مەملەكەتتىك كەڭەس «كەڭ كولەمدى جابدىقتاردى جاڭالاۋ جانە تۇتىنۋ بۇيىمدارىنىڭ كونەسىن جاڭاسىنا اۋىستىرۋدى ىلگەرىلەتۋ ارەكەت جوباسىن» باسىپ تاراتتى
2024.03.14 16:54 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 13 - كۇنى، بەيجيڭ. بىرنەشە كۇننىڭ الدىندا مەملەكەتتىك كەڭەس «كەڭ كولەمدى جابدىقتاردى جاڭالاۋ جانە تۇتىنۋ بۇيىمدارىنىڭ كونەسىن جاڭاسىنا اۋىستىرۋ ارەكەت جوباسىن» (تومەندە قىسقاشا «ارەكەت جوباسى» دەلىنەدى) باسىپ تاراتتى. «ارەكەت جوباسى» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسى مەن ورتالىق قازىنا - ەكونوميكا كوميتەتى 4 - ءماجىلىسىنىڭ ورنالاستىرۋلارىن دايەكتىلەندىرىپ، تياناقتاندىرىپ، ىشكى سۇرانىستى كەڭەيتۋ مەن قامداۋ جاعىنداعى قۇرىلىمدىق رەفورمانى تەرەڭدەتۋدى ءبىر تۇتاس جوسپارلاپ، بازاردى نەگىز ەتۋدە، ۇكىمەت جەتەكشىلىك ەتۋدە تاباندى بولىپ، وزاتتاردى شابىتتاندىرىپ، ارتتا قالعانداردى قاتاردان قالدىرىپ، ولشەم ارقىلى جەتەكشىلىك ەتىپ، ءتارتىپتى جوعارىلاتىپ، جابدىقتاردى جاڭالاۋ، تۇتىنۋ بۇيىمدارىن كونەسىن جاڭاسىنا اۋىستىرۋ، جيناپ الىپ اينالمالى پايدالانۋ، ولشەمدى جوعارىلاتۋ سىندى 4 ۇلكەن ارەكەتتى اتقارىپ، وزىق جابدىقتاردى ءوندىرۋ، قولدانۋدى كۇش سالا جەبەپ، وزىق ءوندىرىس قۋاتىنىڭ سالىستىرماسىن ۇزدىكسىز جوعارىلاتۋدى ىلگەرىلەتىپ، ساپالى، شىدامدى تۇتىنۋ بۇيىمدارىنىڭ تۇرعىنداردىڭ تۇرمىسىنا اناعۇرلىم كوپ كىرۋىن ىلگەرىلەتىپ، بايلىقتان اينالمالى پايدالانۋ تىزبەگىن ىركىلىسسىزدەندىرىپ، حالىق شارۋاشىلىعىنىڭ اينالىم ساپاسى مەن دەڭگەيىن بارىنشا جوعارىلاتۋ كەرەك.
«ارەكەت جوباسىندا» مىنالار العا قويىلدى: 2027 - جىلعا بارعاندا، ونەركاسىپ، اۋىل شارۋاشىلىعى، قۇرىلىس، قاتىناس، وقۋ - اعارتۋ، مادەنيەت، ساياحات، ەمدەۋ سياقتى سالالارداعى جابدىقتارعا قارجى قوسۋ كولەمى 2023 - جىلداعىدان %25 تەن استام ارتتىرىلادى؛ ءتۇيىندى سالالارداعى نەگىزگى ەنەرگيا جۇمسايتىن جابدىقتاردىڭ ەنەرگيا ونىمدىلىگى نەگىزىنەن ەنەرگيا ۇنەمدەۋ ورەسىنە جەتىپ، قورشاعان ورتانى قورعاۋ ونىمدىلىگى A دارەجەلى ورەگە جەتكەن ءوندىرىس قۋاتىنىڭ سالىستىرماسى زور دارەجەدە جوعارىلاتىلىپ، كولەمدەنگەن ونەركاسىپ كاسىپورىندارىنىڭ سيفرلاندىرىلعان زەرتتەۋ - اشۋ، جوبالاۋ قۇرالدارىنىڭ جالپىلاسۋ شاماسى، شەشۋشى جۇمىس ءتارتىبىنىڭ سيفرلاندىرىلعان مەڭگەرۋ شاماسى جەكە - جەكە %90 تەن، %75 تەن اسىرىلادى؛ جاراقسىز اۆتوموبيلدەردى جيناپ الۋ شاماسى 2023 - جىلداعىدان شامامەن ءبىر ەسە ارتتىرىلادى، ەكىنشى قول اۆتوموبيلدەردىڭ ساۋدا مولشەرى 2023 - جىلداعىدان %45 ارتتىرىلادى، جاراقسىز، كونە ءۇي ەلەكتر جابدىقتارىنىڭ جيناپ الۋ مولشەرى 2022 - جىلداعىدان %30 ارتتىرىلادى، قايتا تۋىندايتىن ماتەريالداردىڭ بايلىقپەن قامداۋداعى سالىستىرماسى ونان ارى جوعارىلاتىلادى.
