلدىرۋ ءتۇزىلىس مەحانيزمى رەفورماسىن تەرەڭدەتۋگە دەم بەرىپ، عىلىم - تەحنيكالىق باعالاۋ جۇيەسى مەن ىنتالاندىرۋ مەحانيزمىن اقاۋسىزداندىرىپ، ءتۇرلى دارىندىلاردىڭ جاڭالىق جاراتۋداعى ومىرشەڭدىك قۋاتى مەن كومەسكى كۇشىن ونان ارى تاسقىنداتۋ كەرەك.
شي جينپيڭ بىلاي دەپ دارىپتەدى: ەكولوگيالىق ورتا، بايلىق سالاسىنداعى قالىڭ مۇشەلەر ەكولوگيالىق ورتانى قورعاۋدى كۇشەيتۋ، جوعارى دەڭگەيدە قورعاۋ ارقىلى ساپالى دامۋعا تىرەك بولۋ جاعىندا تىڭ ۇلەس قوسۋى كەرەك. مەملەكەت جەرىن اشۋدىڭ، قورعاۋدىڭ تومەنگى شەگىن بەرىك ساقتاپ، ەكولوگيالىق ورتانى وڭىرگە ءبولىپ باسقارۋ - مەڭگەرۋ جۇيەسىن كەمەلدەندىرىپ، ساپالى دامۋدىڭ ەكولوگيالىق نەگىزىن بەكەمدەۋ كەرەك. لاستانۋدى دالمە - ءدال وڭاۋ، لاستانۋدى عىلمي جولمەن وڭاۋ، لاستانۋدى زاڭ بويىنشا وڭاۋ باعىتىن جاپپاي دۇرىس تياناقتاندىرىپ، ەكونوميكالىق، قوعامدىق دامۋدىڭ جاسىلدانۋىن، تومەن كومىرتەكتەنۋىن ىلگەرىلەتىپ، بايلىقتان ۇنەمدى، شوعىرلى، اينالمالى پايدالانۋدى كۇشەيتىپ، ەكولوگيالىق ونىمدەردىڭ قۇنىن جۇزەگە اسىرۋ جولىن كەڭەيتىپ، كومىر قىشقىل گازىنىڭ شىعارىلۋىن جوعارى مانگە جەتكىزىپ، كومىر قىشقىل گازىن بەيتاراپتاندىرۋدى بەلسەندى، ورنىقتى ىلگەرىلەتىپ، ساپالى دامۋعا جاڭا قوزعاۋشى كۇش قوسىپ، جاڭا ابزالدىق قالىپتاستىرۋ كەرەك.
شي جينپيڭ بىلاي دەپ اتاپ كورسەتتى: بيىل − حالىق ساياسي كەڭەسى قۇرىلعانىنىڭ 75 جىلدىعى. حالىق ساياسي كەڭەسى تاڭداۋلى ءداستۇردى ساۋلەلەندىرىپ، ساياسي جاۋاپكەرلىكتى ەستە بەرىك ساقتاپ، يدەيالىق - ساياسي جەتەكشىلىكتى كۇشەيتىپ، ارناۋلى كەڭەس قۇرىلىمى بولۋداعى ءتۇزىم قۇرىلىسىن كۇشەيتىپ، وزىندىك قۇرىلىسىن كۇشەيتىپ، ساياسي كەڭەس مۇشەلەرى وزىندىك ساپاسى مەن مىندەت وتەۋ قابىلەتىن جوعارىلاتىپ، جاڭا داۋىردەگى ساياسي كەڭەس قىزمەتى مەن كوپ پارتيا سەلبەستىگى ىستەرىندە ۇزدىكسىز جاڭا جاعداي جاراتۋ كەرەك.
شى تايفىڭ، جىڭ جيانباڭ، حۋ چۇنحۋا، ۋاڭ دۇڭفىڭ، حى باۋشياڭ قاتارلىلار بىرىككەن گرۋپپا ماجىلىسىنە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
