شاعىن تۇيىندەرگە نازار . باس شۋجي شي جينپيڭنىڭ ەكى ماجىلىستە ۇيىرمە، گرۋپپالارعا بارۋى
مۇراجايمەن ىشكەرىلەي ارالاسۋ (ەكى ءماجىلىستى ناق مايداندا بايقاۋ)
2024.03.07 20:32 كەلۋ قاينارى : حالىق تورابى
ۋاقىتى: 3 - ايدىڭ 5 – كۇنى تۇستەن كەيىن
كۇن ءتارتىبى: باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى
”التى پاتشالىقتىڭ بايىرعى استاناسى“ نانجيڭ تاريحتان سىر شەرتىپ، جاڭا زامانمەن ۇندەسىپ جاتىر.
نانجيڭ قالالىق كورمە باس سارايىنان كەلگەن ۋاكىل سۇڭ يان باس شۋجي شي جينپيڭگە التى پاتشالىق مۇراجايىنىڭ قۇرىلىس حيكاياسىن باياندادى. ”ءار پارشا كەرپىشتى جيناپ، قالا داۋالىن قورعادىق“، ولار 8 جىلدان بەرى، ميڭچىڭ قورعانىنىڭ سىرتقا بىتىراپ كەتكەن كەرپىشتەرىنەن 400 مىڭ دانادان استامىن جيناپ الدى. بۇل − بۇكىل ەلدەگى 6 مىڭنان استام مۇراجايدىڭ مادەني مۇرالاردى قورعاۋىنىڭ جاندى دا ىقشام كورىنىسى.
باس شۋجي شي جينپيڭ دەن قويا تىڭدادى. ”مەن كىشكەنتايىمنان مۇراجايدى ۇناتامىن، بالا كەزىمدە بەيجيڭدەگى مۇراجايدى نەگىزىنەن كورگەنمىن“. باس شۋجي بالا كەزىندە ۆەلوسيپەد ءمىنىپ وقۋعا تۇسكەن كەزدەگى جاعدايدى ەسكە الدى، بەيجيڭنىڭ بايىرعى قالا قورعانى كۇنى بۇگىنگە دەيىن ونىڭ ەسىندە قالىپتى.
مۇراجايدا ساقتالعان مادەني مۇرالاردى، ۇلان - بايتاق جەرگە قويىلعان مۇرالاردى، بايىرعى كىتاپتاردا جازىلعان جازۋلاردى جانداندىرۋ كەرەك، بۇل − اۋىر بورىش.
باس شۋجي شي جينپيڭ سۇڭ يانعا، قالىڭ مادەني ەسكەرتكىش قىزمەتكەرلەرىنە: ”مۇراجاي ىستەرىن جاقسى ىستەۋ كەرەك. مۇراجاي قۇرىلىسىندا اناعۇرلىم كەمەلدى، اناعۇرلىم جۇيەلى بولۋ، سونىمەن بىرگە مۇراجايدىڭ تاربيەلەۋ يقۋاتىن ويداعىداي ساۋلەلەندىرۋ كەرەك“ دەپ قاداعالاي تاپسىردى.
ماڭگى وشپەيتىن تاريحي مادەنيەت جۇلگەسىن قالاي جالعاستىرۋ كەرەك؟ باس شۋجي شي جينپيڭ كوپ وي جۇگىرتتى، قالىڭ بۇقارانىڭ، اسىرەسە، جاستار مەن ورەندەردىڭ مۇراجايمەن ىشكەرىلەي ارالاسىپ، تاريحي سەزىمدى ونان ارى كۇشەيتۋىن ءۇمىت ەتتى.
قاتپارى قالىڭ تاريح ءداۋىردىڭ كەلبەتىن قالىپتاستىردى. ”ءبىز قايدان كەلدىك؟ ءبىز قايدا بارامىز؟ جۇڭگو بۇگىنگى كۇنگە جەتكەندە، بىزدە وسىنداي تاريحي سەزىم بولۋ كەرەك دەپ وزىمە ءسات سايىن ەسكەرتىپ وتىرامىن“. كەزىندە ايتىلعان ءبىر اۋىز ءسوز ءتۇپ توركىنىن تەكتەپ، مەملەكەتتى باسقارىپ، اكىمشىلىكتى جونگە سالۋدىڭ جاندى امالياتىنا ءسىڭىرىلدى.
تاريحتىڭ قۇنارلى ورتاسىندا تۇرىپ، بولاشاققا كوز جىبەرەيىك. 5 مىڭ جىلعا سوزىلعان، ءۇزىلىسسىز جالعاسقان جۇڭحۋا وركەنيەتى ”ۇلى ۇلتىمىزدى سومدادى، بۇل ۇلت ءالى دە ۇلى بولا بەرەدى“.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
