لي چياڭ بەيجيڭدە تەكسەرۋ - زەرتتەۋ جۇرگىزگەندە بىلاي دەپ دارىپتەدى
عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ىلگەرىلەتىپ، ساپالى دامۋدىڭ جاڭا قوزعاۋشى كۇشىن، جاڭا باسىمدىعىن جەدەل سومداۋ كەرەك
2024.03.14 16:52 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 13 – كۇنى، بەيجيڭ (ءتىلشى زوۋ ۋەي). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ 3 - ايدىڭ 13 - كۇنى بەيجيڭدە تەكسەرۋ - زەرتتەۋ جۇرگىزدى.
ول بىلاي دەپ دارىپتەدى: باس شۋجي شي جينپيڭنىڭ مەملەكەتتىك ەكى ءماجىلىس كەزىندەگى ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ەكى ماجىلىستە ايقىندالعان ءتۇرلى مىندەتتەردى مۇقيات تياناقتاندىرىپ، جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسى بەتالىسىن مىقتاپ يگەرىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ىلگەرىلەتۋ بارىسىندا جاڭا ساپالى وندىرگىش كۇشتەردى جەتىلدىرىپ جانە زورايتىپ، ساپالى دامۋدىڭ جاڭا قوزعاۋشى كۇشىن، جاڭا باسىمدىعىن جەدەل سومداۋ كەرەك.
لي چياڭ الدىمەن بەيجيڭ قالاسى جوعارى دارەجەلى اۆتوماتتى كولىك جۇرگىزۋدەن ۇلگى كورسەتۋ رايونىنىڭ جاڭالىق اشۋ، اينالىم ورتالىعىنا كەلىپ، بۇلتتىق مەڭگەرۋ نەگىزدىك تۇعىرى جۇيەسىن، اۆتوكولىك جولىن سايكەستىرۋ قۇم تاباعىن كوردى. لي چياڭ ۇلگى كورسەتۋ رايونىنىڭ ىزدەنىس جاساۋ، جاڭالىق اشۋ ونىمدىلىگىن تولىق تۇراقتاندىرىپ، ولشەم بەلگىلەۋ، فاكتورمەن قامتاماسىزداندىرۋ سياقتى جاقتاردا قولداۋ تەبىنىن ارتتىرىپ، اۆتوماتتى جۇرگىزۋ تەحنيكاسىنىڭ دارەجەسىن جوعارىلاتۋ ارقىلى اۆتوموبيل كاسىبىنىڭ دامۋى مەن زەردەلى قالا قۇرىلىسىنا دەم بەرۋدى تالاپ ەتتى. لي چياڭ ىلە - شالا بايدۋ سەرىكتەستىگىنىڭ يجۋاڭ قىزمەت رايونىنا كەلىپ، ءىرى مودەل ونىمدەرىن زەرتتەپ اشۋ، قولدانۋ جانە ەلىمىزدە وندىرىلگەن جاساندى زەردەدە جاڭالىق اشۋ بىرلەسكەن تۇلعاسى قۇرىلىسىنىڭ جاعدايىن ۇعىستى. لي چياڭ مىنالاردى دارىپتەدى: ەلىمىزدىڭ قولدانىلمالى جۇيەلەرىنىڭ مول باسىمدىعىن ساۋلەلەندىرىپ، اناعۇرلىم كوپ قولدانىلمالى جۇيەلەردى اشىق ۇستاپ، تۇزىمدىك قامداۋدى ارتتىرىپ، جاساندى زەردە كاسىبىنىڭ دامۋىنا اناعۇرلىم كەڭ ورتا ازىرلەۋ كەرەك. بەيفاڭ حۋاچۋاڭ عىلىم - تەحنيكا توبى شەكتى جارنا سەرىكتەستىگىندە لي چياڭ سەرىكتەستىكتىڭ ينتەگرالدى تىزبەك جابدىقتارىن زەرتتەۋ - اشۋ جانە كاسىپ سالالاندىرۋ جاعدايى جونىندەگى تانىستىرۋىن تىڭداپ، سەحقا، تاجىريبەحاناعا كىرىپ، وزىق تەحنولوگيا كورمەسىن كوردى. لي چياڭ كاسىپورىننىڭ قول جەتكىزگەن جاڭالىق اشۋ جەتىستىكتەرىن القاپ، ولاردى عىلىم - تەحنيكاعا ۇسىنىلىمدى ونان ارى ارتتىرىپ، وزىق جاساۋ جابدىقتارىن زەرتتەپ اشۋدى جەدەلدەتىپ، تۇتاس كاسىپ تىزبەگىنىڭ سەلبەسىپ جاڭالىق اشۋىنا اناعۇرلىم ويداعىداي جەتەكشىلىك ەتۋگە شابىتتاندىردى. بەيجيڭ جىيۋان جاساندى زەردە زەرتتەۋ ورنىندا لي چياڭ ۇلكەن مودەلدىڭ الدىڭعى لەكتىك تەحنيكاسىن زەرتتەۋ - اشۋ جاعدايىن ەگجەي - تەگجەيلى ۇعىسىپ، جاساندى زەردە ونىمدەرى كورمەسىن كوزدەن كەشىردى. لي چياڭ مىنالاردى دارىپتەدى: سەنىمدى بەكەمدەپ، تاباندىلىقتى ساقتاپ، دۇنيە ءجۇزىنىڭ وزىق دەڭگەيىن كوزدەپ، ابزال بايلىقتى شوعىرلاندىرىپ، قامال الۋ سەلبەستىگىن كۇشەيتىپ، ۇزدىكسىز تىڭ تابىستارعا قول جەتكىزۋ كەرەك.
