شاعىن تۇيىندەرگە نازار . باس شۋجي شي جينپيڭنىڭ ەكى ماجىلىستە ۇيىرمە، گرۋپپالارعا بارۋى
جاڭا ساپالى وندىرگىش كۇشتەردى دامىتۋدا جەرگىلىكتى جاعدايعا قاراي ىستەۋ كەرەك (ەكى ءماجىلىستى ناق مايداندا بايقاۋ)
2024.03.07 20:29 كەلۋ قاينارى : حالىق تورابى
ۋاقىتى: 3 - ايدىڭ 5 – كۇنى تۇستەن كەيىن
كۇن ءتارتىبى: باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى
ۋاكىل سۇن جيڭنان − جۇڭچى نانجيڭ پۋجىن اۆتوموبيل شەكتى سەرىكتەستىگىنىڭ ەلەكترمەن دانەكەرلەۋشىسى، ول دانەكەرلەۋدى بەس ساۋساعىنداي بىلەدى. وسى ساتتە باس شۋجي شي جينپيڭمەن بەتپە - بەت اڭگىمەلەسكەندە، ول ايرىقشا اسەرلەنىپ بىلاي دەدى:
”مەن 1990 - جىلى كاسىپتىك ورتا مەكتەپتى بىتىرگەننەن كەيىن، ءداستۇرلى تەمىر جول جولاۋشىلار پويەزىنەن مەتروعا، جوعارى قارقىندى تەمىر جول پاراۆوز گرۋپپاسىنا دەيىن، شەتەلدەن تەحنيكا ەنگىزۋدەن كەڭ كولەمدە دەربەس زەرتتەپ اشۋعا دەيىن، 30 نەشە جىل ىشىندە ەلىمىزدىڭ رەليستى قاتىناسىنىڭ وكشەلەي ىلەسۋىنەن باستاۋشى بولۋعا دەيىنگى ەكپىندەي ىلگەرىلەۋ بارىسىنا كۋا بولدىم“.
ءبىر اۋىز ءسوز قۇلاشىن كەڭ جايعان ءداۋىر كارتيناسىن سالدى. مۇنى ەستىگەن باس شۋجي شي جينپيڭ تەرەڭ اسەر الدى: ”جاڭا جۇڭگو قۇرىلعاننان كەيىن، ءبىز بىرىنشىدەن كەدەي، ەكىنشىدەن اق بولدىق، جوقتان بارعا قاراي وتتىك، ەنگىزۋدەن، سىڭىرۋدەن، قابىلداۋدان قايتا دامۋعا قادام باستىق، ىلگەرىندى - كەيىندى 2 كەزەڭدى باستان كەشىردىك“.
ءبىرىنشى كەزەڭ، جاڭا جۇڭگو قۇرىلعاننان رەفورما جاساپ، ەسىك اشقانعا دەيىن، ”بۇل مەزگىل نەگىز قالاۋ كەزى بولدى، وسى نەگىز بولماسا، رەفورما جاساپ، ەسىك اشقاننان كەيىنگى ۇشقان قۇستاي دامۋ بولماس ەدى“. ەكىنشى كەزەڭ رەفورما جاساپ، ەسىك اشقاننان كەيىنگى كەز بولدى، ”باستابىندا ءۇشتى ەنگىزىپ، ءبىردى تولىقتادىق، كەيىن كەلە دامۋدا تۇگەلدە ءوز كۇشىمىزگە سۇيەندىك“.
باس شۋجي جيىن زالىنا قادالا قاراپ تۇرىپ بىلاي دەدى: ”ويلاپ كورسەك، شەكسىز ماقتانىش سەزىنەمىز. قاتىناستى الىپ ايتساق، قازىر ەلىمىزدىڭ اۆتوموبيل ءوندىرۋ، ساتۋ مولشەرى دۇنيە ءجۇزى بويىنشا ەڭ زور، جاڭا ەنەرگيالى اۆتوموبيلىمىز ەڭ جاقسى، جوعارى قارقىندى تاس جولدىڭ ارالىعى ەڭ ۇزاق، جوعارى قارقىندى تەمىر جول سىرتقا شىقتى، قالا رەليستى قاتىناسى دا سىرتقا شىقتى، كەمە دە سىرتقا شىقتى، ءىرى ۇشاقتاردى دا جاساپ شىقتىق، كەمە جاساۋ كاسىبىنىڭ ءۇش ۇلكەن مەرۋەرتىن دە جاساپ شىقتىق“.
مۇندا نەگە سۇيەندىك؟ رەفورما جاساپ، ەسىك اشۋعا، دۇرىس جولدان تايماي جاڭالىق اشۋعا سۇيەندىك، بۇل − ءجۇز ميلليونداعان حالىقتىڭ ۇزدىكسىز كۇرەس جۇرگىزىپ، العان بەتىنەن قايتپاۋىنىڭ بەينەسى.
