ج ك پ ورتالىق كوميتەتى كەڭسە مەڭگەرمەسى مەملەكەتتىك وردەن جانە مەملەكەتتىك قۇرمەت اتاعىن كورسەتۋ، باعالاۋ قىزمەتىن ويداعىداي ىستەۋ جونىندەگى ۇقتىرۋدى باسىپ تاراتتى
2024.03.14 16:51 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 13 - كۇنى، بەيجيڭ. ج ك پ ورتالىق كوميتەتى كەڭسەسى تاياۋدا «مەملەكەتتىك وردەن جانە مەملەكەتتىك قۇرمەت اتاعىن كورسەتۋ، باعالاۋ قىزمەتىن جاقسى ىستەۋ جونىندەگى ۇقتىرۋدى» (تومەندە قىسقاشا «ۇقتىرۋ» دەلىنەدى) باسىپ تاراتتى. «ۇقتىرۋدا» مىنالار اتاپ كورسەتىلدى: پارتيا ورتالىق كوميتەتى جۇڭحۋا حالىق رەسپۋبليكاسى قۇرىلعانىنىڭ 75 جىلدىعىن قۇتتىقتاۋ قارساڭىندا، مەملەكەت وردەنىن جانە مەملەكەت داڭق اتاعىن باعالاۋ، ماراپاتتاۋ قيمىلىن ورىستەتىپ، جۇڭحۋا حالىق رەسپۋبليكاسىنىڭ قۇرىلىسى مەن دامۋىنا كورنەكتى ۇلەس قوسقان ءبىر توپ ەلەۋلى ەڭبەك سىڭىرگەن ۇلگىلى تۇلعالاردى سالتاناتپەن ماداقتاپ - سيلاۋدى ۇيعاردى.
«ۇقتىرۋدا» كورسەتۋ، باعالاۋ قىزمەتىنىڭ جالپى تالابى ايقىندالدى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭحۋا حالىق رەسپۋبليكاسىنىڭ قۇرىلىسى مەن دامۋىنا كورنەكتى ۇلەس قوسقان ەلەۋلى ەڭبەك سىڭىرگەن ۇلگىلەردى ەڭ جوعارى ولشەممەن ماراپاتتاپ، ۇلت رۋحى مەن ءداۋىر رۋحىن اسقاقتاتىپ، بۇكىل ەلدەگى ءار ۇلت حالقىنىڭ باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان مەملەكەت قۇرۋ بەلسەندىلىگىن قوزعاپ، تۇتاس قوعامنىڭ جاقسىدان ونەگە الۋىن، قاھارمانداردى قاستەرلەۋىن، اۆانگارد بولۋىن ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋ كەرەك.
«ۇقتىرۋدا» كورسەتىلەتىن كانديداتتاردىڭ كولەمى مەن شارتى ايقىندالدى. جۇڭحۋا حالىق رەسپۋبليكاسىنىڭ قۇرىلىسى مەن دامۋىنا كورنەكتى ۇلەس قوسقان جەكەلەردى كورسەتۋگە بولادى، شارتقا ۇيلەسەتىن قايتىس بولعاندارعا دا بەرۋگە بولادى. ”رەسپۋبليكا وردەنىنە“ كورسەتىلەتىن كانديداتتار جۇڭحۋا حالىق رەسپۋبليكاسىنىڭ قۇرىلىسى مەن دامۋى بارىسىندا، اسىرەسە، پارتيا 18 - قۇرىلتايىنان بەرى وراسان زور ۇلەس قوسىپ، ەلەۋلى ەڭبەك سىڭىرگەن، ءمورالى وسكەلەڭ، بۇقارا جاپپاي مويىنداعان ۇزدىك قايراتكەرلەر بولۋى كەرەك. ”دوستىق وردەنىنە“ كورسەتىلەتىندەر ەلىمىزدىڭ سوتسياليستىك وسىزامانداندىرۋ قۇرىلىسىندا جانە جۇڭگو مەن شەتەلدىڭ اۋىس - كۇيىسىن، سەلبەستىگىن جەبەۋدە، دۇنيە ءجۇزىنىڭ بەيبىتشىلىگىن قورعاۋدا كورنەكتى ۇلەس قوسقان، جۇڭگومەن ۇزاق ۋاقىت دوستىق ورناتقان، تاماشا بەدەلى بار شەتەلدىكتەر بولۋعا ءتيىس. مەملەكەت داڭق اتاعىنا كورسەتىلەتىندەر ەكونوميكا، قوعام، مەملەكەت قورعانىسى، ديپلوماتيا، وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ، دەنە تاربيە سياقتى سالالاردا، اسىرەسە، پارتيا 18 - قۇرىلتايىنان بەرى ەلەۋلى ۇلەس قوسقان، وسكەلەڭ ابىرويعا يە، ءمورالدىق قاسيەتى وسكەلەڭ، بۇقارا جاپپاي مويىنداعان ۇزدىك قايراتكەرلەر بولۋعا ءتيىس.
«ۇقتىرۋدا» كورسەتۋ، باعالاۋ ءتارتىبى مەن قىزمەت تالابى ايقىندالدى. ۇيىمدىق باسشىلىقتى كۇشەيتىپ، دەن قويا ورنالاستىرۋ كەرەك. جەر - جەردىڭ، تاراۋلاردىڭ پارتكومدارى (پارتيا باسشىلىق گرۋپپالارى) جاۋاپكەرلىكتى شىنايى ارقالاپ، دەن قويا ۇيىمداستىرىپ اتقارىپ، قاتىستى قىزمەتتەردى وسكەلەڭ ساياسي جاۋاپكەرلىك سەزىممەن ويداعىداي ىستەۋى كەرەك. دۇرىس بەتالىستى يگەرىپ، كورسەتىلگەندەردىڭ العاباسارلىعىنا، ۋاكىلدىك سيپاتىنا جانە داۋىرلىك سيپاتىنا شىنايى كەپىلدىك ەتۋ كەرەك. كورسەتىلگەن كانديداتتاردىڭ دايەكتى بەينەسىن جاپپاي باعالاپ، ساياسي وتكەلدى، پاكتىك وتكەلىن كورنەكتى تۇردە ويداعىداي يگەرىپ، ءىس جۇزىندىك ۇلەسىن ماڭىزدى باعالاۋ ولشەمى ەتىپ، جاريا، ءادىل، تۋراشىل بولۋدان جازباي، بۇقارالىق لۋشياندا تاباندى بولىپ، دەموكراتيانى تولىق ساۋلەلەندىرىپ، ءار جاقتىڭ پىكىرىن كەڭىنەن تىڭداپ، جاقسىلاردىڭ اراسىنان ۇزدىكتەردى تاڭداۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
