2023 – جىلى جاڭادان 32 ميلليون 730 مىڭ تيجارات تۇلعاسى قۇرىلدى (جاڭا ساندى مالىمەت، جاڭا ءتۇيىن)
ساپانى ۇزدىكسىز جوعارىلاتىپ، سيىمدىلىعىن ارتتىرىپ، قۇرىلىمدى اناعۇرلىم ساپالىلاندىردى
2024.03.14 16:53 كەلۋ قاينارى : حالىق تورابى
«حالىق گازەتى»، 3 - ايدىڭ 13 - كۇنى، بەيجيڭ (ءتىلشى لين ليلي). مەملەكەتتىك بازار باقىلاۋ - باسقارۋ باس مەكەمەسى بىرنەشە كۇننىڭ الدىندا جاريالاعان ساندى مالىمەتتە كورسەتىلۋىنشە، 2023 - جىلى ەلىمىزدە جاڭادان قۇرىلعان تيجارات تۇلعالارى 32 ميلليون 730 مىڭ بولىپ، سايكەس مەزگىلدەگىدەن %12.6 ارتقان. مۇنىڭ ىشىندە جاڭادان قۇرىلعان كاسىپورىندار 10 ميلليون 29 مىڭ بولىپ، %15.6 ارتقان؛ جاڭادان قۇرىلعان جەكەشە ونەركاسىپشىلەر مەن ساۋداگەرلەر 22 ميلليون 582 مىڭ بولىپ، %11.4 ارتقان.
2023 - جىلى ەلىمىزدىڭ تيجارات تۇلعالارى ۇزدىكسىز ساپانى جوعارىلاتىپ، سيىمدىلىعىن ارتتىرىپ، تيجارات تۇلعالارىنىڭ قۇرىلىمى ونان ارى ساپالىلاندى. 2023 – جىلدىڭ سوڭىنا دەيىن تىزىمگە الىنعان تيجارات تۇلعاسى 184 ميلليونعا جەتىپ، سايكەس مەزگىلدەگىدەن %8.9 ارتقان. مۇنىڭ ىشىندە 58 ميلليون 268 مىڭ كاسىپورىن، 124 ميلليون جەكە ونەركاسىپشىلەر مەن ساۋداگەر، 2 ميلليون 230 مىڭ شارۋالار كاسىپتىك سەلبەستىك كووپەراتيۆى بار.
مەملەكەتتىك بازار باقىلاۋ - باسقارۋ باس مەكەمەسى تيجارات تۇلعالارىنىڭ دامۋ ساپاسىن جوعارىلاتۋدىڭ ايقىن بەتالىسىن ورناتىپ، ءتۇزىم ورتاسىن كۇش سالا ساپالىلاندىرىپ، ءتۇرلى تيجارات تۇلعالارىنىڭ قارىشتاپ دامۋىن بەلسەنە جەبەدى.
كەڭ كولەمدە كىرۋ، قاتاڭ باسقارۋ، وڭاي شەگىنۋ جەبەلدى. «جۇڭحۋا حالىق رەسپۋبليكاسىنىڭ سەرىكتەستىك زاڭىنا» وزگەرىس ەنگىزۋ بەلسەنە ىلگەرىلەتىلىپ، سەرىكتىكتەردى تىزىمگە الىپ باسقارۋ ءتۇزىم شارالارى كەمەلدەندىرىلدى. «كاسىپورىن اتىن تىزىمدەۋ، باسقارۋ بەلگىلەمەسىن اتقارۋ ءادىسى» شىعارىلىپ، كاسىپورىن اتىن دەربەس مالىمدەۋگە قولايلى قىزمەت وتەۋ ساپالىلاندىرىلدى. «بازاردى باقىلاۋ - باسقارۋ سالاسىنداعى اكىمشىلىك رۇقسات بەرۋ ىستەرىن اتقارۋ ولشەمى» جاريالانىپ، بازاردى باقىلاۋ - باسقارۋ سالاسىنداعى 31 ءتۇرلى اكىمشىلىك رۇقسات بەرۋ ىستەرىنىڭ نەگىزگى فاكتورى، رۇقسات ەتۋ شارتى، ءوتىنىش ماتەريالى، تەكسەرىپ بەكىتۋ ءتارتىبى سياقتى مازمۇندار ءبىر - بىرلەپ ايقىندالىپ، قاراپايىم، جوعارى ءونىمدى، ءادىل، جاريا، كەڭ كولەمدە ەنگىزىپ، قاتاڭ باسقاراتىن كاسىپ سالاسىنىڭ تيجارات جۇرگىزۋگە رۇقسات ەتۋ ەرەجەسى اقاۋسىزداندىرىلدى.