تەكسەرۋ - زەرتتەۋ بارىسىندا لي چياڭ اڭگىمە ءماجىلىسىن اشىپ، بەيجيڭ قالاسىنىڭ جاڭا ساپالى وندىرگىش كۇشتەرىنىڭ دامۋ جاعدايى جونىندەگى مالىمەتىن جانە قاتىستى كاسىپورىن جاۋاپتىلارىنىڭ ءسوزىن تىڭدادى. لي چياڭ مىنالاردى اتاپ كورسەتتى: جاڭا ساپالى وندىرگىش كۇشتەردى دامىتۋ − ساپالى دامۋدى ىلگەرىلەتۋدىڭ ىشكى تالابى جانە ماڭىزدى كۇش سالۋ ءتۇيىنى. جاڭالىق اشۋ سىندى تەتىكتى مىقتى يگەرىپ، شەشۋشى، وزەكتى تەحنيكالاردان قامال الۋدى جەدەلدەتىپ، عىلىم - تەحنيكادا جاڭالىق اشۋ ارقىلى كاسىپ سالاسىندا جاڭالىق اشۋعا دەم بەرىپ، ءداستۇرلى كاسىپ سالاسىنىڭ دارەجەسىن جوعارىلاتۋدى، جاڭادان گۇلدەنگەن كاسىپ سالاسىنىڭ زورايۋىن، بولاشاق كاسىپ سالاسىن جەتىلدىرۋدى ءبىر تۇتاس ىلگەرىلەتىپ، وزىق جاساۋ كاسىبىن تىرەك ەتكەن وسىزاماندانعان كاسىپ جۇيەسىن كۇش سالا قۇرۋ كەرەك. كاسىپ سالاسىنىڭ دامۋ زاڭدىلىعىنا بويسۇنىپ، جەر - جەردىڭ ءىس جۇزىندىك جاعدايىمەن ۇشتاستىرىپ، جەرگىلىكتى جاعدايعا قاراي ىستەپ، جاڭا ساپالى وندىرگىش كۇشتەردىڭ دامۋىن عىلمي جوسپارلاپ ىلگەرىلەتۋ كەرەك. لي چياڭ مىنالاردى اتاپ كورسەتتى: جاساندى زەردە − جاڭا ساپالى وندىرگىش كۇشتەردى دامىتۋدىڭ ماڭىزدى قوزعالتقىشى. ەسەپتەۋ قۋاتى، ساندى مالىمەت، ەسەپتەۋ ءادىسى سياقتى شەشۋشى قامال الۋدى مىقتى يگەرىپ، كوپ جولمەن الدىڭعى لەكتىك تەحنيكانى ورنالاستىرىپ، اينالما جولدا وزۋدى، جول اۋىستىرىپ وزۋدى قۇلشىنا جۇزەگە اسىرۋ كەرەك. ”جاساندى زەردە +“ ارەكەتىن زور كۇشپەن ورىستەتىپ، جاپپاي قولدانىلاتىن ۇلكەن مودەل مەن ۆەرتيكال ۇلكەن مودەلدىڭ قولدانىلۋىن ءبىر تۇتاس جوسپارلاپ ىلگەرىلەتىپ، ءتىپتى دە كوپ كاسىپ سالاسىنىڭ اشىق قولدانىلۋ ورتاسىنا جەتەكشىلىك ەتىپ، تۇرگە ءبولىپ جەتەكشىلىك ەتۋدى جانە تيپتىك ۇلگى كورسەتۋدى كۇشەيتىپ، جاساندى زەردەنىڭ سان سالالى كاسىپكە ءتىپتى دە جاقسى قۋات ۇستەۋىنە مۇمكىندىك جاساۋ كەرەك. حاۋىپسىزدىكتىڭ تومەنگى شەگىن ساقتاۋ العى شارتىندا، قامتىمدى، بايىپتى باقىلاۋ - باسقارۋدى بەلسەنە اتقارىپ، جاڭا تەحنيكاعا جەتكىلىكتى جاڭالىق اشۋ كەڭىستىگى مەن قاجەتتى سىناق كەڭىستىگىن بەرۋ كەرەك. لي چياڭ بەيجيڭ قالاسىنىڭ باسىمدىعىن تولىق ساۋلەلەندىرىپ، جاڭا ساپالى وندىرگىش كۇشتەردى دامىتۋدا الدىڭعى لەكتە ءجۇرىپ، ۇلگىلىك، جەتەكشىلىك رول اتقارۋىن ءۇمىت ەتتى.
يىن لي، ۋ جىڭلۇڭ تەكسەرىپ زەرتتەۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
