ءتورت تاراۋ مەكتەپتەردەگى ازىق – تۇلىك حاۋىپسىزدىگىن باقىلاۋ - باسقارۋدى كۇشەيتۋ جونىندە ورنالاستىرۋ جاسادى
2024.03.14 13:13 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جاۋ ۋىنجۇن 3 – ايدىڭ 13 – كۇنى بەيجيڭنەن حابارلايدى. بازاردى باقىلاۋ – باسقارۋ باس مەكەمەسى، وقۋ – اعارتۋ مينيسترلىگى، قوعام حاۋىپسىزدىگى مينيسترلىگى، مەملەكەتتىك دەنساۋلىق ساقتاۋ – سالاماتتىق كوميتەتى جۋىردا «2024 – جىلعى كوكتەمدە مەكتەپتەردەگى ازىق – تۇلىك حاۋىپسىزدىگىن شىنايى كۇشەيتۋ قىزمەتى جونىندەگى ۇقتىرۋدى» جاريالاپ، بۇكىلدەي قامتىعان باقىلاۋ – تەكسەرۋدى ورىستەتۋ، مەكتەپ اۋلاسىنداعى ازىق – تۇلىك حاۋىپسىزدىگىنە ساياتىن كومەسكى قاتەرلەردى ىشكەرىلەي ءبىر – بىرلەپ تەكسەرۋ، بارشا وقىتۋشىلار مەن وقۋشىلاردىڭ ازىق – تۇلىك حاۋىپسىزدىگىنە كەپىلدىك ەتۋ جونىندە ورنالاستىرۋ جاسادى.
نەگىزگى تۇلعالىق جاۋاپكەرشىلىك جاعىندا، مەكتەپتەردى مەكتەپ باستىعى (بالالار باقشاسىنىڭ باستىعى) جاۋاپتى بولۋ ءتۇزىمىن قاتاڭ تياناقتاندىرۋعا، ازىق – تۇلىك حاۋىپسىزدىگىن باسقارۋ ءتۇزىمى مەن قىزمەتتىك مىندەتتەردى ورناتۋ جانە كەمەلدەندىرۋگە، ازىق – تۇلىك حاۋىپسىزدىگىنە ساياتىن باسقارۋ – مەڭگەرۋ تىزىمدىگىن بەلگىلەۋگە، ”كۇندەلىكتى باسقارۋ، اپتا سايىن ءبىر – بىرلەپ تەكسەرۋ، اي سايىن رەتتەپ وتىرۋ“ تۇزىمىندەگى تالاپتاردى قاتاڭ تياناقتاندىرىپ، ازىق – تۇلىك حاۋىپسىزدىگىن ءبىر – بىرلەپ تەكسەرۋ مەن تىشقاندى (قۇرت - قۇمىرسقانى) الاستاۋدى مەرزىم سايىن ۇيىمداستىرىپ ورىستەتۋگە، مانەرلەۋ ورنى قاتارلى قۇرىلعىلار مەن اسپاپتاردى ءتۇيىندى تۇردە تەكسەرۋگە، قويماداعى ازىق – تۇلىكتەردى اداقتاپ وتىرۋعا، ساپاسى وزگەرگەن، ۋاقىتى وتكەن ازىق – تۇلىكتەر مەن ازىق – تۇلىك ماتەريالدارى قاتارلىلاردى اداقتاپ وتىرۋعا ءارى ءوزىن – ءوزى تەكسەرۋ مەن جونگە سالۋدى تولىق ورىنداۋعا قۋزايدى.
حاۋىپسىزدىكتى باقىلاۋ – باسقارۋ جاعىندا، مەكتەپ اسحاناسى مەن مەكتەپ سىرتىنداعى ازىق – تۇلىكپەن قامدايتىن ورىندارعا تولىق باقىلاۋ – تەكسەرۋ جۇرگىزىپ، مەكتەپ اسحانالارى مەن ونى كوتەرمەگە الىپ ساۋدا جۇرگىزەتىن كاسىپورىنداردى، مەكتەپ سىرتىنداعى ازىق – تۇلىكپەن قامدايتىن ورىنداردى ازىق – تۇلىكتەردى، ازىق تۇلىككە قوساتىن قوسپالاردى جانە ازىق – تۇلىككە قاتىستى ونىمدەردى كىرگىزگەن كەزدە تەكسەرۋ جانە ەستەلىككە الۋ ءتۇزىمىن اتقارۋعا، ىدىس – اياقتاردى تازالاۋ مەن ديزەنفەكسيالاۋدى جونگە سالۋدى ورىستەتۋگە، مول مولشەردەگى ازىق – تۇلىكتەردى جانە شيكىزاتتىق ماتەريالداردى باقىلاۋ، ۇلگى الىپ تەكسەرۋ جۇرگىزۋ تەبىنىن كۇشەيتۋگە قۋزايدى. ۇلگى الىپ تەكسەرۋدە تولىمسىز بولعاندارعا زاڭ – تۇزىمگە ساي تەكسەرىپ ءبىرجاقتى ەتۋدى ورىستەتەدى ءارى قاتىستى ينفورماتسيالاردى اشىق جاريالايدى.
مەكتەپ اسحاناسىنىڭ ساۋداسىن كوتەرمەگە بەرۋدى جۇيەگە ءتۇسىرۋ جاعىندا، تيجارات جۇرگىزۋگە ساۋداگەر شاقىرىپ جاتقان مەكتەپتەردى زاڭ – تۇزىمگە ساي توقتام (كەلىسىمشارت) جاساۋعا، وتكەرمەلەي كوتەرمەگە بەرۋ، ءبولىپ كوتەرمەگە بەرۋ ارەكەتىن قاتاڭ مەڭگەرۋگە، مەردىگەرلىككە يە بولعان كاسىپورىنداردى دەر كەزىندە جاريالاۋعا قۋزايدى. باعالاۋ، باعا بەرۋ جانە شەگىنىپ شىعۋ مەحانيزمىن ورناتىپ، توقتامداعى (كەلىسىمشارتتاعى) شارتتاردى اتقارماۋ، ازىق – تۇلىك حاۋىپسىزدىگىنە ساياتىن زاڭ – تۇزىمدەرگە قايشىلىق جاساۋ قاتارلى ارەكەتتەر بايقالعان كوتەرمەگە الىپ ساۋدا جۇرگىزەتىن كاسىپورىنداردى ءتۇيىندى تۇردە تەكسەرەدى.
ۇقتىرۋدا مىنالار تالاپ ەتىلگەن: مەكتەپتەردە ازىق – تۇلىك حاۋىپسىزدىگى مەن قورەكتىك اقاۋسىزدىعىنا ساياتىن بىلىمدەردى ۇگىتتەۋ تەبىنىن ارتتىرۋ، ازىق – تۇلىك حاۋىپسىزدىگىنە ساياتىن عىلىمدى جالپىلاستىرۋ جانە ”ۇنەمشىلدىكتى بۇلجىتپاي ورىنداپ، ىسىراپشىلدىققا قارسى تۇرۋ“ جاعىنداعى تاربيەنى ورىستەتۋ، مەكتەپ اسحانالارىندا تاماقپەن قاجەتكە قاراي قامداۋدى، اس – سۋ جاعىنداعى ىسىراپشىلدىقتى تەجەۋدى دارىپتەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