تەحنيكالىق قىزمەت كورسەتۋ جاعىنان تىرەك بولۋ كۇشەيتىلدى. ساپا، تەحنيكا جاعىنان سۇيەمەلدەۋدىڭ ”ساپانى جوعارىلاتىپ، كاسىپورىندى الۋەتتەندىرۋ“ 3 جىلدىق ارەكەتى ورىستەتىلىپ، 2023 - جىلى جيىنى 96 مىڭ كاسىپورىن سۇيەمەلدەندى، مۇنىڭ ىشىندە ورتا، شاعىن، ۇساق كاسىپورىندار مەن جەكەشە ونەركاسىپشىلەر، ساۋداگەرلەر 75 مىڭ بولىپ، 40 مىڭنان استام ساپا ماسەلەسىن شەشۋگە كومەك كورسەتىلدى. ”شاعىن، ۇساق كاسىپورىندار مەن جەكەشە ونەركاسىپشىلەردىڭ، ساۋداگەرلەردىڭ ساپا باسقارۋ جۇيەسىن كۋالاندىرۋ، جوعارىلاتۋ ارەكەتى“ ۇزدىكسىز ىشكەرىلەي ورىستەتىلدى. ”كاسىپورىنداردىڭ ساۋدا قۇپيالىعىن قورعاۋ قابىلەتىن جوعارىلاتۋعا قىزمەت وتەۋ ايى“ قيمىلى وتكىزىلىپ، 2 مىڭ 102 رەت كاسىپورىنداردىڭ ساۋدا قۇپيالىعىن قورعاۋ تالابى مەن قيىنشىلىعى سايكەستىرىپ شەشىلدى.
ساۋدا ورتاسى ۇزدىكسىز ساپالىلاندىرىلاى. زاڭمەن جونگە سالۋ ەڭ جاقسى تيجارات - ساۋدا ورتاسى دەگەندە تاباندى بولىنىپ، كاسىپورىنداردى تىركەۋگە الىپ باسقارۋ، مونوپوليالاۋعا قارسى تۇرۋ، جوسىقسىز باسەكەگە قارسى تۇرۋ، ازىق - تۇلىك، ءدارى - دارمەك حاۋىپسىزدىگى، تۇتىنۋشىلاردىڭ ۇقىق - مۇددەسىن قورعاۋ سياقتى كوپتەگەن زاڭدارعا، اكىمشىلىك زاڭ - ەرەجەلەرگە وزگەرىس ەنگىزۋ بەلسەنە ىلگەرىلەتىلىپ، 88 تاراۋدىڭ ەرەجەسى جاساپ شىعارىلدى. حالىقتىق شارۋاشىلىقتىڭ دامۋىن، زورايۋىن جەبەۋ جونىندەگى پىكىر مۇقيات تياناقتاندىرىلىپ، ءتۇرلى مەنشىكتەگى شارۋاشىلىقتى تەڭ تۇرعىدا قورعايتىن زاڭمەن باسقارۋ ورتاسى اقاۋسىزداندىرىلدى. 2023 - جىلدىڭ سوڭىنا دەيىن حالىقتىق كاسىپورىندار 53 ميلليوننان اسىپ، كاسىپورىن جالپى مولشەرىنىڭ %92 تەن استامىن ۇستادى.
كەلەسى قادامدا مەملەكەتتىك بازار باقىلاۋ - باسقارۋ باس مەكەمەسى تيجارات تۇلعالارىنىڭ بازارعا كىرۋىنە رۇقسات ەتۋ، تيجارات جۇرگىزۋگە رۇقسات ەتۋ ءتۇزىمىن ۇزدىكسىز كەمەلدەندىرەدى؛ ساياساتتىق قولداۋدى كۇشەيتىپ، دالمە - ءدال سۇيەمەلدەۋدى ورىستەتىپ، ءتۇرلى تيجارات تۇلعالارىنىڭ تيپىن وزگەرتىپ، دارەجەسىن جوعارىلاتۋىنا قولداۋ كورسەتەدى؛ تيجارات قيمىلى بارىسىندا ءدوپ كەلگەن ءىس جۇزىندىك قيىنشىلىقتاردى، اسىرەسە، تۇزىمدىك كەدەرگىلەردى شەشۋدى دەر كەزىندە ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