ارەكەت جوباسىندا 5 جاقتاعى 20 ءتۇرلى ءتۇيىندى مىندەت ايقىندالدى. ءبىرىنشى، جابدىقتاردى جاڭالاۋ ارەكەتىن اتقارۋ. ءتۇيىندى سالالارداعى جابدىقتاردى جاڭالاۋدى ىلگەرىلەتىپ، قۇرىلىس جانە قالا نەگىزدىك قۇرىلعىلارى سالاسىنداعى جابدىقتاردى جاڭالاۋدى جەدەلدەتىپ، قاتىناس - تاسىمال جابدىقتارى مەن كونە اۋىل شارۋاشىلىق ماشينالارىن جاڭالاۋعا قولداۋ كورسەتىپ، وقۋ - اعارتۋ، مادەنيەت، ساياحات، ەمدەۋ جابدىقتارىنىڭ دەڭگەيىن جوعارىلاتۋ كەرەك. ەكىنشى، تۇتىنۋ بۇيىمدارىنىڭ كونەسىن جاڭاسىنا اۋىستىرۋ ارەكەتىن اتقارۋ. اۆتوموبيل، ءۇي ەلەكتر جابدىقتارى ونىمدەرىنىڭ كونەسىن جاڭاسىنا اۋىستىرۋدى ورىستەتىپ، ءۇي جيھازدارى تۇتىنۋ بۇيىمدارىن جاڭاسىنا اۋىستىرۋدى ىلگەرىلەتۋ كەرەك. ءۇشىنشى، جيناپ الىپ اينالمالى پايدالانۋ ارەكەتىن اتقارۋ. جاراقسىز، كونە ءونىم جابدىقتارىن جيناپ الۋ تورابىن كەمەلدەندىرىپ، ەكىنشى قول تاۋار اينالىمى ساۋداسىن قولداپ، قايتالاي جاساۋ مەن ساتىلى پايدالانۋدى تارتىپپەن ىلگەرىلەتىپ، بايلىقتان جوعارى دەڭگەيدە قايتا پايدالانۋدى ىلگەرىلەتۋ كەرەك. ءتورتىنشى، ولشەمدى جوعارىلاتۋ ارەكەتىن اتقارۋ. ەنەرگيا سارىپ ەتۋ، ىعىستىرۋ، تەحنيكالىق ولشەمدى جەدەل كەمەلدەندىرىپ، ونىمدەردىڭ تەحنيكالىق ولشەمىن جوعارىلاتۋدى كۇشەيتىپ، بايلىقتان اينالمالى پايدالانۋ ولشەممەن قامداۋدى كۇشەيتىپ، ءتۇيىندى سالالارداعى ەل ءىشى مەن حالىقارا ولشەمدەرىنىڭ ۇشتاسۋىن كۇشەيتۋ كەرەك. بەسىنشى، ساياساتتىق قامتاماسىزداندىرۋدى كۇشەيتۋ. قازىنا ساياساتىمەن قولداۋ تەبىنىن ارتتىرىپ، سالىق جاعىنان قولداۋ ساياساتىن كەمەلدەندىرىپ، فينانستىق قولداۋدى ساپالىلاندىرىپ، فاكتورلىق قامتاماسىزداندىرۋدى كۇشەيتىپ، جاڭالىق اشۋ تىرەگىن كۇشەيتۋ كەرەك.
«ارەكەت جوباسىندا» مىنالار تالاپ ەتىلدى: جەر - جەر، تاراۋلار پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، قىزمەت مەحانيزمىن كەمەلدەندىرىپ، ءبىر تۇتاس سايكەستىرۋدى كۇشەيتىپ، ساياساتتىق تۇسىنىك جاساۋدى ويداعىداي ىستەپ، كەڭ كولەمدى جابدىقتاردى جاڭالاۋ مەن تۇتىنۋ بۇيىمدارىن كونەسىن جاڭاسىنا اۋىستىرۋدى ىلگەرىلەتەتىن تاماشا قوعامدىق راي قالىپتاستىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