ءبىرىنشى شەپتەن كەلگەن شەبەر رەتىندە، ۋاكىل سۇن جيڭنان سوزىندە ءوزىنىڭ وي - تولعامىمەن ءبولىستى: شەبەر دەگەن كىم؟ كاسىپتىك سالادا ءوزىڭدى شامالاپ، شىڭدالۋدى باستان كەشىرگەندە عانا قامال الۋعا بولادى“.
”ءىرى ەل شەبەرلەرى − جۇڭحۋا ۇلتى عيماراتىنىڭ ىرگە تاسى، تىرەگى“. باس شۋجي شي جينپيڭ بىلاي دەپ القادى: ”قاتىناس سالاسى بىرتىندەپ العا ىلگەرىلەپ، حالىقارانىڭ الدىڭعى لەگىندە ءجۇردى، مۇنداعى ەڭ ماڭىزدىسى شەبەرلەر، تەك چەرتوج جاقسى جوبالانسا عانا بولمايدى، ەڭ سوڭىندا دانەكەرشىلەردىڭ قولىندا تياناقتانۋى كەرەك، ’اسىل بۇرعى بولماسا، فارفور ىدىستاردى جاساپ شىعۋعا بولمايدى‘“.
كاسىپتىك وقۋ - اعارتۋ − شەبەرلەردى جەتىلدىرەتىن قۇنارلى ورتا، باس شۋجي: ” ءبىز كاسىپتىك وقۋ - اعارتۋدى ويداعىداي دامىتىپ، شەبەرلەر رۋحىن ورناتىپ، ولاردىڭ مامىلە شارت - جاعدايىن ويداعىداي قامتاماسىز ەتۋىمىز كەرەك، ءبىرىنشى شەپتەگى ءىرى ەل شەبەرلەرىن توپ - توبىمەن جەتىلدىرۋ كەرەك، ولار − تىرەگىمىز“ دەپ ىشكەرىلەي دارىپتەدى.
جاساۋ كاسىبى − ءىرى ەل شەبەرلەرىنىڭ كەرەمەتتەر جاراتاتىن ساحناسى. جياڭسۋ − جاساۋ كاسىبىندەگى ءىرى ولكە، وتكەن جىلى ەكونوميكانىڭ جالپى مولشەرى 12 تريلليون 800 ميلليارد يۋانعا جەتىپ، بۇكىل ەلدىڭ وننان ءبىرىن ۇستادى. سوڭعى جىلدارى باس شۋجي شي جينپيڭ جياڭسۋدىڭ دامۋىنا باستان - اياق نازار اۋدارىپ، جياڭسۋدىڭ جۇڭگو ۇلگىسىندەگى وسىزامانداندىرۋ بارىسىندا ماڭىزدى تىرەۋ بولۋىن ءۇمىت ەتتى: ”بارلىق ءتيىمدى ورايدى مىقتى يگەرىپ، بارلىق ءتيىمدى شارت - جاعدايدان پايدالانىپ، ءداپ باسىپ تاپقاننان كەيىن جەدەل ىستەپ، ءار جاقتىڭ قايراتىن تاسقىنداتۋ كەرەك“.
اياق استىنداعى جولدى جاقسى باسۋ ءۇشىن تاباندى بولۋ ءارى سەرگەك بولۋ كەرەك. باس شۋجي شي جينپيڭ جاڭا ساپالى وندىرگىش كۇشتەردى تىلگە تيەك ەتىپ، ديالەكتيكالىق تۇردە وي جۇگىرتۋدى تاپسىردى:
”جاڭا وندىرگىش كۇشتەردى دامىتۋ ءداستۇرلى كاسىپتەرگە نەمقۇرايدى قاراۋ، ودان بەزۋ دەگەندىك ەمەس، دۇرمەككە ىلەسپەۋ، كوپىرمەلىككە سالىنباۋ، تەك ءبىر ءتۇرلى جالاڭ ۇلگىمەن عانا شۇعىلدانباۋ كەرەك. جەر - جەر ءىس جۇزىندىكتى شىعار ءتۇيىن ەتۋدە تاباندى بولىپ، الدىمەن ورناتىپ، سوڭىنان كۇشىنەن قالدىرۋ، جەرگىلىكتى جاعدايعا قاراي ىستەۋ، تۇرلەر بويىنشا جەتەكشىلىك ەتۋ، ءوز جەرىنىڭ بايلىعى، كاسىپ نەگىزى، عىلمي زەرتتەۋ شارت - جاعدايى سياقتىلارعا نەگىزدەلىپ جاڭا كاسىپ سالاسىنىڭ، جاڭا ۇلگىنىڭ، جاڭا قوزعاۋشى كۇشتىڭ دامۋىن تالعامدى تۇردە ىلگەرىلەتىپ، جاڭا تەحنيكادان پايدالانىپ ءداستۇرلى كاسىپتەردى ساپالىلاندىرۋى، كاسىپ سالاسىنىڭ جوعارى دەڭگەيلى، جاسىل دامۋىن بەلسەنە جەبەۋى كەرەك“.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
